EFESIŊ 2:12 - JAA TƏMARWAŊ

¹² Də ko toŋ ateŋa ha'aŋ, adəwaldəŋ a wəra də jamə-jeme də Kristu, kəkəy a paapa cəərəŋa minti yə aŋkaŋ adəwaldə kaanə *Israyela ba. *Jaa də minti Pepeŋ a topna də kaŋ gud kel gə minti wə a wəətənəy wəraŋ, a paapa də dərəŋ bə gəm. Aŋ a nuutu lam cəərə seŋkaŋaŋ, səma aŋ a paapa gə nakə-neke bə mele ɗiki dəŋ cəərə karmana ba, Pepeŋ a paapa də dərəŋ bə gəm.

EFESIŊ 2:12 Iomraidhean Croise

LIKI 1:72

Wə gaŋ dər kəmoomo də áŋ a pisi nuutuŋa, cuuru ɗəkəŋ a de *jaa nuutu *cetcetaŋa,

Kel pəsaŋ kəmarwaŋ gə minti Zaŋ jiiriniy 10:16

Kaamaŋ katən gaalaŋ yaŋ, teŋ paapa giidə hiwa kəna ba. Ten kir kele tiini bə ɗe a əməy gəm. Yə əskən dordən yaŋ, yə tepe yaŋ wəra də kumsi kaayaŋ məna, ten əməy yaŋ məna gəm.

Kel pəsaŋ kəmarwaŋ gə minti Zaŋ jiiriniy 15:5

Ten haa kəbaŋ gə atələələma, aŋ haa kaasa gəm. Hulum bə minti bə gargə-garge sarəna daana ten bə gargə-garge suru gəm, wə bə ji kar pəsaŋ ablaw gud maa mo bay ten, aŋ neke bə ji karman ba anə hasi.

Kel pəsaŋ kəmarwaŋ gə minti Zaŋ jiiriniy 4:22

Aŋ kaanə Samariŋ, aŋ ke awalna nəətiŋ a Pepeŋ ha'aŋ, wə paapa də dərəŋ ba. Are kaanə Ziwifiŋ ke awalna a nuunu ha'aŋ, wə də dər are, gud maa mo seereŋ bəŋ haa ger kaanə Ziwifiŋ da.

JOŊRE 2:39

Gud maa mo, Pepeŋ a waataŋ wəra kaŋkaŋ minti tó aya yaŋ wəra a nəənəŋ, a karməyaŋ, a kaa gə minti nuutu paapa sarəŋa kəna maŋ baŋ keɗe; gə minti Barkaŋ Pep náŋ bə məntəy yaŋ keɗe gəm.»

JOŊRE 28:20

Haa kəya kel gə minti ten mantənaŋ da minti aŋ bəəda a nele dəərən keɗe ciiriŋ. Gud maa mo ten də gaalay toŋ gila ha'aŋ, gud bə minti ɗiki dən wəra bə malə-mele cəərə hulum bə minti kaanə *Israyel a məlaŋ ɗiki di wəra cuuruŋ.»

JOŊRE 3:25

Kaa kə jogte ku mini kə Pepeŋ waataŋ kel gə minti Pepeŋ a wəətənəy wəra minti tó jəy yaŋ. Kel teŋ nəəti faɗi. *Jaa də minti Pepeŋ a doona də kəmoomo də áŋ dayday, a haa jaa nəəti gəm. Pepeŋ doŋ jaa taŋ də ko bə minti wə waataŋ moomo dəŋ Abraham minti: ‹Ten ge pisi yaŋ cəərə kaa gə cəərə seŋkaŋa wəra keɗe gud kaasaw dəma.›

ROMEŊ 9:8

Gud kel teŋ haa minti, kaa gə minti waŋ a kaasaw də Abrahama keɗeŋ paapa karmə Pep gə gəəzə-gəəziŋ ba. Kərmuyuŋ haa kaayaŋ gə minti waŋ gud kel gə minti wə a waataŋ Abraham wəra ciiri təwa faɗi.

GALATIŊ 4:8

Aŋ kaanə Galatiŋ, aŋ a dayday ha'aŋ, Pepeŋ a paapa də dərəŋ ba. Aŋ a jəŋ haa kafkam kə kar gə minti aŋ məntəy minti anə pepe kəman, doloy ha'aŋ, yə paapa Pep bə gəəziŋ ba.

EFESIŊ 2:19

Gud teŋa ta, aŋ paapa kə irku kumundu ba kaa kə aŋay pəda, aŋ máŋ doloy gəga də kaa kə doo-deŋ, aŋ máŋ gə ger kaa kə Pepeŋ gəm.

EFESIŊ 4:18

Ɗiki di wəra bə kerpə-kerpe daana yə wəra tooto sar dədərgə də minti bi kasi Pepeŋ daŋ, gud bə minti yə hẽŋeŋ ku tərməyi wəra a kel kə Pepeŋa, kəya kel nuutuŋ paapa də diri anə weseka ba.

KOLOSIŊ 1:21

Ana aŋ ha'aŋ, a dayday Pepeŋ a paapa də dərəŋ ba. Aŋ a koloŋ wəra kaa kə acukur nuutu gud ɗiki nəəti bə minti bə maltaŋ bə jəəti kar kə bayməlaŋaŋ.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

KOLOSIŊ 1:5

De toŋ daana bele toŋ bə əsə-isi haa cəərə karman bə minti Pepeŋ bə ɗokoŋ dəŋ na apəya naŋ. Haa karman bə minti aŋ wəra gə malə-mele ɗiki dəŋ cuuruŋ. Bə minti yə waatənaŋ kel kə gəəziŋ wəraŋ, *Kel pəsaŋ kəmarwaŋ, aŋ fəlaŋ ɗiki dəŋ tó bə malə-meleŋ haa də ko toŋ faɗi.

1 TESALONIKIŊ 4:13

Kəsaanə areŋ, are bele minti aŋ əskə kel də kaa kə mee-meŋ la wəra gəm kir minti aŋ a ji dər laawe damdi kaayaŋ gə minti məlaŋ ɗiki di baŋ ana ba.

1 TESALONIKIŊ 4:5

Wə a yaake kusru bə he bəlam də ɗiki bə piwpiwa damdi kaa gə minti Pepeŋ paapa də diri baŋ həənu ana ba.

II TESALONIKIŊ 2:16

Barkaŋ náŋ Yeesu Kristu də kusru daana Bar áŋ Pepeŋ bəlaŋ áŋ ablaw daana gud pisi bə minti yə jəw sar kaŋaŋ, yə ayaŋ teŋe bə dər daana ɗiki bə malə-mele pisi gə minti tewe baŋ a áŋ.

I TIMOTE 1:1

Jeere kefter toŋ kəya haa ten Pol, ten bə minti Kristu Yeesu *gaanan bə waate kela də səmuŋ. Pepeŋ, Hulum bə seere áŋ daana Kristu Yeesu bə minti ɗiki də áŋ bə malə-mele cuuruŋ, əsnən a joŋreŋa haa té.

HEBEREŊ 11:34

yə noktoŋ anə cəwa hərhəraŋ, daana yə seerteŋ wəra ku macəlama. Yə a wəra gə gayə-geye, yə haraŋ bə falte səɓaki, yə jəətəŋ kaa kə samsam a duuriŋa daana yə taktaŋ kaa kə acukur neeteŋ a tara.

HEBEREŊ 6:18

Bədoona ana, kel té ɓasi gə minti Pepeŋ jiiniy haa kənaŋ, haa kel gə minti wə waataŋ sam karman daana wə kəlaŋ kuŋ, yə kole ba, daana wə neke bə ŋe kel ciiri ŋe bə pa. Áŋ gə minti yaakaŋ kar wəra keɗe bə de karman bə minti ɗiki də áŋ wəra bə malə-mele cuuruŋ, aye səɓaki də teŋe bə dər a áŋ bə isi ŋəŋ bə ji kel teŋ, haa té.

HEBEREŊ 8:6

Səma bə hebkənaŋ, joŋre bə kasi Kristuŋ dəŋaŋ kə kaa kaayaŋ teŋ gud bə minti wə aduubə də kaŋa də Pepeŋ minti *jaa təmarwaŋ doo la. Jaa taŋ dəŋaŋ nayta də dayday gud bə minti, kel gə minti Pepeŋ bə wəətiya giidə taŋaŋ, dəŋaŋ kaayaŋ gə minti wə a wəətənəy giidə nayta də dayday daŋ.

I PIYER 1:21

Gud Kristu tə bə moŋ, aŋ doŋ gud Pep bə minti hərnu wəra dədərgə adordə meŋa daana bə minti əynu tokɗeŋ. Bədoona ana, de nəətiŋ daana ɗiki dəŋ wəra bə malə-mele cuuru.

I PIYER 1:3

Aŋ tokɗə Pep Bar Barkaŋ náŋ Yeesu Kristu la! Gud ji bə giidu pəsaŋ nuutu bə ablawa tə bə moŋ, wə ayaŋ dədərgə təmarwaŋ a áŋ gud hare bə Yeesu Kristu wəra dədərgə adordə meŋa, kir minti ɗiki də áŋ jəə la wəra bə malə-mele cuuru kaŋkaŋ.

I PIYER 3:15

Səma, aŋ haa cəərə Kristu Barkaŋ nəətiŋ la apəya ku tarməyaŋa. Hulum mundu mundu mo laanaŋ kuŋ ne cəərə karman bə minti aŋ məlaŋ ɗiki dəŋ cuuruŋ, aŋ jəə la saksaki wəra gə ɗampə-ɗampe bə daw guudu a nuunu.

I ZAŊ 3:3

Mindi mo bə minti məlaŋ ɗiki du ne cuuru bədoona anaŋ, wə ame kusru ku baymeleŋa saksaki minti tó jəə la *cetceti, damdi Kristu də kusru wəra cetcetiŋ ana.