EFESIŊ 3:16 - JAA TƏMARWAŊ

¹⁶ Ten bə mante kəəsu minti, gud boblo bə pisi nuutuŋa, wə jeŋeŋ la də Tiiru Cetcetaŋ gal giidiŋa də səɓaki

EFESIŊ 3:16 Iomraidhean Croise

MATIYE 6:13

A yaakə are bə ve dər kel gə minti Nərtitiŋ ke ku kaŋ diiriŋ ba. Səma, doo are la wəra kaasa.›

ROMEŊ 2:29

Səma ji hulum hulum bə Ziwifi bə gəəzə-gəəziŋ haa karman bə minti gal giidu daŋ. Tanta də jamə-jeme də gəəzə-gəəziŋ haa nayta də minti Tiirə Pepeŋ jəərə də ku tarmə hulum; joŋre kə ku gili bə jeerə-jeereŋ paapa ada ba. Hulum toŋ fele tokɗe nuutuŋ haa kasi Pepeŋa, paapa kasi kaa kəsarkaŋa ba.

ROMEŊ 7:22

Gal giidən da anə nemnem ha'aŋ, ten wəra də waale anə fənay-fənay də ku gili kə Pepeŋ.

ROMEŊ 9:23

Wə a bəlaŋ gəm minti, boblo kə toŋ naanaanə me'i moŋ, kaŋ əsu la daana minti tó ɓərsunu də kaa gə minti tó jəŋ giidə tó pəsaŋ siriŋ. Wə a ɗampaŋ kaa teŋ warda hãã bə isiy dər məyan nuutuŋa.

I KOREŊTƏŊ 16:13

Aŋ jəə la wəra gə gunə-guni, aŋ jəə la gə əsə-isi ŋəŋ a deŋa, aŋ əntə giidiŋ la, aŋ jəə la də səɓaki a kəkəy kə Pepeŋa.

II KOREŊTƏŊ 12:9

Səma wə waatənan minti: «Pisi katən bə minti ten jəənəm dəm sarəmaŋ naknam ne. Gud maa mo, səɓaki katən neke bə ge gud kusrə wəra keɗe haa dər nalnal də sar huluma.» Bədoona ta, ten ufi kun haa minti ten də nalnal kir minti səɓaki kə Kristuŋ əsə la giidəna.

II KOREŊTƏŊ 4:16

Gud teŋa ta, tarmə are paapa də darə-dere hor ba. Kusrə are jəəne nuutu bə ze guudu geyeŋ pisi ze ɗaw, gal giidə are ha'aŋ, Pepeŋ bə aye səɓaki ada a hiŋa saksaki.

EFESIŊ 1:18

Ten mante kəəsu minti wə baadaŋ dər ɗiki dəŋ la wəra kir minti aŋ nakə la bə əski gud karman bə minti wə a mantənaŋ warda cuuruŋ, bə minti aŋ gə malə-mele ɗiki dəŋ wəra cuuruŋ gəm. Aŋ nakə la pa bə əski gud kel minti, kar pəsaŋ-pəsaŋ gə minti Pepeŋ a wəətənəy səməy wəra bə əyəy a kaa nuutuŋ, yə kəmtəŋ wəra hasi,

EFESIŊ 1:7

Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 2:7

Wə jəŋ teŋ bədoona haa bə ge dər kaa gə dər ko bə adoroŋ naŋ, minti tó jəŋ pisi kə toŋ ablaw wəra hasi sar kaŋa ŋaanaanə mo. Wə gaŋ dər áŋ cəərə kel teŋa a kəkəy bə minti wə jəŋ pisiŋ sar áŋa gud tepe náŋa də Kristuŋ.

EFESIŊ 3:15

Kaŋ gə camə-ceme gud kəmni ta'-ta'i apəy na daana adawra kəna, yə haŋ kel teŋ haa kəəsu; mindi mindi mo də buru.

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

EFESIŊ 6:10

Bə tewe cəərə kel, ten bele waataŋ minti: aŋ goldə səɓaki nəətiŋ la haa a tepe nəətiŋa də Barkaŋ daana sar səɓaki nuutu də minti wəra mooto hasiŋa.

FILIPIŊ 4:13

Ten bə nakə-neke bə ji bədoona cəərə kara keɗe haa gud səɓaki də minti Kristu bə ayan dənaŋ.

FILIPIŊ 4:19

Kar gə kasi Pep bə minti ten bə kaw awalnaŋ, gədəəgi di paapa. Bədoona ana, gud tepe nəətiŋa də Yeesu Kristuŋ, wə ayaŋ kar gə minti aŋ də caadiŋ yaŋ keɗe gəm.

KOLOSIŊ 1:11

Wə ayaŋ səɓaki yaŋ anə kaŋkaŋ də səɓaki nuutu mooto hasaŋ, kir minti aŋ nakə la bə hale daana bə mi ku gidiirə kela keɗe də waale.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

KOLOSIŊ 2:2

Ten bə ji bədoona kir minti diri jəə la də teŋə-teŋe, yə jəə la gə tapə-tepe dər beleŋa, daana minti yə asə gəəziŋ la wəra, də fele bə guuduŋ ada keɗe, bə ase karman wəra ciiri anə kaŋkaŋ. Bədoona ana, yə neke yaŋ bə ase hel də metə-mete kə Pepeŋ, haa Kristu də kusru faɗi.

II TIMOTE 4:17

Səma Barkaŋ də kusru, wə yaakənan wəra ba. Wə jəŋ dəərən daana wə aynan səɓaki bə waate kel nuutu wəra kaŋkaŋ, kəya kaa gə minti teŋ paapa kaanə Ziwifi baŋ keɗe iskiniy. Barkaŋ də kusru, wə seerenen wəra ku googoŋa.

HEBEREŊ 11:34

yə noktoŋ anə cəwa hərhəraŋ, daana yə seerteŋ wəra ku macəlama. Yə a wəra gə gayə-geye, yə haraŋ bə falte səɓaki, yə jəətəŋ kaa kə samsam a duuriŋa daana yə taktaŋ kaa kə acukur neeteŋ a tara.

I PIYER 3:4

Ana ɗaw ha'aŋ, aŋ ayə ɗiki dəŋ la minti pəsaŋ dəŋ jəə da haa ku tarməyaŋ da aker da. Aŋ jəə la bə ji kese də kaŋa daana aŋ jəə la sããya, gud bə minti teŋ haa kar gə koloŋ pəsaŋ gə minti tewe hõy ba daana gə minti de dər Pepeŋ ablaw.