EFESIŊ 4:5 - JAA TƏMARWAŊ

⁵ Barkaŋ wə ɗaaməna faɗi, deŋ ɗaaməna, batem ɗaaməna gəm.

EFESIŊ 4:5 Iomraidhean Croise

MATIYE 28:19

Bədoona ta, aŋ ɗee la wəra sar gidiirə kaŋa keɗe, aŋ kuluy la wəra kaa kə guudən, aŋ jəy batem la də sam Abaŋ, də sam Kurmuyuŋ, də sam Tiiru Cetcetaŋ,

JOŊRE 10:36

Pepeŋ waataŋ kel nuutuŋ wəra a kaanə *Israyel, kel teŋ haa *Kel pəsaŋ kəmarwaŋ gə minti waate minti yə neke bə fele kəkaɓi gud Yeesu Kristuŋ; wə haa Barkaŋ kə kaŋ keɗe.

JOŊRE 2:36

Aŋ kaanə Israyel keɗe, aŋ doŋ kir ase kel teŋ wəra kəya cəərəŋa kaŋkaŋ: Yeesu bə minti aŋ ɓəlnu wəra a kəbaŋ gə largaŋa ha'aŋ, Pepeŋ usnu hebkəna Barkaŋ daana Hulum bə minti wə ŋəmnu wəra haa tó.»

ROMEŊ 3:30

gud bə minti wə məna haa tó faɗi. Wə kole kaanə Ziwifiŋ duru ɗeker haa gud deŋa, wə kole kaa gə minti paapa gə Ziwifi baŋ duru ɗeker haa gud deŋa gəm.

I KOREŊTƏŊ 1:13

A ɗiki dəŋa, Kristu kir ɓarse duru mo? Yə ɓəlaŋ wəra a kəbaŋ gə largaŋa guudəŋa haa ten Pol mo? Yə jəənəŋ batem haa də sam ten Pol mo?

I KOREŊTƏŊ 1:2

Ten gəənu na haa a aŋ kaa kə Tapi gə giidə vil də Koreŋtəŋ, gə minti koloŋ kaa nuutu gud tapi nəətiŋa də Kristu Yeesuŋ. Wə mantənaŋ minti ɗe dəŋ jəə la wəra *cetceti. Kaa kaayaŋ keɗe'i gə ko muntu muntu mo gə minti mante sam Barkaŋ náŋ Yeesu Kristuŋ, wə məntənəy haa bədoona ana gəm. Wə haa Barkaŋ neeteŋ damdi wə Barkaŋ náŋ ana gəm.

I KOREŊTƏŊ 12:13

Gud maa mo áŋ keɗe, kaanə Ziwifi, paapa gə Ziwifi ba, kafkam, paapa kafkam ba, yə jəŋ batem a áŋ haa də Tiiru Cetcetaŋ tá də mənaŋ bə kole áŋ wəra kusrə hulum bə məna gəm. Pepeŋ ayaŋ Tiiru tá də məna ku tarmə áŋa keɗe.

I KOREŊTƏŊ 12:5

Gidiirə joŋre bə ji a Barkaŋ yaŋ gil, səma áŋ jəw keɗe haa a Barkaŋ bə mənaŋ.

I KOREŊTƏŊ 8:6

Səma kə áŋ kaayaŋ ha'aŋ, Pepeŋ ɗaaməna, wə haa Abaŋ. Kar keɗe bi haa kəəsu da, daana áŋ lam haa a nuunu gəm. Barkaŋ məna gəm, haa Yeesu Kristu. Jəŋ kar keɗe haa tó, áŋ lam dədərgə haa kir kəəsu gəm.

II KOREŊTƏŊ 11:4

Gud maa mo hulum kəman bəŋ ne a waataŋ sam Yeesu wəra də kel dəra'i də kaayaŋ gə minti are a waatənaŋ dəŋ, aŋ de toŋ sarəŋa bay gəəli ɗaw. Aŋ wəra maŋ bə de haa də tiiru də minti paapa Tiiru Cetcetaŋ də minti aŋ a falnaŋ baŋ, aŋ wəra maŋ bə de kel gə minti paapa *Kel pəsaŋ kəmarwaŋ gə minti aŋ a duuni kasi areŋ bə gəm.

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

EFESIŊ 4:13

Bədoona ana ta, áŋ neke yaŋ keɗe bə ji tapi dər de náŋa daana dər ase náŋa cəərə Kormə Pepeŋa. Áŋ kole yaŋ wəra kaa kə jeŋə-jeŋe daana kaa gə minti si yaŋ hãã bə ɗe a de ku áŋ wəra, damdi ku Kristu wəra bə doo-de ana gəm.

FILIPIŊ 2:11

Mindi mindi mo waate yaŋ wəra də ku anə pəɗaki bə tokɗe Pep Abaŋa minti: «Yeesu Kristu haa Barkaŋ cəərə kara keɗe!»

FILIPIŊ 3:8

Gəəzi, ten gole kar keɗe haa bə kar kə boobo ana gud karman pisi məna bə minti dəŋaŋ kumsuŋ wəra keɗeŋ: karman toŋ haa minti Yeesu Kristu Barkaŋ nin kolə la wəra də dərən kaŋkaŋ. Gud kel du ta, ten bəyaŋ kar teŋ wəra keɗe, yə máŋ dərəna haa bə kar gə ve warna cəərə dibidi na anəkay faɗi, kir minti kətan jəə la máŋ haa Kristu,

TITI 1:1

Jeere kefter toŋ kəya haa ten Pol, hulum bə joŋre kə Pepeŋ, daana bə *gaa-ge kə Yeesu Kristu bə waate kela də səmuŋ. Pepeŋ əsnən minti ten ɗee la a keye kaa gə minti wə vərnəy wəraŋ, minti yə doo la guudu daana minti ten gay diri la wəra cəərə gəəzi də ɗe náŋ bə minti giidə Pepeŋ bəluŋ,

TITI 1:4

Ten bə jeerem kefter toŋa a nəənəm tam Titi, tam kormon bə gəəziŋ gud tepe náŋa a de bə gud Pepeŋa. Pisiŋ daana kəkaɓi kə Pep Abaŋ də Kristu Yeesu Hulum bə seere áŋ jəə la cəərəma.

HEBEREŊ 13:7

Cəərəŋ harə la bə ɗəkti cəərə kaa kə tiiniŋ gə ajew gə minti a waatənaŋ kel kə Pepeŋ wəraŋ. Aŋ golə la cəərə ɗe neeteŋ, minti wə ɗeŋ a awe cuuru naanaanə mo, daana aŋ doo la gud Pepeŋa damdi yə a doŋ ana gəm.

ZAKI 2:18

Səma, kumundu ba hulum yaŋ bə waate minti bəŋa: «Tam ha'aŋ, tam bə doo-de gud Pepeŋa, kə naayaw toŋ, nuutuŋ haa joŋreŋ.» Ten waate hulum toŋ yaŋ minti: «Bay joŋreŋ guudu anə cekiŋ, gan dərən la kəm cəərə de nəmti toŋa mo? Ten toŋ ha'aŋ, ten gam gud de nin yaŋ wəra də joŋre bə minti ten bə jəwaŋ.»

I PIYER 3:21

Kan té gə minti yə seereŋ diri daŋ, ge dər haa cəərə batema. Baade bə minti tam fəlu a ji bə batema ha'aŋ, toŋ paapa bə baadam zodi bə səram wəra ba. Wə haa bə ge dər minti hulum bə doo-deŋ haa ɗiki du wəra bay kel tiinə Pepeŋa, bə aye kusru a ɗe bə guuduŋa. Kel teŋ nəkaŋ bə ji wəra keɗe haa gud bə minti Yeesu Kristu haraŋ wəra dədərgə adordə meŋa.

II PIYER 1:1

Jeere kefter toŋ haa ten Simoŋ Piyer, hulum bə joŋre daana bə *gaa-ge kə Yeesu Kristuŋ. Ten jeereneŋ kefter toŋ a nəənəŋ, aŋ kaa gə minti fəlaŋ deŋ gud ɗeker kə Pep náŋ Yeesu Kristuŋa daana hulum bə seere áŋ. De toŋ haa bə naareŋ ana dege'-dege'i faɗi gəm.

ZUDI 1:20

Səma aŋ, aŋ gədaarən, ɗe dəŋ jəə la saksaki bə əsə-isi cəərə de dəŋ *cetcetiŋa. Aŋ toosə la haa də səɓaki kə Tiiru Cetcetaŋ.

ZUDI 1:3

Gədaarən gə agŋ-agŋ, ten a bə bandə-bande bə jeereŋ kefter cəərə kel kə seere bə minti áŋ keɗe, áŋ fəlnuŋ. Bə hebkənaŋ, wə koloŋ máŋ karman bə han guudən minti ten jeereŋ la bə zeŋ guudəŋ minti aŋ duurə la gud kel kə de gə minti Pepeŋ jugnuy a kaa nuutuŋ na kampa ɗaaməna faɗiŋ.