Taitɔ 3:8 - Ku̍o̍ Delee 1999

⁸ Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

Taitɔ 3:8 Iomraidhean Croise

Matio 20:4

Iě ɔ̍ la̍a̍, ‘Mɔ̀ mu̍ dě ǐn blǐ klè mɔ̀ iě-e dbo̍ nui ke. Ǎn mu̍ mɔ̀ pɛ̌ɛ nmɔ jii̍.’

Chɔɔn 12:44

Iě Jusu wǐ, ɔ̍ la̍a̍, “Nyɔ̍ jɔ gbaɛ-a ǐn wlùh-ɛ, nɛ̀ ɛ̍ se̍ ǐn nɛ due ɔ̍ se̍ wlùh gbaɛ. Jɛ nɛ̀ nyɔ̍ ɔ̀ dbo̍-a m-ɛ bo ɔ̍ gbaɛ wlùh ke.

Chɔɔn 5:24

“Tìh-a taǐn ǎn sèàɛ̍ mɔ̀ wlùh, pò nyɔ̍ wɔ̌n ǎn wlu̍ wɛ̀ ɔ̍ iě nyɔ̍ ɔ̀ dbo̍-a m-ɛ wlùh gbaɛ-ɛ, nɛ̀ ɔ̍ blě kmɔ̌ sie feɛ. Nɛ̀ tìh se̍ ɔ̍ gbɛ̍n mu̍ dɛ, nɛ̀ ɔ̍ chɛ̍n dǒ mɛ̌ɛ we̍ tìè iě ɔ̍ jɛɛ feɛ.

Nu̍-dɛ̍ᵻ 12:15

Iě u̍h la̍a̍ dě ɔ̍ we̍, “Se̍na̍-a nu̍ m̀.” Jɛ ɔ̍ wɔ̍n nɛ kankǎn kleǐn, ɔ̍ la̍ ɔ̍ se̍ si̍h tmɔ̌. Wɛ̀ u̍h la̍a̍, “Iě nɛ̀ ɔ̍ sùù bo lě.”

Wloma 4:5

Nɛ̀ nyɔ̍ ɔ̀ se̍-a ɔ̍ chɛ̀-a nu̍-dɛ̍ᵻ wlì tè wɛ̀ ɔ̍ iě Nyɔsoa ɔ̀ slɛ̌-a gblɛ̍n sɔ̀ɛ̀n nyɔ̍ i̍-ɛ wlùh gbaɛ-ɛ, nɛ̀ ɔ̍ wlùh gbaɛ bo ɛ̀ mu̍ ɛ̍ nu̍ wɛ̀ Nyɔsoa iě ɔ̍ i̍ slɛ̌-nyɔ̍ slè-e.

2 Kɔwlɛntiɔn 4:13

Nyɔsoa-a wlu̍ la̍a̍, “Ǐn wlu-i, dɛ̍nu̍ɛ, ǐn gbaɛ Nyɔsoa wlùh.” Dě wlùh gbaɛ due laa̍ di̍i̍ bo à wlu-i ke. Dɛ̍nu̍ɛ, à gbaɛ Nyɔsoa wlùh.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

1 Timote 1:15

Jusu Klai ji̍ da̍a kmɔ̌ la we̍ ɔ̍ iě gblɛ̍n sɔ̀ɛ̀n nyɔ̍ sèìe. Wlu̍ la tìh-a taǐn bo, ɛ̍ nɛ i̍ gbɛ̍n ka̍ klìmàtàìn. Jɛ gblɛ̍n sɔ̀ɛ̀n nyɔ̍-a chɛ̀, mɔ̍ bo ɔ̀ nu̍ u̍h-a gblìmia.

1 Timote 2:8

Ǎn pɔ̀n tà-o-tà nyɔ̍gbei-a mu̍-a tàdùè gbǎ-ɛɛ, jɔ̍gbauᵻ iě ba̍le. Nɛ̀ u̍h sà wlùh kwlǎ u̍h iě sɔ̍nᵻ ja̍i̍ to. Jɛ nɛ̀ jlu̍h, àe̍e̍ wɔ̍ɔ̍n i̍ sà-a bɔ̌ dǒ u̍h nynɛ̌ nɛ-ɛ.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

2 Timote 1:12

Ɛ̍ kɔn ǎn sàɛ̀-a ka jua̍i̍. Jɛ ǐn juo nyɔ̍ ǐn gbaɛ-a wlùh-ɛ, ɛ̍ bo ɛ̀ sà ǐn faɔn. Nɛ̀ ǐn juo ɛ̍-ɛ gblagblǎ dɛ̍ ɔ̍ po̍-a dě ǐn kwa̍a̍-ɛ, ɔ̍ bɛ̌ɛ ɛ̍ sɛ̍sɛ̍ nu̍-ɛ te̍e̍ wɛ̀ ɛ̍ iě bɔ̌ɛ-o weɛ̍ laa̍ jɛɛ.

Taitɔ 1:9

Nɛ̀ ka u̍h nu̍-a gblangbai̍ tu̍owli la nǎ poe-ɛɛ, kǎ ɔ̍ iě ɛ̍ sɔ̍nᵻ sɔɔ̌n i̍ gbɛ̍n-ɛ nu̍. Wɛ̀ ɔ̍ iě nyɔ̍ duuh-a wlùh fùka-a bɛ̌ɛ dǒ nǎ po̍-ɛ chɛ̀ we̍, ɛ̍ ke nyɔ̍ ùh-a tbaɛ-a ɛ̍ bu̍hᵻ i̍-ɛ, u̍h-a dlǔ plɔ̀-ɛ ke.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Taitɔ 3:1

Sǐ-i àn nyɔ̍ laa̍ tìh wlì i̍ u̍h iě u̍h-a chɛ̀ wlù ja dǒ u̍h-a wlu̍ kwa̍ blě nyɔ̍ ke tùn blě nyɔ̍ we̍, u̍h iě u̍h-a wlu̍ nu̍, u̍h iě dɛ̍ chɛ̀ nu̍ tìh gbàɛ̀ tà kli̍hgbɛ̍.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Faɛlimɔ 1:11

Ɔ̍ se̍ dɛ̍kɛ̍n gbǎ dǒ ìn we̍ dɛ de. Jɛ kaka la̍ ɔ̍ gbǎ dɛ̍kɛ̍n wɛ̀ dǒ à gbɔ̍ᵻ nɛ-a sɔɔ̌n-ɛ we̍.

Iblu 10:24

Mɔ̀ à fùka-ɛ wlùh we̍ dǒ jbɛɛ ke nu̍-dɛ̍ᵻ chɛ̀ we̍.

1 Pitɛ 1:21

Dě ɔ̍ ja̍a̍ bo mɔ̀ jii wɛ̀ mɔ̀ gbaɛ Nyɔsoa wlùh, ɔ̀ sà-e Klai wɛ̀ ɔ̀ nyǐ ɔ̍ tìh-a i̍ bɛ̌-ɛ. Ɛ̍ kɔn mɔ̀ gbaɛ ɔ̍ wlùh iě mɔ̀ tè ɔ̍ wlì.