Filemoŋ 1:17 - JAA TƏMARWAŊ

¹⁷ Jəəne minti tam bə aŋkəna bə gom dəm ana a de náŋ bə gud Pepeŋaŋ, daw irku du la damdi tam sə a don irku dən gerdəma bədoona ana gəm.

Filemoŋ 1:17 Iomraidhean Croise

MATIYE 10:40

«Hulum bə minti doonoŋ irku dəŋ ne, wə doonon haa irku dən faɗi. Hulum bə minti doonon irku dən neŋ, wə doŋ haa irku də Hulum bə minti a gaanan da.

MATIYE 18:5

Hulum bə minti doŋ kel də beebe konce ne damdi naytoŋ gil kəna ana gud səmanaŋ, wə doŋ haa kel katən gadi faɗi.

MATIYE 25:40

Kəya kumnaŋ wəətəy yaŋ minti: ‹Gəəzi ten waataŋ, saksaki də bə minti aŋ jəŋ kumsə kel teŋ ne kəya sar kəsaanaŋ té gə kerpə-kerpeŋa lakaŋ, aŋ jəŋ kel teŋ haa sarəna faɗi.›

JOŊRE 16:15

Yə jəənə batem wəra də gə gerdaŋ keɗe. Adoro a mantaŋ are, a minti: «Aŋ asaŋ wəra hebkəna aŋ də kusrəŋ gəm minti ten wəra də doo-de gud Barkaŋa tə kəm, aŋ bəəda a isi gerdəna máŋ ta.» Kəya a nuutu ku are helew-helew minti are doo haa la.

II KOREŊTƏŊ 8:23

Titi haa hulum bə minti are ji joŋreŋ də kumsə areŋ, are bə jəwa a nəənəŋ hebkəna haa duuru. Kə kəsaanə áŋ gə guuduŋ, vəənəy na haa kaa kə Tapiŋ, yə haa kaa gə minti bə veɗe boblo kə Kristuŋa wəra də joŋre neeteŋ gəm.

EFESIŊ 3:6

Hel də metə-mete taŋ haa minti bəŋa: kaa gə minti teŋ paapa gə Ziwifi baŋ, gud tepe neeteŋa də Yeesu Kristuŋ, yə fele pisi bə minti Pepeŋ əyu a áŋ kaanə Ziwifiŋ gəm. Gud *Kel pəsaŋ kəmarwaŋa, yə təpaŋ wəra də áŋ kusrə hulum bə məna'i daana kar gə minti Pepeŋ a waataŋ wəra minti tó əyəy a kaa kə toŋ, yə fələy gəm.

FILIPIŊ 1:7

Haa pisi bə minti ɗiki dən cəərəŋa bədoona ana'iŋ, gud bə minti aŋ wəra gə kalə-kele ku tarməna anə haɗak-haɗaki. Gud maa mo, aŋ gə falə-fele pisi kə Pepeŋ dəərən kir minti aŋ kəyan la də ko bə minti ten hebkəna a daŋgaya daana bə minti ten bə kuuri də kəəti gud Kel pəsaŋ kəmarwaŋ kə Pepeŋa, bə yəəkəy wəra kaŋkaŋ də səɓakiŋ.

I TIMOTE 6:2

Kaayaŋ gə minti kəmnə diŋ kaa kə doo-deŋ, kafkam teŋ a ŋorye bay humi kosoŋ ciiri minti yə máŋ kəsaanə té ɗaw ba. Yə jəy joŋreŋ la pisi jəə ɗaw, gud minti kaa gə minti yə jəy joŋreŋ a niini ha'aŋ, yə haa kəsəəni gə doo-de gə minti yə bələy. Haa ta'i kənaŋ kel gə minti tam kir hətəy daana kir wəətəy.

Filemoŋ 1:10

ten bele jəm kamkam cəərə kormon Onesima. Wə koloŋ kormon a ko bə minti ten wəra kəna a daŋgayaŋ.

Filemoŋ 1:12

Hebkəna ha'aŋ, ten bə haram dəm na səram na, wə haa karmə giidən.

Filemoŋ 1:18

Jəəne minti wə a jəənəm kel kə bayməlaŋ ne sarəmaŋ, kumundu ba wə haanam karman nəmti ne nuutu ɗawmay, əŋku la máŋ hebkəna cəərəna.

HEBEREŊ 3:1

Gud teŋa aŋ kəsaanan gə minti Pepeŋ mantənaŋ wəra minti aŋ kolə la kaa kə toŋ, aŋ malə dərəŋ la cəərə Yeesu, hulum bə minti Pepeŋ gəənuŋ. Wə haa *kumna boblo bə keere bə minti tepe aduubə də áŋ də Pepeŋ, áŋ gə doo-de gud kel teŋaŋ.

HEBEREŊ 3:14

Jəəne minti áŋ əsəŋ ne ŋəŋ a de náŋ bə minti áŋ a doŋ də ajew bədoonaŋ hãã a tewe də hiti náŋaŋ, áŋ haa kaa gə minti bə ji joŋre də Kristu keɗe.

ZAKI 2:5

Aŋ kəsaanan gə minti giidən bəlaŋ, aŋ əskə la wəra pisi. Kaa gə minti gole dər kaa gə cəərə seŋkaŋa kəna də caaca ha'aŋ, Pepeŋ ŋəmnəy haa minti tó əyəy hurma də minti yə doŋ gud Yeesu Kristuŋ, daana bə əyəy kumna nuutu bə minti wə a wəətunu səmu wəra kaŋkaŋ minti tó əyu a kaa gə minti bele toŋ keɗe'i.

I PIYER 5:1

Ten waate hebkəna haa kaa kəmtəŋ gə tiinə kaa kə Tapi gə adəwaldəŋ. Ten də kusrən haa hulum bə tiinə kaa gəm, lasi də minti Kristu saanaŋ, ten asna də dərən daana məyan nuutu də minti Pepeŋ bə vaɗə yaŋ wəra a kaŋ, ten bə fele yaŋ ada gəm. Ten bə wəətiya wəra anə kaŋkaŋ haa kənaŋ minti

I ZAŊ 1:3

Bədoona ana, kel gə minti are əsnəy, gə minti are jiɓriniŋ, are waataŋ dəŋ wəra gəm kir minti aŋ tapə la məna də are. Tepe naareŋ haa minti are gə tapə-tepe də Bar áŋ Pepeŋ, də Kurmuyuŋ Yeesu Kristuŋ gəm.