EFESIŊ 1:7 - JAA TƏMARWAŊ

⁷ Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 1:7 Iomraidhean Croise

MATIYE 20:28

Gud maa mo, *Kormə Hulúm bəŋ haa paapa minti kaa jəw joŋre la ba. Wə bəŋ haa minti wə jəə joŋre la a kaŋ ɗaw daana bə aye dədərgə du wəra bə miɗi kaa ablaw.»

MATIYE 26:28

gud maa mo haa kor dən bə minti Pepeŋ doŋ *jaa təmarwaŋ də kaŋ duuruŋ. Wə bə ge yaŋ wəra gud kaa kə ablawa minti Pepeŋ vəəgə giidu la wəra cəərə baymele neeteŋa.

MATIYE 6:12

Vəəgə giidim la wəra cəərə baymele naareŋa damdi are vəəgtətəŋ giidə are wəra cəərə kaa gə minti a jəətəŋ baymeleŋ sar areŋ ana gəm.

MARKƏ 14:24

Wə wəətənəy minti: «Haa kor dən bə minti Pepeŋ doŋ *jaa təmarwaŋ də kaŋ duuruŋ. Wə bə ge yaŋ wəra gud kaa kə ablawa.

LIKI 1:77

bə ge dər kaa nuutuŋ a seereŋa gud vəəgi bə giidu nuutuŋa cəərə baymele neeteŋaŋ.

LIKI 24:47

Yə mele guudi yaŋ bə waate kela Zeruzalema də səmu minti kaŋ kole kirki la a baymele neeteŋ daana yə falə vəəgi bə giiduŋ la guudu. Yə waate kel teŋ yaŋ wəra a kaŋ giidə seŋka daalaŋ-daalaŋa keɗe.

Kel pəsaŋ kəmarwaŋ gə minti Zaŋ jiiriniy 20:23

Kaa gə minti aŋ vəəgəŋ giidiŋ ne wəra cəərə baymele neeteŋaŋ, Pepeŋ vəəgi giidu yaŋ wəra ciiri gəm. Kaayaŋ gə minti aŋ vəəgəŋ giidiŋ cəərə baymele neeteŋa baŋ, wə vəəgi giidu ciiri bə gəm.»

JOŊRE 10:43

*Kaa kə jogte ku mini kə Pepeŋ keɗe waataŋ kel cuuru haa a kəkəy bə minti yə waataŋ minti: gud səɓaki də sam Yeesu, mindi mo bə minti doŋ ne guudu fele vəəgə bə giidu cəərə baymele nuutuŋa.»

JOŊRE 2:38

Kəya Piyer hərnəy kel minti: «Aŋ kolə kerkeŋ la a baymele nəətiŋ. Mindi mindi mo ayə kusru la kir minti yə jəw batem la wəra də sam Yeesu Kristu, kir minti Pepeŋ vəəgə giidu la wəra cəərə baymele nəətiŋa. Bədoona ana, Pepeŋ ayaŋ karman yaŋ boobo, haa Tiiru Cetcetaŋ.

JOŊRE 20:28

Aŋ amə ɗe dəŋ la, kaa gə minti Tiiru Cetcetaŋ a aynaŋ dəŋ kaasəŋa bə goleŋ keɗe, aŋ əməy la gəm. Kaa kə Tapi kə Pep gə minti wə kulnuy wəra kaa nuutu də kor də Kurmuyuŋ, aŋ jəy guudi la pisi.

JOŊRE 3:19

Gud teŋa ta, aŋ kolə kerkeŋ la a baymele nəətiŋ. Aŋ harə dərəŋ la máŋ cəərə Pepeŋa kir minti wə pəŋ baymele bə cəərəŋ la wəra.

ROMEŊ 2:4

Ɗalba pisi boblo bə minti Pepeŋ jəw, kel gə minti wə jəm daŋgay dəm hebkən-hebkəna faɗi baŋ, daana mi nuutu bə ku kel, yə gole dərəma haa kel kə bagŋ mo? Tam paapa bə asə-ase bə mo minti wə jəŋ pisi toŋ sarəma haa kir minti tam nakə la bə kolə kerkem a baymele nəmtiŋ?

ROMEŊ 3:24

Səma gud pisi nuutuŋa, wə kole kaŋ duru ɗeker boobo anə faɗi haa gud tepe neeteŋa də Yeesu Kristu, hulum bə minti bidiy wəra ku baymeleŋaŋ.

ROMEŊ 3:25

Pepeŋ ayaŋ damdi karman bə keere ana haa tó faɗi, kir minti wə pəə baymele kə kaa gə minti doŋ ne guuduŋ la wəra də kor du. Karman bə minti wə juunuŋ ge dər minti tó jəŋ haa ɗeker bə minti tó sə a ji daŋgay də kaa kə dayday gud baymele bə minti yə a bə juutuŋ,

ROMEŊ 9:23

Wə a bəlaŋ gəm minti, boblo kə toŋ naanaanə me'i moŋ, kaŋ əsu la daana minti tó ɓərsunu də kaa gə minti tó jəŋ giidə tó pəsaŋ siriŋ. Wə a ɗampaŋ kaa teŋ warda hãã bə isiy dər məyan nuutuŋa.

I KOREŊTƏŊ 1:30

Pepeŋ ayaŋ aseŋ a áŋ haa gud Yeesu Kristu faɗi. Gud maa mo, gud tepe náŋa də Kristu, áŋ koloŋ bə gole duru ɗeker, kaa gə minti wəra dəra'i a nuunu daana gə bədə-bidi wəra ku baymeleŋa.

II KOREŊTƏŊ 8:9

Gud maa mo pisi bə minti Barkaŋ náŋ Yeesu Kristuŋ juunu sar kaŋaŋ, wə də dərəŋ. Wə a haa hulum bə hurmaŋ ɗaw, wə koloŋ kusru wəra də caaca guudəŋa minti aŋ kolə la də hurma gud caaca kə toŋa.

EFESIŊ 1:14

Tiiru Cetcetaŋ táŋ ha'aŋ, Pepeŋ deŋeŋ kar gə minti wə bə ɗukuy na a áŋ haa dəərə. Wə ayna a áŋ haa kaadəəməy bə mi hi bə minti kaa gə minti wə kulnuy wəra a kusru bə tokɗe boblo nuutuŋ, bədəŋ ne wəra bə faɗnə-faɗnaŋ. Bədoona ana, kar neŋeŋ keɗe ɗe a awe ciiri haa bə tokɗe boblo kə Pepeŋ.

EFESIŊ 1:18

Ten mante kəəsu minti wə baadaŋ dər ɗiki dəŋ la wəra kir minti aŋ nakə la bə əski gud karman bə minti wə a mantənaŋ warda cuuruŋ, bə minti aŋ gə malə-mele ɗiki dəŋ wəra cuuruŋ gəm. Aŋ nakə la pa bə əski gud kel minti, kar pəsaŋ-pəsaŋ gə minti Pepeŋ a wəətənəy səməy wəra bə əyəy a kaa nuutuŋ, yə kəmtəŋ wəra hasi,

EFESIŊ 1:6

kir minti áŋ tokɗə boblo də pisi bə minti wə juunu sar áŋa la gud tepe náŋa də Kurmuyu bə minti wə bəlu ablaw.

EFESIŊ 1:8

aseŋ daana neŋ wəra a áŋ anə kaŋkaŋ.

EFESIŊ 2:4

Səma Pepeŋ ha'aŋ, giidu wəra pəsaŋ ablaw hasi cəərə kaŋa. Bədoona ana, gud bele nuutu boblo bə minti wə bəlaŋ áŋ duuruŋ tə bə moŋ,

EFESIŊ 2:7

Wə jəŋ teŋ bədoona haa bə ge dər kaa gə dər ko bə adoroŋ naŋ, minti tó jəŋ pisi kə toŋ ablaw wəra hasi sar kaŋa ŋaanaanə mo. Wə gaŋ dər áŋ cəərə kel teŋa a kəkəy bə minti wə jəŋ pisiŋ sar áŋa gud tepe náŋa də Kristuŋ.

EFESIŊ 3:16

Ten bə mante kəəsu minti, gud boblo bə pisi nuutuŋa, wə jeŋeŋ la də Tiiru Cetcetaŋ gal giidiŋa də səɓaki

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

FILIPIŊ 4:19

Kar gə kasi Pep bə minti ten bə kaw awalnaŋ, gədəəgi di paapa. Bədoona ana, gud tepe nəətiŋa də Yeesu Kristuŋ, wə ayaŋ kar gə minti aŋ də caadiŋ yaŋ keɗe gəm.

KOLOSIŊ 1:14

Gud tepe náŋa duuru taŋ, áŋ fəlaŋ bidiŋ daana vəəgi bə giidu wəra cəərə baymeleŋa.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

KOLOSIŊ 2:13

Aŋ a jəŋ wəra gə mee-me a tiiruŋa gud baymele nəətiŋa daana gud bə minti aŋ a haa kaa gə minti tantəraŋ a paapa də camə-ceme baŋ, kaa gə minti Pepeŋ a paapa də dərəŋ baŋ gəm. Pepeŋ aynaŋ dədərgəŋ də Kristu keɗe'i. Baymele náŋ keɗe fəlaŋ vəəgi bə giiduŋ kəəsu gəm.

KOLOSIŊ 2:2

Ten bə ji bədoona kir minti diri jəə la də teŋə-teŋe, yə jəə la gə tapə-tepe dər beleŋa, daana minti yə asə gəəziŋ la wəra, də fele bə guuduŋ ada keɗe, bə ase karman wəra ciiri anə kaŋkaŋ. Bədoona ana, yə neke yaŋ bə ase hel də metə-mete kə Pepeŋ, haa Kristu də kusru faɗi.

I TIMOTE 2:6

Wə ayaŋ kusru wəra bə miɗi kaŋ wəra keɗe. Wə jəŋ bədoona ha'aŋ bə ge dər kaŋ wəra a ko duŋa anə ɓeti minti Pepeŋ bele haa minti kaŋ keɗe seerə la wəra.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

TITI 3:6

Tiiru taŋ ha'aŋ, Pepeŋ duusənə wəra cəərə áŋa ablaw də Yeesu Kristu Hulum bə seere áŋ,

HEBEREŊ 9:22

Giidə ku giliŋaŋ ha'aŋ, daŋge də kar keɗe kole wəra *cetceti haa də kor me'i. Baymeleŋ fele vəəgə bə giidu ha'aŋ, kor ãye wəra kəm me'i gəm.

I PIYER 2:24

Wə də kusru, wə haŋ baymele náŋ cuuru, wə saŋ lasiŋ də baymele náŋ toŋ warna suru na də bə minti yə ɓəlnu wəra a kəbaŋ gə largaŋaŋ, kir minti aŋ jəə la wəra gə mee-me agal də ji bə baymeleŋa, səma aŋ jəə la máŋ dədərgə agal də ɗe ɗekeriŋa ɗaw. Wə saŋ lasiŋ bədoona tə bə moŋ, aŋ seereŋ wəra haa gud teŋa.

I PIYER 3:18

Kristu də kusru ləsaŋ warna gud baymele kə kaŋ na kampa məna faɗi. Tó bə minti jəŋ baymele hõy baŋ, wə ləsaŋ a koɗ kaa kə baymeleŋa kir minti tó ɗee la dəərəŋ a Pepeŋ. Kaŋ awaŋ haa kusuki du, səma Tiiru Cetcetaŋ haraŋ bə əyu dədərgəŋa.

I ZAŊ 2:12

Karmanti, ten jeere a nəənəŋ gud bə minti baymele nəətiŋ fəlaŋ vəəgi bə giiduŋ ne gud sam Yeesu.

I ZAŊ 2:2

Wə də kusru haa keere bə arse tarmə Pepeŋ wəra cəərə baymele náŋaŋ, paapa cəərə baymele náŋa təwa ba, səma wəra cəərə kə kaŋa keɗe.

I ZAŊ 4:10

Beleŋ haa bə kəyaŋ ana: áŋ bəlaŋ Pepeŋ ajew paapa áŋ ba, wə bəlaŋ áŋ ajew haa tó. Wə gaŋ Kurmuyuŋ da minti wə jəə keere bə arse tarmə tó bə cəərə baymele náŋ la wəra də kusru.

VEƊE 14:4

Yə luktuŋ kusri də kəram ba, yə amaŋ kusri eŋ-eŋ a kəəsiŋa. Yə təpaŋ gud Kormə Taaməkaŋa bə ɗe a məltu a ko bə minti wə ɗeete adaŋ keɗe. Wə miɗniy ciiri warda aduubə də kaŋ da, yə máŋ wəra kə Pepeŋ daana kə Kormə Taaməkaŋ gəm. Yə kaa gə ajew gə minti ge dər minti Pepeŋ miɗi cəərə kaa gaalaŋ yaŋ wəra gəm.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.