EFESIŊ 2:8 - JAA TƏMARWAŊ

⁸ Gud maa mo, aŋ fəlaŋ seereŋ ha'aŋ, kas minti Pepeŋ jəŋ pisiŋ sarəŋa gud bə minti aŋ doŋ gud karman bə minti Yeesu juunu. Aŋ fəlu haa paapa də səɓaki dəŋ ba, wə haa karman bə minti Pepeŋ aynaŋ dəŋ wəra boobo.

EFESIŊ 2:8 Iomraidhean Croise

MATIYE 16:17

Kəya Yeesu wəətunu minti: «Simoŋ kormə Zonasiŋ, waaleŋ nəmti gud maa mo tam fəlaŋ gud kel teŋ haa paapa tam də kusrum ba, gaanam guudi wəra haa Barən bə minti apəyaŋ.

MATIYE 20:9

Kaa gə minti yə humnuy a joŋreŋa də cəwa də minti yə le kəccəŋ aker da dəərəŋ bəŋ, mindi mindi mo fəlaŋ werkeŋ də soloy kooso məna'i.

MARKƏ 16:16

Hulum bə minti doŋ ne daana yə juunu batem neŋ, wə seere yaŋ wəra. Hulum bə minti doŋ baŋ, kəəti kə Pepeŋ daw yaŋ.

LIKI 7:50

Səma Yeesu waataŋ həlgəŋ minti: «De niitiŋ siiriniy ne wəra. Ɗee la kəkaaɓa.»

Kel pəsaŋ kəmarwaŋ gə minti Zaŋ jiiriniy 3:36

Hulum bə minti doŋ kel kə kurmuyuŋ neŋ, toŋ fəlaŋ dədərgə də bay teweŋ ne. Hulum bə minti humuŋ kosoŋ cəərə kel kə kurmuyuŋa baŋ, wə fele dədərgə taŋ ba, waŋ kə Pepeŋ ji cuuru saksaki.»

Kel pəsaŋ kəmarwaŋ gə minti Zaŋ jiiriniy 4:10

Wə harna kel minti: «Karman bə minti Pepeŋ əyu a kaŋ a jəə la də diriŋ, daana hulum bə minti bə mante kana kəəsi gilaŋ a jəə la də diri gəm, sə a mante kan kəəsu haa te ɗaw. Wə sə a əyəy haa kan gə aye dədərgəŋ.»

Kel pəsaŋ kəmarwaŋ gə minti Zaŋ jiiriniy 5:24

Gəəzi, gəəzi, ten waataŋ, hulum bə minti iski kel gə minti ten wəətəy, wə doŋ ne gud Barən bə minti gaanan daŋ gəm, hulum toŋ fəlaŋ dədərgə də bay teweŋ ne wəra ɗaw. Kəəti daw pəda, wə cakɗaŋ da ne warda cəərə meŋ da, wə máŋ wəra a dədərgəŋa ɗaw.

Kel pəsaŋ kəmarwaŋ gə minti Zaŋ jiiriniy 6:35

Yeesu wəətənəy minti: «Ten kəna hame bə minti aye dədərgəŋ a kaŋ. Hulum bə minti bəŋ da ne sarən daŋ daana wə doŋ ne guudənaŋ, tay ɗəmu hõy ba, kinkin daw hõy bə gəm.

Kel pəsaŋ kəmarwaŋ gə minti Zaŋ jiiriniy 6:37

Kaa gə minti Barən ayan dən, yə bi sarəna keɗe. Hulum bə minti bəŋ ne sarənaŋ, ten həru duru warna ba anə ceki.

Kel pəsaŋ kəmarwaŋ gə minti Zaŋ jiiriniy 6:40

Bədoona ana, karman bə minti giidə Barən bəluŋ haa minti, mindi mindi mo asaŋ ten kurmuyuŋ neŋ daana doŋ ne guudənaŋ, wə falə dədərgə də bay teweŋ la, daana ten həru la wəra dədərgə adordə meŋa dər hi bə adoroŋa.»

Kel pəsaŋ kəmarwaŋ gə minti Zaŋ jiiriniy 6:44

Jəəne minti Barən bə minti gaanan daŋ zeŋ hulum sarən da baŋ, wə neke bə bi sarəna ba. Dər hi bə adoroŋa ha'aŋ, ten həru yaŋ wəra dədərgə adordə meŋa.

Kel pəsaŋ kəmarwaŋ gə minti Zaŋ jiiriniy 6:65

Yeesu wəətənəy ada pa minti: «Ten waatənaŋ minti bi sarəna haa kaa gə minti Barən əynəy kəkəy bə biŋ təwa haa sə teŋ derra faɗi.»

JOŊRE 14:27

Də ko bə minti yə tuluŋ Antiyosi na anəkay, yə təpaŋ cəərə kaa kə Tapiŋ faɗi. Yə əsəŋ bə tupuy bəlam də kel gə minti Pepeŋ jəŋ joŋreŋ keɗe də té naanaanə ji moŋ. Yə wəətənəy daŋgeŋ haa kel gə minti Pepeŋ a jəŋ kir minti kaa gə minti teŋ paapa gə Ziwifi baŋ nakə la bə de guudu gəm.

JOŊRE 15:11

Ana ɗaw, áŋ a wəra gə doo-de gud kela minti: áŋ gə Ziwifiŋ fele seereŋ haa gud pisi bə jəə-ji bə sar kaŋ kə Barkaŋ náŋ Yeesuŋ, bə kaayaŋ ana gəm.»

JOŊRE 16:14

Adəwaldə kəram teŋa ha'aŋ, həlgə kəman yaŋ ada, sam minti Litiya. A haa həlgə də Tiyatir daana a bə kaate awalna a Pepeŋ pa. Joŋre naataŋ haa celeere də dəməəmə pas-pasa də minti kaa kə begeŋ gustəŋ. Bə minti Pol bə waate kelaŋ, Barkaŋ malna ɗiki də ɗeketi cəərə kel teŋa, wə bəŋnə ku tarmaya wəra bə doy.

JOŊRE 16:31

Yə hərnu kel minti: «Doo la gud Barkaŋ Yeesu, tam seere yaŋ wəra də gə gerdem keɗe.»

ROMEŊ 10:14

Səma jəənə minti kaŋ doŋ guudu baŋ, yə hare mante neeteŋ suru naanaanə mo? Yə de guudu naanaanə mo jəəne minti yə a uskunu səmu bə waate hõy baŋ? Yə usku səmu bə waate naanaanə mo jəəne minti hulum paapa bə ɗe a wəətu səmu wəra a niini baŋ?

ROMEŊ 10:17

Aŋ asaŋ ne, aŋ fele deŋ haa gud əski bə kel kə waatə-waateŋa wəra, kel té gə minti waate wəra cəərə Kristuŋ faɗi.

ROMEŊ 4:16

Gud teŋa ta, karman bə minti Pepeŋ a wəətunu səmu wəraŋ, bə əsə-isi haa cəərə deŋa kir minti wə jəə la wəra pəɗaki karman bə minti wə əynu a kaasaw də Abraham keɗe boobo. Wə əyu haa a kaa gə minti bə humi kosoŋa cəərə ku giliŋaŋ, daana a kaayaŋ gə minti doŋ damdi Abraham a doŋ anaŋ gəm. Gud maa mo, Abraham haa bar áŋ gə doo-deŋ keɗe

ROMEŊ 4:5

Kə hulum bə minti məlaŋ ɗiki du paapa cəərə kar gə minti wə bə jiya baŋ, wə məlnu ana ɗaw cəərə Pep bə minti kole kaa kə ji baymeleŋ wəra duru ɗeker, wə aŋke haa de kə hulum toŋ bə kulu wəra duru ɗeker.

ROMEŊ 9:16

Wə ji kel teŋ gud giidu pəsaŋ gə minti wə jəy sar kaŋaŋ, paapa gud bele bə giidu kə huluma ba, paapa gud joŋre nuutuŋa bə gəm.

GALATIŊ 3:14

Yeesu Kristu jəŋ teŋ bədoona haa minti, pisi bə minti Pepeŋ a wəətunu səmu wəraŋ minti tó jəw sar Abrahamaŋ, wə jəw la sar kaa gə minti paapa gə Ziwifi baŋ gəm. Wə jəŋ teŋ haa kir minti áŋ falə Tiiru də minti Pepeŋ a waatəna sama wəraŋ la, gud de náŋ bə guuduŋa.

GALATIŊ 3:22

Kefter kə Pepeŋ waataŋ wəra minti baymeleŋ pəŋ bulum wəra cəərə kaŋa keɗe, kir minti kaa gə minti doŋ gud pisi bə minti Yeesu Kristu juunuŋ, yə falə karman bə minti Pepeŋ a wəətunu səmu wəraŋ la ɗaw.

EFESIŊ 1:19

daana səɓaki də minti wə ji kar a áŋ kaa kə doo-deŋ dəərəŋ, a wəra mooto hasi faɗi gəm ŋaanaanə mo. Səɓaki taŋ ha'aŋ, wə gaana guudə wəra ji də səɓakiŋ

EFESIŊ 2:10

Gud maa mo, hel də minti Pepeŋ jəənə gilaŋ keɗeŋ, cəərə awaŋ haa áŋ: gud tepe náŋa də Yeesu Kristu, wə jəŋ áŋ kir minti áŋ jəə la haa joŋre pisi bə minti wə a ɗəmpunu warda hãã ajew da minti áŋ daw ku la wəraŋ.

EFESIŊ 2:5

bə minti áŋ a kəm nuutu damdi kaa kə mee-me tiinu gud baymele náŋaŋ, wə haraŋ áŋ wəra zugi dədərgə gud tepe náŋa də Kristu (aŋ fəlaŋ seereŋ ha'aŋ, kas minti Pepeŋ jəŋ giidu pəsaŋ cəərəŋaŋ).

FILIPIŊ 1:29

Gud maa mo, cəərə kel də Kristu ha'aŋ, Pepeŋ aynaŋ kəkəy paapa minti aŋ doo la guudu təwa ba, səma minti aŋ lasə la guudu gəm.

KOLOSIŊ 2:12

Bə minti yə jəənəŋ batem, aŋ jəŋ haa damdi aŋ a wəra gə vaa-ve a tələŋkə də Kristu keɗe, daana aŋ haraŋ wəra dədərgə adordə meŋa duuru keɗe ana gəm. Kel teŋ jəŋ bədoona ana haa gud bə minti aŋ doŋ gud səɓaki kə Pep bə minti hərnu wəra dədərgə adordə meŋaŋ.

II TESALONIKIŊ 1:9

Daŋgay neeteŋ haa minti yə bese warna kay naŋ bə faɗnə-faɗnaŋ faɗiŋ. Yə bə ji paapa də aŋar də Barkaŋ pəda gəm, də aŋar də məyan nuutu mooto hasaŋ pəda gəm.

HEBEREŊ 6:4

Gud maa mo kel haa bə ha'aŋ ana: kə kaa gə minti gaŋ de neete bə gud Pepeŋ ne wəraŋ, hulum neke bə hərəy bə kole kirki a baymele neeteŋ bə hare bə de gud Kristu paŋ, yə ji ba. Kaa teŋ ha'aŋ, Pepeŋ a wəlnəy tərməyi wəra də gəəziŋ, yə a wəra gə falə-fele pisiŋ kəəsu ablaw, Tiiru Cetcetaŋ a wəra də ɓarsə-ɓarse a niini gəm. Kel kə Pepeŋ disi naanaanə me'i moŋ, yə a wəra gə asə-ase diiri. Səɓaki də ko bə minti Pepeŋ ɗe a ji kumnaŋ duru na ajew naŋ naanaanə moŋ, yə a wəra gə asə-ase dəərə gəm. Də teŋ keɗe yə haraŋ bə ɗe a ji kar gə minti yə a jəŋ bə jiya ajew də bə minti yə a kəm bay de gud Pepeŋaŋ! Gud teŋa ta, bə hare bə kuluya bə kole kirki a baymele neeteŋ ji bə pa, gud bə minti yə bə ji haa damdi yə haraŋ bə ɓele Kormə Pepeŋ wəra a kəbaŋ gə largaŋa máŋ té də kusri gadi faɗi, daana bə kulu kese wəra də dər kaŋ anə pəɗaki laki ana.

I PIYER 1:5

a aŋ kaa gə minti Pepeŋ bə amaŋa də səɓaki nuutuŋ gud de nəəti bə guuduŋaŋ. Wə bə amaŋa kir minti aŋ falə seereŋ la, seere tó bə minti wə bə vəɗu yaŋ wəra a kaŋ a tewe bə koŋaŋ.