EFESIŊ 1:5 - JAA TƏMARWAŊ

⁵ Pepeŋ bəlaŋ áŋ səm moŋ, wə ɗampaŋ ɗiki du warda hãã ajew da minti tó bə kole áŋ wəra kərmuyu gud Yeesu Kristu. Haa karman bə minti wə a bəlaŋ minti wə jəə la bədoona gud giidu pəsaŋaŋ,

EFESIŊ 1:5 Iomraidhean Croise

MATIYE 1:25

Səma wə əsəŋ dəərə ba hãã bə minti a ɗeŋ a we korməyaŋ wəra kəm. Kəya wə məlaŋ sam beebe toŋ minti Yeesu.

MATIYE 11:26

Bədoona Abaŋ, teŋ doonom dərəm bə ji bədoona ana.»

LIKI 10:21

Də ko toŋ faɗi Tiiru Cetcetaŋ ɗosoŋ tarmə Yeesu wəra də waaleŋ. Kəya wə minti: «Ten tokɗom Aba, Bərdə ko bə apəyaŋ də ko bə adawraŋ, gud bə minti tam meteŋ kel teŋ wəra dər kaa kə asə-aseŋa daana dər kaa gə minti də ciiriŋa, səma tam vəɗnəy wəra a kəmar koncoŋ. Bədoona Aba, teŋ doonom dərəm bə ji bədoona ana.»

LIKI 11:32

Dər hi bə kəətiŋa, kaanə Niniveŋ piti yaŋ apəy da bə de kaa kə dogoynaŋ də kəəti. Gud maa mo kaanə Niniveŋ koloŋ kirki a baymele neeteŋ a ko bə minti Zonasi wəətənəy kel ha'aŋ. Səma, kel gə daŋə-deŋe Zonasiŋ yaŋ kəna.»

LIKI 12:32

Aŋ a ji walka ba, aŋ gə korofi dəŋ wesekiŋ, gud bə minti kel teŋ doŋ dər Bəraŋ Pepeŋ bə ayaŋ Kumnaŋ.»

Kel pəsaŋ kəmarwaŋ gə minti Zaŋ jiiriniy 1:12

Kaa kaayaŋ keɗe gə minti duunu irku du daana doŋ guuduŋ, wə əynəy kəkəy minti yə kolə la wəra karmə Pepeŋ.

Kel pəsaŋ kəmarwaŋ gə minti Zaŋ jiiriniy 11:52

paapa guudi təwa ba, wə me haa bə kote cəərə karmə Pep gə minti a wəra gə meerə-meereŋ bə təpəy wəra məna.

Kel pəsaŋ kəmarwaŋ gə minti Zaŋ jiiriniy 20:17

Wə minti: «A don kay ba, gud maa mo, ten kəm bay ɗe sar Barən. Ɗee la sar kəsaanan, wəətəy la minti ten kooroŋ ne sar Barən bə minti Bəraŋ gəm, wə haa Pep nin, wə haa Pep nəətiŋ gəm.»

JOŊRE 13:48

Bə minti kaa gə minti teŋ paapa gə Ziwifiŋ baŋ əskəŋ kel teŋ kəyaŋ, waaleŋ duuniy anəkay, yə əsəŋ bə tokɗe Barkaŋa gud kel nuutuŋa faɗi. Kəya kaa gə minti Pepeŋ a ŋəmnəy wəra minti yə falə dədərgə də bay teweŋ laŋ, koloŋ wəra keɗe kaa kə doo-de.

ROMEŊ 8:23

Bə nuumi paapa té təwa ba: áŋ gəm, áŋ gə minti Pepeŋ ayaŋ Tiiruŋ a áŋ damdi ku kar gə minti wə bə əyəy yaŋ a áŋ anaŋ, áŋ bə nuumi tarmə áŋa a kəkəy bə miŋa minti Pepeŋ kole áŋ kərmuyu gə gəəzə-gəəziŋ, haa minti wə bidi kusrə áŋ yaŋ wəra keɗe.

I KOREŊTƏŊ 1:1

Jeere kefter toŋ haa ten Pol, ten bə minti Pepeŋ mantənan gud bele bə giiduŋa minti ten kolə la *hulum bə gaa-ge kə Kristu Yeesuŋ. Are təpaŋ bə jiiru də seenə áŋ Sosten.

I KOREŊTƏŊ 1:21

Pepeŋ gaŋ gud ase nuutuŋ wəra, səma kaŋ də ase neete bobloŋ anə keɗe nəkaŋ bə əsu minti kəna tó ba. Gud teŋa ta, goloŋ duru pisi minti, kel kə waate gə minti kaŋ bə guluya minti yə karman bə tiniiniŋ, tó seere kaa gə minti doŋ gud toŋ haa diiri faɗi.

II KOREŊTƏŊ 6:18

Ten bə ji yaŋ Bəraŋ, aŋ bə ji yaŋ karman keɗe, kaŋkar, kəram. Waataŋ kel teŋ haa Barkaŋ Bar Səɓakiŋ.»

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

EFESIŊ 1:11

A tepe náŋa də Kristu, wə ŋamtaŋ áŋ warda minti áŋ jəə la kə tó gud hel də minti wə a ɗampəna warda hãã ajew daŋ. Wə haa hulum bə minti de ku kar wəra keɗe'i, damdi giidu bəlaŋ ana'iŋ.

EFESIŊ 1:9

Wə gaŋ gud hel nuutu də metə-meteŋ wəra a áŋ. Gud bele nuutuŋa ha'aŋ, wə a ɗəkəŋ wəra ajewa hãã faɗi minti tó bə doora ku wəra haa də Kristu

FILIPIŊ 2:13

Gud maa mo, Pepeŋ bə ji joŋreŋa ku tarməyaŋa minti aŋ balə kar gə minti giidə tó bələy la, daana minti aŋ jəy laŋ, haa tó.

KOLOSIŊ 1:19

Pepeŋ bə balə-bele minti, karman bə minti sar toŋ, wə jəə la wəra sar Kormə toŋa dege'-dege'i gəm.

II TESALONIKIŊ 1:11

Gud teŋa ta, are bə toose Pep náŋa saksaki cəərəŋa minti wə koloŋ la wəra gə nakə-neke agal də dədərgə dəŋ də minti wə mantənaŋ warda cəərəŋ. Are bə toose pa minti, pisi bə minti aŋ gə ayə-aye ɗiki dəŋ bə jəw, wə kəyaŋ la də səɓaki nuutuŋ bə daw ku wəra, daana minti de nəəti jəə joŋre laŋ.

HEBEREŊ 2:4

Pepeŋ də kusru jəŋ bərdə kəkəy wəra cuuru gəm a kəkəy bə minti wə jəətəŋ kar gə ke dər kaŋ cəərə gəəziŋaŋ, kar kə ŋili kaŋ, kar gə məɗ-miɗiŋ, daana bə minti wə ayaŋ gidiirə hel də minti bi kasi Tiiru Cetcetaŋ daŋ a mindi mindi mo damdi giidu bele ana'iŋ.

I ZAŊ 3:1

Aŋ ɗəkə la cəərə bele boblo bə minti Bar áŋ Pepeŋ juunu cəərə áŋaŋ. Wə bəlaŋ áŋ tə kəm, wə mantaŋ áŋ kərmuyu, áŋ wəra kərmuyu gəəzə-gəəzi! Gud teŋa áŋ paapa də dər kaa kə seŋkaŋ ba, gud bə minti Pepeŋ paapa də diri bə gəm.

VEƊE 21:7

Ten aye werke bə kar teŋ yaŋ a hulum bə minti pəŋ bulum neŋ. Ten bə ji yaŋ Pep nuutuŋ, wə bə ji yaŋ kormon gəm.