EFESIŊ 1:13 - JAA TƏMARWAŊ

¹³ Aŋ gə minti əskəŋ kel kə gəəziŋ, *Kel pəsaŋ kəmarwaŋ gə minti aŋ fele seereŋ guudiŋ, aŋ wəra gə tapə-tepe də Kristu. Bədoona ana, aŋ doŋ gud Kristu gəm, kəya Pepeŋ aynaŋ Tiiru Cetcetaŋ də minti wə a waatənaŋ sam wəra a nəənəŋ. A gaŋ dərəŋ haa minti aŋ wəra kaa kə tó.

EFESIŊ 1:13 Iomraidhean Croise

LIKI 11:13

Jəəne minti aŋ kaa kə bayməlaŋ asaŋ aye bə kar pəsaŋ a karməyaŋ bə anə hãy ɗaw, máŋ bə Aba bə apəyaŋ mo? Wə aye Tiiru Cetcetaŋ a kaa gə minti manta kəəsuŋ dəŋaŋ aŋ gə minti aye kar pəsaŋ a karməyaŋ.»

LIKI 24:49

Ten ge karman bə minti Barən a waataŋ minti tó ayaŋ dəŋ yaŋ da a nəənəŋ. Nəətiŋ, aŋ əsə la giidə vila hãã bə minti səɓaki də apəyaŋ bəə la kəm cəərəŋa.»

Kel pəsaŋ kəmarwaŋ gə minti Zaŋ jiiriniy 1:17

Pepeŋ a ayaŋ *ku giliŋ a áŋ haa kasi *Moyisi da, səma pisi bə minti wə jəw sar kaŋa daana gəəziŋ bəŋ kasi Yeesu Kristu da.

Kel pəsaŋ kəmarwaŋ gə minti Zaŋ jiiriniy 14:26

Hulum bə Kəyaŋ, haa Tiiru Cetcetaŋ də minti Abaŋ bə gaara yaŋ a koɗon daŋ, a hataŋ kar yaŋ neŋneŋ keɗe, a ɗəktəŋ cəərəŋ yaŋ cəərə kel gə minti ten a waatənaŋ dəŋ keɗe gəm.

Kel pəsaŋ kəmarwaŋ gə minti Zaŋ jiiriniy 15:26

Hulum bə Kəyaŋ bə tuuki yaŋ. Wə haa hulum bə minti ten gaŋ dəŋ yaŋ apəy da sar Abaŋ da, wə haa Tiiru də minti veɗe gəəzi də minti bəŋ sar Abaŋ daŋ wəraŋ. Wə də kusru, wə ji bar kəkəy yaŋ wəra cəərəna.

Kel pəsaŋ kəmarwaŋ gə minti Zaŋ jiiriniy 3:33

Hulum bə minti doŋ kel nuutuŋ neŋ, wə ge dər kaŋ wəra pəɗaki minti kel kə Pepeŋ haa kel gə gəəzə-gəəziŋ.

Kel pəsaŋ kəmarwaŋ gə minti Zaŋ jiiriniy 6:27

Aŋ jəə joŋre la, paapa bə fele hame bə minti ɓalke wəraŋ ba. Aŋ jəw la ɗaw haa bə fele hame bə minti toŋ bə ji yaŋ saksaki daana aŋ fele dədərgə də bay teweŋ guuduŋ. Hame toŋ ha'aŋ, bə ayaŋ dəŋ haa ten *Kormə Hulúm, gud maa mo Barən Pepeŋ məlaŋ kəəsu cəərəna minti tó aynan abay kə toŋ.»

JOŊRE 1:4

Ɗeŋ a deye hõy, bə minti Yeesu bə hame soŋa diiriŋ, wə əsəŋ bə wəətiya wəra kaŋkaŋ minti: «Aŋ əskəŋ kuna minti Barən wáatáŋ minti tó ayaŋ karman yaŋ da. Aŋ əsə la kəm kəna Zeruzalema bə mi karman toŋa, aŋ a koore warna kəm a ko baalaŋ na ba.

JOŊRE 13:26

Kəsaananti, aŋ gə minti waŋ wəra a kaasaw də *Abrahamaŋ, də kaayaŋ gə minti paapa kaanə Ziwifi baŋ, səma aŋ bə ɗe gud Pepeŋa, ku mini tó bə cəərə seere bə kaŋ, Pepeŋ əynu da a áŋ.

JOŊRE 2:33

Pepeŋ həənu warna suru na, wə usnu a kəəsu kemera. Wə fəlaŋ Tiiru Cetcetaŋ də minti Buru a wəətunu minti tó bə əydu yaŋ gəm. Wə gaana cəərə are. Kel gə minti aŋ bə əsəya daana bə jiɓriya hebkəna, haa joŋre naata.

ROMEŊ 1:16

Kese bə waate Kel pəsaŋ kəmarwaŋ wəraŋ paapa dərəna ba anə ceki. Gud maa mo yə haa səɓaki də minti Pepeŋ ji joŋreŋ dəərə bə seere mindi mindi mo wəra bə minti doŋ ne guuduŋ, gə Ziwifi gə minti iskiniy ajew, də kaa gə minti paapa gə Ziwifi baŋ gəm.

ROMEŊ 4:11

Pepeŋ kulnu duru ɗeker gud de nuutuŋa haa də ko bə minti wə a kəm bay *jeme tənturuŋ faɗi. Adoro, wə wəətunu minti wə jamə la wəra bə ge dər minti tó kulnu wəra dər tó ɗeker. Bədoona ana ta, Abraham koloŋ bar kaa gə təntəri gə bay cemeŋ keɗe gə minti gə doo-de gud Pepeŋa gə minti wə kulnuy wəra duru ɗeker gəm.

ROMEŊ 6:17

Áŋ jəə suuse la a Pepeŋ, gud maa mo aŋ a jəŋ kafkam kə baymeleŋ, səma bə hebkənaŋ, aŋ humuŋ kosoŋ wəra də ku tarməyaŋ soki məna cəərə kar gə minti yə a hatnaŋ dəŋ, gə minti gəəziŋ.

II KOREŊTƏŊ 1:22

Wə ayaŋ Tiiru Cetcetaŋ ku tarmə áŋa bə ge dər minti áŋ kə tó. Tiiru Cetcetaŋ taŋ haa karman bə minti wə deŋeŋ kar gə minti wə bə ɗe yaŋ a əyəy a áŋ dəərəŋ.

II KOREŊTƏŊ 6:7

Are də kel kə gəəzə-gəəziŋ ku are, də səɓaki kə Pepeŋ. Are bə ji karman ɗekeriŋa dər Pepeŋa bə he ku kaa gə duuri areŋ wəra.

GALATIŊ 3:14

Yeesu Kristu jəŋ teŋ bədoona haa minti, pisi bə minti Pepeŋ a wəətunu səmu wəraŋ minti tó jəw sar Abrahamaŋ, wə jəw la sar kaa gə minti paapa gə Ziwifi baŋ gəm. Wə jəŋ teŋ haa kir minti áŋ falə Tiiru də minti Pepeŋ a waatəna sama wəraŋ la, gud de náŋ bə guuduŋa.

EFESIŊ 4:21

Bədoona ta, aŋ kaa kə doo-deŋ, aŋ wəra gə əskə-əski kel gə minti yə wəətənəy cuuruŋ gəəzi, daana yə hatnaŋ kel gə minti teŋ tepe də gəəzi kə Yeesuŋ.

EFESIŊ 4:30

Aŋ a jəəti kel kə aye laawe a Tiiru Cetcetaŋ kə Pepeŋ ba. Gud maa mo, Pepeŋ maltaŋ tarwa wəra sarəŋa dəərə bə ge dər minti, dər hi bə minti tó bidi kaŋ wəra duuru bə faɗnə-faɗna, aŋ wəra kaa kə tó gəəzə-gəəzi.

1 TESALONIKIŊ 2:13

Are saksaki bə ji suuse a Pepeŋ pa gud bə minti, are waatənaŋ kel kə Pepeŋ ha'aŋ, aŋ duuniy bə kel kə hulum ana ba, aŋ duuniy damdi karman bə minti yə bədoona ana gəəzi, kel kə Pepeŋ faɗi. Yə bə ji joŋre giidiŋa, aŋ kaa kə doo-de.

II TIMOTE 2:15

Nəmtiŋ ha'aŋ, jəə kusrum la wəra kir minti tam doo dər Pepeŋ la pisi. Jəə la damdi hulum bə joŋre bə minti kese daw gud joŋre bə minti wə bə jəwaŋ baŋ ana, waatə kel kə gəəziŋ la wəra a kuɗiŋa kaŋkaŋ.

II TIMOTE 2:19

Səma kel gə gəəzi kə Pepeŋ teŋ kole ba. Yə damdi gud kuli bə minti Pepeŋ gəənu tó də kusru ana, wə daɓye ba. Gud kuli toŋ wəra bə jeerə-jeere cuuru minti: «Barkaŋ ha'aŋ kaa nuutuŋ də duru», daana pa minti: «Hulum bə minti waataŋ ne wəra də ku minti tó kəna kə Barkaŋ, wə yaakə ji bə baymeleŋ la».

II TIMOTE 3:15

Bədoona ana, a konce dəm də hãã faɗiŋ, kefter kə Pepeŋ də dərəm. Wə bə nakə-neke kirka ayam hel də minti ɗe a məlam a fele seereŋ gud de nəmti bə gud Yeesu Kristuŋa.

TITI 2:11

Gud maa mo, Pepeŋ gaŋ gud ji bə pisi nuutuŋ wəra a kaŋ, minti kaŋ keɗe falə seereŋ la haa gud pisi nuutu toŋa.

HEBEREŊ 2:3

Kəya áŋ boomoŋ ne də seere tó bobloŋ gila keɗeŋ, áŋ bə deŋe wəra ku ji bə daŋgaya naanaanə deŋə mo? Gud maa mo, Barkaŋ də kusru waataŋ sam seere toŋ wəra kəm ajew haa tó. Adoro kaa gə minti a əskəŋ ku daŋ waataŋ áŋ wəra cuuru anə kaŋkaŋ minti wə gəəzi.

ZAKI 1:18

Gud giidu, wə jəŋ áŋ minti áŋ falə dədərgə la haa də kel gə gəəzi nuutuŋ. Wə jəŋ teŋ bədoona ana haa minti, kar gə minti tó jiiniy keɗe'i, áŋ kolə la kaa kə ajew aduubə də kar teŋa haa áŋ faɗi.

ZAKI 1:21

Gud teŋa ta, kel gə minti zeɓeŋ daana ɗiki bə baymele bə ablaw bə saraŋ tukcuriŋ keɗe, aŋ pəy la wəra ku tarməyaŋa. Ana ɗaw ha'aŋ, kel gə minti Pepeŋ ayaŋ dəŋ giidiŋaŋ, aŋ doy la bay teke cəərə kusrəŋ apəya, gud minti bəŋa, kel teŋ gə nakə-neke bə seereŋ wəra.

I PIYER 2:10

Gud maa mo, a dayday, aŋ a paapa kaa nuutu ba; bə hebkənaŋ, aŋ máŋ kaa nuutu. Ji bə giidu pəsaŋ gə minti Pepeŋ a bə jiya sar kaŋaŋ, a paapa nəəti ba; hebkəna wə máŋ bə jiya pəsaŋ sarəŋa gəm.

VEƊE 7:2

Kəya ten asaŋ hulum bə digi baalaŋ bə li da agal də gud koŋ da anəkay, tampoŋ də minti sam Pep bə dədərgə cawiŋ bə jeerə-jeere cəərəŋ, kəəsu kay. Wə əsəŋ bə waate kela anə kaŋkaŋ a kaa kə digi gə minti yə əynəy səɓaki də ɓalke seŋkaŋ daana kan kəəsiŋ, minti: