EFESIŊ 3:4 - JAA TƏMARWAŊ

⁴ A kəkəy bə aŋke kel teŋa, aŋ ase yaŋ ada minti, hel də metə-mete tá də minti waate cəərə Kristu, Hulum bə minti Pepeŋ ŋəmnuŋ, a wəra də dərən kaŋkaŋ.

EFESIŊ 3:4 Iomraidhean Croise

MATIYE 13:11

Wə hərnəy kel minti: «Aŋ teŋ ha'aŋ, kel gə waate sam *Kumna kə Pep gə minti a gə ŋoyə-ŋoyeŋ, wə vaɗnaŋ dəŋ wəra a nəənəŋ. Səma kə kaa kaayaŋ, wə vəɗnəy di wəra ba.

LIKI 8:10

Wə hərnəy kel minti: «Aŋ teŋ ha'aŋ, kel gə waate sam *Kumna kə Pep gə minti a gə ŋoyə-ŋoyeŋ, wə vaɗnaŋ dəŋ wəra a nəənəŋ. Səma kaa kaayaŋ teŋ, ten wəətəy di də ku kumti haa minti jəəne nuutu minti diri bə goleŋ, yə a ase ba. Jəəne nuutu minti kusniy bə iskiŋ, yə a iski guudiŋ ba.»

ROMEŊ 11:25

Kəsaananti ten bele minti aŋ asə kel gə gəəzə-gəəzi gə minti a gə metə-mete teŋ la wəra, kir minti aŋ a ji bə ɗiki saksaki minti aŋ gə asə-ase ba. Kel teŋ haa minti, sərdə kaanə *Israyel ŋéle yaŋ hãã bə minti kaa gə minti paapa gə Ziwifi baŋ gə minti a kir seere wəraŋ, seerə la wəra kəm keɗeŋ.

ROMEŊ 16:25

Aŋ tokɗə Pepeŋ la! Wə bə nakə-neke bə koloŋ də səɓaki a deŋa, damdi *Kel pəsaŋ kəmarwaŋ gə cəərə Kristu gə minti ten wəra bə wəətiya waateŋ ana, daana damdi ɗiki kə Pep bə ɗampə-ɗampe bə cəərə Kristuŋ, bə minti a bə metə-mete da anə hãã, waate anaŋ gəm.

I KOREŊTƏŊ 13:2

Jəə la nuutu kəna minti aye bə joge ku Pepeŋ sarəna, ten bə asə-ase gud kel gə minti le kaŋ bay ase guudi wəra keɗe'i, ten bə nakə-neke cəərə ase bə kara keɗe, ten bə doo-de kir waate pərki minti wə zee la, wə ze wəraŋ ɗaw, jəəne minti beleŋ paapa giidəna baŋ, ten paapa kəm karman ba saksaki.

I KOREŊTƏŊ 4:1

Kaŋ kir gole are *kaa kə vaa-ve kə Kristuŋ bə kaa kə joŋre nuutu anəkay faɗi. Are haa kaa gə minti Pepeŋ ayaŋ kasi are haa joŋre bə veɗe hel nuutu də metə-meteŋ wəra a kaŋ.

II KOREŊTƏŊ 11:6

Hel də waate kel paapa sarəna bə té ana ba ɗawmay moŋ, səma a ase bə karaŋ, ten paapa bə kerpə-kerpe ba. Də gidiirə kel keɗe, də ko mundu mundu mo, are vaɗnaŋ dəŋ wəra.

EFESIŊ 1:9

Wə gaŋ gud hel nuutu də metə-meteŋ wəra a áŋ. Gud bele nuutuŋa ha'aŋ, wə a ɗəkəŋ wəra ajewa hãã faɗi minti tó bə doora ku wəra haa də Kristu

EFESIŊ 3:3

Hel nuutu də minti a jəŋ wəra də metə-meteŋ, a wəra hebkəna də dərən gud bə minti wə vaɗənan dən wəra. Ten a jeereŋ də ne weseka ajew da kanda cəərə da.

EFESIŊ 3:9

Hel də minti Pepeŋ doŋ ku karman bə minti wə a ɗəkəŋ bə jəw dəərəŋ, ten kir vaɗa wəra a kaŋ keɗe. Pep tó bə minti jəŋ kar keɗeŋ, wə a metna a ɗiki du da warda hãã,

EFESIŊ 5:32

Kəna ta'i kənaŋ, kel kəmtəŋ gə metə-mete yaŋ ada. Ten waate haa kəna sam karman bə minti ten a wəətunu səmu kanda cəərə Kristu da də kaa kə Tapiŋ.

EFESIŊ 6:19

Aŋ toosə Pepeŋ la cəərəna gəm, minti ten ɗəlaŋ ne bə biŋi kuna wəra bə waate kelaŋ, Pepeŋ ayan di la kir minti kel kə metə-mete gə minti Kel pəsaŋ kəmarwaŋ vəɗəy wəra, ten gay guudi la wəra bay walka.

KOLOSIŊ 1:26

haa hel nuutu də minti a jəŋ wəra də metə-mete dər kaŋ da anə hãã dayday. Səma wə gaanə guudə wəra hebkəna a kaa nuutuŋ.

KOLOSIŊ 2:2

Ten bə ji bədoona kir minti diri jəə la də teŋə-teŋe, yə jəə la gə tapə-tepe dər beleŋa, daana minti yə asə gəəziŋ la wəra, də fele bə guuduŋ ada keɗe, bə ase karman wəra ciiri anə kaŋkaŋ. Bədoona ana, yə neke yaŋ bə ase hel də metə-mete kə Pepeŋ, haa Kristu də kusru faɗi.

KOLOSIŊ 4:3

Aŋ əsəŋ ne bə tooseŋ, aŋ toosə la cəərə are gəm kir minti Pepeŋ bəŋ kəkəy la a are bə waate kel nuutuŋ wəra. Kel teŋ haa hel nuutu də metə-mete də waate sam Kristuŋ, ten hebkəna a daŋgaya haa guudi.

I TIMOTE 3:16

Gəəzi kel kəmtəŋ té gə minti Pepeŋ vəɗnəy wəraŋ, haa kel gə minti ge dər áŋ a ɗe bə gud Pepeŋaŋ. Hulum neke bə malte ku cəərə kel teŋa kəya ba. Yə haa minti bəŋa: Kristu vəɗaŋ kusru wəra hulum kisirki. Tiiru Cetcetaŋ gəənu guudu wəra minti wə ɗeker. *Kaa kə digi kə Pepeŋ əsnu wəra. Gidiirə kaŋ wəətunu kel nuutuŋ wəra. Giidə koŋa wəra keɗe, kaŋ doŋ gud kel nuutuŋa. Pepeŋ həənu warna apəy na a ko bə məyan na.

I TIMOTE 3:9

Yə gargə la gud gəəzi də kel gə minti Pepeŋ vəɗnəy di wəra cəərə deŋa də ɗiki di bay baymele ada.