EFESIŊ 4:11 - JAA TƏMARWAŊ

¹¹ Kar gə minti wə əynəy a kaŋ booboŋ, haa bə minti wə əstəŋ sərdə kaŋ *kaa kə vaa-ve nuutu, sirdiŋ *kaa kə jogte ku mini kə Pepeŋ, sirdiŋ kaa gə minti bə ɗe wəra də *Kel pəsaŋ kəmarwaŋ, sirdiŋ kə paster, sirdiŋ kaa kə hate kaŋ.

EFESIŊ 4:11 Iomraidhean Croise

MATIYE 28:20

aŋ hətəy la minti yə doo kel gə minti ten a waatənaŋ ciiri la wəra keɗe'i. Aŋ asə la faɗi minti ten də kusrən, ten yaŋ dəərəŋ a hitiŋa saksaki hãã a tewe bə koŋa.»

JOŊRE 13:1

Adəwaldə kaa kə Tapi gə Antiyosiŋa, *kaa kə jogte ku mini kə Pepeŋ a jəŋ ada, də kaa kə hate kaŋ ada gəm. Kaa teŋ a jəŋ haa anə Barnabasi, Simeyon (səmu bə tokdeŋ minti Kisirkiŋ), Lusiyusi (toŋ haa bə Siren), də Manyeŋ (bə minti yə a suŋ gud kumsi də *Erodi, kumna bə minti Sezar usnu cəərə seŋka də Galileŋaŋ), daana Sol gəm.

JOŊRE 20:28

Aŋ amə ɗe dəŋ la, kaa gə minti Tiiru Cetcetaŋ a aynaŋ dəŋ kaasəŋa bə goleŋ keɗe, aŋ əməy la gəm. Kaa kə Tapi kə Pep gə minti wə kulnuy wəra kaa nuutu də kor də Kurmuyuŋ, aŋ jəy guudi la pisi.

JOŊRE 21:8

A dibiinimaŋ, are haraŋ bə koore bə ɗe Sezare. Are kooroŋ ger Filipi, hulum bə minti waate *Kel pəsaŋ kəmarwaŋ wəra a kaŋ. Wə haa hulum bə gud kaa kaayaŋ seeɗa'i gə minti yə a ŋəmtənəy Zeruzalemaŋ. Are həətəŋ haa girdu.

ROMEŊ 12:7

Wə ayaŋ ne a baalaŋ minti wə kayə kaŋ laŋ, wə kəyəy la faɗi. Wə ayaŋ ne a baalaŋ minti wə hatə kaŋ laŋ, wə hətəy la faɗi.

I KOREŊTƏŊ 12:4

Gidiirə aye bə minti a tiiruŋaŋ yaŋ gil, səma əyu keɗe haa Tiiru Cetcetaŋ tá də mənaŋ.

EFESIŊ 2:20

Aŋ wəra hebkəna aduubə də kar gə minti Pepeŋ bə hərsi kuliŋa diiriŋ. *Kaa kə vaa-veŋ də *kaa kə jogte ku mini nuutuŋ, haa ge bə gud kuli toŋ. Yeesu Kristu də kusru haa pərki pisi bə de kuliŋ ŋəŋ.

EFESIŊ 3:5

Pepeŋ a gaana guudə warda a kaa kə dayday damdi wə gaana guudə wəra hebkəna də Tiiruŋ a *kaa cetceti gə vaa-veŋ daana gə jogte ku mini nuutuŋ ana ba.

EFESIŊ 4:8

Kefter kə Pepeŋ waataŋ wəra minti: «Bə minti wə kooroŋ apəy naŋ, wə humuŋ kaa kəəsu na daŋgay, wə ayaŋ kar wəra boobo a kaa gə adawraŋ.»

II TIMOTE 4:5

Səma nəmtiŋ, tam toŋ əsə la ŋəŋ cəərə kusruma saksaki, halə gəəli la nəmti, waatə *Kel pəsaŋ kəmarwaŋ kə Pepeŋ la wəra a kaŋ. Doo ku joŋre nəmti bə ger Pepeŋ la wəra a kuɗuŋa.

HEBEREŊ 5:12

Hitiŋ gila keɗe a máŋ bə nakə-neke bə minti aŋ a máŋ kəna kaa kə hate. Ana pə ɗaw, aŋ bə jəŋ kəm də caadə minti hulum hataŋ kel kə Pep gə minti kaŋ hətəy a kəkəy bə minti yə de kəm deŋ. Bə minti aŋ a sə a hame máŋ karman gagraŋiŋ, aŋ haraŋ də caadə kaw damdi kəmar koncoŋ koloy-koloy ana.

ZUDI 1:17

Gədaarən gə agŋ-agŋ, nəətiŋ ha'aŋ, aŋ harə la bə ɗiki cəərə kel gə minti *kaa kə vaa-ve kə Barkaŋ náŋ Yeesu Kristu a waatənaŋ dəŋ warda ajew daŋ minti:

VEƊE 18:20

Aŋ kaa gə apəyaŋ, aŋ waalə la gud bə minti a wəra də ɓalkə-ɓalkeŋ. Aŋ kaa kə Pepeŋ, aŋ *kaa gə vaa-veŋ, aŋ *kaa kə jogte ku mini kə Pepeŋ, aŋ waalə la. Gud maa mo, bə minti Pepeŋ jəmaŋ kəəti də vil taŋ ha'aŋ, wə kaanaŋ gədəəgi də kel nəətiŋ wəra minti aŋ ɗeker.

VEƊE 21:14

Gud gulmun toŋ bə gaa-ge cəərə pərki hor cuuru ɓasi. Sam *kaa kə vaa-ve hor ciiri ɓasiŋ kə Kormə Taaməkaŋ wəra bə jeertə-jeerte cəərə pərki toŋa.