EFESIŊ 3:11 - JAA TƏMARWAŊ

¹¹ Kel teŋ gila keɗe təpaŋ də karman bə minti Pepeŋ a ŋəɓnu warda hãã daana bə minti wə duunu ku wəra hebkəna də Yeesu Kristu Barkaŋ náŋ.

EFESIŊ 3:11 Iomraidhean Croise

ROMEŊ 9:11

Pepeŋ a waatəna wəra minti: «Kurmiyi bobloŋ ɗe a kole bə ji joŋre a nayto konceŋ.» Wə waataŋ kel teŋ ha'aŋ də bə minti yə a kəm bay weŋ ɗaw, kəya yə jəŋ karman pisi mo, baymele mo, kəm paapa. Wə jəŋ bədoona haa bə ge dər minti tó ŋəmaŋ beebe məna gud karməya té ɓasiŋa haa gud ɗiki nuutu bə minti wə a həənu wardaŋ. Bədoona ta, Pepeŋ kumna cəərə ŋeme bə kaa nuutuŋa. Wə ŋəməy paapa gud karman bə minti yə juunu ba, wə ŋəməy haa gud bə minti wə a bəlaŋ məntəy warda a kusru bədoona anəkay faɗi.

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

EFESIŊ 1:11

A tepe náŋa də Kristu, wə ŋamtaŋ áŋ warda minti áŋ jəə la kə tó gud hel də minti wə a ɗampəna warda hãã ajew daŋ. Wə haa hulum bə minti de ku kar wəra keɗe'i, damdi giidu bəlaŋ ana'iŋ.

EFESIŊ 1:4

Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

EFESIŊ 1:9

Wə gaŋ gud hel nuutu də metə-meteŋ wəra a áŋ. Gud bele nuutuŋa ha'aŋ, wə a ɗəkəŋ wəra ajewa hãã faɗi minti tó bə doora ku wəra haa də Kristu

EFESIŊ 3:1

Gud teŋa ta, ten Pol, ten toose nin haa Pepeŋ. Ten a daŋgaya gud joŋre kə Yeesu Kristuŋa gud aŋ gə minti paapa gə Ziwifi baŋ.

II TIMOTE 1:9

Pepeŋ seereŋ áŋ wəra haa tó, daana wə mantaŋ áŋ wəra minti áŋ kolə la wəra kaa kə tó. Wə jəŋ teŋ gila keɗe haa paapa gud joŋre náŋ pisi bə minti áŋ a juunu ba, səma gud minti wə bəlaŋ bədoona ana daana wə jəŋ pisiŋ sar áŋa. Wə jəŋ giidu pəsaŋ wəra cəərə áŋa gud Kristu Yeesu wəra hãã ajew də mele bə gud koŋa.