EFESIŊ 1:18 - JAA TƏMARWAŊ

¹⁸ Ten mante kəəsu minti wə baadaŋ dər ɗiki dəŋ la wəra kir minti aŋ nakə la bə əski gud karman bə minti wə a mantənaŋ warda cuuruŋ, bə minti aŋ gə malə-mele ɗiki dəŋ wəra cuuruŋ gəm. Aŋ nakə la pa bə əski gud kel minti, kar pəsaŋ-pəsaŋ gə minti Pepeŋ a wəətənəy səməy wəra bə əyəy a kaa nuutuŋ, yə kəmtəŋ wəra hasi,

EFESIŊ 1:18 Iomraidhean Croise

MATIYE 13:15

gud bə minti kaa teŋ hẽŋeŋ ku tərməyi wəra, yə kaltaŋ kəəsi wəra kusni minti té a iski ba. Yə topoŋ kəəsi wəra diri minti dər té a gole ba. Yə jəŋ kel teŋ bədoona haa minti té a ase ba, té a jeɓre ba, té a əski kel teŋ ba minti té a hare sarən da minti ten siiriy laŋ ba.›

MARKƏ 10:17

Bə minti anə Yeesu ɗəlaŋ kooreŋ, hulum kəman gədaŋ tara da, wə bəŋ a haɓe tiinu anə haɓi, wə wəətunu minti: «Hulum bə hate bə minti jəəti pisiŋ, ten kirka ji maa minti ten falə dədərgə də bay tewe la mo?»

LIKI 24:45

Kəya wə əynəy ase bə minti yə əskə gud jeere ke Pepeŋ la.

JOŊRE 16:14

Adəwaldə kəram teŋa ha'aŋ, həlgə kəman yaŋ ada, sam minti Litiya. A haa həlgə də Tiyatir daana a bə kaate awalna a Pepeŋ pa. Joŋre naataŋ haa celeere də dəməəmə pas-pasa də minti kaa kə begeŋ gustəŋ. Bə minti Pol bə waate kelaŋ, Barkaŋ malna ɗiki də ɗeketi cəərə kel teŋa, wə bəŋnə ku tarmaya wəra bə doy.

JOŊRE 26:18

bə ɗe a piŋtiy diri wəra, bə humuy warda dər tilməŋ da bə vay dər pəɗakiŋa, daana bə humuy warda dər ko bə minti *Sataŋ bə əsə-isi kumnaŋ cuuruŋ, bə vay a ko bə minti Pepeŋ bə əsə-isi kumna cuuruŋ gəm. Bədoona ta, yə doŋ ne guudəna, Pepeŋ vəəgi giidu yaŋ wəra cəərə baymele neeteŋa daana yə ɗe yaŋ a fele ko sar kaayaŋ gə minti wə koloŋ teŋ wəra kaa nuutuŋ gəm.› »

ROMEŊ 11:29

Gud maa mo Pepeŋ kole ɗiki du cəərə karman bə minti wə əyuŋ daana cəərə kaa gə minti wə məntənəy wəra a kusruŋ ba.

ROMEŊ 2:4

Ɗalba pisi boblo bə minti Pepeŋ jəw, kel gə minti wə jəm daŋgay dəm hebkən-hebkəna faɗi baŋ, daana mi nuutu bə ku kel, yə gole dərəma haa kel kə bagŋ mo? Tam paapa bə asə-ase bə mo minti wə jəŋ pisi toŋ sarəma haa kir minti tam nakə la bə kolə kerkem a baymele nəmtiŋ?

II KOREŊTƏŊ 4:4

Yə iski ba gud bə minti Nərtitiŋ, kumna bə cəərə seŋkaŋ, biwini ɗiki di wəra. A hay kuy wəra minti yə a ase pəɗaki də Kel pəsaŋ kəmarwaŋ gə minti waate sam boblo kə Kristuŋ wəraŋ ba. Tó Kristu bə haa-he haa Pepeŋ derra faɗi.

II KOREŊTƏŊ 4:6

Pepeŋ a waataŋ warda minti: «Pəɗakiŋ walə ko bə tilməŋ la wəra.» Wəlaŋ koŋ wəra ku tarmə áŋa haa tó də kusru bə ge áŋ bə ase boblo nuutu bə minti bə welɗe wəra dər Kristu anəkayyaŋ.

GALATIŊ 5:5

Kə are kaa kə Kristuŋ, are wəra gə malə-mele ɗiki də are minti Pepeŋ bə kole are yaŋ wəra ɗeker duru. Wə bə kole are haa gud səɓaki kə Tiiru Cetcetaŋa gud bə minti are doŋ gud joŋre kə Kristu.

EFESIŊ 1:11

A tepe náŋa də Kristu, wə ŋamtaŋ áŋ warda minti áŋ jəə la kə tó gud hel də minti wə a ɗampəna warda hãã ajew daŋ. Wə haa hulum bə minti de ku kar wəra keɗe'i, damdi giidu bəlaŋ ana'iŋ.

EFESIŊ 1:7

Gud maa mo, gud kor də Kristu bə minti a gaŋ wəra tə bə moŋ, áŋ wəra gə bədə-bidi daana áŋ fəlaŋ vəəgi bə giidu ne wəra cəərə baymele náŋa. Bədoona ana ta, Pepeŋ gaŋ gud boblo bə pisi nuutuŋ wəra, daana wə juunu sar áŋa ablaw faɗi, haa a kəkəy bə minti wə ayaŋ

EFESIŊ 2:12

Də ko toŋ ateŋa ha'aŋ, adəwaldəŋ a wəra də jamə-jeme də Kristu, kəkəy a paapa cəərəŋa minti yə aŋkaŋ adəwaldə kaanə *Israyela ba. *Jaa də minti Pepeŋ a topna də kaŋ gud kel gə minti wə a wəətənəy wəraŋ, a paapa də dərəŋ bə gəm. Aŋ a nuutu lam cəərə seŋkaŋaŋ, səma aŋ a paapa gə nakə-neke bə mele ɗiki dəŋ cəərə karmana ba, Pepeŋ a paapa də dərəŋ bə gəm.

EFESIŊ 3:16

Ten bə mante kəəsu minti, gud boblo bə pisi nuutuŋa, wə jeŋeŋ la də Tiiru Cetcetaŋ gal giidiŋa də səɓaki

EFESIŊ 3:8

Adəwaldə kaa kə Pepeŋa keɗe, a bə kerpə-kerpeŋ aduubə di haa ten. Də teŋ keɗeŋ, Pepeŋ jəŋ pisi sarəna a kəkəy bə minti wə aynan nin haa waate bə kel a kaa gə minti teŋ paapa gə Ziwifi baŋ cəərə pisi boblo bə minti áŋ fəlu gud Kristuŋ. Pisi boblo toŋ, guudu əski kas huluma ba.

EFESIŊ 4:1

Bədoona ta, ten bə minti a daŋgaya gud joŋre kə Barkaŋaŋ, ten bə jəŋ kamkama minti: ɗe dəŋ jəə la bə tapə-tepe də mante bə minti Pepeŋ mantənaŋ da duuruŋ ha'aŋ ana gəm.

EFESIŊ 4:4

Kusrə Kristu haa ɗaaməna, Tiiru Cetcetaŋ haa ɗaaməna gəm, damdi karman bə minti Pepeŋ waatənaŋ minti aŋ malə ɗiki dəŋ la cuuruŋ ana a ko bə minti wə mantənaŋ wəra minti aŋ jəə la kə tó, karman toŋ wə ɗaaməna faɗi gəm.

EFESIŊ 5:8

A dayday, ko bə tilməŋ a jəŋ haa aŋ faɗi. Səma bə hebkənaŋ ha'aŋ, gud tepe nəətiŋa də Barkaŋ, ko bə pəɗakiŋ máŋ haa aŋ faɗi gəm. Gud teŋa ta, ɗe dəŋ jəə la haa kə kaa kə ko bə pəɗakiŋ.

FILIPIŊ 3:14

Bədoona ta, ten kəm haa a tara bə ɗe a tuli wəra cəərə karman bə minti ten a məlaŋ dərən warna cuuru naŋ, kir minti ten daw la. Pepeŋ bə mantan da apəy da minti ten ɗee la a daw gud tapi nina də Yeesu Kristuŋ.

KOLOSIŊ 1:12

Aŋ jəə suuse la a Abaŋ bə minti kolnoŋ gə nakə-neke bə fele kar pəsaŋ-pəsaŋ gə minti wə bə ɗukuya a kaa nuutuŋ a kumna nuutu bə dər pəɗakiŋ naŋ.

KOLOSIŊ 1:23

Səma aŋ kir isi saksaki dər deŋa, gud maa mo, gud karman bə malə-mele bə minti aŋ gə əsə-isi cuuruŋ, haa tó. Aŋ kir isi duru ŋəŋ kir minti karman a haŋ giidəŋ wəra sar *Kel pəsaŋ kəmarwaŋ gə minti aŋ a iskiniy wəraŋ ba. Yə haa kel gə minti aŋ məlaŋ ɗiki dəŋ ciiriŋ, daana yə wəra gə waatə-waate a kaa gə minti kəna adawra neŋneŋ keɗe. Ten Pol koloŋ hulum bə joŋre diŋ.

KOLOSIŊ 1:27

Gud maa mo, Pepeŋ a bəlaŋ gay diri cəərə pisi də hel nuutu də metə-meteŋa də fele bə guudəŋ ada keɗe, də minti wə a ɗampəna a gidiirə kaŋ keɗeŋ. Hel tá də metə-meteŋ haa minti Kristu gal giidəŋa. Məlaŋ ɗiki dəŋ wəra kaŋkaŋ minti aŋ ɗe a fele boblo kə Pepeŋ yaŋ haa tó.

KOLOSIŊ 1:5

De toŋ daana bele toŋ bə əsə-isi haa cəərə karman bə minti Pepeŋ bə ɗokoŋ dəŋ na apəya naŋ. Haa karman bə minti aŋ wəra gə malə-mele ɗiki dəŋ cuuruŋ. Bə minti yə waatənaŋ kel kə gəəziŋ wəraŋ, *Kel pəsaŋ kəmarwaŋ, aŋ fəlaŋ ɗiki dəŋ tó bə malə-meleŋ haa də ko toŋ faɗi.

KOLOSIŊ 2:2

Ten bə ji bədoona kir minti diri jəə la də teŋə-teŋe, yə jəə la gə tapə-tepe dər beleŋa, daana minti yə asə gəəziŋ la wəra, də fele bə guuduŋ ada keɗe, bə ase karman wəra ciiri anə kaŋkaŋ. Bədoona ana, yə neke yaŋ bə ase hel də metə-mete kə Pepeŋ, haa Kristu də kusru faɗi.

KOLOSIŊ 3:15

Kəkaɓi də minti Kristu aynaŋ dəŋ jəə la haa karman bə kəyaŋ bə ase kel gə minti aŋ kir jəy. Pepeŋ bəlaŋ minti aŋ asə kəkaɓi taŋ la wəra. Wə mantənaŋ warda minti aŋ bəə la a kole wəra kusrə hulum bə məna haa sə teŋ. Aŋ kir ji suuse a Pepeŋ saksaki.

1 TESALONIKIŊ 2:12

Are aynaŋ səɓaki, are teŋneŋ dərəŋ, daana are jəənəŋ kamkam saksaki minti ɗe nəəti jəə la bə nakə-neke gud kə Pepeŋa, gud bə minti wə mantənaŋ bə isi duuru a kumna daana dər məyan nuutuŋa.

1 TESALONIKIŊ 5:8

Səma áŋ gə minti kə ko bə daaway, áŋ doo kusrə áŋ la ku baymeleŋa. De náŋ bə gud Pepeŋ də bele náŋ jəə la sar áŋa akas koroŋ ana. Mele bə ɗiki də áŋ cəərə seereŋa jəə la akas kaŋkəlaŋ gə duuri ana gəm.

II TESALONIKIŊ 1:11

Gud teŋa ta, are bə toose Pep náŋa saksaki cəərəŋa minti wə koloŋ la wəra gə nakə-neke agal də dədərgə dəŋ də minti wə mantənaŋ warda cəərəŋ. Are bə toose pa minti, pisi bə minti aŋ gə ayə-aye ɗiki dəŋ bə jəw, wə kəyaŋ la də səɓaki nuutuŋ bə daw ku wəra, daana minti de nəəti jəə joŋre laŋ.

II TESALONIKIŊ 2:16

Barkaŋ náŋ Yeesu Kristu də kusru daana Bar áŋ Pepeŋ bəlaŋ áŋ ablaw daana gud pisi bə minti yə jəw sar kaŋaŋ, yə ayaŋ teŋe bə dər daana ɗiki bə malə-mele pisi gə minti tewe baŋ a áŋ.

I TIMOTE 6:12

Duurə la haa duuri pisiŋ a kəkəy kə Pepeŋaŋ. Doo dədərgə də bay teweŋ la, gud maa mo, Pepeŋ mantənam warda haa minti tam asə dədərgə taŋ la, akaceŋa bə minti tam waataŋ wəra pisi kaŋkaŋ wəra tiinə kaa kə ablawa cəərə de nəmtiŋa.

TITI 2:13

Áŋ əsə la bədoona ana bə mi hi pisi bə minti ɗiki də áŋ bə malə-mele cuuru hebkənaŋ, akaceŋa dər hi tó bə minti məyan kə Yeesu Kristu, Pep náŋ bobloŋ, Hulum bə seere áŋ, pəŋ dərə ne wəraŋ.

TITI 3:7

minti áŋ kolə la wəra kaa ɗekeri dər Pepeŋa gud pisi nuutuŋa. Wə jəŋ bədoona ana haa minti áŋ falə dədərgə də bay teweŋ la, dədərgə tá də minti ɗiki də áŋ bə malə-mele cəərəŋ.

HEBEREŊ 10:32

Səma aŋ harə la bə ɗiki karman bə minti aŋ a məlaŋ guuduŋ ajew da duuru naanaanə moŋ. Də ko toŋ ateŋa bə minti pəɗaki kə Pepeŋ walnaŋ ku tarməyaŋ wəra anəkay təwaŋ, aŋ ləsaŋ bə duuri ablaw bay daɓye.

HEBEREŊ 6:4

Gud maa mo kel haa bə ha'aŋ ana: kə kaa gə minti gaŋ de neete bə gud Pepeŋ ne wəraŋ, hulum neke bə hərəy bə kole kirki a baymele neeteŋ bə hare bə de gud Kristu paŋ, yə ji ba. Kaa teŋ ha'aŋ, Pepeŋ a wəlnəy tərməyi wəra də gəəziŋ, yə a wəra gə falə-fele pisiŋ kəəsu ablaw, Tiiru Cetcetaŋ a wəra də ɓarsə-ɓarse a niini gəm. Kel kə Pepeŋ disi naanaanə me'i moŋ, yə a wəra gə asə-ase diiri. Səɓaki də ko bə minti Pepeŋ ɗe a ji kumnaŋ duru na ajew naŋ naanaanə moŋ, yə a wəra gə asə-ase dəərə gəm. Də teŋ keɗe yə haraŋ bə ɗe a ji kar gə minti yə a jəŋ bə jiya ajew də bə minti yə a kəm bay de gud Pepeŋaŋ! Gud teŋa ta, bə hare bə kuluya bə kole kirki a baymele neeteŋ ji bə pa, gud bə minti yə bə ji haa damdi yə haraŋ bə ɓele Kormə Pepeŋ wəra a kəbaŋ gə largaŋa máŋ té də kusri gadi faɗi, daana bə kulu kese wəra də dər kaŋ anə pəɗaki laki ana.

I PIYER 1:3

Aŋ tokɗə Pep Bar Barkaŋ náŋ Yeesu Kristu la! Gud ji bə giidu pəsaŋ nuutu bə ablawa tə bə moŋ, wə ayaŋ dədərgə təmarwaŋ a áŋ gud hare bə Yeesu Kristu wəra dədərgə adordə meŋa, kir minti ɗiki də áŋ jəə la wəra bə malə-mele cuuru kaŋkaŋ.

I PIYER 3:9

Hulum jəŋ sərkə ne nuutu sarəŋaŋ, aŋ a jəw sərkə du ba. Wə sartənaŋ ne nuutu, aŋ a sərtu bə gəm. Ana ɗaw ha'aŋ, aŋ gaw pisi la cuuru gud bə minti Pepeŋ mantənaŋ haa bə bi a gaŋ pisiŋ cəərəŋa gəm.

I PIYER 5:10

Aŋ hebkəna bə se gəəliŋa nuutu gəəzi, səma paapa bə hiti ablaw pəda. Pep bə minti bə ji pisiŋa sarəŋa saksakiŋ, bə minti mantənaŋ warda bə ɗe a vaŋ dər məyan nuutu də bay teweŋaŋ gud tepe nəətiŋa də Kristuŋ, wə də kusru, wə hare yaŋ bə ɗompoŋa adordə lasiŋa. Wə jeŋeŋ yaŋ wəra, wə ayaŋ səɓaki yaŋ, wə ji yaŋ kir minti aŋ a daɓye ba.