EFESIŊ 2:10 - JAA TƏMARWAŊ

¹⁰ Gud maa mo, hel də minti Pepeŋ jəənə gilaŋ keɗeŋ, cəərə awaŋ haa áŋ: gud tepe náŋa də Yeesu Kristu, wə jəŋ áŋ kir minti áŋ jəə la haa joŋre pisi bə minti wə a ɗəmpunu warda hãã ajew da minti áŋ daw ku la wəraŋ.

EFESIŊ 2:10 Iomraidhean Croise

MATIYE 5:16

Aŋ gəm ta, pəɗaki nəətiŋ walə koŋ la a kəkəy bə minti aŋ jəəti kar pəsaŋ. Kaŋ əsnəy neŋ, yə isi bə tokɗe Bəraŋ Pep bə minti apəyaŋ haa gud kel dəŋa.»

Kel pəsaŋ kəmarwaŋ gə minti Zaŋ jiiriniy 3:21

Hulum bə minti ji kel gə gəəziŋ, toŋ ze maŋ sar Pəɗakiŋa kir minti kar gə minti tó jəy, Pəɗakiŋ gay guudi la wəra minti ku té bə tapə-tepe də Pepeŋ.»

JOŊRE 9:31

Giidə seŋka də Zudeŋa, də Galileŋa, daana Samariŋa keɗeŋ, kaa kə Tapiŋ nuutu bə anə kəkaɓi zugi, walka paapa bə jiya pəda. Tiiru Cetcetaŋ bə kəyəya səm moŋ, yə bə si a de neeteŋa, bə humi kosoŋa cəərə Barkaŋa, daana yə əsəŋ bə zuli ablaw gəm.

JOŊRE 9:36

Kəya həlgə kəman a jəŋ giidə vil də Zopeŋa, a həlgə də doo-de gud Yeesu. Yə manta minti Tabita, də ku Gerekiŋ minti «Dorkasi», gud sam toŋ haa minti «taŋka». A jəəti kaa pisi ablaw, a kayte kaa kə caacaŋ gəm.

ROMEŊ 8:1

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

ROMEŊ 8:29

Gud maa mo kaa gə minti wə əsnəy warda ajew, wə haŋ ɗiki wəra ciiri faɗi gəm minti tó zey wəra dəra'i a tó kir minti yə kolə la bə he Kurmuyuŋa anə dege'-dege'i faɗi. Bədoona ana wə ji yaŋ beskeŋ də kəsəənu gə ablaw.

I KOREŊTƏŊ 3:9

Gud maa mo are haa a joŋre kə Pepeŋa keɗe. Aŋ haa damdi aka də minti Pepeŋ bə kəɗaŋ ana, damdi kuli bə minti wə bə hursuŋ ana gəm.

II KOREŊTƏŊ 5:17

Bədoona ta, hulum bə minti wəra bə tapə-tepe də Kristuŋ, wə máŋ hulum kimirwi. Kəya kar gə dayday gə minti wə a bə ɗe guudiŋ pa pəda, wə bə ɗe máŋ haa gud kaayaŋ kəmarwaŋa.

II KOREŊTƏŊ 5:5

Pepeŋ ɗampaŋ are wəra cəərə teŋa haa tó də kusru. Wə ayaŋ Tiiru Cetcetaŋ a are, wə deŋeŋ kar gə minti wə bə ɗe yaŋ a əyəy a areŋ haa dəərə.

II KOREŊTƏŊ 9:8

Pepeŋ bə nakə-neke bə ayaŋ gidiirə kar pəsaŋ məntəŋ məntəŋ mo keɗe kir minti, karman bə minti aŋ kir fəluŋ a kerpe kaasəŋa ba, yə raawə la wəra kaasəŋa pisi raawa ɗaw kir minti aŋ kayə la diiri ku joŋre pisiŋaŋ.

GALATIŊ 6:15

Hulum jəə la nuutu wəra bə jamə-jeme tənturuŋ ɗaw, wə jəə laŋa bay jama ɗaw, teŋ keɗe kəm paapa kel ba. Kel kəmtəŋ haa minti aŋ koloŋ ne máŋ kaa kəmarwaŋ.

EFESIŊ 1:1

Jeere kefter toŋ haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Ten gaw a kaa kə Pep gə minti giidə vil də Efesiŋaŋ, gə minti ɓeti a tepe neeteŋa də Yeesu Kristuŋ.

EFESIŊ 1:4

Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

EFESIŊ 2:13

Səma, bə hebkənaŋ, gud tepe nəətiŋa də Kristu Yeesu, aŋ gə minti a dayday wəra tooto sar Pepeŋaŋ, aŋ koloŋ ne máŋ hebkəna suru maŋ gud keere bə minti Kristu kiirunu wəra də kusruŋ.

EFESIŊ 2:15

daana wə arsaŋ *ku gili kə *Moyisiŋ wəra də təbay duŋ daana kel du gə minti a wəra də gədəəgi di bəy-bəy. Wə jəŋ teŋ bədoona haa minti kaanə Ziwifiŋ, də kaa gə minti paapa gə Ziwifiŋ baŋ, tapə la wəra məna'i giidə kusul kimirwi bə minti təpnəy wəra duuruŋ daana bə əyəy kəkaɓiŋ aduubə diŋ.

EFESIŊ 2:2

Aŋ a jəŋ ateŋa toŋ ha'aŋ, ɗe dəŋ a haa anə derra damdi kə kaa gə cəərə seŋkaŋ ana faɗi. Aŋ a jəŋ bə ɗe haa gud kumna kə kəwala. Tiiru taŋ ha'aŋ, ji joŋreŋ hebkəna giidə kaa gə minti paapa bə de ku Pepeŋa baŋ haa tá.

EFESIŊ 2:6

Gud tepe náŋa də Kristu Yeesu tə bə moŋ, Pepeŋ haraŋ áŋ wəra dədərgə adordə meŋa duuru daana wə əsəŋ áŋ duuru apəya a kumna nuutuŋa.

EFESIŊ 4:1

Bədoona ta, ten bə minti a daŋgaya gud joŋre kə Barkaŋaŋ, ten bə jəŋ kamkama minti: ɗe dəŋ jəə la bə tapə-tepe də mante bə minti Pepeŋ mantənaŋ da duuruŋ ha'aŋ ana gəm.

EFESIŊ 4:24

Aŋ darə tiirəŋ təmarwaŋ la cəərəŋa, tiirəŋ tá də minti Pepeŋ a jəənə bə tó ana'iŋ, kir minti ɗe dəŋ tapə la də kel kə gəəzə-gəəziŋ. Kel teŋ haa minti ɗe dəŋ jəə la wəra ɗeker daana *cetceti.

FILIPIŊ 1:6

Ten wəra bə asə-ase kaŋkaŋ minti: Pep bə minti a məlaŋ gud joŋre pisiŋ giidiŋaŋ, wə raawe yaŋ duuru saksaki bə ɗe a gaw cuuru wəra ateŋa də hi bə bi kə Yeesu Kristuŋ.

FILIPIŊ 2:13

Gud maa mo, Pepeŋ bə ji joŋreŋa ku tarməyaŋa minti aŋ balə kar gə minti giidə tó bələy la, daana minti aŋ jəy laŋ, haa tó.

KOLOSIŊ 1:10

Bədoona ta, aŋ ji yaŋ wəra gə nakə-neke a ɗe dəŋa damdi kə Barkaŋ ana, bə daw duru wəra cəərə kara keɗe gəm. Gud maa mo, ɗe dəŋ ɗe a awe cuuru haa cəərə gidiirə pisiŋa keɗe, aŋ zeede yaŋ pisi zeeda bə ase Pepeŋa wəra gəm.

KOLOSIŊ 3:10

Aŋ koloŋ hebkəna damdi kaa kəmarwaŋ ana faɗi. Pep bə minti a jəənəŋ, kolnoŋ wəra kəmarwaŋ haa tó. Wə bə ji joŋre sarəŋa saksaki bə koloŋ wəra damdi tó ana kir minti aŋ nakə la bə əsu wəra kaŋkaŋ.

II TESALONIKIŊ 2:17

Yə coɓoŋ kusrəŋ la daana yə ayaŋ səɓaki la bə jəəti pisiŋ saksaki a kel gə minti aŋ jiitiy daana wəətəy keɗe.

I TIMOTE 2:10

Səma kə kəram teŋ ha'aŋ ɗaw, karman bə minti yə əŋkəy guudu pisiŋ haa joŋre bə minti yə bə jəwa pisiŋ. Haa kəya karman pisi bə minti kir ji kə kəram gə minti waate minti té humi kosoŋ cəərə Pepeŋaŋ.

I TIMOTE 5:10

Kaŋ jəə la bə aŋka pisi gud joŋre naata bə minti a bə jəwaŋ. A jəə la həlgə də minti a jəŋ gud karməyaŋ pisi, a topoŋ kə irku də kaŋ gerda pis-pisi. A jəə la həlgə də minti a baadətaŋ kampar kaa kə Pepeŋ, də minti a kəyaŋ kaa kə caacaŋ. A jəə la bə jəəti haa kumsə joŋre tó pisiŋ saksaki. Taŋ kəya jeerə sama la giidə kefter bə sam kəram gə baya ta.

I TIMOTE 5:25

Joŋre pisiŋ haa bədoona gəm. Wə wəra kəkər ta'i faɗi. Jəəne nuutu minti joŋre pisi kəman yaŋ minti yə ase toŋ wəra hebkəna kəkər faɗi baŋ, wə bə bese bay ge gud kusru wəra ba.

I TIMOTE 6:18

Waatə kaa teŋ la minti yə jəə pisiŋ la, hurma neeteŋ jəə la haa joŋre pisiŋ bə minti yə bə jəwaŋ, daana yə jəə la kaa gə giidi pəsaŋ, kəəsi jəə la bə aye gəm.

II TIMOTE 2:21

Hulum bə minti bədəŋ kusru ne wəra ku baymele bə minti ten wəətu səmu haa kənaŋ, wə damdi taasa pisi bə minti wəra bə malə-mele dəra'i a Pepeŋ ana. Wə wəra anə səpa keɗe kə burduŋ, wə wəra bə ɗampə-ɗampe bə ji joŋre pisiŋ.

II TIMOTE 3:17

kir minti hulum kə Pepeŋ jəə la wəra bə ɗampə-ɗampe kaŋkaŋ, daana bə ganə-gene bə ji joŋre pisiŋ keɗe gəm.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

TITI 2:7

Tam də kusrum gəm ha'aŋ, a joŋre nəmtiŋa keɗeŋ, jəə la haa joŋre pisiŋ, kir minti kaŋ asə la haa kaasəma. A kəkəy bə hate nəmtiŋa, hatə kel la a kuɗiŋa pisi kir minti kaŋ humə kosoŋ la cəərəma.

TITI 3:1

Bədoona ana, ɗəkə cəərə kaa kə Pepeŋ la keɗe minti yə əskə la gud kəkamnaŋa daana kaa gə abay-abay, yə tupuy kuy la daana yə ɗampə kusri la wəra bə ji joŋre pisiŋ keɗe faɗi.

TITI 3:14

Kaa náŋ gəm, yə hatə ayə bə kusri la bə ji joŋre pisiŋa, bə keye kaa gə minti dər gəəliŋaŋ kirka keyeŋ. Yə jəəne bə ji bədoonaŋ, de neeteŋ bese wəra siri boobo ba, wə kole bə keye kaa.

TITI 3:8

Teŋ haa kəya kel kə gəəzə-gəəzi daana ten bele minti tam dugtuy la də səɓaki, kir minti kaa gə minti doŋ gud Pepeŋaŋ ayə kusri la bə ji haa joŋre pisiŋ. Haa kəya kel pəsaŋ gə minti keye kaŋ.

HEBEREŊ 10:24

Dər áŋ jəə la cəərə kumsə áŋa ta'-ta'i bə teŋe dər kumsə áŋa bə ji beleŋa daana bə ji pisiŋa.

HEBEREŊ 13:21

Pep toŋ koloŋ la gə nakə-neke bə ji gidiirə pisiŋ wəra keɗe, kir minti aŋ jəə la haa karman bə minti giidu bəluŋ. Də Yeesu Kristu, wə jəə joŋre nuutu la cəərə áŋa bə kole áŋ wəra bə ji karman bə minti daw duruŋ. Aŋkeŋ jəə la kə Yeesu Kristu bə faɗnə-faɗna! *Amen.

I PIYER 2:12

Hebkəna, bə minti aŋ adəwaldə kaa gə minti Pepeŋ paapa də diri ba tə bə moŋ, ɗe dəŋ jəə la saksaki pisi kir minti, yə waataŋ ne nuutu minti aŋ kaa kə bayməlaŋ ŋaanaanə moŋ, yə bə ase yaŋ minti kel nəətiŋ pəsaŋ, daana yə tokɗe Pepeŋ yaŋ də hi bə minti wə bəŋ neŋ.

I ZAŊ 1:7

Səma jəəne minti áŋ bə ɗe dər pəɗakiŋa damdi Pepeŋ də kusru dər pəɗakiŋa anaŋ, áŋ wəra gə tapə-tepe də kumsə áŋ, kəya kor də Kurmuyuŋ Yeesu pi baymele náŋ wəra neŋneŋ keɗe.

I ZAŊ 2:6

Hulum bə minti waate minti tó bə tapə-tepe də Pepeŋ saksakiŋ, jəəne nuutu naanaanaŋ, wə haa bəlam də Yeesu la bə jəəti damdi wə a jəətəŋ ana.