EFESIŊ 5:2 - JAA TƏMARWAŊ

² Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

EFESIŊ 5:2 Iomraidhean Croise

MATIYE 20:28

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

Kel pəsaŋ kəmarwaŋ gə minti Zaŋ jiiriniy 13:34

Ten ayaŋ *ku gili kimirwi, ku gili toŋ haa minti: aŋ balə kumsəŋ la adəwaldə kumsəŋa. Damdi ten a balnaŋ ana, aŋ balə kumsəŋ la bədoona gəm.

Kel pəsaŋ kəmarwaŋ gə minti Zaŋ jiiriniy 6:51

Ten də kusrən haa hame bə minti aye dədərgəŋ, bə minti bəŋ apəy daŋ gəm. Hulum bə minti hamaŋ hame tó neŋ, toŋ ji yaŋ caw bə faɗnə-faɗna. Hame bə minti ten bə əyu kir minti kaa gə cəərə seŋkaŋ falə dədərgəŋ laŋ, haa kusuki dən gadi faɗi.»

ROMEŊ 15:16

kolnon hulum bə joŋre kə Yeesu Kristu cəərə kaa gə minti paapa gə Ziwifi baŋ. Ten wəra bə ayə-aye kusrən keɗe a Pepeŋ bə waate *Kel pəsaŋ kəmarwaŋ nuutuŋ, kir minti kaa gə minti paapa gə Ziwifi baŋ nakə la bə kole damdi karman bə ayə-aye bə daw duru ana, bə minti Tiiru Cetcetaŋ a ziinu wəra dəra'i a nuunuŋ.

ROMEŊ 4:25

Pepeŋ əynu wəra a meŋ gud baymele náŋa, wə hərnu wəra dədərgə haa minti tó kole áŋ la wəra dər tó ɗeker.

ROMEŊ 8:3

Bədoona ana ta, Pepeŋ jəŋ karman bə minti *ku gili kə *Moyisiŋ a nəkaŋ bə jəw ba gud bə minti hulum a kusukiŋa wəra də dewe hasi bə ɗe də ku giliŋ. Wə jəŋ karman toŋ haa də bə minti wə gaŋ Kurmuyu derra'iŋ da də kusrə hulum kisirkiŋ suru damdi bə sar kaa kəsarkaŋ gə minti jəəti baymeleŋ ana gəm, bə əyu damdi karman bə keere ana cəərə baymeleŋa. Haa də hel taŋ minti wə təwaŋ baymele bə giidə kusrə kaa bə hatə-hate də baymeleŋ wəraŋ.

ROMEŊ 8:37

Səma dər kel teŋa keɗe, áŋ raawaŋ cəərə bulum wəra ɗaw gud Hulum bə minti bə bele áŋaŋ.

I KOREŊTƏŊ 16:14

Aŋ jəə karman muntu muntu la mo haa də beleŋ ada.

I KOREŊTƏŊ 5:7

Baymele bə minti damdi siipə də dayday anaŋ, aŋ haw la wəra aduubə dəŋa, kir minti aŋ jəə la bə kunti bə halɓə-halɓe bə bay siipə duruŋ ana. A gəəziŋaŋ, aŋ haa bə kunti bə bay siipə duruŋ ana ɗaw, gud bə minti yə awaŋ kormə taaməka bə *Pakiŋ wəra haa guudəŋa; kormə taaməka toŋ haa Kristu də kusru faɗi.

II KOREŊTƏŊ 2:14

Are tokɗe Pepeŋ, gud maa mo wə keye are bə pi buluma cəərə gəəliŋa gud bə minti are gə tapə-tepe də Kristu, wə bə ɗe tiinə are gəm. Wə jəŋ kir minti kaŋ asə Kristu la wəra a koŋa keɗe damdi siisi də urde bə minti duusi warna a koŋ na keɗeŋ ana gəm, haa də are.

II KOREŊTƏŊ 2:15

Gud maa mo are haa damdi urde bə siisi pisi bə de dər Pepeŋ bə minti Kristu əyu duŋ ana. Siisi də urde toŋ duusi warna cəərə kaa gə minti haŋ kəkəy bə ɗe a seereŋ də kaayaŋ gə minti haŋ nayto bə ɗe a beseŋ gəm.

II KOREŊTƏŊ 8:9

Gud maa mo pisi bə minti Barkaŋ náŋ Yeesu Kristuŋ juunu sar kaŋaŋ, wə də dərəŋ. Wə a haa hulum bə hurmaŋ ɗaw, wə koloŋ kusru wəra də caaca guudəŋa minti aŋ kolə la də hurma gud caaca kə toŋa.

GALATIŊ 1:4

Kristu yaakaŋ kusru bə me gud áŋa bə seere áŋ wəra ku baymele náŋa, kir minti baymele bə cəərə seŋkaŋ a isi kumna cəərə áŋa pəda. Bədoona ana, wə doŋ ku kel gə minti giidə Pep Bar áŋ a bəlnəy wəra.

GALATIŊ 2:20

Səma, bə hebkənaŋ, ten kəm caw dədərgə. Bədoona ta, ten paapa cəərə kusrəna ten pəda, Kristu máŋ cəərəna haa tó. Karman bə minti ten jəw dər caw dəna hebkəna, haa bə de gud kormə Pepeŋ bə minti balnan daana bə minti ayaŋ kusru wəra a meŋ a koɗonaŋ.

EFESIŊ 1:4

Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

EFESIŊ 3:17

daana minti Kristu əsə la ku tarməyaŋa gud de nəətiŋa. Dədərgə dəŋ jəə la də vaa-ve kəsar də daana də əsə-isi ŋəŋ-ŋəŋ wəra haa dər beleŋa.

EFESIŊ 3:19

Bədoona gəəzi, bele tó bə minti kel du deŋe kaayaŋ gə minti kaŋ neke bə əsəy cuuruŋ, wə bə ji yaŋ də dərəŋ, kir minti Pep bə minti wəra bə doo-de kuŋ ɗosoŋ la wəra damdi tó ana gəm.

EFESIŊ 4:15

Səma áŋ jəəne bə waate gəəziŋa də beleŋ guudu ɗaw, áŋ si yaŋ wəra agal də kara keɗe bə Kristu tó bə minti cəərə áŋ ana.

EFESIŊ 4:2

Aŋ a golde he bə cə bə apəya ba, aŋ jəə la sããya sar kumsəŋa, aŋ jəə la bə mi ku kela, beleŋ jəə la ku tarməyaŋa bə hale kumsuŋa aduubə dəŋa.

EFESIŊ 5:15

Bədoona ta, aŋ amə ɗe dəŋ la pisi. Aŋ a ji kusrəŋ damdi kaa gənam-gənami ana ba, səma aŋ jəə la haa kaa kə zuuri kel.

EFESIŊ 5:25

Aŋ kaa kaŋkar, aŋ balə kəram nəətiŋ la damdi Kristu bəlaŋ kaa kə Tapiŋ ana. Wə bəlnəy hãã bə minti wə ayaŋ kusru wəra a meŋ guudi,

FILIPIŊ 4:18

Kar gə minti aŋ aynan dən daŋ, ten fəlnəy wəra keɗe, yə dəŋaŋ cəərə kar gə minti ten a jeŋ də caadiŋ ɗaw. Bə minti Epafroditi bəənən də keye nəəti toŋ kəyaŋ, caadə karman yaakaŋ sarəna pəda anə hasi faɗi. Keye toŋ kəya wə damdi keere bə minti siisi Pepeŋ warna fərəy-fərəy ana, bə minti daw duru gəm.

KOLOSIŊ 3:14

Səma karman bə deŋe kel kaayaŋ gila keɗeŋ, haa minti aŋ balə kumsəŋ la aduubə də kumsəŋa. Beleŋ haa damdi saama də əntəŋ wəra sar kumsəŋa anə kaŋkaŋ ana.

1 TESALONIKIŊ 4:9

Kəsaanə areŋ, cəərə bele bə adəwaldəŋa, aŋ paapa də caadə minti are jeereŋ kefter la cuuru me'i ba, gud bə minti aŋ də kusrəŋ, Pepeŋ hatnaŋ cəərə bele bə minti aŋ jəw la adəwaldə kumsəŋaŋ.

I TIMOTE 2:6

Wə ayaŋ kusru wəra bə miɗi kaŋ wəra keɗe. Wə jəŋ bədoona ha'aŋ bə ge dər kaŋ wəra a ko duŋa anə ɓeti minti Pepeŋ bele haa minti kaŋ keɗe seerə la wəra.

I TIMOTE 4:12

A yaake hulum kəman bə ləsam anul dəma ba. Tam jəə la haa ɗaw hulum bə minti kaa kə Pepeŋ gole kel pəsaŋ kaasəma. Yə golə la sə kel kə waate nəmtiŋa, sə ɗe nəmtiŋa, sə bele nəmtiŋa, sə de nəmti bə gud Pepeŋa, də hel də minti tam ame kusrum *cetceti dəərəŋ.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

HEBEREŊ 8:3

Hulum boblo bə keere muntu muntu mo bə əsə-isi haa bə aye kar daana bə ji keere a Pepeŋ. Bədoona ana gəm, hulum náŋ boblo bə ji keereŋ doŋ kir ji də karman bə aye a nuunu gəm.

HEBEREŊ 9:14

Jəəne doloy bədoona ana tə kəm, səɓaki də kor də Kristu bə ji naanaanə ba ga'i pə mo! Də səɓaki kə Tiiru də bay teweŋ, wə ayaŋ kusru wəra a Pepeŋ damdi karman bə keere bə minti bay kel kə malə-mele suru ana'i. Kor du kole ɗiki də áŋ wəra cetceti kir minti áŋ a jəəti joŋre bə minti ɗe a mele áŋ a meŋa pəda, áŋ jəə joŋre la máŋ a Pep bə dədərgəŋ ɗaw.

HEBEREŊ 9:23

Kar té gə minti haa tiirə kar gə apəyaŋ ŋaanaanə moŋ, yə kir kole wəra cetceti haa də kəkəy toŋ. Səma, kə kar kaayaŋ gə minti apəy na haa naŋ, yə kir kole cetceti haa də keere bə minti bə daŋə-deŋe nayto bə minti yə jəw du də begeŋ.

HEBEREŊ 9:26

A jəə la bədoona ana'iŋ, hãã bə minti seŋkaŋ a məlaŋ guudə daŋ, wə a kəna bə dogte se lasiŋ da anə hãã gəm. Səma wə vəɗaŋ kusru wəra hebkəna a tewe bə hitiŋa, bə he baymele kə kaŋ wəra də keere bə minti wə juunu də kusru kampa ɗaaməna faɗi.

I PIYER 4:8

Ajewa faɗi ha'aŋ, aŋ balə kumsəŋ la saksaki adəwaldə kumsəŋa wəra də ku tarməyaŋ soki məna'i. Gud maa mo, bele bə kaŋ jəəne ku tarməyaŋaŋ, aŋ neke bə vəəgi giidəŋ wəra cəərə baymele kə kaŋa gəm.

I ZAŊ 3:16

Yeesu ayaŋ kusru wəra a meŋ gud áŋa. Haa kel gə minti ge dər áŋ minti beleŋ haa bədoona anaŋ. Áŋ gəm, áŋ kir aye kusrə áŋ wəra a meŋ gud kəsaanə áŋa gəm.

I ZAŊ 3:23

Ku gili bə minti wə a əynu wəra a áŋ, haa minti áŋ doo la a sam Kurmuyu Yeesu Kristuŋa, daana áŋ balə kumsə áŋ la adəwaldə kumsə áŋa damdi Kristu a waataŋ áŋ minti áŋ jəə la bədoona anaŋ.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.