EFESIŊ 2:1 - JAA TƏMARWAŊ

¹ Aŋ ha'aŋ tə bə moŋ, aŋ a jəŋ wəra dayday tiinə Pepeŋa haa damdi kaa kə mee-me ana gud laŋte nəətiŋa daana jəəti bə baymeleŋ.

EFESIŊ 2:1 Iomraidhean Croise

MATIYE 8:22

Yeesu hərnu kel minti: «Tapə la guudəna. Taakə kaa kə mee-me la bə jogɗe titi neeteŋa.»

LIKI 15:24

Gud bə minti kormon gila a wəra akas hulum bə mee-me ana, bə hebkənaŋ wə haraŋ ne wəra dədərgə; wə a jəŋ akas hulum bə lentə-lente, bə hebkənaŋ ten haraŋ ne bə fəlu.› Kəya yə əsəŋ bə ji kəɗwəya də waale ablaw.

LIKI 15:32

Áŋ a kir ji kəɗwəy daana kir ji waale, gud bə minti seenem gila a wəra damdi hulum bə mee-me ana, bə hebkənaŋ wə haraŋ ne wəra dədərgə; wə a damdi hulum bə lentə-lente ana, bə hebkənaŋ ten fəlnu ne.›» – 15 16

Kel pəsaŋ kəmarwaŋ gə minti Zaŋ jiiriniy 10:10

Hulum bə dəgaayaŋ bi haa a ji dəgaaya, a awe daana a ɓalke kar təwa. Ten ha'aŋ, ten bəŋ haa minti kaa kəsarkaŋ falə dədərgə la máŋ pisi falə.

Kel pəsaŋ kəmarwaŋ gə minti Zaŋ jiiriniy 14:6

Wə minti: «Ten haa kəkəy, ten haa gəəziŋ, ten haa dədərgəŋ. Hulum neke bə ɗe sar Abaŋ bay ten ba.

Kel pəsaŋ kəmarwaŋ gə minti Zaŋ jiiriniy 5:21

Damdi Barən pəəti kaa kə mee-meŋ wəra wə hərəy wəra dədərgə zugiŋ ana, ten gəm, ten aye dədərgə yaŋ a mindi mindi mo damdi giidən bəlaŋ anaŋ gəm.

Kel pəsaŋ kəmarwaŋ gə minti Zaŋ jiiriniy 5:25

Gəəzi, gəəzi, ten waataŋ, koŋ bə neke yaŋ, wə nəkaŋ ne ɗaw, bə minti kaa kə mee-meŋ bə əski kel gə minti Kormə Pepeŋ bə wəətəy yaŋ. Kaa gə minti əskənən kun neŋ, yə ji yaŋ zugi dədərgə.

ROMEŊ 8:2

Gud maa mo Tiiru Cetcetaŋ də minti aye dədərgəŋ a kaŋ gud tepe neeteŋa də Yeesu Kristuŋ, abay cəərəna haa tá, daana doonon wəra ku abay kə baymele bə minti bə əsə-isi cəərəna bə ɗe a məlan a meŋa, haa tá gəm.

I KOREŊTƏŊ 15:45

Gud maa mo wəra bə jeerə-jeere giidə Kefter kə Pepeŋa minti: Pepeŋ jəŋ hulum bə ajew, Adam, karman bə minti caw dədərgə. Kə Adam bə adoroŋ, Kristu, wə haa karman bə minti a tiiruŋa bə aye dədərgəŋ a kaŋ.

II KOREŊTƏŊ 5:14

Gud maa mo, bə zogte gud are ada haa bele kə Kristuŋ, gud bə minti are gə asə-ase cəərə are wəra kaŋkaŋ minti hulum məna meŋ wəra gud kaŋa keɗe. Bədoona kəya, kaŋ wəra keɗe gə mee-me haa duuru.

EFESIŊ 4:18

Ɗiki di wəra bə kerpə-kerpe daana yə wəra tooto sar dədərgə də minti bi kasi Pepeŋ daŋ, gud bə minti yə hẽŋeŋ ku tərməyi wəra a kel kə Pepeŋa, kəya kel nuutuŋ paapa də diri anə weseka ba.

EFESIŊ 5:14

Gud maa mo, karman naanaanə moŋ, gaw guudu wəra haa pəɗakiŋ. Gud teŋa ta, yə waate minti bəŋa: «Tam bə minti a kinaŋ, gunə la wəra; tam bə minti adəwaldə kaa kə mee-meŋaŋ, faa la wəra, kəya Kristu wəlam yaŋ wəra də pəɗaki nuutuŋ.»

KOLOSIŊ 2:13

Aŋ a jəŋ wəra gə mee-me a tiiruŋa gud baymele nəətiŋa daana gud bə minti aŋ a haa kaa gə minti tantəraŋ a paapa də camə-ceme baŋ, kaa gə minti Pepeŋ a paapa də dərəŋ baŋ gəm. Pepeŋ aynaŋ dədərgəŋ də Kristu keɗe'i. Baymele náŋ keɗe fəlaŋ vəəgi bə giiduŋ kəəsu gəm.

I TIMOTE 5:6

Səma kə həlgə də bay də minti ji kel gə minti giidə bələy təwaŋ, a naata caw dədərgə səma, a wəra haa cawa də mee-me toki.

I ZAŊ 3:14

Áŋ ha'aŋ, áŋ gə asə-ase minti áŋ cakɗaŋ meŋ warda, áŋ kooroŋ a dədərgəŋ. Áŋ asaŋ teŋ ha'aŋ gud bə minti áŋ bele kəsaanə áŋ. Hulum bə minti paapa bə ji beleŋa baŋ, wə kəm dər meŋa.

VEƊE 3:1

«Jeerə kel teŋ la a *hulum bə digi kə Pepeŋ bə minti bə gole cəərə kaa kə Tapi gə Sardəŋaŋ minti: ‹Hulum bə Tiiru Seeɗa'a kə Pepeŋ, də seska seeɗa'aŋ kəəsuŋ bə waataŋa minti: Joŋre nəətiŋ də dərən, kaa ablaw bə ɗiki cəərəŋa haa minti aŋ dədərgə zugi, ana doloy ha'aŋ, aŋ wəra gə mee-me.