EFESIŊ 5:8 - JAA TƏMARWAŊ

⁸ A dayday, ko bə tilməŋ a jəŋ haa aŋ faɗi. Səma bə hebkənaŋ ha'aŋ, gud tepe nəətiŋa də Barkaŋ, ko bə pəɗakiŋ máŋ haa aŋ faɗi gəm. Gud teŋa ta, ɗe dəŋ jəə la haa kə kaa kə ko bə pəɗakiŋ.

EFESIŊ 5:8 Iomraidhean Croise

MATIYE 3:8

Aŋ jəə la haa kar pəsaŋ bə ge dər kaŋ wəra minti aŋ koloŋ kerkeŋ ne wəra a baymele nəətiŋ gəəzi.

MATIYE 4:16

Kaa gə minti ɗe dər tilməŋa bə ase pəɗaki mooto-mootoŋ yaŋ bə welɗe ciiri. Kaa té gə minti ɗe dər tilməŋa damdi kaa kə mee-me anaŋ, Pepeŋ bəŋ də pəɗakiŋ a niini.»

LIKI 1:79

bə wele kaa gə minti gə əsə-isi dər tilməŋaŋ, kaa gə minti ku meŋaŋ, daana bə ɗe də áŋ a kəkəy kəkaɓiŋa.»

LIKI 16:8

Kəya bərdə hulum aŋkaŋ sam hulum nuutu bə hãy-hãy, gud bə minti wə jəŋ joŋreŋ də hel. Kaa kə dogoynaŋ asaŋ hel bə ji joŋre neeteŋ aduubə də kumsi dəŋaŋ kaa kə pəɗakiŋ.»

Kel pəsaŋ kəmarwaŋ gə minti Zaŋ jiiriniy 1:9

Hulum bə minti yə məntu ‹Kel kə waateŋ› wə haa Pəɗaki də gəəzə-gəəziŋ. Wə bəŋ cəərə seŋkaŋa kir minti wə walə koŋ la wəra cəərə kaŋa keɗe.

Kel pəsaŋ kəmarwaŋ gə minti Zaŋ jiiriniy 12:35

Wə minti: «Pəɗakiŋ kəm adəwaldəŋa, a bə isi haa anə sawəwa bagŋ. Aŋ raawə la bə ɗe də ko bə minti Pəɗakiŋ kəm adəwaldəŋaŋ kir minti tilməŋ a ge cəərəŋa ba. Gud maa mo hulum bə minti ɗe dər tilməŋaŋ, ko bə minti wə ɗe adaŋ paapa də duru ba.

Kel pəsaŋ kəmarwaŋ gə minti Zaŋ jiiriniy 12:36

Aŋ doo la gud hulum bə aye Pəɗakiŋa, də ko bə minti wə kəm adəwaldəŋa, kir minti aŋ kolə la máŋ wəra karmə Pəɗakiŋ.» Yeesu wəətənəy kel teŋ bədoona waata kəyaŋ, wə kooroŋ bə ɗe a mete wəra.

Kel pəsaŋ kəmarwaŋ gə minti Zaŋ jiiriniy 12:46

Ten bə minti haa Pəɗakiŋ, ten bəŋ cəərə seŋkaŋa haa minti hulum mundu mundu mo doŋ ne guudənaŋ, wə a ji dər tilməŋa pəda.

Kel pəsaŋ kəmarwaŋ gə minti Zaŋ jiiriniy 8:12

Yeesu waataŋ kaŋ pa minti: «Ten kəna pəɗaki kə kaa gə cəərə seŋkaŋ. Hulum bə minti haanan bəlam dən neŋ, wə fele pəɗaki də minti ɗe a məlu a dədərgəŋaŋ. Wə ɗe dər tilməŋa hõy pəda anə hasi.»

JOŊRE 17:30

Pepeŋ paapa bə bele aŋke də kel gə minti kaŋ a jiiniy dər ko bə minti wə a kəm paapa də diri baŋ pəda. Səma, bə daynaŋ ha'aŋ, wə wəra bə wəətiya keɗe a ko mundu mundu mo minti yə kir kole kirki a baymele neeteŋ.

JOŊRE 26:18

bə ɗe a piŋtiy diri wəra, bə humuy warda dər tilməŋ da bə vay dər pəɗakiŋa, daana bə humuy warda dər ko bə minti *Sataŋ bə əsə-isi kumnaŋ cuuruŋ, bə vay a ko bə minti Pepeŋ bə əsə-isi kumna cuuruŋ gəm. Bədoona ta, yə doŋ ne guudəna, Pepeŋ vəəgi giidu yaŋ wəra cəərə baymele neeteŋa daana yə ɗe yaŋ a fele ko sar kaayaŋ gə minti wə koloŋ teŋ wəra kaa nuutuŋ gəm.› »

ROMEŊ 1:21

Də teŋ keɗe bə minti yə nuutu gə asə-ase minti Pepeŋ yaŋ, he bə cuuru bə apəyaŋ daana ji bə suuse bə minti kaŋ a kir jəy bədoonaŋ, yə jəŋ teŋ a nuunu ba anə ceki faɗi. Ana ɗaw ha'aŋ, yə wəra gə lentə-lente dər ɗiki di də kel kə bay keyeŋ, ku tərməyi də bay ɗikiŋ koloŋ haa damdi karman dər tilməŋa ana gəm.

ROMEŊ 13:12

Koŋ bə jeme da warda, tilməŋ bə raawe. Bədoona ana áŋ yaakə jəəti bə kar gə dər tilməŋ la wəra, áŋ ganə la máŋ sar áŋa haa kar kə duuri gə minti áŋ duuri diiri wəra dər pəɗakiŋaŋ.

ROMEŊ 2:19

Tam wəra bə ɗəkə-ɗiki cəərə kusruma kaŋkaŋ minti tam haa hulum bə ɗe də kaa kə bəwə-bəwiŋ, tam haa pəɗaki kə kaa gə minti dər ko bə tilməŋaŋ,

I KOREŊTƏŊ 1:30

Pepeŋ ayaŋ aseŋ a áŋ haa gud Yeesu Kristu faɗi. Gud maa mo, gud tepe náŋa də Kristu, áŋ koloŋ bə gole duru ɗeker, kaa gə minti wəra dəra'i a nuunu daana gə bədə-bidi wəra ku baymeleŋa.

II KOREŊTƏŊ 3:18

Áŋ keɗe gə minti dəməəmə paapa də əntə-ənti dər áŋa pədaŋ, áŋ veɗe wəra haa welɗe bə boblo kə Barkaŋ. Bədoona ana, áŋ gə kolə-kole wəra gə haa-he Barkaŋ, welɗe bə boblo nuutuŋ bə ze guudu pisi ze sar áŋa. Haa kəya joŋre bə minti Barkaŋ, bə minti haa Tiiruŋ, bə jəwaŋ.

II KOREŊTƏŊ 4:6

Pepeŋ a waataŋ warda minti: «Pəɗakiŋ walə ko bə tilməŋ la wəra.» Wəlaŋ koŋ wəra ku tarmə áŋa haa tó də kusru bə ge áŋ bə ase boblo nuutu bə minti bə welɗe wəra dər Kristu anəkayyaŋ.

II KOREŊTƏŊ 6:14

Aŋ a tepe wəra məna bə kole kaa kə kumsuŋ də kaa gə bay de gud Kristuŋ ba. Aŋ golə la kəm mo, kel ɗekeriŋ tepe də korɗoŋ-korɗoŋiŋ naanaanə mo? Pəɗakiŋ tepe də tilməŋ naanaanə mo?

GALATIŊ 5:25

Tiiru Cetcetaŋ ayaŋ dədərgəŋ a áŋ haa tá, haa pisi minti áŋ yaakə la bə ɗe də áŋ.

EFESIŊ 2:2

Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 4:18

Ɗiki di wəra bə kerpə-kerpe daana yə wəra tooto sar dədərgə də minti bi kasi Pepeŋ daŋ, gud bə minti yə hẽŋeŋ ku tərməyi wəra a kel kə Pepeŋa, kəya kel nuutuŋ paapa də diri anə weseka ba.

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

EFESIŊ 6:12

Gud maa mo, duuri náŋ paapa də kaa kəsarkaŋ ba, duuri náŋ haa də kəkamna gə apəyaŋ, kar kə səɓakiŋ, kəmnə də ko bə tilməŋ daana kəwal gə minti dər ko bə apəyaŋaŋ keɗe.

KOLOSIŊ 1:12

Aŋ jəə suuse la a Abaŋ bə minti kolnoŋ gə nakə-neke bə fele kar pəsaŋ-pəsaŋ gə minti wə bə ɗukuya a kaa nuutuŋ a kumna nuutu bə dər pəɗakiŋ naŋ.

KOLOSIŊ 1:13

Wə ɓətəŋ áŋ warda ku səɓaki də dər tilməŋ da, wə ɗeŋ də áŋ a kumna kə Kurmuyu bə minti wə bəlu ablaw na.

TITI 3:3

Gud maa mo, áŋ də kusrə áŋ ha'aŋ, áŋ a jəŋ dayday haa kaa gə minti kel paapa də dər áŋ ba, paapa bə de ku huluma ba, áŋ a wəra gə lentə-lente. Áŋ a jəŋ kafkam gə saane gidiirə kar keɗe gə minti giidə áŋ bələy. Áŋ a zugi haa dər sərkəŋa daana də lemlem də kar kə kaa. Kaŋ a maltaŋ dər áŋ wəra, áŋ maltaŋ dər kumsə áŋ wəra gəm.

I ZAŊ 1:7

Səma jəəne minti áŋ bə ɗe dər pəɗakiŋa damdi Pepeŋ də kusru dər pəɗakiŋa anaŋ, áŋ wəra gə tapə-tepe də kumsə áŋ, kəya kor də Kurmuyuŋ Yeesu pi baymele náŋ wəra neŋneŋ keɗe.