EFESIŊ 1:10 - JAA TƏMARWAŊ

¹⁰ daana tó ɗe a gaara cəərə wəra a tewe də laateŋa. Hel taŋ haa minti, kar gə minti apəyaŋ, də kaayaŋ gə adawraŋ keɗe, tó bə təpəy ciiri yaŋ kasi kumna məna'i: kumna toŋ haa Kristu.

EFESIŊ 1:10 Iomraidhean Croise

MATIYE 25:32

Gidiirə kaa gə cəərə seŋkaŋ keɗe tepe ciiri yaŋ wəra tiinu. Wə cəməy diri yaŋ wəra damdi hulum bə ame begeŋ payte dər kaamaŋ wəra də kaaraŋ ana'i.

MARKƏ 1:15

minti: «Hitiŋ doŋ ku ne wəra. Hebkəna haa ko bə minti Pepeŋ maŋ bə hame kumna nuutuŋ duruŋ. Aŋ kolə kerkeŋ la a baymele nəətiŋ, aŋ doo la gud Kel pəsaŋ kəmarwaŋ kə Pepeŋa.»

I KOREŊTƏŊ 10:11

Kel teŋ jəŋ siri gila keɗe haa bə ge kosnə kaŋ minti yə a ji bədoona ba. Yə gə jeerə-jeere giidə Kefter kə Pepeŋa gəm haa minti áŋ hatə la ada. Gud maa mo áŋ hebkəna dər ko bə minti wəra máŋ a tawte duŋa.

I KOREŊTƏŊ 11:3

Ten bele minti aŋ asə kel teŋ la ha'aŋ: cəərə hulum mundu mundu mo haa Kristu, cəərə həlgəŋa haa gedraŋ, cəərə Kristu haa Pepeŋ gəm.

GALATIŊ 4:4

Səma, hi bə minti Pepeŋ a ŋəmnuŋ nəkaŋ wəra kəyaŋ, wə gaŋ kurmuyu da faɗi. Wəənu wəra cəərə seŋkaŋa haa həlgə. Wə humuŋ kosoŋ cəərə *ku gili kə kaanə Ziwifiŋa,

EFESIŊ 1:22

Pepeŋ ayaŋ səɓakiŋ wəra cəərə kara keɗe a Kristu daana wə əynu a kaa kə Tapiŋ damdi ciiri taŋtaŋ ana.

EFESIŊ 2:15

daana wə arsaŋ *ku gili kə *Moyisiŋ wəra də təbay duŋ daana kel du gə minti a wəra də gədəəgi di bəy-bəy. Wə jəŋ teŋ bədoona haa minti kaanə Ziwifiŋ, də kaa gə minti paapa gə Ziwifiŋ baŋ, tapə la wəra məna'i giidə kusul kimirwi bə minti təpnəy wəra duuruŋ daana bə əyəy kəkaɓiŋ aduubə diŋ.

EFESIŊ 3:15

Kaŋ gə camə-ceme gud kəmni ta'-ta'i apəy na daana adawra kəna, yə haŋ kel teŋ haa kəəsu; mindi mindi mo də buru.

EFESIŊ 3:2

Aŋ wəra gə əskə-əski sam joŋre bə minti Pepeŋ, gud pisi nuutuŋaŋ, wə aynan dən kaasəna minti ten jəw la gud kel dəŋa.

KOLOSIŊ 1:16

Pepeŋ jəŋ kar keɗe haa duuru: kar gə minti apəyaŋ də kaayaŋ gə adawraŋ keɗe, kar gə minti aŋ əsəy də kaayaŋ gə minti aŋ əsəy baŋ. Teŋ haa anə kar gə minti kəkamnaŋ a tiiruŋaŋ, kar gə cəwa-cəwaŋ, kəkamnaŋ, kar kə səɓak-səɓakiŋ. Pepeŋ jəŋ kar keɗe haa duuru, a nuunu gəm.

KOLOSIŊ 1:20

Wə bəlaŋ pa minti aduubə də té jəə la wəra də tapə-tepe də kar gə minti cəərə seŋkaŋa də kaayaŋ gə minti apəyaŋ wəra keɗe haa duuru gəm. Wə jəŋ kir minti kəkaɓiŋ jəə la cəərə kara keɗe haa də kor də Kurmuyu bə minti gaŋ wəra a kəbaŋ gə largaŋaŋ.

KOLOSIŊ 3:11

Gud teŋa ta, hulum jəəne nuutu bə Ziwifiŋ, kumundu ba paapa bə Ziwifiŋ ba; tənturu jəəne də jamə-jeme, kumundu ba a bay jeme; wə jəəne nuutu hulum bə dəhãy, kumundu ba hulum bə seŋka də dərə də bay jeme; wə jəəne nuutu kafkam, kumundu ba paapa kafkam ba, ceme bə dər paapa a ko toŋa pəda. Kel máŋ haa Kristu ŋel məna faɗi: wə haa karman bə daŋə-deŋe kumsuŋ, wə giidə kaa gə minti doŋ guuduŋ keɗe gəm.

HEBEREŊ 1:2

Səma dər ko bə adoroŋa hebkənaŋ, wə waataŋ kel wəra a áŋ haa ku Kurmuyuŋa. Wə jəŋ kar keɗe haa duuru, wə ŋəmnu minti wə əsə la ciiri keɗe gəm.

HEBEREŊ 11:40

Gud maa mo, Pepeŋ a haŋ ɗiki də karman pisi wəra a áŋ ajewa, kəya wə bəlaŋ minti yə kolə la wəra bədoona gə nakə-neke duru kaŋkaŋ bay áŋ ada ba.

HEBEREŊ 9:10

Gud maa mo, ke bə awalna taŋ də əsə-isi haa cəərə ke bə gədəəgi də kar kə hame kəmana, kar kə se, daana anə gidiirə baade bə minti kole kaŋ wəra cetcetiŋ. To'osi taŋ haa cəərə kar gə minti áŋ bə əsəya wəra kəna gal taakawaŋ. Pepeŋ jiiniy bə isi anə sawəwa təwa, hãã bə minti tó kole karman baalaŋ kimirwi a kuɗi.

I PIYER 1:20

Də ko bə minti Pepeŋ a kəm bay ji seŋkaŋ, wə a ŋəmaŋ Kristu warda hãã daana wə vəɗnu wəra dər ko tó bə adoroŋa haa guudəŋa.

VEƊE 5:9

Yə bə ge gudul kimirwi bə tokɗe Kormə Taaməkaŋa minti: «Tam bə nakə-neke bə he kefter, daana bə poke kaknay gə kuŋ wəra. Gud maa mo yə awnam wəra bə ji keereŋ, tam məɗəŋ cəərə kaŋ a Pepeŋ də kor dəm gə aduubə də kaasaw də kaŋ keɗe, ku kaŋ keɗe, gidiirə kaŋ keɗe, gə giidə seŋkaŋ keɗe gəm.