EFESIŊ 4:4 - JAA TƏMARWAŊ

⁴ Kusrə Kristu haa ɗaaməna, Tiiru Cetcetaŋ haa ɗaaməna gəm, damdi karman bə minti Pepeŋ waatənaŋ minti aŋ malə ɗiki dəŋ la cuuruŋ ana a ko bə minti wə mantənaŋ wəra minti aŋ jəə la kə tó, karman toŋ wə ɗaaməna faɗi gəm.

EFESIŊ 4:4 Iomraidhean Croise

MATIYE 28:19

Bədoona ta, aŋ ɗee la wəra sar gidiirə kaŋa keɗe, aŋ kuluy la wəra kaa kə guudən, aŋ jəy batem la də sam Abaŋ, də sam Kurmuyuŋ, də sam Tiiru Cetcetaŋ,

JOŊRE 15:11

Ana ɗaw, áŋ a wəra gə doo-de gud kela minti: áŋ gə Ziwifiŋ fele seereŋ haa gud pisi bə jəə-ji bə sar kaŋ kə Barkaŋ náŋ Yeesuŋ, bə kaayaŋ ana gəm.»

ROMEŊ 11:29

Gud maa mo Pepeŋ kole ɗiki du cəərə karman bə minti wə əyuŋ daana cəərə kaa gə minti wə məntənəy wəra a kusruŋ ba.

I KOREŊTƏŊ 10:17

Áŋ gə minti hamaŋ, áŋ ablaw, səma a məna. Kel teŋ ge dər áŋ minti áŋ wəra gə tapə-tepe də kumsə áŋ keɗe bə kole kusrə hulum məna faɗi.

I KOREŊTƏŊ 12:20

A gəəziŋa, kar də hulum ablaw, səma yə ɗe a tepe haa bə jəw kusru məna.

II KOREŊTƏŊ 11:4

Gud maa mo hulum kəman bəŋ ne a waataŋ sam Yeesu wəra də kel dəra'i də kaayaŋ gə minti are a waatənaŋ dəŋ, aŋ de toŋ sarəŋa bay gəəli ɗaw. Aŋ wəra maŋ bə de haa də tiiru də minti paapa Tiiru Cetcetaŋ də minti aŋ a falnaŋ baŋ, aŋ wəra maŋ bə de kel gə minti paapa *Kel pəsaŋ kəmarwaŋ gə minti aŋ a duuni kasi areŋ bə gəm.

EFESIŊ 1:18

Ten mante kəəsu minti wə baadaŋ dər ɗiki dəŋ la wəra kir minti aŋ nakə la bə əski gud karman bə minti wə a mantənaŋ warda cuuruŋ, bə minti aŋ gə malə-mele ɗiki dəŋ wəra cuuruŋ gəm. Aŋ nakə la pa bə əski gud kel minti, kar pəsaŋ-pəsaŋ gə minti Pepeŋ a wəətənəy səməy wəra bə əyəy a kaa nuutuŋ, yə kəmtəŋ wəra hasi,

EFESIŊ 2:16

Gud me nuutuŋa a kəbaŋ gə largaŋaŋ, wə təpnəy wəra kusrə hulum bə məna daana wə təpnəy adəwaldi wəra də Pepeŋ gəm. Bədoona ta, wə təwaŋ acukur də minti a jəŋ adəwaldiŋ wəra; wə awna wəra.

EFESIŊ 2:18

Gud maa mo, gud Kristu ha'aŋ, áŋ ɓasi keɗe, də keye kə Tiiru Cetcetaŋ tá məna'aŋ, áŋ máŋ gə nakə-neke bə ze sar Bar áŋ Pepeŋa.

EFESIŊ 2:22

Gud tepe nəətiŋa duuruŋ, aŋ wəra gə tarə-tere dər kumsəŋa bə kole wəra kuli bə minti Pepeŋ isi giidu haa də Tiiru Cetcetaŋ faɗi.

EFESIŊ 4:1

Bədoona ta, ten bə minti a daŋgaya gud joŋre kə Barkaŋaŋ, ten bə jəŋ kamkama minti: ɗe dəŋ jəə la bə tapə-tepe də mante bə minti Pepeŋ mantənaŋ da duuruŋ ha'aŋ ana gəm.

EFESIŊ 5:30

gud bə minti áŋ haa kar də kusru.

KOLOSIŊ 1:5

De toŋ daana bele toŋ bə əsə-isi haa cəərə karman bə minti Pepeŋ bə ɗokoŋ dəŋ na apəya naŋ. Haa karman bə minti aŋ wəra gə malə-mele ɗiki dəŋ cuuruŋ. Bə minti yə waatənaŋ kel kə gəəziŋ wəraŋ, *Kel pəsaŋ kəmarwaŋ, aŋ fəlaŋ ɗiki dəŋ tó bə malə-meleŋ haa də ko toŋ faɗi.

KOLOSIŊ 3:15

Kəkaɓi də minti Kristu aynaŋ dəŋ jəə la haa karman bə kəyaŋ bə ase kel gə minti aŋ kir jəy. Pepeŋ bəlaŋ minti aŋ asə kəkaɓi taŋ la wəra. Wə mantənaŋ warda minti aŋ bəə la a kole wəra kusrə hulum bə məna haa sə teŋ. Aŋ kir ji suuse a Pepeŋ saksaki.

II TESALONIKIŊ 2:16

Barkaŋ náŋ Yeesu Kristu də kusru daana Bar áŋ Pepeŋ bəlaŋ áŋ ablaw daana gud pisi bə minti yə jəw sar kaŋaŋ, yə ayaŋ teŋe bə dər daana ɗiki bə malə-mele pisi gə minti tewe baŋ a áŋ.

I TIMOTE 1:1

Jeere kefter toŋ kəya haa ten Pol, ten bə minti Kristu Yeesu *gaanan bə waate kela də səmuŋ. Pepeŋ, Hulum bə seere áŋ daana Kristu Yeesu bə minti ɗiki də áŋ bə malə-mele cuuruŋ, əsnən a joŋreŋa haa té.

TITI 1:2

minti yə jəə la gə malə-mele ɗiki di wəra cəərə dədərgə də bay teweŋa. Hãã wəra ajew də mele bə gud koŋaŋ, Pep bə minti wə ceme tete baŋ waataŋ wəra kaŋkaŋ minti tó aye dədərgə táŋ a áŋ.

TITI 2:13

Áŋ əsə la bədoona ana bə mi hi pisi bə minti ɗiki də áŋ bə malə-mele cuuru hebkənaŋ, akaceŋa dər hi tó bə minti məyan kə Yeesu Kristu, Pep náŋ bobloŋ, Hulum bə seere áŋ, pəŋ dərə ne wəraŋ.

TITI 3:7

minti áŋ kolə la wəra kaa ɗekeri dər Pepeŋa gud pisi nuutuŋa. Wə jəŋ bədoona ana haa minti áŋ falə dədərgə də bay teweŋ la, dədərgə tá də minti ɗiki də áŋ bə malə-mele cəərəŋ.

I PIYER 1:21

Gud Kristu tə bə moŋ, aŋ doŋ gud Pep bə minti hərnu wəra dədərgə adordə meŋa daana bə minti əynu tokɗeŋ. Bədoona ana, de nəətiŋ daana ɗiki dəŋ wəra bə malə-mele cuuru.

I ZAŊ 3:3

Mindi mo bə minti məlaŋ ɗiki du ne cuuru bədoona anaŋ, wə ame kusru ku baymeleŋa saksaki minti tó jəə la *cetceti, damdi Kristu də kusru wəra cetcetiŋ ana.