EFESIŊ 1:9 - JAA TƏMARWAŊ

⁹ Wə gaŋ gud hel nuutu də metə-meteŋ wəra a áŋ. Gud bele nuutuŋa ha'aŋ, wə a ɗəkəŋ wəra ajewa hãã faɗi minti tó bə doora ku wəra haa də Kristu

EFESIŊ 1:9 Iomraidhean Croise

MATIYE 13:11

Wə hərnəy kel minti: «Aŋ teŋ ha'aŋ, kel gə waate sam *Kumna kə Pep gə minti a gə ŋoyə-ŋoyeŋ, wə vaɗnaŋ dəŋ wəra a nəənəŋ. Səma kə kaa kaayaŋ, wə vəɗnəy di wəra ba.

LIKI 12:32

Aŋ a ji walka ba, aŋ gə korofi dəŋ wesekiŋ, gud bə minti kel teŋ doŋ dər Bəraŋ Pepeŋ bə ayaŋ Kumnaŋ.»

LIKI 2:14

«Tokɗeŋ jəə la kə Pep bə minti apəy naŋ; kəkaɓiŋ jəə la cəərə seŋkaŋa, cəərə kaa gə minti wə bələy.»

JOŊRE 13:48

Bə minti kaa gə minti teŋ paapa gə Ziwifiŋ baŋ əskəŋ kel teŋ kəyaŋ, waaleŋ duuniy anəkay, yə əsəŋ bə tokɗe Barkaŋa gud kel nuutuŋa faɗi. Kəya kaa gə minti Pepeŋ a ŋəmnəy wəra minti yə falə dədərgə də bay teweŋ laŋ, koloŋ wəra keɗe kaa kə doo-de.

JOŊRE 2:23

Wə haa hulum bə minti Pepeŋ aynaŋ dəŋ kaasəŋa gud bə minti ɗiki də Pepeŋ a warda bə malə-mele minti kel teŋ bə ɗe a ji yaŋ anəkay, daana wə kəənəy gədəəgi di da haa tó. Aŋ kaanə Israyel, aŋ əwnu haa aŋ, gud bə minti aŋ əynu warna kasi kaa gə minti Pepeŋ paapa də diri baŋ; yə ɓəlnu wəra a kəbaŋ gə largaŋa.

JOŊRE 4:28

Bədoona ta, yə doŋ wəra ha'aŋ ku kel gə minti tam a ɗikniy wəra hãã acekjewa minti yə ɗee la a ji bədoonaŋ. Tam ɗəkəŋ kel teŋ gud səɓaki nəmtiŋa daana gud bə minti giidim a bəlaŋ wəra minti yə jəə la bədoonaŋ.

ROMEŊ 11:25

Kəsaananti ten bele minti aŋ asə kel gə gəəzə-gəəzi gə minti a gə metə-mete teŋ la wəra, kir minti aŋ a ji bə ɗiki saksaki minti aŋ gə asə-ase ba. Kel teŋ haa minti, sərdə kaanə *Israyel ŋéle yaŋ hãã bə minti kaa gə minti paapa gə Ziwifi baŋ gə minti a kir seere wəraŋ, seerə la wəra kəm keɗeŋ.

ROMEŊ 8:28

Áŋ gə asə-ase gəm minti, kə kaa gə minti bele Pepeŋ, gə minti wə a məntənəy wəra bə de ku karman bə minti wə a ɗəmpunu wardaŋ, karman muntu muntu mo bə minti tuli ciiriŋ, wə ɗe a awe cuuru diiri haa a pisiŋa.

I KOREŊTƏŊ 1:21

Pepeŋ gaŋ gud ase nuutuŋ wəra, səma kaŋ də ase neete bobloŋ anə keɗe nəkaŋ bə əsu minti kəna tó ba. Gud teŋa ta, goloŋ duru pisi minti, kel kə waate gə minti kaŋ bə guluya minti yə karman bə tiniiniŋ, tó seere kaa gə minti doŋ gud toŋ haa diiri faɗi.

GALATIŊ 1:12

Ten fəlnəy paapa ku huluma fele bə gəm, hulum hatnan dən hate bə gəm. Vaɗnan dən wəra keɗe haa Yeesu Kristu də kusru faɗi.

GALATIŊ 1:15

Ana doloy ha'aŋ, Pepeŋ gud pisi nuutuŋa tə bə moŋ, wə ŋamnan warda hãã ajew də we dən da, daana wə mantənan warda haa minti ten jəə joŋre la a tó.

GALATIŊ 1:16

Bədoona ana, bə minti kel teŋ duunu duru, wə vaɗnan Kurmuyuŋ dərəna minti ten waatə Kel pəsaŋ kəmarwaŋ gə minti waate cuuruŋ la wəra a kaa gə minti teŋ paapa gə Ziwifiŋ baŋ. Də ko toŋ kəya, ten ɗeŋ a golde hel kasi huluma ba,

EFESIŊ 1:11

A tepe náŋa də Kristu, wə ŋamtaŋ áŋ warda minti áŋ jəə la kə tó gud hel də minti wə a ɗampəna warda hãã ajew daŋ. Wə haa hulum bə minti de ku kar wəra keɗe'i, damdi giidu bəlaŋ ana'iŋ.

EFESIŊ 1:8

aseŋ daana neŋ wəra a áŋ anə kaŋkaŋ.

EFESIŊ 3:11

Kel teŋ gila keɗe təpaŋ də karman bə minti Pepeŋ a ŋəɓnu warda hãã daana bə minti wə duunu ku wəra hebkəna də Yeesu Kristu Barkaŋ náŋ.

I TIMOTE 3:16

Gəəzi kel kəmtəŋ té gə minti Pepeŋ vəɗnəy wəraŋ, haa kel gə minti ge dər áŋ a ɗe bə gud Pepeŋaŋ. Hulum neke bə malte ku cəərə kel teŋa kəya ba. Yə haa minti bəŋa: Kristu vəɗaŋ kusru wəra hulum kisirki. Tiiru Cetcetaŋ gəənu guudu wəra minti wə ɗeker. *Kaa kə digi kə Pepeŋ əsnu wəra. Gidiirə kaŋ wəətunu kel nuutuŋ wəra. Giidə koŋa wəra keɗe, kaŋ doŋ gud kel nuutuŋa. Pepeŋ həənu warna apəy na a ko bə məyan na.

II TIMOTE 1:9

Pepeŋ seereŋ áŋ wəra haa tó, daana wə mantaŋ áŋ wəra minti áŋ kolə la wəra kaa kə tó. Wə jəŋ teŋ gila keɗe haa paapa gud joŋre náŋ pisi bə minti áŋ a juunu ba, səma gud minti wə bəlaŋ bədoona ana daana wə jəŋ pisiŋ sar áŋa. Wə jəŋ giidu pəsaŋ wəra cəərə áŋa gud Kristu Yeesu wəra hãã ajew də mele bə gud koŋa.