EFESIŊ 5:9 - JAA TƏMARWAŊ

⁹ Gud maa mo, karman bə minti hulum fəlu gud ɗe bə dər pəɗakiŋa ha'aŋ, haa bə minti wə kole wəra hulum pisi, ɗekeri, daana bə gəəzə-gəəzi.

EFESIŊ 5:9 Iomraidhean Croise

MATIYE 3:8

Aŋ jəə la haa kar pəsaŋ bə ge dər kaŋ wəra minti aŋ koloŋ kerkeŋ ne wəra a baymele nəətiŋ gəəzi.

Kel pəsaŋ kəmarwaŋ gə minti Zaŋ jiiriniy 1:47

Yeesu asaŋ Nataniyel bə ɗe da suru da kaydaŋ, wə əsəŋ bə waate cuuru faɗi minti: «Hulum bə Israyel bə gəəzə-gəəziŋ day caw səraŋ daŋ ta. Ŋete bə kel paapa giidu ba.»

ROMEŊ 15:14

Kəsaananti, ten toŋ wəra bə asə-ase cəərəna kaŋkaŋ minti aŋ haa kaa kə ji pisi ablaw faɗi daana minti ase bə kar keɗe bə minti aŋ kir əsuŋ, aŋ gə asə-ase duuru. Aŋ gə nakə-neke bə keye kumsəŋ də kel kə waate gəm.

ROMEŊ 2:4

Ɗalba pisi boblo bə minti Pepeŋ jəw, kel gə minti wə jəm daŋgay dəm hebkən-hebkəna faɗi baŋ, daana mi nuutu bə ku kel, yə gole dərəma haa kel kə bagŋ mo? Tam paapa bə asə-ase bə mo minti wə jəŋ pisi toŋ sarəma haa kir minti tam nakə la bə kolə kerkem a baymele nəmtiŋ?

EFESIŊ 4:15

Səma áŋ jəəne bə waate gəəziŋa də beleŋ guudu ɗaw, áŋ si yaŋ wəra agal də kara keɗe bə Kristu tó bə minti cəərə áŋ ana.

EFESIŊ 4:25

Gud teŋa ta, aŋ yaakə ŋete bə kel la wəra. Mindi mindi mo aduubə dəŋa waatə gəəziŋ la a kumsuŋ, gud maa mo, áŋ keɗe haa kar də kusrə hulum məna'i.

EFESIŊ 6:14

Aŋ əsə la wəra máŋ gə ganə-gene. Gəəziŋ jəə la tawraŋa damdi aŋ ge karkataawa tawraŋa ana. Ɗeker jəə la saraŋa damdi aŋ tere koroŋ saraŋa ana.

FILIPIŊ 1:11

Kəya ɗe dəŋ ji yaŋ saksaki ɗeker gud səɓaki kə Yeesu Kristuŋa, kir minti kaŋ haa cəərə Pepeŋ la apəya, yə tukɗu la gud teŋa gəm.

KOLOSIŊ 3:18

Aŋ kəram, aŋ doo ku kaŋkar nəətiŋ la. Haa karman bə minti kəram gə minti teŋ kə Barkaŋ kir jəw.

I TIMOTE 6:11

Səma nəmtiŋ, tam toŋ hulum kə Pepeŋ, haa giidim la wəra sə kar teŋa. Goldə la haa kəkəy bə minti tam jəə la ɗeker tiinə Pepeŋa, tam ɗee la haa ɗe bə minti giidə Pepeŋ bəluŋ. A yaake de nəmti ba, jəə beleŋ la sar kumsuma, halə gəəli la daana jəə kusrum la sããya gəm.

HEBEREŊ 1:8

Səma cəərə Kurmuyuŋaŋ, wə minti: «Tam haa Pepeŋ, tam bə isi yaŋ cəərə jaaŋa də kumnaŋa bə faɗnə-faɗna. *Kumna bə minti tam həmuŋ, haa kumna ɗekeriŋ.

HEBEREŊ 11:33

Gud deŋa, yə təkaŋ seŋka, yə hamtaŋ kəkamna neeteŋ haa bə ji ɗekera, yə faltaŋ kar gə minti Pepeŋ a wəətənəy səməy wəra a niiniŋ. Yə ɓəktəŋ ku googoŋ wəra,

I ZAŊ 2:29

Aŋ wəra gə asə-ase minti Kristu, wə ɗeker. Gud teŋa ta, aŋ asə la wəra gəm minti, mindi mindi mo bə minti bə ji kel ɗekeriŋaŋ, wə haa kormə Pepeŋ.

III ZAŊ 1:11

Tam bə minti giidən bəlam ablaw, a he bəlam də baymeleŋ ba, səma haa la haa bəlam də pisiŋ. Hulum bə minti ji pisiŋ, wə kə Pepeŋ. Hulum bə minti ji baymeleŋ asaŋ Pepeŋ ba.