EFESIŊ 4:16 - JAA TƏMARWAŊ

¹⁶ Ji áŋ keɗe minti áŋ tapə la wəra ŋərŋər kusrə hulum bə məna haa tó. Kəsar gə dər kusuki bə məna toŋ əntəŋ áŋ wəra pisi sar kumsə áŋa haa té gəm. Haa bədoona ta, jəəne minti kar də kusuki məntəŋ məntəŋ mo bə ji joŋre neeteŋa wəra a kuɗuŋa də beleŋ guuduŋ, wə si kusru, bə ne kusru gəm.

EFESIŊ 4:16 Iomraidhean Croise

Kel pəsaŋ kəmarwaŋ gə minti Zaŋ jiiriniy 15:5

Ten haa kəbaŋ gə atələələma, aŋ haa kaasa gəm. Hulum bə minti bə gargə-garge sarəna daana ten bə gargə-garge suru gəm, wə bə ji kar pəsaŋ ablaw gud maa mo bay ten, aŋ neke bə ji karman ba anə hasi.

ROMEŊ 12:4

Mindi mindi mo gud áŋa də kusru caw wə məna, səma kar du ada ablaw, joŋre neeteŋ hal-hal gəm.

I KOREŊTƏŊ 10:17

Áŋ gə minti hamaŋ, áŋ ablaw, səma a məna. Kel teŋ ge dər áŋ minti áŋ wəra gə tapə-tepe də kumsə áŋ keɗe bə kole kusrə hulum məna faɗi.

I KOREŊTƏŊ 13:13

Hebkəna ha'aŋ, kar soope té kayiŋ ji yaŋ saksaki: deŋ, ɗiki bə malə-mele bə cəərə Pepeŋ daana beleŋ. Səma guudiya keɗe, dəŋnəy haa beleŋ.

I KOREŊTƏŊ 8:1

Hebkəna ten waate haa cəərə kusuki bə minti yə keere kar gə minti kaŋ guluy pepe neeteŋ duuruŋ. Aŋ bə waate minti áŋ keɗe gə asə-ase kar ablaw. Gəəzi nuutu, səma ase toŋ kəya haa ase bə minti kaŋ teke cəərə kusri apəya duuruŋ. Karman bə minti keye áŋ bə si də kumsə áŋ, haa beleŋ.

GALATIŊ 5:22

Səma kar gə minti Tiiru Cetcetaŋ jəy giidə hulumaŋ, yə haa kəna: kaŋ kole wəra bə bele kumsi, yə wəra də waale, yə isi kəkaɓiŋ aduubə di, yə ase mi bə kusri bə ku kel, yə ɗiki də kumsi pisi, yə ji pisi sar kumsi, yə kaa gə minti yə ɗeketi,

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

EFESIŊ 1:4

Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

EFESIŊ 3:17

daana minti Kristu əsə la ku tarməyaŋa gud de nəətiŋa. Dədərgə dəŋ jəə la də vaa-ve kəsar də daana də əsə-isi ŋəŋ-ŋəŋ wəra haa dər beleŋa.

EFESIŊ 3:7

Ten koloŋ hulum bə minti joŋre nin haa waate bə Kel pəsaŋ kəmarwaŋ ha'aŋ, gud bə minti Pepeŋ jəŋ pisiŋ nuutu sarəna bə minti wə jəŋ joŋre giidəna də səɓaki nuutuŋ.

EFESIŊ 4:12

Wə ayaŋ kaa teŋ haa minti yə ɗampə kaa kə Pepeŋ la, kir minti yə jəə la wəra gə nakə-neke bə ji joŋre neeteŋ. Kəya kusrə Kristu si yaŋ ajewa faɗi.

EFESIŊ 4:15

Səma áŋ jəəne bə waate gəəziŋa də beleŋ guudu ɗaw, áŋ si yaŋ wəra agal də kara keɗe bə Kristu tó bə minti cəərə áŋ ana.

FILIPIŊ 1:9

Ten bə waate Pepeŋa dər toose nina minti, bele bə ku tarməyaŋ zee guudu la ajewa pisi ze a ase bə gəəzə-gəəziŋa daana a zuuri bə kela,

KOLOSIŊ 2:19

Kaa teŋ kəyaŋ, yə bele isi gə gargə-garge sar Kristu ba, jəəne nuutu minti té də kusri haa kusru, tó haa ciiri taŋtaŋ. Ana haa sar Kristu da bə minti kusru toŋ fele hameŋ daana bə tapə-tepe duru wəra pisi gud kəsar gə suruŋa daana gud dər kəskəŋ du gə maltə-malteŋa. Kəya wə bə si haa damdi giidə Pepeŋ bə balə-bele ana'i.

KOLOSIŊ 2:2

Ten bə ji bədoona kir minti diri jəə la də teŋə-teŋe, yə jəə la gə tapə-tepe dər beleŋa, daana minti yə asə gəəziŋ la wəra, də fele bə guuduŋ ada keɗe, bə ase karman wəra ciiri anə kaŋkaŋ. Bədoona ana, yə neke yaŋ bə ase hel də metə-mete kə Pepeŋ, haa Kristu də kusru faɗi.

1 TESALONIKIŊ 1:3

Bədoona ana, a tooseŋa tiinə Pep Bar áŋaŋ, are bə ɗiki cəərə joŋre bə minti aŋ bə jəwa gud de nəəti bə gud Yeesu Kristuŋ, cəərə bele nəəti bə minti ji joŋre, daana cəərə mele bə ɗiki bə minti aŋ məlnu wəra anə kaŋkaŋ bə mi Barkaŋ náŋ Yeesu Kristuŋ.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

1 TESALONIKIŊ 3:12

Barkaŋ zee gud bele nəətiŋ la ajewa pisi hayaŋ adəwaldə kumsəŋa daana sar kaa kaayaŋa keɗe, bə naare bə minti are bə jəw saraŋaŋ ana gəm!

II TESALONIKIŊ 1:3

Kəsaanə areŋ, are də suuse a Pepeŋ saksaki gud kel dəŋaŋ. Suuse toŋ awaŋ a kuɗuŋa anə ɓeti, gud maa mo de nəəti bə gud Yeesuŋ bə suu-si apəya daana aŋ bə ɗe ajewa də beleŋ aduubə də kumsəŋa keɗe.

I TIMOTE 1:5

Kel gə minti tam wəətəy la bədoona ciiriŋ, haa minti yə kolə la bə bele kumsi. Bele toŋ faa da haa ku talma *cetcetaŋ da, bay ɗiki bə baymele ada, daana də de neeteŋ bə gəəzə-gəəziŋ ada gəm.

I PIYER 1:22

Aŋ humuŋ kosoŋ cəərə gəəzi kə Pepeŋa, kəya baymele nəətiŋ fəlaŋ vəəgə bə giidu ne gəm. Aŋ koloŋ gə nakə-neke bə bele kumsəŋ gəəzə-gəəzi. Bədoona ta, aŋ balə kumsu la adəwaldə kumsəŋa saksaki wəra də ku tarməyaŋ soki məna.

I ZAŊ 4:16

Áŋ ha'aŋ, áŋ wəra gə asə-ase gəəzi minti Pepeŋ bele áŋ, daana áŋ doŋ gud bele nuutuŋa gəm. Pepeŋ haa beleŋ. Hulum bə minti ji beleŋ saksakiŋ, wə wəra bə tapə-tepe də Pepeŋ saksaki, Pepeŋ bə əsə-isi giidu gəm.