Filemoŋ 1:1 - JAA TƏMARWAŊ

¹ Jeere kefter toŋ haa kəya ten Pol, ten bə minti yə doonon a daŋgaya gud kel də Yeesu Kristuŋ. Are bə jiiru daana seenə áŋ Timote. Are jeere kefter toŋ a nəənəm Filemoŋ, tam bə minti daarə areŋ, daana tam kumsə are bə joŋreŋ.

Filemoŋ 1:1 Iomraidhean Croise

JOŊRE 16:1

Kəya Pol ɗeŋ a tuuki giidə vil də Derbeŋ, wə raawaŋ giidə vil də Listərəŋ gəm. Wə ŋəfaŋ də hulum bə doo-de ada, səmu minti Timote. Nuru həlgə də doo-de, kamnaŋ gə Ziwifi, səma buruŋ hulum bə Gereki.

I KOREŊTƏŊ 3:9

Gud maa mo are haa a joŋre kə Pepeŋa keɗe. Aŋ haa damdi aka də minti Pepeŋ bə kəɗaŋ ana, damdi kuli bə minti wə bə hursuŋ ana gəm.

II KOREŊTƏŊ 1:1

Jeereŋ kefter toŋ kəya haa ten Pol, *hulum bə gaa-ge kə Kristu Yeesuŋ, gud giidu gə bele kə Pepeŋa. Are jiirunu haa də seenə áŋ Timoteŋ, a aŋ kaa kə Tapi gə Koreŋtəŋ daana a kaa kə Pep gə giidə seŋka də Akay keɗe gəm.

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

EFESIŊ 3:1

Gud teŋa ta, ten Pol, ten toose nin haa Pepeŋ. Ten a daŋgaya gud joŋre kə Yeesu Kristuŋa gud aŋ gə minti paapa gə Ziwifi baŋ.

EFESIŊ 4:1

Bədoona ta, ten bə minti a daŋgaya gud joŋre kə Barkaŋaŋ, ten bə jəŋ kamkama minti: ɗe dəŋ jəə la bə tapə-tepe də mante bə minti Pepeŋ mantənaŋ da duuruŋ ha'aŋ ana gəm.

EFESIŊ 6:20

Ten nuutu kəm hebkəna a daŋgaya, də teŋ keɗe ten haa hulum bə gaa-ge kə Kel pəsaŋ kəmarwaŋ teŋ. Bədoona ana ta, aŋ toosə la cəərəna kir minti ten wəətəy la wəra bay walka damdi ten sə a wəətəy ana.

FILIPIŊ 1:1

Jeere kefter toŋ haa are anə Pol də Timote, are kaa kə joŋre kə Yeesu Kristuŋ. Are jiiru haa a kaa kə Pepeŋ gud tapi neeteŋa də Yeesu Kristuŋ, gə minti giidə seŋka də Filipiŋaŋ, a kaa kəmtəŋ gə tiinə kaŋ daana a kaa kə joŋre neeteŋ gə giidə kuli kə Pepeŋ.

FILIPIŊ 2:25

Aŋ gaŋ Epafroditi da minti, kar gə minti ten də caadiŋ, wə kəyan la ciiri. Wə haa seenən bə doo-deŋ, are jəŋ joŋreŋ daana are jəŋ duuriŋ cəərə Kel pəsaŋ kəmarwaŋa haa duuru keɗe. Bə hebkənaŋ, ɗiki dən məlaŋ haa minti ten haraŋ na máŋ kəm haa tó.

FILIPIŊ 4:3

Ten bə waatəma gəm, tam seenən bə minti jəŋ joŋreŋ dəərən anə ɓet-ɓetiŋ, kayə kəram té ɓasiŋ la bə tepe kuya, gud bə minti are kuuruŋ bə waate *Kel pəsaŋ kəmarwaŋa wəra a kaŋ haa də kumsə are keɗe. Kelemaŋ də kaa gə minti are jəŋ joŋreŋ diiri keɗe, gə minti Pepeŋ jiiriniy səməy giidə kefter kə kaa gə minti fəlaŋ dədərgə də bay teweŋ, jəŋ joŋreŋ də are gəm.

KOLOSIŊ 1:1

Jeere kefter toŋ kəya haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Are təpaŋ də seenə áŋ Timoteŋ bə jeereŋ kefter toŋ na

KOLOSIŊ 4:11

Yeesu bə minti yə tukɗu minti Zustisiŋ, bə mirkiŋ na gəm. Gud kaa kə doo-de gə Ziwifiŋa, té soope'iŋ laka təwa bə ji joŋreŋa dəərən cəərə kel kə *Kumna kə Pepeŋaŋ. Yə haa kaa gə minti teŋnen dərən ablaw faɗi.

1 TESALONIKIŊ 3:2

Kəya are gaanaŋ Timote haa naŋ. Wə haa seenə áŋ bə minti are bə ji joŋre kə Pepeŋa bə waate *Kel pəsaŋ kəmarwaŋ cəərə Kristu də kumsə areŋ. Are gəənu səraŋ na ha'aŋ, minti wə ɗee la a ayaŋ səɓaki daana teŋe bə dər minti aŋ doo la ŋəŋ gud Pepeŋa,

II TESALONIKIŊ 1:1

Jeere kefter toŋ haa kənaŋ are anə Pol, Silasi, də Timote. Are jiiru haa a aŋ kaa kə Tapi gə giidə vil də Tesalonikiŋ, gə minti wəra gə tapə-tepe də Pep Bar áŋ daana də Barkaŋ Yeesu Kristu.

II TIMOTE 1:8

Bədoona ana ta, a ji kese bə waate kel wəra cəərə Barkaŋ náŋa ba. Ten bə minti hebkəna a daŋgaya gud kel duŋ, a ji kese kaasəna bə gəm. Səmaŋa, saa lasiŋ la gud *Kel pəsaŋ kəmarwaŋ kə Pepeŋa akas tena ana gəm də səɓaki də minti Pepeŋ aynam dəm.

Filemoŋ 1:23

Epafrasi bə minti are a daŋgaya də kumsi gud kel də Yeesu Kristuŋ bə mirkim na pis-pisi.

Filemoŋ 1:24

Anə Markə daana Aristarkə, Demasi, də Liki gə minti are a joŋreŋa də kumsiŋ bə mirkim na gəm.

Filemoŋ 1:9

də teŋ keɗe ten bele haa ɗaw minti ten mante karman kaasəma də kamkam gud beleŋa. Damdi ten Pol ana, ten hulum pəərəŋki bə minti hebkəna a daŋgaya gud kel də Kristuŋ,