EFESIŊ 2:2 - JAA TƏMARWAŊ

² Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 2:2 Iomraidhean Croise

MATIYE 11:19

Ten *Kormə Hulúm bəŋ, ten hame, ten se kumuy. Aŋ minti: ‹Golə hulum toŋ la kəm! Wə də həryəm də kar keɗe, də kumuy gəm. Wə jaa də *kaa kə tope lambaŋ də kaa kə bayməlaŋ ablaw gəm.› Də teŋ keɗe, ase kə Pepeŋ vəɗaŋ wəra pisi ɗeker ha'aŋ gud joŋre nuutu pisiŋa.»

MATIYE 13:22

Kaa gaalaŋ yaŋ, teŋ haa damdi ko bə kəjəma bə minti dər kar vaŋ adaŋ ana. Yə iski kel kə Pepeŋ, səma ɗiki də kel gə minti bə ji siri cəərə seŋkaŋaŋ huyuy ablaw, yə bə ji haa tiniini də kusri a kəkəy bə golde hurmaŋaŋ. Gud teŋa ta, kar teŋ huufi kel kə Pepeŋ wəra, de neeteŋ si ajewa pəda gəm.

MATIYE 13:38

Akaŋ, haa seŋkaŋ neŋneŋ keɗe. Dər kaasaw pəsaŋ, haa kaa gə minti humi kosoŋ cəərə kel də *Kumna kə Pepeŋaŋ. Ciiŋir haa kaa gə minti humi kosoŋ cəərə Nərtitiŋaŋ.

MARKƏ 4:19

səma ɗiki də kel gə minti bə ji siri cəərə seŋkaŋaŋ huyuy ablaw, yə bə ji haa tiniini də kusri a kəkəy bə golde hurmaŋaŋ, daana yə bə saane kar gaalaŋa ablaw pa. Gud teŋa ta, kar teŋ huufi kel kə Pepeŋ wəra, de neeteŋ si ajewa pəda gəm.

LIKI 16:8

Kəya bərdə hulum aŋkaŋ sam hulum nuutu bə hãy-hãy, gud bə minti wə jəŋ joŋreŋ də hel. Kaa kə dogoynaŋ asaŋ hel bə ji joŋre neeteŋ aduubə də kumsi dəŋaŋ kaa kə pəɗakiŋ.»

LIKI 22:31

Yeesu minti: «Simoŋ, Simoŋ, Sataŋ mantaŋ səɓaki bə gəgələm damdi yə gəgəli kaasaw wəraŋ ana.

Kel pəsaŋ kəmarwaŋ gə minti Zaŋ jiiriniy 12:31

Máŋ hebkəna haa cəwa də minti Pepeŋ bə jeme kəəti də kaa gə cəərə seŋkaŋ daana də minti wə bə sarme kumna bə cəərə seŋkaŋ warnaŋ.

Kel pəsaŋ kəmarwaŋ gə minti Zaŋ jiiriniy 13:2

Yeesu də kaa gə guuduŋ a jəŋ bə hame. Nərtitiŋ a koloŋ ɗiki bə baymele ku tarmə Zudasi kormə Simoŋ Iskariyotiŋa minti wə malə gud Yeesu la wəra.

Kel pəsaŋ kəmarwaŋ gə minti Zaŋ jiiriniy 13:27

Zudasi doŋ mappaŋ anəkay, *Sataŋ vaŋ cuuru faɗi gəm. Yeesu əsəŋ bə wəətu minti: «Karman bə minti tam sə a jəw, jəw la cəlam faɗi.»

Kel pəsaŋ kəmarwaŋ gə minti Zaŋ jiiriniy 14:30

Ten waate kel dəərəŋ ajew na ablaw pəda gud maa mo kumna bə cəərə seŋkaŋ day da. Səɓaki paapa kəəsu anə weseki bə isi cəərəna kumna ba,

Kel pəsaŋ kəmarwaŋ gə minti Zaŋ jiiriniy 15:19

Aŋ a jəə la kaa neeteŋ, yə sə a bəlaŋ gud maa mo aŋ haa kaa kə kumsəŋ. Səma aŋ paapa kaa neeteŋ pəda gud bə minti ten ŋamnaŋ warda minti aŋ a ji kə seŋkaŋ pəda. Yə koloŋ bə məlaŋ dərəŋ wəra haa sə teŋ.

Kel pəsaŋ kəmarwaŋ gə minti Zaŋ jiiriniy 16:11

Ɗiki di paapa a kuɗuŋa cəərə kəətiŋa bə gəm gud bə minti Pepeŋ doŋ kumna bə cəərə seŋkaŋ ne wəra də kəətiŋ ɗaw.

Kel pəsaŋ kəmarwaŋ gə minti Zaŋ jiiriniy 7:7

Kaa gə cəərə seŋkaŋ neke bə məlaŋ dərəŋ wəra ba, səma ten toŋ ha'aŋ, yə malnan dərən wəra gud maa mo ten kəətəy gud joŋre neete bə baymeleŋ wəra saksaki.

Kel pəsaŋ kəmarwaŋ gə minti Zaŋ jiiriniy 8:23

Kəya Yeesu minti: «Aŋ ha'aŋ, guudəŋ faŋ haa adawra kəna, ten toŋ, guudən faŋ haa apəy da; aŋ teŋ haa kə seŋkaŋ, ten toŋ paapa kə seŋkaŋ ba.

Kel pəsaŋ kəmarwaŋ gə minti Zaŋ jiiriniy 8:44

Bəraŋ haa Nərtitiŋ daana aŋ bele ji haa kar gə minti giidə bələy gəm. Də anə hãã faɗi, a hulum bə awte titi. Kel kə gəəziŋ, teŋ haŋ sara ba anə ceki, gud maa mo gəəziŋ paapa giidə ba. Bə minti a ŋete kel, a waate haa kel gə minti bəŋ giidə daŋ gud bə minti a hulum bə ŋete kel, a haa Nər kel kə ŋeteŋ faɗi.

JOŊRE 19:35

Ɗeŋ a deye kəyaŋ, hulum bə jeerte kel gə giidə vil zeneŋ kaŋ nuutu ta. Wə wəətənəy minti: «Hayya, aŋ gə Efesiŋ! Aŋ wəra gə asə-ase minti vil náŋ ta'i kəna, a bə ame cəərə kuli kə pepe náŋ Artemisi mooto daana cəərə foto naata bə minti awaŋ apəy daŋ, də jəə-ji də pərki, kaŋ bə kaw awalna. Hulum yaŋ caw bay ase kel teŋ mo? Kaŋ wəra gə asə-ase kel teŋ keɗe.

JOŊRE 5:3

Kəya Piyer wəətunu minti: «Ananiyasi, maa toŋ bə jəənəm pə mo minti tam yaakaŋ *Sataŋ bə kele ku tarməyamaŋ? Gud kel naataŋa ta, tam ŋeteŋ kel a Tiiru Cetcetaŋ a kəkəy bə minti tam ŋoyoŋ sərdə soloy bə minti tam a fəlnu də akaŋ wardaŋ.

ROMEŊ 12:2

Aŋ a tepe ɗe dəŋ də kə kaa gə dər ko bə hebkənaŋ ba. Aŋ yaakə Pepeŋ la bə koloŋa də ɗiki kimirwi bə minti wə bə ayaŋ dəŋaŋ ɗaw, kir minti aŋ nakə la bə ase karman bə minti giidə Pepeŋ bəluŋ, haa karman bə minti pisi, bə minti daw duruŋ, daana bə minti a kuɗuŋa damdi wə sə a ji bədoona anaŋ.

I KOREŊTƏŊ 5:10

Ten waataŋ ada na paapa sam kaa gə minti bay ase Pepeŋ ŋaanaanə mo ba. Kaa kə jəəti booboŋ, kaa kə həryəm-həryəm, kaa kə jəəti dəgaayaŋ, kaa gə minti ke awalna a kar gə minti yə guluy pepe neeteŋ, kəna cəərə seŋkaŋa haa té faɗi. Hulum waataŋ ne minti tó tepe diiri baŋ, wə kir yaake wəra haa seŋkaŋ keɗe faɗi gəm.

I KOREŊTƏŊ 6:11

A dayday, sərdə kaa guudəŋa a bə jəəti haa kel teŋ gəm. Səma Tiirə Pepeŋ baadənaŋ baymele nəətiŋ wəra, a kolnoŋ wəra dəra'i a nuunu daana ɗeker duru, haa gud sam Barkaŋ Yeesu Kristu.

II KOREŊTƏŊ 4:4

Yə iski ba gud bə minti Nərtitiŋ, kumna bə cəərə seŋkaŋ, biwini ɗiki di wəra. A hay kuy wəra minti yə a ase pəɗaki də Kel pəsaŋ kəmarwaŋ gə minti waate sam boblo kə Kristuŋ wəraŋ ba. Tó Kristu bə haa-he haa Pepeŋ derra faɗi.

GALATIŊ 1:4

Kristu yaakaŋ kusru bə me gud áŋa bə seere áŋ wəra ku baymele náŋa, kir minti baymele bə cəərə seŋkaŋ a isi kumna cəərə áŋa pəda. Bədoona ana, wə doŋ ku kel gə minti giidə Pep Bar áŋ a bəlnəy wəra.

EFESIŊ 1:21

A ko toŋa ta, Kristu wəra bə əsə-isi kumna cəərə kəkamnaŋa, cəərə kar kə səɓak-səɓakiŋa, cəərə kar kə abay-abaya, cəərə kar gə cəwa-cəwaŋa keɗe'i. Kar məntəŋ məntəŋ mo gə minti áŋ bə wəətəy səməya dər ko bə hebkənaŋa, ɗalba dər ko bə minti bə ɗe a ji ajew naŋ gəm, wə dəŋnəy wəra keɗe.

EFESIŊ 2:11

Gud teŋa ta, aŋ gə minti a paapa gə Ziwifi baŋ, aŋ a jəŋ dayday naanaanə mo, aŋ harə la kəm bə ɗiki kel teŋa. Kaanə Ziwifiŋ a jəŋ bə mantəŋa minti: «kaa kə *tantəraŋ də bay ceme». Yə mante kusri minti té teŋ kaa gə tanta də camə-ceme gud tarwa tá də minti yə kaara a kusuki diŋ.

EFESIŊ 2:13

Səma, bə hebkənaŋ, gud tepe nəətiŋa də Kristu Yeesu, aŋ gə minti a dayday wəra tooto sar Pepeŋaŋ, aŋ koloŋ ne máŋ hebkəna suru maŋ gud keere bə minti Kristu kiirunu wəra də kusruŋ.

EFESIŊ 2:3

Áŋ keɗe, áŋ a jəŋ haa bə kaa teŋ ana gəm. Áŋ a bə ɗe haa gud kel gə minti kusrə áŋ bə hatə-hate də baymeleŋ a bə bələyaŋ. Kar məntə məntə mo keɗe minti kusukiŋ daana ɗiki dəŋ bələy, áŋ jiitiniy anə faɗ-faɗi. Bədoona ana, gud kusrə áŋ toŋa ta, áŋ a wəra gə sokə-soke haa minti kəəti kə Pepeŋ sə a humi áŋ damdi kaa kaayaŋ teŋ ana gəm.

EFESIŊ 4:17

Bədoona ana, day ta'i kənaŋ haa karman bə minti ten jəŋ kamkam cuuru gud sam Barkaŋaŋ minti: aŋ a ji kusrəŋ damdi kaa gə minti Pepeŋ paapa də diri baŋ ana pəda. Ɗiki neete bə minti yə bə ɗe guuduŋ wəra haa ko bə boobo.

EFESIŊ 4:22

Kel teŋ haa minti bəŋa, a kəkəy bə minti aŋ yaake ɗe dəŋ bə minti aŋ a jəŋ bə ɗe guuduŋ wəraŋ, aŋ pəə tiirəŋ də dayday də minti a bə kaŋa dər baymeleŋa la wəra. A bele naataŋ haa kel kə bayməlaŋ bə siitiŋ dərəŋ daana bə bəsaŋ wəra.

EFESIŊ 5:6

Aŋ a yaake hulum bə ləŋaŋa wəra də kel gə bay bəlam di kəman ba anə ceki. Gud maa mo, waŋ kə Pepeŋ awte cəərə kaa gə minti paapa bə humi kosoŋa cuuru baŋ, haa gud kumsə kel teŋa kəya faɗi.

EFESIŊ 5:8

A dayday, ko bə tilməŋ a jəŋ haa aŋ faɗi. Səma bə hebkənaŋ ha'aŋ, gud tepe nəətiŋa də Barkaŋ, ko bə pəɗakiŋ máŋ haa aŋ faɗi gəm. Gud teŋa ta, ɗe dəŋ jəə la haa kə kaa kə ko bə pəɗakiŋ.

EFESIŊ 6:12

Gud maa mo, duuri náŋ paapa də kaa kəsarkaŋ ba, duuri náŋ haa də kəkamna gə apəyaŋ, kar kə səɓakiŋ, kəmnə də ko bə tilməŋ daana kəwal gə minti dər ko bə apəyaŋaŋ keɗe.

KOLOSIŊ 1:21

Ana aŋ ha'aŋ, a dayday Pepeŋ a paapa də dərəŋ ba. Aŋ a koloŋ wəra kaa kə acukur nuutu gud ɗiki nəəti bə minti bə maltaŋ bə jəəti kar kə bayməlaŋaŋ.

II TIMOTE 4:10

Gud maa mo Demasi ŋoryonon wəra gud bə minti wə bele kar gə cəərə seŋka gə hebkənaŋ ablaw, wə kooroŋ giidə seŋka də Tesalonikiŋ. Keresaŋ toŋ kooroŋ Galati, Titi gəm, toŋ warna Dalmasi na.

ZAKI 1:27

Karman bə minti Pep Abaŋ aŋke toŋ minti haa ɗe bə gud tó *cetcetiŋ daana kaŋkaŋiŋ, haa bə minti hulum bə ase caadə kaa kə kukuyu daana kəram gə bay dər gəəli neeteŋa, daana wə bə amə kusru pisi bay taɓke də kel kə bayməlaŋ gə cəərə seŋkaŋ.

ZAKI 1:7

Kumsə hulum toŋ kəyaŋ, wə a ɗiki minti tó bə fele karman yaŋ kasi Barkaŋ Pepeŋa ba,

ZAKI 4:4

Aŋ kaa teŋ gə minti paapa bə isi gud Pepeŋa ɗeketi baŋ! Aŋ nuutu gə asə-ase minti tam jəəne jaa də kar gə cəərə seŋkaŋ tam wəra acukur də Pepeŋ mo? Bədoona ta, hulum bə minti bəlaŋ ne minti tó jəə la jaa də kar gə cəərə seŋkaŋ kənaŋ, wə kole kusru wəra haa acukur də Pepeŋ.

I PIYER 1:14

Aŋ humə kosoŋ la saksaki cəərə Bəraŋ Pepeŋa. A dayday, bə minti aŋ kəm bay ase Kel pəsaŋ kəmarwaŋ, kel gə minti giidiŋ bələy a bə ɗe dəərəŋ haa té. Bə hebkəna ha'aŋ, aŋ a yəəkəy kəkəy pəda.

I PIYER 4:3

Gud maa mo aŋ a fəlaŋ dərəŋ warda anə kaŋkaŋ dər ko bə raawə-raaweŋ da bə ji kar gə minti giidə kaa gə minti Pepeŋ paapa də diri baŋ. Aŋ a jəŋ kaa kə jəəti booboŋ, bə ɗe gud kel kə bayməlaŋ gə minti giidəŋ bələy, aŋ a bə markete saksaki, aŋ jəətəŋ kəɗwəy bə hame daana bə se həryəm-həryəm hãã bə minti aŋ kole harse wəra harseŋ, aŋ a bə tapte bə satete haa kumuy, aŋ a bə ke awalna a kar gə minti aŋ kulnuy Pep nəətiŋ, karman toŋ a wəra baymele hasi. Aŋ a raawe də ji bə kel teŋ ajew na pəda.

II PIYER 2:14

Yə golde saksaki haa jəəti bə piwpiw, yə paapa bə seepe kas jəəti bə baymeleŋ ba. Kaa gə minti de neeteŋ paapa də səɓaki baŋ, yə təɗtəy wəra guudi. Yə hataŋ kusri wəra də kurfuki. Kəəti kə Pepeŋ bə doo-de diiri.

I ZAŊ 3:10

Hulum bə minti paapa bə ji kel ɗekeriŋa ba, daana paapa bə bele siinuŋa baŋ, toŋ paapa kormə Pepeŋ ba. Áŋ ase minti zuga karmə Pepeŋ, zuga karmə Nərtitiŋ haa gud teŋa.

I ZAŊ 3:8

Hulum bə minti bə ji baymeleŋa saksakiŋ, toŋ kə *Nərtitiŋ, gud bə minti a ha'aŋ, a məlaŋ gud ji bə baymeleŋ hãã a mele bə gud koŋ daŋ haa tá. Kormə Pepeŋ bəŋ cəərə kel naataŋa anə derra, minti tó ɓalkə joŋre naataŋ la wəra.

I ZAŊ 4:4

Karmanti, aŋ haa kə Pepeŋ. Aŋ pəŋ bulum ne wəra cəərə kaa té gə jogte ku mini bə ceme teteŋa, gud bə minti Hulum bə minti giidiŋaŋ dəŋaŋ hulum kə kaa gə cəərə seŋkaŋ də səɓaki.

I ZAŊ 5:19

Náŋ ha'aŋ, áŋ gə asə-ase minti áŋ kə Pepeŋ. Səma seŋkaŋ keɗe kasi Nər Sərkəŋa.

I ZAŊ 5:4

gud bə minti kormə Pep mundu mundu mo keɗe də səɓaki bə pi bulum cəərə kar gə cəərə seŋkaŋa. Hel də minti áŋ pi bulum ciiri dəərəŋ haa de náŋ bə gud Yeesu Kristuŋ.

VEƊE 12:9

Dəragoŋ mooto wiriktikaŋ, haa hənji də dayday, hənji də minti yə mante minti Nərtitiŋ kumundu ba *Sataŋ. A haa karman bə minti vaŋ kaa gə cəərə seŋkaŋ bə ji baymeleŋaŋ. Yə zogna də kaa kə digi naataŋ keɗe warda apəy da cəərə seŋkaŋ da.

VEƊE 13:14

Wə lenteŋ kaa gə cəərə seŋkaŋ wəra də miɗi bə minti wə nəkaŋ bə jəw də dər bege bə ajew. Bege tó bə ɓasiŋ haŋ gud kaŋ minti yə ɗampə karman la damdi bege bə ajew ana bə əyu tokɗeŋ. Bege toŋ, yə a ŋiinu də caafay, wə haraŋ wəra dədərgə.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 16:17

Hulum bə digi kə Pepeŋ bə seeɗaŋ pukuŋ karman bə giidə taasa nuutuŋ dər kaŋkawa. Kəya Pepeŋ əsəŋ bə waate kel da də səɓaki cəərə jaaŋa də giidə Kuli nuutuŋ da minti: «Ten doŋ ku kel ne wəra.»

VEƊE 20:2

Wə doŋ dəragoŋ, dəragoŋ taŋ haa hənji də dayday, Nərtitiŋ, daana *Sataŋ. Wə untunu də gaalay, wə gaana giidə tələŋkə kələmləma də bay nobeŋa a daŋgaya kir laate guɓi. Wə gisiŋ ku tələŋkəŋ də lakəle, wə larpəna ku wəra də karman minti a jəə la də gisə-gisi kir laate guɓi minti dəragoŋ a laŋte gidiirə kaŋ wəra pəda. Adordə laate toŋa kəyaŋ, yə bə hare bə bədə wəra kir hiti anə maka bagŋ.