EFESIŊ 3:1 - JAA TƏMARWAŊ

¹ Gud teŋa ta, ten Pol, ten toose nin haa Pepeŋ. Ten a daŋgaya gud joŋre kə Yeesu Kristuŋa gud aŋ gə minti paapa gə Ziwifi baŋ.

EFESIŊ 3:1 Iomraidhean Croise

LIKI 21:12

Səma, ajew də kar teŋa keɗeŋ, yə topoŋ yaŋ, yə ləsaŋ yaŋ, yə bə taɗtaŋ yaŋ warna ku kəətiŋ na giidə *kuli bə toose kə kaanə Ziwifiŋ na, yə fəkaŋ yaŋ a daŋgaya, yə ɗe yaŋ dəərəŋ tiinə kaa kə dəməəməŋ na, keɗe haa gud səmana.

JOŊRE 21:33

Hulum bobloŋ zeŋ siriy na, wə vaŋ sootoŋ bə ɗe a de Pol. Wə wəətənəy minti yə dogə dər gaalay la ɓasi, yə bəŋu la duuru. Yə bəŋnu wəra baŋŋa, adoro wə əsəŋ bə mante gud Pola daana gud kel gə minti wə a jiiniy gəm.

JOŊRE 23:18

Sooto toŋ kooroŋ bə ɗe a məlu sar hulum bobloŋ. Wə wəətunu minti: «Pol, hulum bə daŋgay, mantənan na, wə ɗeŋ a waatan minti ten bəə la a məlam pur toŋ gila, kel yaŋ ku kir waatam di. Ten bəŋ da duuru haa sə teŋ.»

JOŊRE 26:29

Pol hərnu kel minti: «Jəəne nuutu minti hiti jəə la ablaw bə ɗaw, ɗalba hiti ablaw ɗaw, ten toose Pepeŋ haa minti tam kumnaŋ, də kaa kaayaŋ gə minti bə jeɓren kuna hebkəna keɗeŋ, aŋ kolə la wəra damdi ten bə doo-de ana faɗi, səma paapa kaa kə daŋgay bə ten ana ba!»

JOŊRE 9:15

Səma Barkaŋ wəətunu minti: «Ɗee la nəmti. Hulum toŋ cawaŋ, ten ŋəmnu wəra bə jən digi. Wə waatan səman yaŋ wəra a kaa gə minti teŋ paapa gə Ziwifi baŋ, a kəkamnaŋ neeteŋ daana a kaanə *Israyel gəm.

II KOREŊTƏŊ 1:6

Are jəəne bə se gəəliŋaŋ, are saw haa minti dərəŋ teŋə la daana aŋ falə seereŋ la. Dər are jəəne də teŋə-teŋeŋ haa bə gaŋ bə fele teŋe bə dəra, bə koloŋ bə mi ku gidiirə gəəli bə minti haŋ naare bə minti are bə səwaŋ gəm.

II KOREŊTƏŊ 10:1

Hebkəna də manteŋ sarəŋa haa ten Pol də kusrən, ten bə minti yə waatan səman minti: «Wə jəəne aduubə də áŋaŋ, kel paapa ku ba, wə jəəne paapaŋ, kel nuutuŋ də cəwaŋ.» Ten waataŋ dəŋ hebkəna haa də sããya diŋ daana də pisi kə Kristuŋ faɗi.

II KOREŊTƏŊ 11:23

Yə minti té kaa kə joŋre kə Kristu? Ten haa hulum bə joŋre nuutu dəŋəy ɗaw! (Ten waate kel kəm damdi cəərən wəra də ɓalkə-ɓalke ana!) Ten gəyaŋ də joŋreŋ dəŋəy faɗi, ten hamtaŋ daŋgay dəŋəy, yə latnan ablaw dəŋəy, ten jəŋ ku kel kə meŋa kampa ablaw dəŋəy gəm.

GALATIŊ 5:11

Kəsaananti, katən ha'aŋ, kaŋ bə ɗiki haa minti ten bə waate minti kaŋ kir ceme təntəri wəra bə kole kusri ɗeker dər Pepeŋa. Sə a jəə la kəna bədoonaŋ, kaanə Ziwifiŋ sə a ləsan ba. Kel gə minti Pepeŋ kole kaŋ wəra diiri ɗeker gud me kə Yeesuŋa wəra a kəbaŋ gə largaŋa, yə sə a gay warna bə gəm.

GALATIŊ 5:2

Aŋ jeɓrə la wəra pisi. Waataŋ kel haa ten Pol minti: jəəne minti aŋ yaakaŋ kusrəŋ ne minti yə *cəmaŋ tantəraŋ la kəm me'i paŋ, kel teŋ ge dər haa minti joŋre bə minti Kristu juunu wəra cəərəŋaŋ nəkaŋ karman ba.

GALATIŊ 5:24

Kaa gə minti teŋ wəra kə Yeesu Kristuŋ, yə ŋoryoŋ kusri bə hatə-hate də baymeleŋ warna haa ŋorye faɗi. Yə ŋoryoŋ wəra haa kar gə bayməlaŋ gə minti yə a bə bələya ablaw gəm. Yə ɓəlnəy wəra apəya də Yeesu a kəbaŋ gə largaŋa.

EFESIŊ 3:11

Kel teŋ gila keɗe təpaŋ də karman bə minti Pepeŋ a ŋəɓnu warda hãã daana bə minti wə duunu ku wəra hebkəna də Yeesu Kristu Barkaŋ náŋ.

EFESIŊ 3:13

Gud teŋa ta, ten waataŋ minti aŋ a dere hor kas lasi də minti ten bə saara guudəŋaŋ ba. Gud maa mo, aŋ bə fele aŋkeŋ haa gud lasi taŋa ɗaw.

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

EFESIŊ 4:1

Bədoona ta, ten bə minti a daŋgaya gud joŋre kə Barkaŋaŋ, ten bə jəŋ kamkama minti: ɗe dəŋ jəə la bə tapə-tepe də mante bə minti Pepeŋ mantənaŋ da duuruŋ ha'aŋ ana gəm.

EFESIŊ 6:20

Ten nuutu kəm hebkəna a daŋgaya, də teŋ keɗe ten haa hulum bə gaa-ge kə Kel pəsaŋ kəmarwaŋ teŋ. Bədoona ana ta, aŋ toosə la cəərəna kir minti ten wəətəy la wəra bay walka damdi ten sə a wəətəy ana.

FILIPIŊ 1:7

Haa pisi bə minti ɗiki dən cəərəŋa bədoona ana'iŋ, gud bə minti aŋ wəra gə kalə-kele ku tarməna anə haɗak-haɗaki. Gud maa mo, aŋ gə falə-fele pisi kə Pepeŋ dəərən kir minti aŋ kəyan la də ko bə minti ten hebkəna a daŋgaya daana bə minti ten bə kuuri də kəəti gud Kel pəsaŋ kəmarwaŋ kə Pepeŋa, bə yəəkəy wəra kaŋkaŋ də səɓakiŋ.

KOLOSIŊ 1:24

Bə hebkənaŋ, ten də waale ku lasi də minti ten bə saara guudəŋaŋ. Gud maa mo, də lasi də minti dər kusuki dəna tə pə moŋ, ten bə keye bə de ku lasi kə Kristu də minti a yaaktaŋ bay tope ku wəraŋ, də minti hulum saara a kəkəy bə joŋre nuutuŋaŋ. Ten saara ha'aŋ gud kusrə Kristuŋ; kusru haa kaa kə Tapiŋ faɗi.

KOLOSIŊ 4:18

Karman bə minti ten Pol jeereŋ toŋ də kaasən, haa mirkiŋ ta'i kəna faɗi. Cəərəŋ a ge ba minti ten kəm a daŋgayaŋ. Pisi kə Pepeŋ jəə la dəərəŋ!

KOLOSIŊ 4:3

Aŋ əsəŋ ne bə tooseŋ, aŋ toosə la cəərə are gəm kir minti Pepeŋ bəŋ kəkəy la a are bə waate kel nuutuŋ wəra. Kel teŋ haa hel nuutu də metə-mete də waate sam Kristuŋ, ten hebkəna a daŋgaya haa guudi.

II TIMOTE 1:16

Səma kə Onesifor ha'aŋ, Barkaŋ gaa pisiŋ la cəərə kuli nuutuŋa, gud maa mo wə teŋtənen dərən kampa ablaw. Wə jəŋ kese minti ten a daŋgayaŋa naanaanə mo ba.

II TIMOTE 1:8

Bədoona ana ta, a ji kese bə waate kel wəra cəərə Barkaŋ náŋa ba. Ten bə minti hebkəna a daŋgaya gud kel duŋ, a ji kese kaasəna bə gəm. Səmaŋa, saa lasiŋ la gud *Kel pəsaŋ kəmarwaŋ kə Pepeŋa akas tena ana gəm də səɓaki də minti Pepeŋ aynam dəm.

Filemoŋ 1:1

Jeere kefter toŋ haa kəya ten Pol, ten bə minti yə doonon a daŋgaya gud kel də Yeesu Kristuŋ. Are bə jiiru daana seenə áŋ Timote. Are jeere kefter toŋ a nəənəm Filemoŋ, tam bə minti daarə areŋ, daana tam kumsə are bə joŋreŋ.

Filemoŋ 1:23

Epafrasi bə minti are a daŋgaya də kumsi gud kel də Yeesu Kristuŋ bə mirkim na pis-pisi.

Filemoŋ 1:9

də teŋ keɗe ten bele haa ɗaw minti ten mante karman kaasəma də kamkam gud beleŋa. Damdi ten Pol ana, ten hulum pəərəŋki bə minti hebkəna a daŋgaya gud kel də Kristuŋ,

VEƊE 2:10

Aŋ a ji walka kas lasi də minti aŋ bə saara yaŋ palpal ba. Golə la, Nərtitiŋ bə feke sərdəŋ yaŋ a daŋgaya bə goloŋ koɗoŋ, aŋ bə se lasi yaŋ kir hiti hori. Aŋ əsə la ɓeti jəəne nuutu minti yə awaŋ, kəya ten ayaŋ werke bə bulum yaŋ, werke toŋ haa dədərgəŋ.