EFESIŊ 3:7 - JAA TƏMARWAŊ

⁷ Ten koloŋ hulum bə minti joŋre nin haa waate bə Kel pəsaŋ kəmarwaŋ ha'aŋ, gud bə minti Pepeŋ jəŋ pisiŋ nuutu sarəna bə minti wə jəŋ joŋre giidəna də səɓaki nuutuŋ.

EFESIŊ 3:7 Iomraidhean Croise

JOŊRE 9:15

Səma Barkaŋ wəətunu minti: «Ɗee la nəmti. Hulum toŋ cawaŋ, ten ŋəmnu wəra bə jən digi. Wə waatan səman yaŋ wəra a kaa gə minti teŋ paapa gə Ziwifi baŋ, a kəkamnaŋ neeteŋ daana a kaanə *Israyel gəm.

ROMEŊ 1:5

Haa guudu ta minti Pepeŋ jəŋ pisi nuutuŋ sar are minti are jəə la kaa kə vaa-ve kə Kristu, kir minti gidiirə kaa gaalaŋ-gaalaŋ nakə la bə de guudu daana bə humi kosoŋa cuuru gəm. Kel teŋ jəŋ gila keɗe haa bə he cəərə Kristu apəya.

ROMEŊ 12:3

Gud pisi bə minti Pepeŋ juunu sarənaŋ, ten bə waate mindi mindi mo guudəŋa minti, aŋ a gole kusrəŋ dəŋaŋ karman bə minti aŋ lamaŋ ba. Aŋ kir gole dər kusrəŋ haa anə ɓeti də aŋar də de bə minti Pepeŋ aynaŋ dəŋ.

ROMEŊ 15:16

kolnon hulum bə joŋre kə Yeesu Kristu cəərə kaa gə minti paapa gə Ziwifi baŋ. Ten wəra bə ayə-aye kusrən keɗe a Pepeŋ bə waate *Kel pəsaŋ kəmarwaŋ nuutuŋ, kir minti kaa gə minti paapa gə Ziwifi baŋ nakə la bə kole damdi karman bə ayə-aye bə daw duru ana, bə minti Tiiru Cetcetaŋ a ziinu wəra dəra'i a nuunuŋ.

I KOREŊTƏŊ 15:10

Səma Pepeŋ jəŋ pisi nuutuŋ sarəna, ten koloŋ hulum bə minti aŋ bə əsu hebkəna haa sə teŋ. Pisi bə minti wə juunu sarənaŋ ɓalkaŋ wəra boobo ba, ten jəŋ joŋre duuru ablaw dəŋaŋ kaa kə vaa-ve kaayaŋ ɗaw. Səma jəŋ joŋre toŋ haa paapa ten ba; pisi bə minti Pepeŋ juunu sarəna bə ɗe dəərən bə jəwa haa tó.

I KOREŊTƏŊ 3:5

A kuɗiŋa, Apolo haa mindi mo, Pol haa mindi mo? Are haa kaa kə joŋre gə minti Pepeŋ jəŋ joŋreŋ də are bə məlaŋ a deŋa təwa. Mindi mindi mo ji haa joŋre bə minti Pepeŋ a əynu du kəəsuŋ.

II KOREŊTƏŊ 3:6

Koloŋ are wəra gə nakə-neke bə ji joŋre tó bə waate sam *jaa təmarwaŋ haa tó. Jaa taŋ, guudə gaŋ paapa cəərə *ku gili kəmana bə jeerə-jeere wəra lam ba, guudə gaŋ haa cəərə Tiiru Cetcetaŋa. Ku gili bə jeerə-jeereŋ ɗe a mele hulum a meŋa; kə Tiiruŋ, taŋ ɗe a məlu haa a dədərgə də bay teweŋa gəm.

II KOREŊTƏŊ 4:1

Pepeŋ gud ji bə giidu pəsaŋa ayaŋ digi taŋ a are. Gud teŋa ta tarmə are paapa də darə-dere hor ba.

GALATIŊ 2:8

Gud maa mo Pepeŋ də səɓaki nuutuŋ, wə kolnon *hulum bə gaa-ge bə ɗe a waate kel wəra a gidiirə kaa gə minti teŋ paapa gə Ziwifi baŋ, damdi wə koloŋ Piyer hulum bə gaa-ge a kaanə Ziwifiŋ ana gəm.

EFESIŊ 1:19

daana səɓaki də minti wə ji kar a áŋ kaa kə doo-deŋ dəərəŋ, a wəra mooto hasi faɗi gəm ŋaanaanə mo. Səɓaki taŋ ha'aŋ, wə gaana guudə wəra ji də səɓakiŋ

EFESIŊ 3:2

Aŋ wəra gə əskə-əski sam joŋre bə minti Pepeŋ, gud pisi nuutuŋaŋ, wə aynan dən kaasəna minti ten jəw la gud kel dəŋa.

EFESIŊ 3:20

Tokɗeŋ jəə la a Pep bə minti, də səɓaki də minti bə ji joŋre giidə áŋaŋ, wə bə nakə-neke bə ji kar ablaw gə daŋə-deŋe cəərə kaayaŋ gə minti áŋ bə məntəya kəəsuŋ kumundu ba áŋ bə ɗikiyaŋ.

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

EFESIŊ 4:16

Ji áŋ keɗe minti áŋ tapə la wəra ŋərŋər kusrə hulum bə məna haa tó. Kəsar gə dər kusuki bə məna toŋ əntəŋ áŋ wəra pisi sar kumsə áŋa haa té gəm. Haa bədoona ta, jəəne minti kar də kusuki məntəŋ məntəŋ mo bə ji joŋre neeteŋa wəra a kuɗuŋa də beleŋ guuduŋ, wə si kusru, bə ne kusru gəm.

KOLOSIŊ 1:29

Haa gud teŋa ta minti ten a joŋreŋa daana bə bandə-bande wəra anə keɗe-keɗe də səɓaki kə Kristu də minti bə ji joŋreŋa də səɓaki giidən daŋ.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

HEBEREŊ 13:21

Pep toŋ koloŋ la gə nakə-neke bə ji gidiirə pisiŋ wəra keɗe, kir minti aŋ jəə la haa karman bə minti giidu bəluŋ. Də Yeesu Kristu, wə jəə joŋre nuutu la cəərə áŋa bə kole áŋ wəra bə ji karman bə minti daw duruŋ. Aŋkeŋ jəə la kə Yeesu Kristu bə faɗnə-faɗna! *Amen.