EFESIŊ 3:10 - JAA TƏMARWAŊ

¹⁰ kir minti bə hebkənaŋ, kəkamnaŋ daana kaa kə səɓak-səɓakiŋ gə apəyaŋ, asə gidiirə ablaw də ase kə Pepeŋ la wəra gud kaa kə Tapiŋa.

EFESIŊ 3:10 Iomraidhean Croise

ROMEŊ 11:33

Pisi kə Pepeŋ wəra boblo hasi! Ase nuutuŋ daana minti kar keɗe də duruŋ wəra bə daŋə-deŋe keɗe! Ɗiki bə minti wə təku bə jəəti kar, mindi bə nakə-neke bə daw guudu mo? Hel də minti wə jəəti kar dəərəŋ, mindi bə nakə-neke bə əskə guudə mo?

ROMEŊ 8:38

Gəəzi ten wəra bə asə-ase cəərəna anə kaŋkaŋ faɗi minti: Koo meŋ, koo ji bə dədərgəŋ, koo *kaa kə digi kə Pepeŋ, koo kar gə minti kəkamna apəyaŋ, koo ko bə hebkənaŋ, koo ko bə ajew naŋ, koo kar kə abay-abay gə apəyaŋ,

I KOREŊTƏŊ 1:24

Kə kaa gə minti Pepeŋ məntənəy minti yə jəə la kə toŋ, yə jəəne gə Ziwifi, paapa gə Ziwifi ba, teŋ asaŋ wəra minti Kristu haa səɓakiŋ daana ase kə Pepeŋ.

I KOREŊTƏŊ 2:7

Ase bə minti are bə wəətu səmu ha'aŋ, haa ase kə Pepeŋ. A dayday, kaŋ a əsnu ba gud bə minti Pepeŋ a kəm bay gaw guudu wəra. Wə a ɗəmpunu warda hãã ajew də mele bə gud koŋ da minti are falə tokɗeŋ la duuru gud ase toŋa.

EFESIŊ 1:21

A ko toŋa ta, Kristu wəra bə əsə-isi kumna cəərə kəkamnaŋa, cəərə kar kə səɓak-səɓakiŋa, cəərə kar kə abay-abaya, cəərə kar gə cəwa-cəwaŋa keɗe'i. Kar məntəŋ məntəŋ mo gə minti áŋ bə wəətəy səməya dər ko bə hebkənaŋa, ɗalba dər ko bə minti bə ɗe a ji ajew naŋ gəm, wə dəŋnəy wəra keɗe.

EFESIŊ 1:23

Gud maa mo, Tapiŋ haa kusrə Kristu; wə doorə ku wəra haa tó, wə de ku kar gə jəə-jiŋ wəra keɗe haa tó gəm.

EFESIŊ 1:3

Doŋ kir minti tokɗeŋ jəə la kə Pep Bar Barkaŋ náŋ Yeesu Kristuŋ. Wə jəŋ pisiŋ sar áŋa gud tepe náŋa də Kristu haa a kəkəy bə minti wə ayaŋ gidiirə kar pəsaŋ gə apəyaŋ gə minti a tiiruŋaŋ wəra a áŋ keɗe'iŋ.

EFESIŊ 1:8

aseŋ daana neŋ wəra a áŋ anə kaŋkaŋ.

EFESIŊ 6:12

Gud maa mo, duuri náŋ paapa də kaa kəsarkaŋ ba, duuri náŋ haa də kəkamna gə apəyaŋ, kar kə səɓakiŋ, kəmnə də ko bə tilməŋ daana kəwal gə minti dər ko bə apəyaŋaŋ keɗe.

KOLOSIŊ 1:16

Pepeŋ jəŋ kar keɗe haa duuru: kar gə minti apəyaŋ də kaayaŋ gə adawraŋ keɗe, kar gə minti aŋ əsəy də kaayaŋ gə minti aŋ əsəy baŋ. Teŋ haa anə kar gə minti kəkamnaŋ a tiiruŋaŋ, kar gə cəwa-cəwaŋ, kəkamnaŋ, kar kə səɓak-səɓakiŋ. Pepeŋ jəŋ kar keɗe haa duuru, a nuunu gəm.

KOLOSIŊ 2:10

Gud tepe nəətiŋa duuru taŋ, aŋ wəra anə kaŋkaŋ gə doo-de kuŋ, gud maa mo wə haa kumna cəərə kəkamnaŋa, cəərə kar kə səɓak-səɓakiŋa gəm.

KOLOSIŊ 2:15

Abay kə kəkamnaŋ daana kə kar kə səɓak-səɓakiŋ, wə pəənə wəra kəəsi. Wə kulnuy kese bə minti wə kəlaŋ wəra tiini, té guudu anə ɓiwiw lam wəra də dər kaŋ ke'-ke'i keɗe adordə minti wə a pəŋ bulum wəra ciiri a kəbaŋ gə largaŋaŋ.

I TIMOTE 3:16

Gəəzi kel kəmtəŋ té gə minti Pepeŋ vəɗnəy wəraŋ, haa kel gə minti ge dər áŋ a ɗe bə gud Pepeŋaŋ. Hulum neke bə malte ku cəərə kel teŋa kəya ba. Yə haa minti bəŋa: Kristu vəɗaŋ kusru wəra hulum kisirki. Tiiru Cetcetaŋ gəənu guudu wəra minti wə ɗeker. *Kaa kə digi kə Pepeŋ əsnu wəra. Gidiirə kaŋ wəətunu kel nuutuŋ wəra. Giidə koŋa wəra keɗe, kaŋ doŋ gud kel nuutuŋa. Pepeŋ həənu warna apəy na a ko bə məyan na.

I PIYER 1:12

Pepeŋ vəɗnəy kel wəra minti, kel gə minti yə bə wəətiya ha'aŋ, yə ɗe a ji diri ba, səma yə haa kel nəəti. Kaa gə minti bə waate *Kel pəsaŋ kəmarwaŋa hebkənaŋ, yə waatənaŋ kel teŋ wəra. Yə wəətənəy haa paapa də səɓaki neete ba, yə wəətənəy haa də səɓaki kə Tiiru Cetcetaŋ də minti bəŋ apəy daŋ. *Kaa kə digi kə Pepeŋ də kusri bə golde haa minti té asə gud kel teŋ la gəm ɗaw.

I PIYER 3:22

Wə kooroŋ apəy na tarmə pepeŋ na, wə bə əsə-isi a kasi kemer kə Pepeŋa, wə bə əsə-isi kumna cəərə *kaa kə digi kə Pepeŋa, də kar kə saɓak-səɓakiŋ daana kar kə abay-abay gə apəyaŋ.