EFESIŊ 2:13 - JAA TƏMARWAŊ

¹³ Səma, bə hebkənaŋ, gud tepe nəətiŋa də Kristu Yeesu, aŋ gə minti a dayday wəra tooto sar Pepeŋaŋ, aŋ koloŋ ne máŋ hebkəna suru maŋ gud keere bə minti Kristu kiirunu wəra də kusruŋ.

EFESIŊ 2:13 Iomraidhean Croise

Kel pəsaŋ kəmarwaŋ gə minti Zaŋ jiiriniy 10:16

Kaamaŋ katən gaalaŋ yaŋ, teŋ paapa giidə hiwa kəna ba. Ten kir kele tiini bə ɗe a əməy gəm. Yə əskən dordən yaŋ, yə tepe yaŋ wəra də kumsi kaayaŋ məna, ten əməy yaŋ məna gəm.

JOŊRE 15:14

Simoŋ a topoŋ bəlam də kel wəra a áŋ minti, də anə hãã a mele bə gud kel daŋ, Pepeŋ a ɗəkəŋ cəərə kaa gə minti paapa gə Ziwifi baŋ. Wə ŋamtaŋ sirdi guudi ada minti yə kolə la wəra kaa kə tó.

JOŊRE 2:39

Gud maa mo, Pepeŋ a waataŋ wəra kaŋkaŋ minti tó aya yaŋ wəra a nəənəŋ, a karməyaŋ, a kaa gə minti nuutu paapa sarəŋa kəna maŋ baŋ keɗe; gə minti Barkaŋ Pep náŋ bə məntəy yaŋ keɗe gəm.»

JOŊRE 22:21

Kəya Barkaŋ waatənan minti: ‹Ɗee la, gud maa mo ten bə gam haa warna tooto sar kaa gə minti teŋ paapa gə Ziwifiŋ baŋ.›»

JOŊRE 26:18

bə ɗe a piŋtiy diri wəra, bə humuy warda dər tilməŋ da bə vay dər pəɗakiŋa, daana bə humuy warda dər ko bə minti *Sataŋ bə əsə-isi kumnaŋ cuuruŋ, bə vay a ko bə minti Pepeŋ bə əsə-isi kumna cuuruŋ gəm. Bədoona ta, yə doŋ ne guudəna, Pepeŋ vəəgi giidu yaŋ wəra cəərə baymele neeteŋa daana yə ɗe yaŋ a fele ko sar kaayaŋ gə minti wə koloŋ teŋ wəra kaa nuutuŋ gəm.› »

ROMEŊ 8:1

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

I KOREŊTƏŊ 1:30

Pepeŋ ayaŋ aseŋ a áŋ haa gud Yeesu Kristu faɗi. Gud maa mo, gud tepe náŋa də Kristu, áŋ koloŋ bə gole duru ɗeker, kaa gə minti wəra dəra'i a nuunu daana gə bədə-bidi wəra ku baymeleŋa.

I KOREŊTƏŊ 12:13

Gud maa mo áŋ keɗe, kaanə Ziwifi, paapa gə Ziwifi ba, kafkam, paapa kafkam ba, yə jəŋ batem a áŋ haa də Tiiru Cetcetaŋ tá də mənaŋ bə kole áŋ wəra kusrə hulum bə məna gəm. Pepeŋ ayaŋ Tiiru tá də məna ku tarmə áŋa keɗe.

I KOREŊTƏŊ 6:11

A dayday, sərdə kaa guudəŋa a bə jəəti haa kel teŋ gəm. Səma Tiirə Pepeŋ baadənaŋ baymele nəətiŋ wəra, a kolnoŋ wəra dəra'i a nuunu daana ɗeker duru, haa gud sam Barkaŋ Yeesu Kristu.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

GALATIŊ 3:28

Bədoona ta, hulum bə Ziwifiŋ paapa hal də hulum bə minti paapa bə Ziwifi baŋ ba. Kafkam paapa hal də hulum bə minti paapa kafkam baŋ ba. Hulum koŋkor paapa hal də həlgəŋ bə gəm. Gud maa mo aŋ təpaŋ wəra də Yeesu Kristu, kəya aŋ koloŋ wəra hulum məna'i.

EFESIŊ 1:1

Jeere kefter toŋ haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Ten gaw a kaa kə Pep gə minti giidə vil də Efesiŋaŋ, gə minti ɓeti a tepe neeteŋa də Yeesu Kristuŋ.

EFESIŊ 1:7

Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 2:10

Gud maa mo, hel də minti Pepeŋ jəənə gilaŋ keɗeŋ, cəərə awaŋ haa áŋ: gud tepe náŋa də Yeesu Kristu, wə jəŋ áŋ kir minti áŋ jəə la haa joŋre pisi bə minti wə a ɗəmpunu warda hãã ajew da minti áŋ daw ku la wəraŋ.

EFESIŊ 2:12

Də ko toŋ ateŋa ha'aŋ, adəwaldəŋ a wəra də jamə-jeme də Kristu, kəkəy a paapa cəərəŋa minti yə aŋkaŋ adəwaldə kaanə *Israyela ba. *Jaa də minti Pepeŋ a topna də kaŋ gud kel gə minti wə a wəətənəy wəraŋ, a paapa də dərəŋ bə gəm. Aŋ a nuutu lam cəərə seŋkaŋaŋ, səma aŋ a paapa gə nakə-neke bə mele ɗiki dəŋ cəərə karmana ba, Pepeŋ a paapa də dərəŋ bə gəm.

EFESIŊ 2:2

Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 2:6

Gud tepe náŋa də Kristu Yeesu tə bə moŋ, Pepeŋ haraŋ áŋ wəra dədərgə adordə meŋa duuru daana wə əsəŋ áŋ duuru apəya a kumna nuutuŋa.

HEBEREŊ 9:18

Gud teŋa ta, yə jəŋ joŋre də jaa də ajew ha'aŋ, yə gaŋ kor wəra kəm.

I PIYER 3:18

Kristu də kusru ləsaŋ warna gud baymele kə kaŋ na kampa məna faɗi. Tó bə minti jəŋ baymele hõy baŋ, wə ləsaŋ a koɗ kaa kə baymeleŋa kir minti tó ɗee la dəərəŋ a Pepeŋ. Kaŋ awaŋ haa kusuki du, səma Tiiru Cetcetaŋ haraŋ bə əyu dədərgəŋa.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.