EFESIŊ 1:1 - JAA TƏMARWAŊ

¹ Jeere kefter toŋ haa ten Pol, ten bə minti Pepeŋ bəlaŋ minti ten kolə la *hulum bə gaa-ge kə Yeesu Kristuŋ. Ten gaw a kaa kə Pep gə minti giidə vil də Efesiŋaŋ, gə minti ɓeti a tepe neeteŋa də Yeesu Kristuŋ.

EFESIŊ 1:1 Iomraidhean Croise

LIKI 16:10

Hulum bə minti jəəne ɓeti a kar koncoŋaŋ, wə ji wəra ɓeti a kar kəmtəŋa gəm. Hulum bə minti jəəne də hãy-hãy a kar koncoŋaŋ, wə ji wəra də hãy-hãy a kar kəmtəŋa gəm.

JOŊRE 16:15

Yə jəənə batem wəra də gə gerdaŋ keɗe. Adoro a mantaŋ are, a minti: «Aŋ asaŋ wəra hebkəna aŋ də kusrəŋ gəm minti ten wəra də doo-de gud Barkaŋa tə kəm, aŋ bəəda a isi gerdəna máŋ ta.» Kəya a nuutu ku are helew-helew minti are doo haa la.

JOŊRE 18:19

Kəya yə ɗeŋ a tuli warna Efesi na. A ko toŋa anə Pol ɓarsaŋ də Pirsil daana Akilasiŋ. Kəya Pol kooroŋ giidə kuli bə toose kə kaanə Ziwifiŋ bə ɗe a nele diiri cəərə kel kə Pepeŋa.

JOŊRE 18:21

A kəkəy bə kooreŋa, wə wəətənəy kəm nuutu minti: «Pepeŋ aynan kəkəy neŋ, ten hare yaŋ da hõy bə bi a helɗeŋ kəm pa.» Kəya wə luŋ giidə turtiŋa Efesi,

JOŊRE 9:13

Kəya Ananiyasi hərnu kel minti: «Barkaŋ, ten əskəŋ sam hulum toŋ wəra bə waate ablaw. Daŋge də kaŋ bə waate kel kə bayməlaŋ gə minti wə jəŋ kaa nəmtiŋ diiri Zeruzalem daŋ keɗe.

ROMEŊ 1:1

Jeere kefter toŋ haa ten Pol, hulum bə joŋre kə Yeesu Kristuŋ. Pepeŋ mantənan minti ten kolə la *hulum bə gaa-ge daana wə əsnən wəra dəra'i a kusru bə waate *Kel pəsaŋ kəmarwaŋ nuutuŋ wəra.

ROMEŊ 1:7

Ten jeere kefter toŋ haa a aŋ gə giidə vil də Rom, aŋ gə minti giidə Pepeŋ bəlaŋ keɗeŋ, daana wə mantənaŋ wəra minti aŋ jəə la kaa kə toŋ. Pisiŋ, də kəkaɓiŋ kə Bar áŋ Pepeŋ daana kə Barkaŋ Yeesu Kristuŋ jəə la cəərəŋa!

ROMEŊ 8:1

Bədoona ana, bə hebkənaŋ, kəəti kə Pepeŋ de kaa gə minti wəra gə tapə-tepe də Yeesu Kristuŋ pəda anə ceki.

I KOREŊTƏŊ 4:12

are bə geye də joŋre bə minti are bə jəwa də kasi areŋ faɗi. Bə minti kaŋ sarte areŋ, are gay naareŋ ciiri haa pisiŋ. Bə minti yə lese areŋ, are həlu haa hale təwa.

I KOREŊTƏŊ 4:17

Gud teŋa ta, ten gaanaŋ Timote na haa naŋ. Wə haa kormon gud kel kə Barkaŋa, wə ɓeti gəm, daana ten bəlu ablaw. Wə hare bə gaŋ kosnoŋa yaŋ cəərə ɗe dəna minti ten bə ɗewa gud Kristu naanaanə moŋ. Wə hataŋ dəŋ yaŋ bədoona dege'-dege'i damdi ten bə hətu giidə Tapiŋa wəra neŋneŋ keɗe anaŋ.

II KOREŊTƏŊ 1:1

Jeereŋ kefter toŋ kəya haa ten Pol, *hulum bə gaa-ge kə Kristu Yeesuŋ, gud giidu gə bele kə Pepeŋa. Are jiirunu haa də seenə áŋ Timoteŋ, a aŋ kaa kə Tapi gə Koreŋtəŋ daana a kaa kə Pep gə giidə seŋka də Akay keɗe gəm.

GALATIŊ 1:1

Jeereŋ kefter toŋ haa ten Pol. Ten *hulum bə gaa-ge kə Yeesu ha'aŋ, ŋaɓnan paapa hulum ba daana gaanan paapa hulum bə gəm. Gaanan haa Yeesu Kristu faɗi, də Pep Abaŋ bə minti hərnu wəra dədərgə adordə meŋaŋ. Ten jeereŋ haa a aŋ kaa kə Tapi gə giidə seŋka də Galatiŋ. Ten, də kaa kə doo-de gə minti sarəna kəna a ko toŋa keɗe'iŋ, are bə mirkiŋ na.

GALATIŊ 3:26

Aŋ keɗe, aŋ koloŋ wəra karmə Pepeŋ haa gud bə minti aŋ doŋ gud Yeesu Kristuŋ. Kəya aŋ máŋ wəra tapi duuru.

GALATIŊ 3:28

Bədoona ta, hulum bə Ziwifiŋ paapa hal də hulum bə minti paapa bə Ziwifi baŋ ba. Kafkam paapa hal də hulum bə minti paapa kafkam baŋ ba. Hulum koŋkor paapa hal də həlgəŋ bə gəm. Gud maa mo aŋ təpaŋ wəra də Yeesu Kristu, kəya aŋ koloŋ wəra hulum məna'i.

GALATIŊ 3:9

Abraham doŋ gud Pepeŋa, kəya Pepeŋ gəənu pisiŋ cuuru. Bədoona ana taŋ, Pepeŋ ge pisiŋ yaŋ cəərə kaa gə minti doŋ guuduŋ damdi Abraham a doŋ guuduŋ ha'aŋ, ana gəm.

EFESIŊ 1:15

Gud teŋa kəya, ten gəm ha'aŋ, bə minti ten əskəŋ sam de nəətiŋ bə gud Barkaŋ Yeesuŋ, daana minti aŋ bele kaa kə Pepeŋ keɗe naanaanə moŋ,

EFESIŊ 2:10

Gud maa mo, hel də minti Pepeŋ jəənə gilaŋ keɗeŋ, cəərə awaŋ haa áŋ: gud tepe náŋa də Yeesu Kristu, wə jəŋ áŋ kir minti áŋ jəə la haa joŋre pisi bə minti wə a ɗəmpunu warda hãã ajew da minti áŋ daw ku la wəraŋ.

EFESIŊ 2:13

Səma, bə hebkənaŋ, gud tepe nəətiŋa də Kristu Yeesu, aŋ gə minti a dayday wəra tooto sar Pepeŋaŋ, aŋ koloŋ ne máŋ hebkəna suru maŋ gud keere bə minti Kristu kiirunu wəra də kusruŋ.

EFESIŊ 2:6

Gud tepe náŋa də Kristu Yeesu tə bə moŋ, Pepeŋ haraŋ áŋ wəra dədərgə adordə meŋa duuru daana wə əsəŋ áŋ duuru apəya a kumna nuutuŋa.

EFESIŊ 6:21

Bə minti aŋ asə la wəra minti ten hebkəna naanaanə moŋ, daana ten bə ji maa toŋa moŋ, Tisiki, seenə áŋ bə minti áŋ bəluŋ, bə minti ɓeti a joŋre kə Barkaŋaŋ, ɗe yaŋ a waataŋ kel dən na a nəənəŋ haa tó.

KOLOSIŊ 1:2

a aŋ kaa kə Pepeŋ, kəsaanə are ɓetiŋ gud tepe nəətiŋa də Kristuŋ gə giidə seŋka də Kolosiŋ. Pisiŋ, də kəkaɓi kə Bar áŋ Pepeŋ jəə la cəərəŋa.

VEƊE 17:14

Bege bə waraŋ də kəkamna horiŋ duuri Kormə Taaməkaŋ yaŋ. Kormə Taaməkaŋ bə pi bulum yaŋ ciiri gud maa mo wə haa Barkaŋ kə kəmnə də kaŋ keɗe, wə haa Kumna kə kəkamnaŋ. Kaa gə minti Pepeŋ məntənəy, gə minti wə a ŋəmtənəy daana kaa ɓetiŋ bə pi bulum yaŋ duuru keɗe.»

VEƊE 2:10

Aŋ a ji walka kas lasi də minti aŋ bə saara yaŋ palpal ba. Golə la, Nərtitiŋ bə feke sərdəŋ yaŋ a daŋgaya bə goloŋ koɗoŋ, aŋ bə se lasi yaŋ kir hiti hori. Aŋ əsə la ɓeti jəəne nuutu minti yə awaŋ, kəya ten ayaŋ werke bə bulum yaŋ, werke toŋ haa dədərgəŋ.

VEƊE 2:13

Vil də minti aŋ gə əsə-isi adaŋ yaŋ nuutu də dərən, haa vil də minti *Sataŋ də əsə-isi kumna ada gəm. Səma aŋ əsəŋ ŋəŋ gə tapə-tepe dəərən, aŋ maltaŋ kuŋ cəərə de nəəti bə guudən ba, koo nuutu bə minti yə awaŋ Antipasi, bərdə kəkəy katən ɓetiŋ wəra gerdəŋa, a ko bə minti Sataŋ də əsə-isi kumna adaŋ.