EFESIŊ 5:3 - JAA TƏMARWAŊ

³ Aŋ haa kaa kə Pepeŋ tə bə moŋ, gidiirə kel kə bayməlaŋ daana gə zeɓə-zeɓeŋ keɗe, koo kel kə həryəm-həryəm, a kele wəra ku huluma bə anə ceki faɗi a ko bə nele nəətiŋa də kumsəŋ.

EFESIŊ 5:3 Iomraidhean Croise

MATIYE 15:19

Gud maa mo haa ku tarmə hulum da minti kar ha'iŋ feke warda də adaŋ: anə ɗiki bə baymeleŋ, awe bə titiŋ, piwpiw, jəəti bə booboŋ, dəgaayaŋ, ŋete bə kel sar kumsumaŋ, sarte bə kaŋ.

LIKI 12:15

Kəya wə waataŋ kaŋ keɗe minti: «Golə la! Aŋ amə kusrəŋ la pisi ku həryəm bə begeŋa, gud bə minti dədərgə də hulum haŋ sə begeŋa ba, wə jəə la nuutu də bege ablaw ɗaw.»

LIKI 16:14

Bə minti kaanə *Farisiyeŋ əskəŋ kel teŋ wəra neŋneŋ keɗeŋ, yə awtaŋ hin cəərə Yeesu gud bə minti yə bele soloy ablaw.

JOŊRE 15:20

Áŋ jiiriy kefter la təwa, minti yə a hame kusuki bə minti yə keerte kar gə minti kaŋ kuluy pepe neeteŋ duuruŋ pəda, yə yaakə piwpiw la wəra gəm. Yə a hame kar gə minti yə murɗuy kuuri murɗiŋ ba, yə a hame kor bə gəm.

JOŊRE 20:33

Ɗiki dən məlaŋ hõy cəərə soloya bə gəm, cəərə maaway bə gəm, daana cəərə dəməəmə kə huluma bə gəm.

ROMEŊ 1:29

Ku tərməyi wəra də ɗosə-ɗose də gidiirə kel kə gul-gulaŋ, də baymeleŋ, də həryəm, də sərkəŋ, də giidi gə yaakte cəərə kumsiŋ. Yə awte kumsi, yə jəəti gəbaŋ də kumsi, yə jəəti tiniini də kumsi, daana ku tərməyi saksaki bayməlaŋ cəərə kaŋa. Yə ceme gud kumsi,

ROMEŊ 16:2

Aŋ doorə irku də la sarəŋa də sam Barkaŋ də kəkəy bə minti kaa kə Pepeŋ kir tope irku də kumsi duuruŋ ana faɗi. A ko muntu muntu mo bə minti a jəəne də caadə keyeŋ, aŋ kayə la faɗi gud maa mo a də kusrə, a kəyaŋ kaa kə Pepeŋ ablaw, ten də kusrən ada gəm.

ROMEŊ 6:13

Aŋ a yaake kəkəy a karman dəŋ anə məna bə ji baymele minti wə kolə la wəra karman bə joŋre bə kel kə gul-gulaŋ ba. Ana ɗaw ha'aŋ, aŋ haraŋ wəra dədərgə adordə meŋa tə kəm, aŋ ayə kusrəŋ la wəra keɗe a Pepeŋ kir minti wə jəə joŋre la dəərəŋ bə jəəti kel ɗekeriŋ.

I KOREŊTƏŊ 10:8

Áŋ a yaake kusrə áŋ a ji bə booboŋ damdi sirdi yaakaŋ kusri a nuunuŋ ana ba. Kaa gə minti jəŋ bədoonaŋ, dər je məna meŋ guudi guɓ-guɓi hor-hor ɓasi cuuru soope.

I KOREŊTƏŊ 5:1

Kaŋ bə waate wəra a koŋa keɗe minti kel kə dəglə-dəglə bə ji aduubə dəŋa. Sar dəglə taŋ kəyaŋ, koo nuutu kaa gə minti Pepeŋ paapa də diri baŋ, a wəra bayməla diri hasi ɗaw. Hulum guudəŋa haŋ mar buruŋ wəra.

I KOREŊTƏŊ 6:13

Sərdəŋ waate pa minti kar kə hameŋ gə jəə-ji haa a giidim, daana giidim gə jəə-ji haa cəərə kar kə hameŋa gəm. Bədoona gəəzi, səma Pepeŋ ɗe a ɓalke kar té ɓasiŋ yaŋ wəra hõy. Səma kusuki də áŋ bə jəə-ji haa paapa minti áŋ jəə boobo la duuru ba. Wə haa kə Barkaŋ, kumna cuuru haa Barkaŋ gəm.

I KOREŊTƏŊ 6:18

Aŋ haa giidiŋ la wəra sar jəəti bə booboŋa! Baymele nayto bə minti hulum neke bə jəw keɗe, jəw karman dər kusuki du ba. Səma hulum bə jəəti booboŋ ɓalke kusru wəra neŋneŋ keɗe haa tó də kusru gadi faɗi.

II KOREŊTƏŊ 12:21

Gəəzi walka bə jəna minti ten bə ɗeŋ ne gerdeŋ naŋ, Pep katən ɗe a məlan cəərə kel kə kolon kese tiiniŋa ɗawmay, ten ɗe a kole bə laawe gud sərdə kaa ablaw gə minti raawaŋ də ji bə baymeleŋ, yə paapa bə kole kirki a kel neete gə zeɓə-zeɓeŋ, a anə beye bə *ku giliŋ warna keɗeŋ, a anə kel kə kes-keseŋ bə gəm.

EFESIŊ 5:12

Gud maa mo, kel gə minti kaa teŋ jəy dəgaaya-dəgaaya ha'aŋ, koo a kəkəy bə waate diŋa anəkay təwa, kese doŋ faɗi.

EFESIŊ 5:5

Aŋ asə la wəra pisi cəərəŋa kaŋkaŋ minti: kaa gə minti jəəti booboŋ, kel kə zeɓə-zeɓeŋ, də kel kə həryəm-həryəm (həryəm haa ke bə awalna a kar gə minti kaŋ guluy pepe neeteŋ toki), hulum gud kaa teŋa anə məna neke bə fele ko a *kumna bə minti Kristu də Pepeŋ bə həmu yaŋ ba.

FILIPIŊ 1:27

Səma, ɗe dəŋ jəə la bə tapə-tepe haa də *Kel pəsaŋ kəmarwaŋ kə Kristuŋ. Bədoona ta, jəəne minti ten bə ɗe yaŋ na a goloŋ, kumundu ten ɗe na baŋ, ten əskəŋ səmaŋ la haa minti aŋ yaŋ gə əsə-isi saksaki ŋəŋ də ɗiki dəŋ məna'i, daana aŋ bə duuri haa də ku tarməyaŋ tapi gud de bə minti fəlaŋ kəsar du a Kel pəsaŋ kəmarwaŋ daŋ.

KOLOSIŊ 3:5

Bədoona ana ta, ɗiki bə kar gə minti cəərə seŋkaŋa kənaŋ, aŋ əwəy kəsar di la wəra sarəŋa. Haa anə ji bə booboŋ, kel kə zeɓə-zeɓeŋ, kel kə sesewsesew, ɗiki bə ji baymeleŋ daana kel kə həryəm-həryəm (gud maa mo həryəm haa ke bə awalna a kar gə minti kaŋ guluy pepe neeteŋ toki).

1 TESALONIKIŊ 4:3

Karman bə minti giidə Pepeŋ bəluŋ haa minti aŋ jəə la wəra *cetceti tiinu daana minti aŋ doo kusrəŋ la ku piwpiwa.

1 TESALONIKIŊ 4:7

Gud maa mo Pepeŋ mantaŋ áŋ da paapa bə bi a ji piwpiw ba, wə bele minti áŋ jəə la wəra cetceti ɗaw.

I TIMOTE 2:10

Səma kə kəram teŋ ha'aŋ ɗaw, karman bə minti yə əŋkəy guudu pisiŋ haa joŋre bə minti yə bə jəwa pisiŋ. Haa kəya karman pisi bə minti kir ji kə kəram gə minti waate minti té humi kosoŋ cəərə Pepeŋaŋ.

I TIMOTE 3:3

Wə a ji hulum bə markete ba, wə a ji hulum bə humti dər kaa bə gəm. Səma wə jəə la hulum sããya daana bə arsete ku kel. Wə a ji hulum bə ayə-aye ɗiki du a soloy bə gəm.

I TIMOTE 6:10

Gud maa mo, həryəm də soloy haa kəsar də kel kə bayməlaŋ keɗe. Sərdə kaa kəman yaŋ gud minti yə bele soloy ablaw tə bə moŋ, yə yaakaŋ kəkəy bə de bə gud Pepeŋ wəra, tərməyi koloŋ bə ɗəməya ablaw gud kel teŋa.

II TIMOTE 3:2

Dər ko toŋa ha'aŋ, kaŋ bə kole yaŋ wəra də gõõya, də lemlem də soloy, yə aŋke kusri, teke cəərə kusri apəya, yə sarte sam Pepeŋ, daana yə bə tope ku kəmni ba. Yə ji suuse a hulum cəərə karmana bə gəm, yə humi kosoŋ cəərə kar kə Pepeŋa bə gəm.

TITI 1:11

Kaa teŋ kəya hay kuy la wəra bay hate kel kə bayməlaŋ teŋ, gud bə minti yə ɓalkete giidə kuli kə kaa wəra də hate bə minti paapa kir hate baŋ. Yə jəəti kel teŋ haa bə golde bege bə bay guuduŋ.

TITI 1:7

Wə jəə la hulum bə minti yə məltu kel suru ba, gud minti wə ji haa joŋre kə Pepeŋ. Gud teŋa ta, wə a ji hulum bə teke cəərə kusru apəya ba, wə a ji hulum bə waŋ-waŋ bə gəm, bə markete bə gəm, bə feke kel bə gəm, hulum bə lemlem də soloy bə gəm.

TITI 2:3

Bədoona ana gəm, waatə kəram kəmtəŋ la minti yə jəə kusri la wəra damdi kəram gə minti ɗe gud Pepeŋa a gəəziŋaŋ ana. Yə a kole kusri kəram gə juti kel ba, daana yə a yaake kusri bə kole kafkam kə kumuy bə gəm. Yə hatə kumsi la bə ji kar pəsaŋa.

HEBEREŊ 12:16

Hulum a ji anə məna guudəŋa də karway ba, daana bə bay humi kosoŋ cəərə kar kə Pepeŋa damdi Ezo jəŋ ana bə gəm. Gud maa mo, cəərə hame bə kampa məna'i faɗi, wə gusuŋ boblo nuutuŋ wəra a siinu bə cuuruŋ duuru.

I PIYER 5:2

yə golə cəərə kaa gə minti Pepeŋ əynəy di kəəsiŋ la pisi, damdi hulum bə minti gole cəərə kaamaŋ nuutuŋ pisi ana. Yə guluy la də ku tərməyi pəsaŋ, damdi Pepeŋ bele bədoona ana'i, paapa kas doole ba. Yə jəə joŋre toŋ la paapa bə fele werke guudu təwa ba, yə jəw la haa gud bə minti yə bele keye kaŋ gəəzə-gəəziŋ.

II PIYER 2:10

Kaa gə minti yaakaŋ kusri bə ɗe máŋ gud ɗiki bə zeɓə-zeɓeŋa bə gud kusri bə hatə-hate də baymeleŋaŋ, daana gə minti bəyaŋ abay kə Pepeŋ wəra, wə ji daŋgay daŋgeŋ haa a kaa teŋ. Kaa té gə jogte hateŋ baymeleŋ, yə kaa kə tet-tete gə hage sam kusri. Walka də minti jəy bə sarte kaa gə hame məyan apəy naŋ, paapa siri ba.

II PIYER 2:14

Yə golde saksaki haa jəəti bə piwpiw, yə paapa bə seepe kas jəəti bə baymeleŋ ba. Kaa gə minti de neeteŋ paapa də səɓaki baŋ, yə təɗtəy wəra guudi. Yə hataŋ kusri wəra də kurfuki. Kəəti kə Pepeŋ bə doo-de diiri.

II PIYER 2:3

Yə də həryəm də kar, gud teŋa ta yə bə hamaŋ yaŋ də kel neete gə tiwkiŋ. Warda anə hãã faɗi, Pepeŋ wəra maŋ bə doy də kəəti, yə bə ji bay bese wəra ba.

VEƊE 2:14

Səma karman bə minti giidən yaakaŋ wəra sarəŋa guuduŋ ha'aŋ, sərdəŋ adəwaldəŋa doŋ hate kə Balam bə dayday. Wə hataŋ Balaki minti wə kuntə vew la tiinə kaanə *Israyela, wə zugtuy guudi la bə hame kusuki bə minti kaŋ a keereŋ anə pepe kəman duuruŋ daana yə jəətə booboŋ la.

VEƊE 2:21

Ten a yaakəna koŋ minti a kolə kerka la a jəəti bə piwpiw naataŋ, səma a doŋ haa ba.

VEƊE 21:8

Kə kaa gə minti gəgan-gəgani a de neeteŋaŋ, gə bay deŋ, gə jəəti kel kə zeɓə-zeɓeŋ, gə minti awtaŋ titiŋ, gə booboŋ, gə jəəti zal, gə ke awalna a kar gə minti yə guluy pepe neeteŋ, daana gə ŋete kel keɗe, yə bə vay yaŋ a daŋgaya a ko bə cəwa də sufrə hərhəraŋa, haa me bə ɓasiŋ.»

VEƊE 22:15

Səma kaa gə minti jəəti kel gə zeɓə-zeɓeŋ, zal, booboŋ, awte titiŋ, ke awalna a kar gə minti yə guluy pepe neeteŋ, hataŋ kusri wəra bə ŋete kelaŋ, kaa teŋ keɗe yə yaake wəra tiilima.

VEƊE 9:21

Yə koloŋ kirki a awe bə titiŋ, jəəti bə zal, jəəti bə booboŋ daana dəgaaya neeteŋ bə gəm.