EFESIŊ 5:6 - JAA TƏMARWAŊ

⁶ Aŋ a yaake hulum bə ləŋaŋa wəra də kel gə bay bəlam di kəman ba anə ceki. Gud maa mo, waŋ kə Pepeŋ awte cəərə kaa gə minti paapa bə humi kosoŋa cuuru baŋ, haa gud kumsə kel teŋa kəya faɗi.

EFESIŊ 5:6 Iomraidhean Croise

MATIYE 24:24

Gud maa mo kaa gə minti ji kusri minti té kəna Kristu, Hulum bə minti Pepeŋ ŋəmnuŋ, kumundu ba kaa kə jogte ku mini kə Pepeŋ, bə pi diri yaŋ ablaw. Yə jəəti kar kəmtəŋ gə ŋili kaŋ yaŋ bə ge dər minti haa də səɓaki kə Pepeŋ, daana yə jəəti miɗi kəmtəŋ yaŋ gəm kir minti té sə a nakə laŋ, koo kaa gə minti Pepeŋ ŋəmnəy wəra a kusruŋ, té sə a ləŋəy wəra.

MATIYE 24:4

Yeesu hərnəy kel minti: «Aŋ jəə la wəra gə gunə-guni kir minti hulum a ləŋaŋ wəra ba.

MARKƏ 13:22

Gud maa mo, kaa gə minti bə ji kusri yaŋ minti té kəna Kristu, Hulum bə minti Pepeŋ ŋəmnuŋ, kumundu ba *kaa kə jogte ku mini kə Pepeŋ, bə pəəti diri yaŋ ablaw. Yə jəəti kar gə ŋili kaa yaŋ bə ge dər minti haa də səɓaki kə Pepeŋ, daana yə jəəti miɗi yaŋ gəm kir minti té sə a nakə laŋ, kaa gə minti Pepeŋ ŋəmnəy wəra a kusruŋ, té sə a ləŋəy wəra.

MARKƏ 13:5

Kəya Yeesu wəətənəy minti: «Aŋ jəə la wəra gə gunə-guni kir minti hulum a ləŋaŋ wəra ba.

ROMEŊ 1:18

Apəya da, Pepeŋ wəra bə ge dəra minti tó də waŋ daana tó jeme kəəti də kaa gə minti paapa bə humi kosoŋa cəərə tó baŋ daana gə minti jəəti kel kə gul-gulaŋ. Yə gisi koŋ wəra dər kaŋa bay ase gəəziŋ də baymele bə minti yə bə jəwaŋ.

KOLOSIŊ 2:18

Aŋ a yaake kusrəŋ minti kaa kəman ɓətəŋ aŋke nəətiŋ la wəra ba. Kumsə kaa teŋ ha'aŋ, bele ji kusri wəra kəna anəkayya gal taakawa minti té yaŋ bə hare cəərə kusrə té adawra, yə gə ayə-aye kusri haa bə toose *kaa kə digi kə Pepeŋa, daana bə ɗe gud kel neete gə minti vaɗte diriŋ. Ɗiki neete bə minti a kusukiŋa gay bə teke cəərə kusri apəya wəra giidə ko bə booboŋa anəkay faɗi.

KOLOSIŊ 2:4

Ten waataŋ bədoona haa kir minti hulum a jəŋ tiniini dəŋ də kel kə dəsəŋ kəman ba.

KOLOSIŊ 2:8

Aŋ əsə la wəra gə gunə-guni kir minti hulum kəman a humuŋ amaaya də ase bə ji tiniini də kaŋ, bə minti keye baŋ bə gəm. Golde bə gud hate bə ɗiki toŋ bəŋ paapa sar Kristu da ba. Kəsar du faŋ haa gud hate bə to'osi kə kaa kəsarkaŋ da anə hãã daana cəərə kəwal gə minti gə əsə-isi kəkamna cəərə seŋkaŋaŋ.

KOLOSIŊ 3:6

Wáŋ kə Pepeŋ awte cəərə kaa gə minti paapa bə humi kosoŋa cuuru baŋ, haa gud kumsə kel teŋa kay kəya faɗi.

II TESALONIKIŊ 2:3

Aŋ a yaake hulum bə ləŋaŋa wəra də tiwki kəman anə məna ba anə ceki. Hi kə Barkaŋ tuuki kəm haa adordə bə minti kaa ablaw jeme acukur wəra də Pepeŋ daana Hulum bə acukur də ku gili nuutuŋ vaɗə la wəra kəm, haa Hulum bə minti Pepeŋ bə bəsu wəraŋ.

HEBEREŊ 13:9

Aŋ a yaake kusrəŋ wəra bə laŋte də gidiirə hate kəman bə minti bə tultəŋa kimirwiŋ ba. Gud maa mo karman pisiŋ haa minti áŋ falə səɓaki náŋ la ku tarmə áŋa haa də pisi bə minti Pepeŋ jəw sar kaŋaŋ, paapa də ku gili bə camə-ceme bə cəərə kar kə hameŋ ba. Ku gili bə cəərə kar kə hameŋ toŋ, wə kəyaŋ kaa gə minti ɗeŋ duuruŋ hõy ba.

HEBEREŊ 3:19

Bədoona ana, áŋ wəra gə asə-ase minti yə nəkaŋ bə ɗe a ve a ko bə minti Pepeŋ sə a əyəy faakeŋ ada naŋ ba, gud bə minti yə doŋ haa bə de guudu ba.

I PIYER 2:8

Yə jeereŋ pa minti: «Kaŋ daste haa a pərki toŋa, yə awte anə kurup-kurupi.» Kaa teŋ dabte ada haa kas minti yə paapa bə bele kel kə Pepeŋa baŋ. Pepeŋ a waataŋ warda anə hãã cəərə kel teŋ da minti yə bə ɗe a ji bədoona ana'i.

I ZAŊ 4:1

Aŋ gə minti giidən bəlaŋ ablaw, aŋ a tope haa gud kaa gə minti waate minti Tiirə Pepeŋ giidə teŋ anə cəlam-cəlam faɗi ba. Səma aŋ guluy kuɗiy la wəra kəm, bə ase minti diiri haa nuutu Tiirə Pepeŋ gəəzi mo, paapa mo. Ten waataŋ bədoona haa gud bə minti *kaa gə jogte ku mini ablaw gə ceme teteŋ yaŋ wəra gə duusə-duusi giidə seŋkaŋa.