EFESIŊ 1:4 - JAA TƏMARWAŊ

⁴ Gud maa mo, ajew də minti Pepeŋ jəŋ seŋkaŋ, wə ŋamtaŋ áŋ minti áŋ jəə la wəra kaa kə tó gud Kristu, kir minti áŋ jəə la wəra dər tó cetceti daana bay kel sar áŋa.

EFESIŊ 1:4 Iomraidhean Croise

MATIYE 24:22

Pepeŋ a ɗəkə la bə hare hiti bə ablaw toŋ wəra adoro baŋ, hulum sə a deŋe wəra anə məna ba. Səma gud kaayaŋ gə minti wə a ŋəmnəy, wə həru yaŋ wəra adoro.

MATIYE 24:24

Gud maa mo kaa gə minti ji kusri minti té kəna Kristu, Hulum bə minti Pepeŋ ŋəmnuŋ, kumundu ba kaa kə jogte ku mini kə Pepeŋ, bə pi diri yaŋ ablaw. Yə jəəti kar kəmtəŋ gə ŋili kaŋ yaŋ bə ge dər minti haa də səɓaki kə Pepeŋ, daana yə jəəti miɗi kəmtəŋ yaŋ gəm kir minti té sə a nakə laŋ, koo kaa gə minti Pepeŋ ŋəmnəy wəra a kusruŋ, té sə a ləŋəy wəra.

MATIYE 24:31

Kəya, bə minti atoltom mootoŋ hagaŋ neŋ, wə ve *kaa kə digi nuutuŋ yaŋ wəra agev də seŋkaŋa waaɗe keɗe, a ko bə minti a məlaŋ guudə hãã warna a ko bə minti a haŋ ku adaŋ, bə tepe cəərə kaa gə minti Pepeŋ a ŋəmnəy wəraŋ a ko bə məna.

MATIYE 25:34

Kəyaŋ, wə waate kaa kaayaŋ gə kəəsu kemer yaŋ minti: ‹Aŋ kaa gə minti Barən gaanaŋ pisiŋ cəərəŋaŋ, aŋ bəəda a de kumna bə minti Pepeŋ a ɗampənaŋ dəŋ warda anə hãã a mele bə gud ko daŋ.

Kel pəsaŋ kəmarwaŋ gə minti Zaŋ jiiriniy 10:16

Kaamaŋ katən gaalaŋ yaŋ, teŋ paapa giidə hiwa kəna ba. Ten kir kele tiini bə ɗe a əməy gəm. Yə əskən dordən yaŋ, yə tepe yaŋ wəra də kumsi kaayaŋ məna, ten əməy yaŋ məna gəm.

Kel pəsaŋ kəmarwaŋ gə minti Zaŋ jiiriniy 15:16

Aŋ ŋamnan paapa aŋ ba, ŋamnaŋ haa ten. Ten vaanaŋ minti aŋ jəə joŋre la də səɓaki, joŋre tó suu la haa ajew na saksakiŋ. Kəya ha'aŋ, kar gə minti aŋ məntəy kasi Abaŋa də səman, wə ayaŋ dəŋ yaŋ.

Kel pəsaŋ kəmarwaŋ gə minti Zaŋ jiiriniy 17:24

Abaŋ, kaa gə minti tam aynan dən kaasənaŋ, ten bele minti yə jəə la sarəna a ko bə minti ten bə ji yaŋ adaŋ, kir minti yə asə boblo nin la, boblo tó bə minti tam a aynan dən gud bə minti tam balnan da anə hãã ajew də mele bə gud koŋ.

JOŊRE 13:48

Bə minti kaa gə minti teŋ paapa gə Ziwifiŋ baŋ əskəŋ kel teŋ kəyaŋ, waaleŋ duuniy anəkay, yə əsəŋ bə tokɗe Barkaŋa gud kel nuutuŋa faɗi. Kəya kaa gə minti Pepeŋ a ŋəmnəy wəra minti yə falə dədərgə də bay teweŋ laŋ, koloŋ wəra keɗe kaa kə doo-de.

JOŊRE 15:18

Kel teŋ haa kel gə minti Barkaŋ a wəətənəy. Yə warda hãã də duru daana wə doy kuy wəra haa tó.›»

JOŊRE 18:10

gud bə minti ten dəərəm. Hulum neke bə mele kəəsu sarəma bə jəm baymele bə gəm, gud maa mo kaa katən yaŋ giidə vil taŋa ta'i kənaŋ ablaw.»

ROMEŊ 8:33

Mindi neke bə ge kaa gə minti Pepeŋ ziiniy wəra dəra'i a kusruŋ də kel pə mo? Pepeŋ də kusru kulnuy wəra duru ɗeker.

I KOREŊTƏŊ 1:8

Tó də kusru bə əsəŋ yaŋ ŋəŋ hãã a hi bə adoroŋaŋ kir minti dər hi kə Barkaŋ náŋ Yeesu Kristuŋaŋ, aŋ jəə la kaa kə bay kel gə maltə-malte sarəŋaŋ.

GALATIŊ 5:13

Nəətiŋ ha'aŋ kəsaananti, Pepeŋ mantənaŋ warda haa minti aŋ a ji kafkam kə ku giliŋ pəda. Səma, aŋ a ɗiki minti aŋ paapa kafkam pəda, haa bə ɗe a ji kar anə hayam-hayam damdi kusrə áŋ bə hatə-hate də baymeleŋ bele ana'iŋ, aŋ a ɗiki bədoona ba. Daŋgeŋ ana ɗaw ha'aŋ, aŋ balə kumsəŋ la adəwaldə kumsəŋa daana aŋ kayə kumsəŋ la.

GALATIŊ 5:22

Səma kar gə minti Tiiru Cetcetaŋ jəy giidə hulumaŋ, yə haa kəna: kaŋ kole wəra bə bele kumsi, yə wəra də waale, yə isi kəkaɓiŋ aduubə di, yə ase mi bə kusri bə ku kel, yə ɗiki də kumsi pisi, yə ji pisi sar kumsi, yə kaa gə minti yə ɗeketi,

GALATIŊ 5:6

Bədoona taŋ, kə áŋ kaayaŋ gə minti wəra gə tapə-tepe də Yeesu Kristuŋ, tantar áŋ jəəne nuutu wəra də camə-ceme, ɗalba a bay ceme, kel paapa ada ba. Kel kəmtəŋ haa minti áŋ jəə la gə doo-de guudu, kəya áŋ neke yaŋ bə bele kaa kaayaŋa.

EFESIŊ 2:10

Gud maa mo, hel də minti Pepeŋ jəənə gilaŋ keɗeŋ, cəərə awaŋ haa áŋ: gud tepe náŋa də Yeesu Kristu, wə jəŋ áŋ kir minti áŋ jəə la haa joŋre pisi bə minti wə a ɗəmpunu warda hãã ajew da minti áŋ daw ku la wəraŋ.

EFESIŊ 3:17

daana minti Kristu əsə la ku tarməyaŋa gud de nəətiŋa. Dədərgə dəŋ jəə la də vaa-ve kəsar də daana də əsə-isi ŋəŋ-ŋəŋ wəra haa dər beleŋa.

EFESIŊ 4:2

Aŋ a golde he bə cə bə apəya ba, aŋ jəə la sããya sar kumsəŋa, aŋ jəə la bə mi ku kela, beleŋ jəə la ku tarməyaŋa bə hale kumsuŋa aduubə dəŋa.

EFESIŊ 5:2

Ɗe dəŋ haa la gud beleŋa tew-tew, damdi ɗe də Kristu a haŋ guuduŋ ana gəm. Gud maa mo, wə bəlaŋ áŋ ablaw daana wə ayaŋ kusru wəra a Pepeŋ gud áŋa damdi karman bə ayə-aye daana keere bə minti siisi duŋ siisunu warna fərəy-fərəy ana.

EFESIŊ 5:27

Wə jəŋ bədoona haa minti tó aye Tapi taŋ a kusru tó toki, Tapi tá də minti welɗə-welɗe kas pəsaŋ, bay zodiŋ, bay rakweŋ, bay kumsə kar teŋ kəya saraŋ. Wə a bəlaŋ minti a a ji də zeɓə-zeɓe ba daana hulum a fele ko bə mala kel sara bə gəm.

FILIPIŊ 2:15

kir minti aŋ jəə la kaa gə minti hulum neke bə məlaŋ kel sarəŋa ba daana gə minti bay kel kə zeɓə-zeɓe sarəŋa gəm. Aŋ jəə la haa karmə Pep gə minti wəra zugi bay baymele sarəŋa adəwaldə kaa gə cəərə seŋka gə minti ji tiniini də kaŋ daana gə minti ji baymeleŋ də diri re'iŋ. Ɗe neeteŋ bə kə kaa gə dər tilməŋ ana, səma ɗe dəŋ jəə la adəwaldi bə kə kaa gə dər pəɗakiŋ ana

KOLOSIŊ 1:22

Səma bə hebkənaŋ, Pepeŋ təpaŋ adəwaldu wəra dəərəŋ haa də me bə minti Kurmuyuŋ miinu də kusuki kə kaa kəsarkaŋ suruŋ. Wə jəŋ teŋ dəərəŋ bədoona haa kir minti tó koloŋ la wəra tiinə tó cetceti, bay kel sarəŋa, daana hulum a neke bə məlaŋ kel sarəŋa bə gəm.

KOLOSIŊ 2:2

Ten bə ji bədoona kir minti diri jəə la də teŋə-teŋe, yə jəə la gə tapə-tepe dər beleŋa, daana minti yə asə gəəziŋ la wəra, də fele bə guuduŋ ada keɗe, bə ase karman wəra ciiri anə kaŋkaŋ. Bədoona ana, yə neke yaŋ bə ase hel də metə-mete kə Pepeŋ, haa Kristu də kusru faɗi.

KOLOSIŊ 3:12

Pepeŋ ŋamnaŋ wəra minti aŋ jəə la kaa kə tó daana wə balnaŋ tə pə moŋ, jəə la sarəŋa haa ase bə caadə kumsəŋ, ji bə giidiŋ pəsaŋ sar kumsəŋaŋ, hare bə cəərə kusrəŋ bə adawraŋ, talma sããyaŋ, daana mi bə ku kel.

1 TESALONIKIŊ 3:12

Barkaŋ zee gud bele nəətiŋ la ajewa pisi hayaŋ adəwaldə kumsəŋa daana sar kaa kaayaŋa keɗe, bə naare bə minti are bə jəw saraŋaŋ ana gəm!

1 TESALONIKIŊ 4:7

Gud maa mo Pepeŋ mantaŋ áŋ da paapa bə bi a ji piwpiw ba, wə bele minti áŋ jəə la wəra cetceti ɗaw.

II TIMOTE 1:9

Pepeŋ seereŋ áŋ wəra haa tó, daana wə mantaŋ áŋ wəra minti áŋ kolə la wəra kaa kə tó. Wə jəŋ teŋ gila keɗe haa paapa gud joŋre náŋ pisi bə minti áŋ a juunu ba, səma gud minti wə bəlaŋ bədoona ana daana wə jəŋ pisiŋ sar áŋa. Wə jəŋ giidu pəsaŋ wəra cəərə áŋa gud Kristu Yeesu wəra hãã ajew də mele bə gud koŋa.

II TIMOTE 2:10

Gud teŋa ta, ten de haa də lasiŋ keɗe ha'aŋ, gud kaa gə minti Pepeŋ vərnəy wəraŋ, kir minti té də kusri nakə la bə ape seere bə minti kasi Kristu Yeesuŋ, daana yə vaa la dər məyan nuutu də bay teweŋa.

II TIMOTE 2:19

Səma kel gə gəəzi kə Pepeŋ teŋ kole ba. Yə damdi gud kuli bə minti Pepeŋ gəənu tó də kusru ana, wə daɓye ba. Gud kuli toŋ wəra bə jeerə-jeere cuuru minti: «Barkaŋ ha'aŋ kaa nuutuŋ də duru», daana pa minti: «Hulum bə minti waataŋ ne wəra də ku minti tó kəna kə Barkaŋ, wə yaakə ji bə baymeleŋ la».

ZAKI 2:5

Aŋ kəsaanan gə minti giidən bəlaŋ, aŋ əskə la wəra pisi. Kaa gə minti gole dər kaa gə cəərə seŋkaŋa kəna də caaca ha'aŋ, Pepeŋ ŋəmnəy haa minti tó əyəy hurma də minti yə doŋ gud Yeesu Kristuŋ, daana bə əyəy kumna nuutu bə minti wə a wəətunu səmu wəra kaŋkaŋ minti tó əyu a kaa gə minti bele toŋ keɗe'i.

I PIYER 1:2

Aŋ haa kaa gə minti Pep Bar áŋ ŋamtənaŋ gud ɗiki nuutu bə minti wə a ɗuknu warda hãã cəərəŋ da. Wə əsnəŋ wəra dəra'i a kusru də səɓaki kə Tiiru Cetcetaŋ, kir minti aŋ doo ku Yeesu Kristu la daana minti aŋ jəə la wəra gə poorə-poore də kor duŋ. Pisiŋ daana kəkaɓi kə Pepeŋ jəə la cəərəŋa pisi jəə!

I PIYER 1:20

Də ko bə minti Pepeŋ a kəm bay ji seŋkaŋ, wə a ŋəmaŋ Kristu warda hãã daana wə vəɗnu wəra dər ko tó bə adoroŋa haa guudəŋa.

I PIYER 2:9

Səma, aŋ teŋ ha'aŋ, aŋ haa kaa gə minti Pepeŋ ŋamtənaŋ wəra, kaa kə keere kə kumna bobloŋ, kaa gə minti wə zeeneŋ wəra dəra'i a kusruŋ, aŋ haa kaa nuutuŋ faɗi. Wə ŋamtənaŋ wəra haa minti aŋ ɗee la a waate sam kar kəmtəŋ pəsaŋ gə minti tó a jiiniy wəra a kaŋ, tó bə minti humnəŋ warda dər tilməŋ da bə bi a vaŋ wəra dər pəɗaki nuutu də deŋe kumsəŋaŋ.

II PIYER 3:14

Gədaarənti, bə minti aŋ bə mi hi toŋaŋ, aŋ ayə səɓaki la a kusrəŋ minti Pepeŋ bəə la a fəlaŋ wəra cetceti, bay sarte sarəŋa, daana də kəkaɓiŋ aduubə dəŋa duuru gəm.

I ZAŊ 4:16

Áŋ ha'aŋ, áŋ wəra gə asə-ase gəəzi minti Pepeŋ bele áŋ, daana áŋ doŋ gud bele nuutuŋa gəm. Pepeŋ haa beleŋ. Hulum bə minti ji beleŋ saksakiŋ, wə wəra bə tapə-tepe də Pepeŋ saksaki, Pepeŋ bə əsə-isi giidu gəm.

VEƊE 13:8

Kaa gə cəərə seŋkaŋ keɗe bə kaw awalna yaŋ, kaa té gə minti də anə hãã a mele bə gud koŋ daŋ, səməy paapa gə jeerə-jeere giidə kefter bə dədərgə kə Kormə Taaməka bə jamə-jemeŋa ba.

VEƊE 17:8

Bege bə minti tam a əsnu kənaŋ, wə a jəŋ hõy caw; bə hebkəna ha'aŋ, wə paapa caw pəda. Wə bə hare yaŋ bə kele da warda giidə tələŋkə kələmləma də bay nobeŋ da, wə bə ɗe a bese wəra. Kaa gə cəərə seŋka gə minti səməy a paapa gə jeerə-jeere giidə kefter bə dədərgəŋa wəra ajew də mele bə gud koŋ baŋ, kaa teŋ bə ŋili yaŋ a ko bə minti yə asaŋ bege toŋ neŋ. Gud maa mo wə a jəŋ hõy caw, wə paapa hebkəna caw pəda, wə bə hare yaŋ wəra caw.