EFESIŊ 2:3 - JAA TƏMARWAŊ

³ Áŋ keɗe, áŋ a jəŋ haa bə kaa teŋ ana gəm. Áŋ a bə ɗe haa gud kel gə minti kusrə áŋ bə hatə-hate də baymeleŋ a bə bələyaŋ. Kar məntə məntə mo keɗe minti kusukiŋ daana ɗiki dəŋ bələy, áŋ jiitiniy anə faɗ-faɗi. Bədoona ana, gud kusrə áŋ toŋa ta, áŋ a wəra gə sokə-soke haa minti kəəti kə Pepeŋ sə a humi áŋ damdi kaa kaayaŋ teŋ ana gəm.

EFESIŊ 2:3 Iomraidhean Croise

MARKƏ 4:19

səma ɗiki də kel gə minti bə ji siri cəərə seŋkaŋaŋ huyuy ablaw, yə bə ji haa tiniini də kusri a kəkəy bə golde hurmaŋaŋ, daana yə bə saane kar gaalaŋa ablaw pa. Gud teŋa ta, kar teŋ huufi kel kə Pepeŋ wəra, de neeteŋ si ajewa pəda gəm.

Kel pəsaŋ kəmarwaŋ gə minti Zaŋ jiiriniy 1:13

Yə koloŋ wəra karmə Pepeŋ haa paapa gud we kə kaa kəsarkaŋa ba, paapa gud bə minti kəmni jəŋ də caadə kumsiŋ bə gəm, gud ɗiki kə hulum kisirkiŋa bə gəm. Pepeŋ bəlaŋ minti yə jəə la karmə toŋ haa tó.

Kel pəsaŋ kəmarwaŋ gə minti Zaŋ jiiriniy 8:44

Bəraŋ haa Nərtitiŋ daana aŋ bele ji haa kar gə minti giidə bələy gəm. Də anə hãã faɗi, a hulum bə awte titi. Kel kə gəəziŋ, teŋ haŋ sara ba anə ceki, gud maa mo gəəziŋ paapa giidə ba. Bə minti a ŋete kel, a waate haa kel gə minti bəŋ giidə daŋ gud bə minti a hulum bə ŋete kel, a haa Nər kel kə ŋeteŋ faɗi.

JOŊRE 14:16

Dər laate bə ajew daŋ, Pepeŋ a yaakaŋ kaŋ keɗe bə ji karman bə minti gole diri pisiŋ.

ROMEŊ 1:24

Gud teŋa ta, Pepeŋ yəəkənəy warna ku kar kə bayməlaŋ gə minti yə də kinkin di bə jəy. Kəya yə bə zode kusri wəra té də kusri də kel kə kes-kese gə minti yə bə jiitiyaŋ.

ROMEŊ 11:30

A dayday, aŋ gə minti paapa gə Ziwifi baŋ humuŋ kosoŋ cəərə Pepeŋa ba. Bə hebkənaŋ, wə jəŋ giidu pəsaŋ sarəŋa haa gud bə minti kaanə Ziwifiŋ yaakaŋ humi bə kosoŋ bə cuuruŋ wəraŋ.

ROMEŊ 13:14

Aŋ ganə la haa də Barkaŋ Yeesu Kristu. Aŋ yaakə ɗiki bə kar gə minti kusrəŋ bə hatə-hate də baymeleŋ bele minti aŋ jəy laŋ la faɗi.

ROMEŊ 2:14

Kaa gə minti paapa gə Ziwifi baŋ, ku gili kə Moyisiŋ paapa də diri ba. Səma hõy a ko kəmana, yə ji kel gə minti giidə ku gili kə Moyisiŋaŋ də ciiri anə faɗi gəm. Bə minti yə bə ji bədoonaŋ, yə ge dər wəra minti karman pisi bə jiŋ də dər té, jəəne nuutu minti ku giliŋ paapa də dər té baŋ.

ROMEŊ 5:10

A dayday bə minti áŋ a kəm acukur də Pepeŋ, wə haraŋ bə tepe áŋa duuru də me də Kurmuyuŋ. Bədoona ta minti áŋ wəra gə tapə-tepe duuruŋ, wəra cəərə áŋa faɗi minti wə ɗe a de ku seere áŋ yaŋ wəra gud bə minti Kurmuyuŋ dədərgə caw gəm.

ROMEŊ 5:9

Pepeŋ koloŋ áŋ wəra duru ɗeker haa gud kor də Kristu gəm. Bədoona ana, wəra cəərə áŋa faɗi minti wə de áŋ yaŋ wəra ku kəəti kə Pep bə minti sə a ɗe a de áŋ.

ROMEŊ 6:12

Bədoona ana, aŋ a yaake baymeleŋ bə ji abaya cəərə kusrəŋ bə minti bə me yaŋ wəraŋ ba, kir minti wə a gaŋ bə humi kosoŋa cəərə ɗiki bə baymel-baymele bə minti feke ku tarməyaŋ daŋ bə gəm.

ROMEŊ 7:18

Gud maa mo, ten wəra bə asə-ase minti pisiŋ paapa giidəna ba. Ten waate haa sam kusrən a kusukiŋa. Ku tarməna haa caadə ji pisiŋ, səma ten paapa bə nakə-neke bə jəw ba,

ROMEŊ 9:22

Kel gə minti Pepeŋ jiiniy haa bədoona ana gəm. Wə a bəlaŋ minti kaŋ asə la minti tó bə kolə-kole waŋ, tó də səɓaki gəm. Də teŋ keɗe, wə məŋ ablaw bə hale kaa té gə minti wə a bə kolə-kole waŋ siri daana gə minti a wəra maŋ kir minti wə bəsəy wəraŋ.

I KOREŊTƏŊ 4:7

Tam gəm taŋ, mindi waatənam minti tam dəŋaŋ kumsum mo? Karman bə minti dər nəmtiŋ adaŋ, haa maa mo? Jəəne minti yə aynam dəm haa aye keɗeŋ, tam bə he cəərə kusrum apəya damdi yə aynam dəm paapa aye ba anaŋ, haa səm mo?

II KOREŊTƏŊ 7:1

Aŋ gədaarən gə agŋ-agŋ, Pepeŋ a waataŋ sam kar teŋ warda keɗe a áŋ. Gud teŋa ta, baymele bə minti zode áŋ a kusuki də áŋa daana dər ɗiki də áŋaŋ, áŋ pəw la wəra ku tarmə áŋa keɗe, áŋ jəə la wəra dəra'i a Pepeŋ gud bə minti áŋ ji walka kəəsuŋ.

GALATIŊ 3:22

Kefter kə Pepeŋ waataŋ wəra minti baymeleŋ pəŋ bulum wəra cəərə kaŋa keɗe, kir minti kaa gə minti doŋ gud pisi bə minti Yeesu Kristu juunuŋ, yə falə karman bə minti Pepeŋ a wəətunu səmu wəraŋ la ɗaw.

EFESIŊ 2:2

Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 4:22

Kel teŋ haa minti bəŋa, a kəkəy bə minti aŋ yaake ɗe dəŋ bə minti aŋ a jəŋ bə ɗe guuduŋ wəraŋ, aŋ pəə tiirəŋ də dayday də minti a bə kaŋa dər baymeleŋa la wəra. A bele naataŋ haa kel kə bayməlaŋ bə siitiŋ dərəŋ daana bə bəsaŋ wəra.

KOLOSIŊ 1:21

Ana aŋ ha'aŋ, a dayday Pepeŋ a paapa də dərəŋ ba. Aŋ a koloŋ wəra kaa kə acukur nuutu gud ɗiki nəəti bə minti bə maltaŋ bə jəəti kar kə bayməlaŋaŋ.

1 TESALONIKIŊ 4:13

Kəsaanə areŋ, are bele minti aŋ əskə kel də kaa kə mee-meŋ la wəra gəm kir minti aŋ a ji dər laawe damdi kaayaŋ gə minti məlaŋ ɗiki di baŋ ana ba.

1 TESALONIKIŊ 5:6

Bədoona ana, áŋ a ve kin akas kaayaŋa ana ba. Áŋ əsə la wəra gə gunə-guni daana áŋ doo kusrə áŋ la ku baymeleŋa.

I TIMOTE 6:9

Səma kaa gə minti teŋ golde minti té kolə la də hurmaŋ, hurmaŋ kay kuy, yə feke wəra dər kel kə gəəliŋa damdi karman bə minti doŋ a vewa ana. Yə golde haa kar gə minti ɓalke kaŋ daana bəsəy wəraŋ.

TITI 3:3

Gud maa mo, áŋ də kusrə áŋ ha'aŋ, áŋ a jəŋ dayday haa kaa gə minti kel paapa də dər áŋ ba, paapa bə de ku huluma ba, áŋ a wəra gə lentə-lente. Áŋ a jəŋ kafkam gə saane gidiirə kar keɗe gə minti giidə áŋ bələy. Áŋ a zugi haa dər sərkəŋa daana də lemlem də kar kə kaa. Kaŋ a maltaŋ dər áŋ wəra, áŋ maltaŋ dər kumsə áŋ wəra gəm.

I PIYER 1:14

Aŋ humə kosoŋ la saksaki cəərə Bəraŋ Pepeŋa. A dayday, bə minti aŋ kəm bay ase Kel pəsaŋ kəmarwaŋ, kel gə minti giidiŋ bələy a bə ɗe dəərəŋ haa té. Bə hebkəna ha'aŋ, aŋ a yəəkəy kəkəy pəda.

II PIYER 2:14

Yə golde saksaki haa jəəti bə piwpiw, yə paapa bə seepe kas jəəti bə baymeleŋ ba. Kaa gə minti de neeteŋ paapa də səɓaki baŋ, yə təɗtəy wəra guudi. Yə hataŋ kusri wəra də kurfuki. Kəəti kə Pepeŋ bə doo-de diiri.

II PIYER 2:18

Yə waate haa kel kə hage sam kusriŋ saksaki, anaaŋa guudi paapa ta'a ba. Yə ji joŋreŋ də kusri bə hatə-hate də baymeleŋ bə tope kaa gə minti a ɓətəŋ warda kəmarwaŋ ku kaa kə laŋtə-laŋte da də vew neeteŋ.

I ZAŊ 2:16

gud bə minti kar gə cəərə seŋkaŋ keɗeŋ bəŋ paapa sar Bar áŋ Pepeŋ da ba. Kar teŋ haa anə ɗiki bə kar gə minti kusukiŋ bələy, siiti bə dər, daana he bə cəŋ apəya gud hurmaŋaŋ. Kar teŋ bəŋ keɗe haa gud kel gə cəərə seŋkaŋ da.

I ZAŊ 2:8

Də teŋ keɗeŋ, ten bə jeereŋ dəŋa hebkəna ha'aŋ damdi wə kimirwi ana. Joŋre kə Kristuŋ, də nəətiŋ, ge dər kaŋ minti ku gili toŋ, wə gəəzi, gud bə minti tilməŋ əsəŋ bə tewe wəra daana pəɗaki də gəəzə-gəəziŋ hebkəna wəra bə wele koŋa ɗaw.