Filemoŋ 1:16 - JAA TƏMARWAŊ

¹⁶ paapa bə kafkam ana təwa pəda, wə dəŋaŋ kafkam, wə koloŋ máŋ seenə áŋ bə minti giidə áŋ bəlu ablaw. Wə ha'aŋ, giidən bəlu ablaw, tam ha'aŋ, tam bə bəlu máŋ dəŋaŋ teŋ ɗaw gud maa mo wə haa hulum kisirki gəm, daana wə seenem gud Barkaŋa pa.

Filemoŋ 1:16 Iomraidhean Croise

MATIYE 23:8

Səma nəətiŋ ha'aŋ, aŋ a yaake hulum bə mantəŋa minti ‹hulum bə hateŋ› ba. Gud maa mo, hulum bə hataŋ wə haa ɗaaməna faɗi, aŋ kaa kaayaŋ teŋ keɗe kəsaanə kumsuŋ.

JOŊRE 9:17

Kəya Ananiyasi kooroŋ faɗi. Wə ɗeŋ a tuuki sar kuli bə minti Sol ada kəyaŋ, wə kəlaŋ aləw na guudu na faɗi. Kəya wə məlaŋ kəəsu cəərə Sola, wə wəətunu minti: «Sol seenenti, Barkaŋ Yeesu bə minti vəɗaŋ dərəm da a kəkəy bə minti tam bə bi daŋ, gaanan da haa tó, kir minti dərəm harə la bə ase daana Tiiru Cetcetaŋ ɗosom ku tarməyam la wəra keɗe gəm.»

I KOREŊTƏŊ 7:22

Gud maa mo, kafkam bə minti Pepeŋ məntunu wəra bə tepe də Barkaŋ, haa kafkam bə minti Barkaŋ wəra bə bədə-bidi duuru. Kə hulum bə minti Pepeŋ a məntunu, wə a paapa kafkam baŋ, wə haa kafkam kə Kristu ɗaw.

KOLOSIŊ 3:22

Aŋ kafkam, aŋ humi kosoŋ la cəərə kəmnə dəŋa kəna adawra cəərə kela keɗe. Aŋ a ji joŋre nəətiŋ a ko bə minti yə bə goloŋ cəərəŋaŋ təwa, də ɗikiŋ minti aŋ jəə la diri pəsaŋ ŋaanaanə moŋ ba. Səma aŋ jəə joŋreŋ la də ku tarməyaŋ pəsaŋ gud bə minti aŋ bə ji kese də Barkaŋa.

I TIMOTE 6:2

Kaayaŋ gə minti kəmnə diŋ kaa kə doo-deŋ, kafkam teŋ a ŋorye bay humi kosoŋ ciiri minti yə máŋ kəsaanə té ɗaw ba. Yə jəy joŋreŋ la pisi jəə ɗaw, gud minti kaa gə minti yə jəy joŋreŋ a niini ha'aŋ, yə haa kəsəəni gə doo-de gə minti yə bələy. Haa ta'i kənaŋ kel gə minti tam kir hətəy daana kir wəətəy.

HEBEREŊ 3:1

Gud teŋa aŋ kəsaanan gə minti Pepeŋ mantənaŋ wəra minti aŋ kolə la kaa kə toŋ, aŋ malə dərəŋ la cəərə Yeesu, hulum bə minti Pepeŋ gəənuŋ. Wə haa *kumna boblo bə keere bə minti tepe aduubə də áŋ də Pepeŋ, áŋ gə doo-de gud kel teŋaŋ.

I ZAŊ 5:1

Mindi mo doŋ ne minti Yeesu haa *Hulum bə minti Pepeŋ ŋəmnuŋ, hulum toŋ haa kormə Pepeŋ. Mindi mo bə minti bele Bar áŋ Pepeŋ, wə bele kərmuyuŋ gəm.