Biblia Todo Logo
Bìoball air-loidhne

- Sanasan -




EFESIŊ 4:12 - JAA TƏMARWAŊ

12 Wə ayaŋ kaa teŋ haa minti yə ɗampə kaa kə Pepeŋ la, kir minti yə jəə la wəra gə nakə-neke bə ji joŋre neeteŋ. Kəya kusrə Kristu si yaŋ ajewa faɗi.

Faic an caibideil Dèan lethbhreac




EFESIŊ 4:12
45 Iomraidhean Croise  

Səma ten toosoŋ cəərəma minti de nəmtiŋ a kerpe wəra ba. Tam, bə minti tam haraŋ də neŋ, ayə səɓaki la a kəsaanam.»


Zudasi a jəŋ haa hulum bə minti áŋ a jəŋ duuru keɗe. A joŋre kə Pepeŋa, wə a jəŋ də joŋre nuutuŋ ada gəm.


minti wə jəə joŋre kə hulum bə gaa-ge kə Yeesu la a koɗ Zudasi. Gud maa mo Zudasi yaakaŋ joŋre kə hulum bə gaa-ge wəra bə ɗe a ko bə minti wə fəlu gud baymele bə minti wə a juunu wardaŋ.»


Də bə minti wə ɗeŋ a tuli kay ada naŋ daana wə asaŋ minti Pepeŋ a jəŋ pisi nuutuŋ sar kaa kə doo-deŋa ŋaanaanə moŋ, waale duunu ablaw. Kəya wə tiŋniy diri ada də kel, minti yə əsə la ŋəŋ bə ɗe gud Barkaŋa də ku tərməyi ɗaaməna faɗi.


Katən ha'aŋ, ten jəŋ ne caw, ten jəŋ nuutu caw ba, ɗamnan ba. Kel gə ɗəman, haa gə minti ten jəə la bə əsə-isi ŋəŋ a ɗe katəna hãã a me dəna, joŋre bə minti Barkaŋ aynan dən kaasəna, ten ɗe duuru hãã bə ɗe a məlu wəra a kuɗuŋa gəm. Joŋre toŋ haa waate bə *Kel pəsaŋ kəmarwaŋ wəra cəərə pisi bə minti Pepeŋ bə jəwa sar kaŋaŋ.


Aŋ amə ɗe dəŋ la, kaa gə minti Tiiru Cetcetaŋ a aynaŋ dəŋ kaasəŋa bə goleŋ keɗe, aŋ əməy la gəm. Kaa kə Tapi kə Pep gə minti wə kulnuy wəra kaa nuutu də kor də Kurmuyuŋ, aŋ jəy guudi la pisi.


Giidə seŋka də Zudeŋa, də Galileŋa, daana Samariŋa keɗeŋ, kaa kə Tapiŋ nuutu bə anə kəkaɓi zugi, walka paapa bə jiya pəda. Tiiru Cetcetaŋ bə kəyəya səm moŋ, yə bə si a de neeteŋa, bə humi kosoŋa cəərə Barkaŋa, daana yə əsəŋ bə zuli ablaw gəm.


Yə də áŋ bədoona gəm. Áŋ ablaw, səma áŋ ɗe a tepe tapi haa bə ji kusrə hulum məna gud tepe náŋa də Kristu. Áŋ keɗe gə jagtə-jagte sar kumsə áŋa haa damdi kar də hulum ana, mindi mindi mo a ko nuutuŋa.


Wə ayaŋ ne a baalaŋ minti wə kayə kaŋ laŋ, wə kəyəy la faɗi. Wə ayaŋ ne a baalaŋ minti wə hatə kaŋ laŋ, wə hətəy la faɗi.


Gud teŋa ta, áŋ goldə la saksaki haa kel gə minti ji kəkaɓiŋ aduubə də kaŋa daana gə minti keye kumsə áŋ bə si a deŋaŋ.


Kəsaananti, ten toŋ wəra bə asə-ase cəərəna kaŋkaŋ minti aŋ haa kaa kə ji pisi ablaw faɗi daana minti ase bə kar keɗe bə minti aŋ kir əsuŋ, aŋ gə asə-ase duuru. Aŋ gə nakə-neke bə keye kumsəŋ də kel kə waate gəm.


Mindi mindi mo gud áŋa goldə la haa karman bə minti de dər kumsuŋ kir minti wə falə pisiŋ la guudu daana minti wə kəyu la bə si a deŋaŋ.


Ten wəra bə asə-ase minti, ten ɗe gerdeŋ na ha'aŋ, də pisi kə Kristuŋ wəra keɗe.


Aŋ haa kusrə Kristu. Mindi mindi mo guudəŋa haa damdi kar du ana faɗi.


Tiiru Cetcetaŋ ge dər minti tá giidəŋa də aye bə minti a əynu a mindi mindi mo bə ji joŋre duuru bə keye kumsəŋ aduubə də kumsəŋa.


Aŋ gəm, aŋ gə minti gə ayə-aye kusrəŋ bə golde aye kə Tiiruŋaŋ, aŋ goldə la kəm anə faɗi haa aye bə minti keye kaa kə Tapiŋ bə si a de neeteŋaŋ.


Gud maa mo ten jəəne bə toose də ku karman bə minti kaŋ uskunu hõy baŋ, Tiiru Cetcetaŋ toose dəərən haa tá, ɗiki dən paapa a joŋre ada pəda.


Kəsaananti, kel waate haa minti harmə mo? Bə minti aŋ təpaŋ neŋ, ɗalba hulum yaŋ də gudul ku, naytoŋ də kel kə Pepeŋ bə hətəy, baalaŋ də karman bə minti Pepeŋ a vəɗnu wəra, baalaŋ pa waate nuutu haa kel də ku karman bə minti kaŋ uskunu hõy baŋ, naayaw toŋ ada joge ku karman toŋ wəra də ku kaŋ gəm. Kel gə minti aŋ jəy keɗe, yə jəə la haa bə si kaa kə Tapiŋ a deŋa.


Ɗalba aŋ bə ɗiki haa minti, are anə hãã bə waate da cəərə ɗeker də kusrə are tiiniŋa ɗawmay mo? Paapa bədoona ba. Are waate haa tiinə Pepeŋa, gud tapi naareŋa də Kristu. Gədaarə are gə agŋ-agŋ, are waate kel gila keɗe haa bə zeŋ gud de nəətiŋ ajewa.


Kəsaananti, bə ge cəərə kel katən, ten waataŋ minti aŋ jəə la dər waaleŋa. Aŋ jəə joŋre la minti aŋ kolə la kaa kə doo-de kuy wəra a deŋa, aŋ teŋə dər kumsəŋ la, ɗiki dəŋ jəə la məna, aŋ jəə la kəkaɓi sar kumsəŋa, kəya Pep bar beleŋ bə minti aye kəkaɓiŋ ji yaŋ dəərəŋ.


Are də waale bə ji dər nalnala jəəne minti wə kolnoŋ də səɓaki a deŋa gəəzə-gəəziŋ. Gud teŋa ta, are bə toose Pepeŋa cəərəŋa minti wə kəyaŋ la bə ɗampe ɗe dəŋa wəra a kuɗuŋa pisi.


máŋ bə joŋre kə Tiiru Cetcetaŋ mo? A veɗe gud boblo kə Pepeŋ wəra a kaŋ kampa ablaw dəŋaŋ nayto bə gud joŋre kə Moyisiŋ bə ɗaw mo?


Pepeŋ gud ji bə giidu pəsaŋa ayaŋ digi taŋ a are. Gud teŋa ta tarmə are paapa də darə-dere hor ba.


Ji kel teŋ keɗe haa Pepeŋ. Wə haraŋ bə tepe aduubə də áŋa duuru haa də Kristu. Ayaŋ joŋre bə məntu kaŋ da bə bi a tepe aduubə di duuru a areŋ haa tó gəm.


Are paapa gə balə-bele ji karman anə weseka minti wə kolə la bə daste kampar huluma ba, kir minti hulum a neke bə waate sam joŋre naareŋ baymele ba.


Aŋ gədaarən gə agŋ-agŋ, Pepeŋ a waataŋ sam kar teŋ warda keɗe a áŋ. Gud teŋa ta, baymele bə minti zode áŋ a kusuki də áŋa daana dər ɗiki də áŋaŋ, áŋ pəw la wəra ku tarmə áŋa keɗe, áŋ jəə la wəra dəra'i a Pepeŋ gud bə minti áŋ ji walka kəəsuŋ.


Gud maa mo, Tapiŋ haa kusrə Kristu; wə doorə ku wəra haa tó, wə de ku kar gə jəə-jiŋ wəra keɗe haa tó gəm.


Ji áŋ keɗe minti áŋ tapə la wəra ŋərŋər kusrə hulum bə məna haa tó. Kəsar gə dər kusuki bə məna toŋ əntəŋ áŋ wəra pisi sar kumsə áŋa haa té gəm. Haa bədoona ta, jəəne minti kar də kusuki məntəŋ məntəŋ mo bə ji joŋre neeteŋa wəra a kuɗuŋa də beleŋ guuduŋ, wə si kusru, bə ne kusru gəm.


Kel kə bayməlaŋ a kalte wəra kuŋa ba anə ceki faɗi. Aŋ waatə la haa kel pəsaŋ gə keye kaŋ daana gə tiŋiy diriŋ təwa; kel teŋ aye pisi yaŋ a kaa gə minti bə jiɓriyaŋ.


Kusrə Kristu haa ɗaaməna, Tiiru Cetcetaŋ haa ɗaaməna gəm, damdi karman bə minti Pepeŋ waatənaŋ minti aŋ malə ɗiki dəŋ la cuuruŋ ana a ko bə minti wə mantənaŋ wəra minti aŋ jəə la kə tó, karman toŋ wə ɗaaməna faɗi gəm.


Bə hebkənaŋ, ten də waale ku lasi də minti ten bə saara guudəŋaŋ. Gud maa mo, də lasi də minti dər kusuki dəna tə pə moŋ, ten bə keye bə de ku lasi kə Kristu də minti a yaaktaŋ bay tope ku wəraŋ, də minti hulum saara a kəkəy bə joŋre nuutuŋaŋ. Ten saara ha'aŋ gud kusrə Kristuŋ; kusru haa kaa kə Tapiŋ faɗi.


Bədoona ana, are bə waate wəra a kaŋ keɗe haa sam Kristu toŋ də gidiirə hel də minti are gə nakə-neke bə jəərəŋ. Are bə ge kosnə mindi mindi mo daana bə hətu kir minti wə kolə la wəra bə doo-de ku a tiiruŋa gud tepe nuutuŋa də Kristu.


Aŋ waatə Arsipi la minti wə amə cəərə joŋre bə minti Barkaŋ əynu du kəəsuŋ la, kir minti wə daw ku la wəra pis-pisi.


Ten ji suuse a Kristu Yeesu Barkaŋ náŋ bə minti aynan səɓakiŋ bə ji joŋre ninaŋ. Ten jəw suuse gud bə minti ten goloŋ duru hulum ɓeti a kəkəy bə minti wə ŋamnan minti ten jəə la hulum bə joŋre kə tó.


Taakaŋ sarəna kəna haa Liki bay cuuru məna faɗi. Tam ɗəlaŋ də ne bə bi daŋ, tapə Markə da guudum da gud bə minti wə bi yaŋ a kəyan a joŋre nina ablaw.


Səma nəmtiŋ, tam toŋ əsə la ŋəŋ cəərə kusruma saksaki, halə gəəli la nəmti, waatə *Kel pəsaŋ kəmarwaŋ kə Pepeŋ la wəra a kaŋ. Doo ku joŋre nəmti bə ger Pepeŋ la wəra a kuɗuŋa.


Aŋ doo ku kaa kə tiinəŋ la, aŋ humə kosoŋ la ciiri, gud maa mo, yə bə amaŋa saksaki haa té. Yə wəra gə asə-ase minti té bə ɗe a tope bəlam də joŋre kə teŋ wəra hõy a Pepeŋ gəm. Aŋ jəə la bədoona kir minti yə doo ku joŋre neeteŋ la wəra də waale, paapa də nuumi ba, gud bə minti kel teŋ kəyaŋ a ko kəmana bə gəm.


Gud teŋa ta, áŋ a isi laki bə de cəərə áŋa cəərə kar té gə minti áŋ a sə a hətəy warda ajew da cəərə Kristu daŋ pəda. Áŋ hare dər áŋ la máŋ haa cəərə karman bə minti tó də aŋar də kaa kəmtəŋ. Áŋ a hare bə mele gud áŋa bə hate kar teŋa ha'aŋ pəda: anə kole bə kerkem a joŋre bə baymele bə minti ɗe a məlam a meŋaŋ, daana de bə gud Pepeŋ,


Lean sinn:

Sanasan


Sanasan