EFESIŊ 4:2 - JAA TƏMARWAŊ

² Aŋ a golde he bə cə bə apəya ba, aŋ jəə la sããya sar kumsəŋa, aŋ jəə la bə mi ku kela, beleŋ jəə la ku tarməyaŋa bə hale kumsuŋa aduubə dəŋa.

EFESIŊ 4:2 Iomraidhean Croise

MATIYE 11:29

Aŋ humi kosoŋ la cəərəna damdi kəccəŋ humi kosoŋ gud táŋ də kuuriŋa ana, daana aŋ doo hate katən la. Gud maa mo ten haa hulum sããya'iŋ daana paapa bə haa-he cəərən apəya bə gəm. Bədoona ana aŋ fele faake yaŋ guudəna.

MARKƏ 9:19

Kəya Yeesu əsəŋ bə wəətiya minti: «Aŋ kaa té gə bay de gə hebkənaŋ! Hãã də ko muntu mo minti ten kirka a ji kəm dəərəŋ minti aŋ kolə la gə doo-deŋ? Hãã kotnə mo minti ten kirka a halaŋ kəm hale saksakiŋ? Aŋ bəəda də pur a nəənən.»

JOŊRE 20:19

Ten jəŋ joŋreŋ a Barkaŋ bay he cəərə kusrən apəya. Ten juunu haa bə hage caw, dər gəəli bə minti kaanə Ziwifi a taptaŋ kuy bə kan dən cəərənaŋ.

ROMEŊ 15:1

Áŋ gə minti də səɓaki a deŋaŋ, áŋ kir hale dewe də kaayaŋ gə minti kəm paapa də səɓaki baŋ. Áŋ a golde karman bə de dər kusrə áŋ kəm bə ɗaw.

I KOREŊTƏŊ 13:7

Wə sete kel suru keɗe, dər kela keɗe wə raawe də deŋ saksaki, ɗiki du bə malə-mele saksaki, wə mi ku gəəli muntu muntu mo keɗe.

GALATIŊ 6:2

Aŋ kayə kumsuŋ la adəwaldə kumsəŋa bə hale gəəliŋa. Aŋ jəŋ ne bə ji bədoonaŋ, aŋ doŋ haa *ku gili kə Kristuŋ faɗi.

EFESIŊ 1:4

Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

KOLOSIŊ 1:11

Wə ayaŋ səɓaki yaŋ anə kaŋkaŋ də səɓaki nuutu mooto hasaŋ, kir minti aŋ nakə la bə hale daana bə mi ku gidiirə kela keɗe də waale.

I TIMOTE 6:11

Səma nəmtiŋ, tam toŋ hulum kə Pepeŋ, haa giidim la wəra sə kar teŋa. Goldə la haa kəkəy bə minti tam jəə la ɗeker tiinə Pepeŋa, tam ɗee la haa ɗe bə minti giidə Pepeŋ bəluŋ. A yaake de nəmti ba, jəə beleŋ la sar kumsuma, halə gəəli la daana jəə kusrum la sããya gəm.

II TIMOTE 2:25

Bə minti kaŋ jəŋ bə daw ku baŋ, wə hətəy la də talma sããyaŋ. Kumundu ba Pepeŋ əyəy hel yaŋ minti yə kolə kirki la a baymele neeteŋ daana yə ase gəəziŋ yaŋ də hel taŋ ɗawmay mo.

ZAKI 1:21

Gud teŋa ta, kel gə minti zeɓeŋ daana ɗiki bə baymele bə ablaw bə saraŋ tukcuriŋ keɗe, aŋ pəy la wəra ku tarməyaŋa. Ana ɗaw ha'aŋ, kel gə minti Pepeŋ ayaŋ dəŋ giidiŋaŋ, aŋ doy la bay teke cəərə kusrəŋ apəya, gud minti bəŋa, kel teŋ gə nakə-neke bə seereŋ wəra.

I PIYER 3:15

Səma, aŋ haa cəərə Kristu Barkaŋ nəətiŋ la apəya ku tarməyaŋa. Hulum mundu mundu mo laanaŋ kuŋ ne cəərə karman bə minti aŋ məlaŋ ɗiki dəŋ cuuruŋ, aŋ jəə la saksaki wəra gə ɗampə-ɗampe bə daw guudu a nuunu.

I PIYER 3:8

A ge bə cəərə kel kətana taŋ, ten waataŋ minti ɗiki dəŋ jəə la məna də kumsəŋ, ku tarməyaŋ jəə la məna də kumsəŋ gəm. Aŋ balə kumsəŋ la, gud maa mo aŋ haa kəsaanə kumsəŋ, aŋ jəə la kaa kə ji gud kumsəŋ pisi, aŋ a ji kaa kə lete didiki dəŋ tiinə kumsəŋa ba.