Filemoŋ 1:22 - JAA TƏMARWAŊ

²² Bədoona ana gəm, ɗampan ko bə isi la gəm gud minti ten bə ɗiki minti, Pepeŋ əskəŋ toose nəətiŋ yaŋ, daana wə ayan kəkəy yaŋ bə hare səraŋ na.

Filemoŋ 1:22 Iomraidhean Croise

JOŊRE 27:24

Wə waatənan minti: ‹Pol, walka a jəm ba! Gud maa mo tam ɗe wəra kəm tiinə kumna boblo Sezara. Ana pa, Pepeŋ də bele nuutuŋ bə minti wə bə jəm dəma sarəmaŋ, yaake hulum anə məna gud kaa gə minti aŋ bə gəryi diiri keɗeŋ bə bese wəra ba.›

JOŊRE 28:23

Kəya yə ŋəmaŋ hi baalaŋ duuru bə ŋefe də kumsi. Hi bə minti yə a ŋəmnu tuukuŋ kəyaŋ, yə bəŋ girdu da máŋ ablaw dəŋaŋ bə minti yə a bəŋ acekjew. Bədoona ta, də ko bə bəbəgiŋ hãã cəwa ɗeŋ a dere adawra kurmusi, Pol bə tupuy bəlam də kela cəərə *Kumna kə Pepeŋa daana cəərə Yeesu. Wə bə kay diri də *ku gili kə *Moyisiŋ daana də kel gə minti *kaa kə jogte ku mini kə Pepeŋ a jiiriniy wəraŋ, minti kel gə minti tó wəətəy cəərə Yeesu ha'aŋ, yə gəəzi.

ROMEŊ 15:24

A ɗiki dəna wə bə de ku yaŋ máŋ wəra də ko bə minti ten he kəkəy bə ɗe giidə seŋka də Espay. Gud maa mo ten də caadə ŋefe dəərəŋ a kəkəy bə minti ten bə raawe yaŋ ada naŋ daana minti aŋ kəyan la ku gəryi toŋa. Ten bə raawe yaŋ ada na haa də ko bə minti áŋ əsəŋ ne də kumsə áŋ hãã bə minti ten gaanaŋ tolka dəŋ ne wəraŋ.

II KOREŊTƏŊ 1:11

Aŋ də kusrəŋ, aŋ bə keye are də toose nəəti bə cəərə areŋ. Bədoona ana ta, Pepeŋ ji pisi yaŋ sar are gud toose kə kaa kə ablaw bə cəərə areŋa. Kel teŋ kole yaŋ karman bə minti kaŋ ablaw bə jəw suuse gud kel də are gəm.

FILIPIŊ 1:19

Gud maa mo, ten wəra bə asə-ase minti, kel teŋ gila keɗe ɗe a awe ciiri haa bə seeren, gud bə minti aŋ bə toose cəərəna daana Tiiru kə Yeesu Kristu bə kəyana ada gəm.

FILIPIŊ 2:24

Barkaŋ malnan ɗiki dən wəra minti, ten də kusrən, ten bə hare yaŋ kanna ga'i bə ɗe a helɗeŋ gəm.

HEBEREŊ 13:19

Ten bə mante kaasəŋa ablaw daŋgeŋ haa minti aŋ toosə Pepeŋ la minti wə ayan kəkəy la bə hare səraŋ na pisi cəlammaŋ.

HEBEREŊ 13:23

Aŋ asə la gəm minti seenə áŋ Timoteŋ hebkəna paapa a daŋgaya pəda, wə wəra bə gaa-ge. Wə tulnun ne ga'iŋ, are ɗe yaŋ na a goloŋ.

ZAKI 5:16

Gud teŋa ta, aŋ kaa kuŋ la wəra cəərə baymele nəətiŋa tiinə kumsəŋa daana aŋ toosə la cəərə kumsəŋa kir minti aŋ seerə la wəra. Toose kə hulum bə minti dər Pepeŋa ɗekeriŋ də səɓaki ablaw.

II ZAŊ 1:12

Kar gaalaŋ yaŋ ablaw gə minti ten bele waataŋ dəŋ, səma ten bele jiiri a keftera ba. Ten bə ɗiki bə ɗe na a helɗeŋ. Áŋ ɗe a nele yaŋ máŋ ku kumsə áŋa, kir minti waaleŋ ɗosə ku tarmə áŋ la wəra feh-fehiŋ.

III ZAŊ 1:14

Ten bə ɗiki minti ten ɗe yaŋ gerdem na hõy ga'i. A ko toŋa áŋ bə nele yaŋ máŋ ku kumsə áŋa.