EFESIŊ 1:11 - JAA TƏMARWAŊ

¹¹ A tepe náŋa də Kristu, wə ŋamtaŋ áŋ warda minti áŋ jəə la kə tó gud hel də minti wə a ɗampəna warda hãã ajew daŋ. Wə haa hulum bə minti de ku kar wəra keɗe'i, damdi giidu bəlaŋ ana'iŋ.

EFESIŊ 1:11 Iomraidhean Croise

JOŊRE 13:48

Bə minti kaa gə minti teŋ paapa gə Ziwifiŋ baŋ əskəŋ kel teŋ kəyaŋ, waaleŋ duuniy anəkay, yə əsəŋ bə tokɗe Barkaŋa gud kel nuutuŋa faɗi. Kəya kaa gə minti Pepeŋ a ŋəmnəy wəra minti yə falə dədərgə də bay teweŋ laŋ, koloŋ wəra keɗe kaa kə doo-de.

JOŊRE 2:23

Wə haa hulum bə minti Pepeŋ aynaŋ dəŋ kaasəŋa gud bə minti ɗiki də Pepeŋ a warda bə malə-mele minti kel teŋ bə ɗe a ji yaŋ anəkay, daana wə kəənəy gədəəgi di da haa tó. Aŋ kaanə Israyel, aŋ əwnu haa aŋ, gud bə minti aŋ əynu warna kasi kaa gə minti Pepeŋ paapa də diri baŋ; yə ɓəlnu wəra a kəbaŋ gə largaŋa.

JOŊRE 20:27

Gud maa mo, ten a waatənaŋ kel gə minti Pepeŋ a ɗəmpənəy wəra cəərə *kaa kəsarkaŋaŋ wəra keɗe; ten gəɗaŋ kumundu wəra anə məna bay waate ba.

JOŊRE 20:32

Yaakaŋ máŋ hebkəna haa minti ten ayaŋ kasi Pepeŋa. Kel gə minti bə waate sam pisi bə minti wə bə jəwa sar kaŋa, yə gə nakə-neke bə amaŋ. Wə bə nakə-neke bə suŋ dər de nəətiŋa, daana bə ayaŋ kar pəsaŋ gə minti wə bə ɗukuy na a nəənəŋ, a kaayaŋ gə minti nuutu keɗeŋ.

JOŊRE 26:18

bə ɗe a piŋtiy diri wəra, bə humuy warda dər tilməŋ da bə vay dər pəɗakiŋa, daana bə humuy warda dər ko bə minti *Sataŋ bə əsə-isi kumnaŋ cuuruŋ, bə vay a ko bə minti Pepeŋ bə əsə-isi kumna cuuruŋ gəm. Bədoona ta, yə doŋ ne guudəna, Pepeŋ vəəgi giidu yaŋ wəra cəərə baymele neeteŋa daana yə ɗe yaŋ a fele ko sar kaayaŋ gə minti wə koloŋ teŋ wəra kaa nuutuŋ gəm.› »

JOŊRE 4:28

Bədoona ta, yə doŋ wəra ha'aŋ ku kel gə minti tam a ɗikniy wəra hãã acekjewa minti yə ɗee la a ji bədoonaŋ. Tam ɗəkəŋ kel teŋ gud səɓaki nəmtiŋa daana gud bə minti giidim a bəlaŋ wəra minti yə jəə la bədoonaŋ.

ROMEŊ 11:34

Wəra bə jeerə-jeere giidə Kefter kə Pepeŋa minti: «Mindi asaŋ ɗiki kə Barkaŋ mo? Mindi bə nakə-neke bə kəyu də kel kə waate mo?»

ROMEŊ 8:17

Áŋ karmə Pepeŋ ta ŋaanaanə moŋ, áŋ ɗe a fele kar pəsaŋ gə minti Pepeŋ əyəy a kaa nuutuŋ. Áŋ də Kristuŋ, áŋ ɗe a ɓarse karman bə minti Pepeŋ əyu duŋ yaŋ gəm, gud bə minti, áŋ gə minti bə se lasiŋa duuruŋ ɓarse boblo nuutuŋ yaŋ də kumsə áŋ gəm.

ROMEŊ 8:28

Áŋ gə asə-ase gəm minti, kə kaa gə minti bele Pepeŋ, gə minti wə a məntənəy wəra bə de ku karman bə minti wə a ɗəmpunu wardaŋ, karman muntu muntu mo bə minti tuli ciiriŋ, wə ɗe a awe cuuru diiri haa a pisiŋa.

ROMEŊ 8:29

Gud maa mo kaa gə minti wə əsnəy warda ajew, wə haŋ ɗiki wəra ciiri faɗi gəm minti tó zey wəra dəra'i a tó kir minti yə kolə la bə he Kurmuyuŋa anə dege'-dege'i faɗi. Bədoona ana wə ji yaŋ beskeŋ də kəsəənu gə ablaw.

ROMEŊ 8:30

Kaayaŋ gə minti wə haŋ ɗikiŋ bə zey wəra dəra'i a kusruŋ, wə məntənəy wəra gəm minti yə kolə la kə tó. Té gə minti wə a məntənəy wəraŋ, wə kulnuy wəra duru ɗeker gəm. Té gə minti wə kulnuy wəra duru ɗeker, wə əynəy boblo nuutuŋ gəm.

ROMEŊ 9:11

Pepeŋ a waatəna wəra minti: «Kurmiyi bobloŋ ɗe a kole bə ji joŋre a nayto konceŋ.» Wə waataŋ kel teŋ ha'aŋ də bə minti yə a kəm bay weŋ ɗaw, kəya yə jəŋ karman pisi mo, baymele mo, kəm paapa. Wə jəŋ bədoona haa bə ge dər minti tó ŋəmaŋ beebe məna gud karməya té ɓasiŋa haa gud ɗiki nuutu bə minti wə a həənu wardaŋ. Bədoona ta, Pepeŋ kumna cəərə ŋeme bə kaa nuutuŋa. Wə ŋəməy paapa gud karman bə minti yə juunu ba, wə ŋəməy haa gud bə minti wə a bəlaŋ məntəy warda a kusru bədoona anəkay faɗi.

GALATIŊ 3:18

Ana haa paŋ, Pepeŋ sə a jəə la bə aye karman toŋa a kaŋ kəna gud bə minti yə bə ɗe də ku giliŋ, kel gə minti Pepeŋ a wəətənəy wəraŋ minti tó bə əyu yaŋ, kel teŋ koloŋ wəra ko bə boobo. Səma, yə paapa bədoona ba. Pepeŋ jəŋ pisi nuutuŋ sar Abrahama ha'aŋ, gud karman bə minti wə a wəətunu səmu warda ajew daŋ təwa faɗi.

EFESIŊ 1:14

Tiiru Cetcetaŋ táŋ ha'aŋ, Pepeŋ deŋeŋ kar gə minti wə bə ɗukuy na a áŋ haa dəərə. Wə ayna a áŋ haa kaadəəməy bə mi hi bə minti kaa gə minti wə kulnuy wəra a kusru bə tokɗe boblo nuutuŋ, bədəŋ ne wəra bə faɗnə-faɗnaŋ. Bədoona ana, kar neŋeŋ keɗe ɗe a awe ciiri haa bə tokɗe boblo kə Pepeŋ.

EFESIŊ 1:18

Ten mante kəəsu minti wə baadaŋ dər ɗiki dəŋ la wəra kir minti aŋ nakə la bə əski gud karman bə minti wə a mantənaŋ warda cuuruŋ, bə minti aŋ gə malə-mele ɗiki dəŋ wəra cuuruŋ gəm. Aŋ nakə la pa bə əski gud kel minti, kar pəsaŋ-pəsaŋ gə minti Pepeŋ a wəətənəy səməy wəra bə əyəy a kaa nuutuŋ, yə kəmtəŋ wəra hasi,

EFESIŊ 1:5

Pepeŋ bəlaŋ áŋ səm moŋ, wə ɗampaŋ ɗiki du warda hãã ajew da minti tó bə kole áŋ wəra kərmuyu gud Yeesu Kristu. Haa karman bə minti wə a bəlaŋ minti wə jəə la bədoona gud giidu pəsaŋaŋ,

EFESIŊ 1:8

aseŋ daana neŋ wəra a áŋ anə kaŋkaŋ.

EFESIŊ 1:9

Wə gaŋ gud hel nuutu də metə-meteŋ wəra a áŋ. Gud bele nuutuŋa ha'aŋ, wə a ɗəkəŋ wəra ajewa hãã faɗi minti tó bə doora ku wəra haa də Kristu

EFESIŊ 3:11

Kel teŋ gila keɗe təpaŋ də karman bə minti Pepeŋ a ŋəɓnu warda hãã daana bə minti wə duunu ku wəra hebkəna də Yeesu Kristu Barkaŋ náŋ.

KOLOSIŊ 1:12

Aŋ jəə suuse la a Abaŋ bə minti kolnoŋ gə nakə-neke bə fele kar pəsaŋ-pəsaŋ gə minti wə bə ɗukuya a kaa nuutuŋ a kumna nuutu bə dər pəɗakiŋ naŋ.

KOLOSIŊ 3:24

Jəə la cəərəŋa ɗəki minti Barkaŋ bə ɗe yaŋ a werkeŋ. Aŋ ɗe a fele haa kar pəsaŋ gə minti wə bə ɗukuy na a kaa nuutuŋ. Gud maa mo Bərdəŋ bə gəəzə-gəəzi bə minti aŋ bə jəw joŋreŋaŋ, haa Kristu də kusru faɗi.

TITI 2:14

Tó də kusru wə ayaŋ kusru wəra bə miɗi áŋ wəra ku kel kə bayməlaŋa, bə kole áŋ wəra dər kaa nuutu gə minti wə pooroŋ wəra ciiri, daana gə minti məlaŋ ɗiki di wəra keɗe bə ji haa joŋre pisiŋ.

TITI 3:7

minti áŋ kolə la wəra kaa ɗekeri dər Pepeŋa gud pisi nuutuŋa. Wə jəŋ bədoona ana haa minti áŋ falə dədərgə də bay teweŋ la, dədərgə tá də minti ɗiki də áŋ bə malə-mele cəərəŋ.

HEBEREŊ 6:17

Pepeŋ jəŋ haa bədoona gəm. Kir minti kaa gə minti tó a wəətənəy sam kar wəra asə la wəra kaŋkaŋ minti tó kole ɗiki də tó baŋ, wə kəlaŋ ku faɗi.

ZAKI 2:5

Aŋ kəsaanan gə minti giidən bəlaŋ, aŋ əskə la wəra pisi. Kaa gə minti gole dər kaa gə cəərə seŋkaŋa kəna də caaca ha'aŋ, Pepeŋ ŋəmnəy haa minti tó əyəy hurma də minti yə doŋ gud Yeesu Kristuŋ, daana bə əyəy kumna nuutu bə minti wə a wəətunu səmu wəra kaŋkaŋ minti tó əyu a kaa gə minti bele toŋ keɗe'i.

I PIYER 1:4

Gud maa mo, wə ɗampaŋ kar pəsaŋ a áŋ, kar teŋ tewe hõy ba, yə zode wəra hõy bə gəm, pisi bə siriŋ tewe wəra hõy bə gəm. Wə bə ɗukuy na a nəənəŋ apəya na,

I PIYER 3:9

Hulum jəŋ sərkə ne nuutu sarəŋaŋ, aŋ a jəw sərkə du ba. Wə sartənaŋ ne nuutu, aŋ a sərtu bə gəm. Ana ɗaw ha'aŋ, aŋ gaw pisi la cuuru gud bə minti Pepeŋ mantənaŋ haa bə bi a gaŋ pisiŋ cəərəŋa gəm.