Taitɔ 3:7 - Ku̍o̍ Delee 1999

⁷ Ɔ̍ nɛ blɛ dǒ àɔ̀ we̍ ɛ̍ iě à i̍ slɛ̌-nyɔ̍ we̍i̍ nu̍, wɛ̀ kmɔ̌ sie feɛ à kɔ̍-a wlùh i̍-ɛ, à iě ɛ̍ kɔn.

Taitɔ 3:7 Iomraidhean Croise

Matio 25:34

Nɛ̀ Blǔh Baa-a mu̍ ka dǎ dě nyɔ̍ ùh nɛ-a dě ɔ̍ di̍na̍ we̍ ka-a we̍, ‘Mɔ̀ɔ̍ ǐn Baa nyǐ-a pɔ̀ìě-ɛ, mɔ̀ ji̍ kmɔ̌ Nyɔsoa kɔn-a wlu̍ i̍-ɛ, ɔ̍ mu̍ ɛ̍ mɔ̀ nyǐ. Ɔ̍ po̍ ɛ̍ gba̍a̍ dǒ mɔ̀ we̍ se̍e̍ wɛ̀ kmɔ̌ la ɛ̍ dǔ nui-ɛ.

Pɔ̀n Chɛ̀ Maɛ To-a La 10:17

Jusu-a ji̍ la̍ mu̍ la̍ sǔh, wɛ̀ jɔ̍gbau due gba̍ ple̍-ɛ dǒ ɔ̍ we̍, ɔ̍ chlìi i̍ dǒ ɔ̍ jǔ. Iě ɔ̍ tèle ɔ̍ i̍, ɔ̍ la̍a̍, “Dlǔtu chɛ̀, dɛ̍we̍ iě nu̍ wɛ̀ iě kmɔ̌ sie feɛ blě ɛ?”

Wloma 11:6

Ɔ̍ u̍h-a chèɛ̀ tba̍-a kɔ̍ dǒ blɛ kɛ̍n i̍, ɛ̍ se̍ u̍h-a nu̍-dɛ̍-a tìh. Jɛ pò ɛ̍ tù u̍h-a nu̍-dɛ̍-a tìh de-ɛ, nɛ̀ ɛ̍ se̍ dǒ blɛ nɛ-ɛ kɛ̍n i̍ kɔ̍.

Wloma 3:24

Nyɔsoa-a bu̍ɛ̍i̍ blɛ ɔ̍ nu̍-a u̍h pùn-ɛ bo ɛ̀ slɛ̌-ɛ u̍h i̍ dě ɔ̍ jlǐh. Jusu Klai ɔ̀ sà-a u̍h dě kàn kwa̍a̍-a dě ɔ̍ ja̍a̍ bo ɛ̍ jii.

Wloma 3:28

Ɛ̍ kɔn à la̍ Nyɔsoa-a slè-e nyɔ̍ i̍ slɛ̌-nyɔ̍ dě nyɔ̍-a wlùh gbaɛ blě-ɛ di̍i̍, ɛ̍ se̍-o nyɔ̍-a telě i̍ tè tìh.

Wloma 4:16

Nɛ̀ɛ̍, tɔ̀ma̍a̍ wlu̍ la ɛ̍ tba̍ dǒ wlùh gbaɛ kɛ̍n i̍, wɛ̀ ɛ̍ iě dě Nyɔsoa-a blɛ nɛ-ɛ di̍i̍ jii. Tɔ̀ma̍a̍ wlu̍ la ɛ̍ kɔn dǒ Eblaɛɛn-a tloemlai kli̍hgbɛ̍ we̍. Ɛ̍ se̍ dǒ telě dɛ̍ɛ̍ jě nyɔ̍ nɛ due we̍ ɛ̍ se̍ kɔn, jɛ nyɔ̍ ùh gbaɛ-ɛa Klai wlùh ka Eblaɛɛn-ɛ, ɛ̍ kɔn dǒ u̍h we̍ ke. Dɛ̍nu̍ɛ, ɔ̍ bo ɔ̀ nu̍ àɔ̀ kli̍hgbɛ̍ à baa.

Wloma 4:4

Nɛ̀ɛ̍, pò nyɔ̍ nu̍ dbo̍ wɛ̀ u̍h iě ɔ̍ pɛ̌ɛ-ɛ, nɛ̀ ɛ̍ mɛ̌-ɛ dǒ ɔ̍ we̍. Jɛ nɛ̀ u̍h se̍ ɔ̍ wlùh kɛ̍n i̍ nmɔ-ɛ.

Wloma 8:17

Ka à nu̍-a Nyɔsoa-a nynuu̍-ɛ, nɛ̀ à nu̍ dǒ Nyɔsoa-a gbaa kɛ̍n sie nynuu̍. À ke Klai nu̍ gbaa kɛ̍n sie nynuu̍ pò à sàɛ̀ jua̍i̍ ka ɔ̍ nu̍-a jua̍i̍ sàɛ̀-ɛ, wɛ̀ à nynɛ̌ iě i̍ bɛ̌ ka ɔ̍ nynɛ̌ nu̍-a i̍ bɛ̌-ɛ.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Kelesea 2:16

À juo i̍h, telě dɛ̍ɛ̍ jě-ɛ, ɛ̍-ɛ slɛ̌-ɛ nyɔ̍ i̍ dě Nyɔsoa jlǐh. Jɛ Jusu Klai wlùh gbaɛ bo ɛ̀ slɛ̌-ɛ nyɔ̍ i̍ dě Nyɔsoa jlǐh. À chɛ̀ à gbaɛ Jusu Klai wlùh wɛ̀ ɛ̍ iě à i̍ slɛ̌-ɛ dě Nyɔsoa jlǐh. À Klai wlùh gbaɛ bo ɛ̀ nu̍ ɛ̍, ɛ̍ se̍ telě dɛ̍ɛ̍ jě tìh. Dɛ̍nu̍ɛ, nyɔ̍-ɔ slɛ̌ i̍ dě Nyɔsoa jlǐh dǒ telě dɛ̍ɛ̍ jě-ɛ we̍.

Kelesea 3:29

Pò mɔ̀ kɔn dǒ Klai we̍-ɛ, nɛ̀ mɔ̀ɔ̍ Eblaɛɛn-a tloemlai, nɛ̀ mɔ̀-a mu̍ dɛ̍ ɛ̀ kɔn wlu̍ Nyɔsoa po̍-a tɔ̀ma̍a̍-a jě.

Kelesea 4:7

Ɛ̍ tìh-ɛ, mɔ̀ se̍ kèi̍ᵻ dɛ, mɔ̀ɔ̍ ɔ̍ chɛǐ nynuu̍ wɛ̀. Nɛ̀ɛ̍, ka ìn nu̍-a chɛǐ jǔ wɛ̀-ɛ, Nyɔsoa-a mu̍ la̍ ìn dǒ gbaa kɛ̍n sie.

2 Tɛsoloniɔn 2:16

Ǎn sà nǐ wɔ̍n, à Joi Jusu Klai-a chɛ̀ ke à Baa Nyɔsoa ɔ̀ jbɛɛ àɔ̀, wɛ̀ ɔ̀ nyǐ-a à kmɔ̌ sie wlì i̍ bɛ̌-ɛ ke wlì tè dɛ̍ chɛ̀ dě ɔ̍ blɛ nɛ-ɛ di̍i̍-ɛ,

Taitɔ 1:2

Kmɔ̌ sie feɛ à kɔ̍-a wlùh i̍-ɛ, dǒ ɛ̍ kɛ̍n bo i̍h tba̍ i̍. Nyɔsoa ɔ̀-ɔ tmɔ̌-a si̍h-ɛ, ɔ̍ bo ɔ̀ po̍ ɛ̍ wlu̍ tɔ̀ma̍a̍ sasǎ wɛ̀ kmɔ̌ la ɛ̍ dǔ nui-ɛ.

Taitɔ 2:11

Dɛ̍nu̍ɛ, Nyɔsoa-a blɛ ɛ̀ pǔh-ia nyɔ̍-ɛ, ɛ̍ wlǔh tà wɛ̀ dǒ nyɔ̍ kli̍hgbɛ̍ we̍.

Taitɔ 2:13

À wlùh i̍ kɔ̍ dɛ̍ ɛ̀ nmɔ-ɛ àɔ̀ i̍-ɛ nu̍ Jusu Klai. Ɔ̍ à kɛ̍n wlǔh-iɛ dě tìh-a i̍ bɛ̌-ɛ di̍i̍ bo à fuo-e kɛ̍ɛ̍n. Ɔ̍ bo ɔ̀ nu̍ à wɔ̍n ku̍ Nyɔsoa ke à Sèìe Nyɔ̍.

Iblu 1:14

Ǐnchɔ̀-a chɛ̀ ka i̍h-a tìh nɛ ɛ? I̍h kli̍hgbɛ̍ bo ìh-a dbee Nyɔsoa jǔ. Iě Nyɔsoa dbo̍ i̍h, i̍h iě nyɔ̍ ɔ̍ mu̍-a pǔh-iɛ we̍ gbǎ.

Iblu 11:7

Nɔa-a wlùh gbaɛ blě-ɛ bo ɛ̀ nu̍ ɛ̍ iě ɔ̍ wɔ̌n Nyɔsoa-a gbòɛ̀ wlu̍ i̍ dǒ dɛ̍ᵻ ɔ̍-ɔ se̍a jě ìh-a mu̍-a gbǎ-ɛ we̍. Wɛ̀ ɔ̍ wɔ̌n Nyɔsoa-a wlu̍ i̍ iě ɔ̍ kɔ̍ blǎgbè klaa ɛ̍ iě ɔ̍ ke ɔ̍ chɛ̌ pǔh-i. Dɛ̍ᵻ ɔ̍ nu̍-a bo ìh sà kmɔ̌ la kɛ̀n, wɛ̀ Nyɔsoa nyǐ ɔ̍ i̍ slɛ̌-ɛ ɛ̀ jii-a dě wlùh gbaɛ di̍i̍-ɛ.

Iblu 11:9

Eblaɛɛn-a wlùh gbaɛ blě-ɛ bo ɛ̀ nu̍ ɛ̍ iě ɔ̍ tǐn dě blǔh kɔn wlu̍ Nyɔsoa po̍-a tɔ̀ma̍a̍-ɛ kɛ̍n ka dihwi̍h-ɛ. Ɔ̍ tǐn dě wɛ̀ɛ̀ sɔ̍n wlù di̍i̍, kǎ Ase ke Jekɔ nu̍ ke, u̍h bo ùh-a mu̍ Nyɔsoa-a tɔ̀ma̍a̍ wlu̍ dɛ̍ we̍ jě ke.

Iblu 6:17

Nyɔ̍ ùh kɔn tìh Nyɔsoa po̍-a wlu̍ tɔ̀ma̍a̍-ɛ, ka ɔ̍ se̍-a ɔ̍ wlùh i̍ bǐi mu̍-ɛ, ɔ̍ pɔ̀n ɛ̍ iě we̍i̍ flɔn kaa̍ ɛ̍ kɔn ɔ̍ slɛ̀ɛ̀n dɛ dǒ ɛ̍ de̍e̍.

Chiin 2:5

Ǎn tìh kma de̍di̍i̍ᵻ, mɔ̀ tba̍ dounᵻ i̍. Da̍a kmɔ̌ la we̍-ɛ, nyɔ̍gbà nyɔ̍ bo Nyɔsoa tba̍ chèɛ̀ ùh iě pàn dě wlùh gbaɛ di̍i̍. Ɔ̍ kmɔ̌ wlu̍ i̍ kɔn-ɛ kɔn wlu̍ ɔ̍ po̍-a tɔ̀ma̍a̍ dǒ nyɔ̍ ùh kma-a ɔ̍ tìh-ɛ we̍-ɛ, u̍h-a mu̍ ɛ̍ fɔ̌ kɔn ke.

1 Pitɛ 3:7

Kɔanᵻ, kǎ mɔ̀ iě nu̍ ke, mɔ̀ ke mɔ̀-a nynɔ̌gbaɔᵻ iě wlu̍ i̍ wɔ̌ɛn, ka u̍h se̍-a kmu u̍h se̍-a mɔ̀ sìì-ɛ. Mɔ̀ tè u̍h ja̍, dɛ̍nu̍ɛ, Nyɔsoa-a kmɔ̌ sie feɛ ɔ̍ mu̍-a mɔ̀ nyǐ-ɛ, ɛ̍ kɔn dǒ u̍h we̍ ke. Kǎ mɔ̀ iě nu̍ wɛ̀ mɔ̀-a Nyɔsoa ba̍le-ɛ je̍e cha̍n we̍ gbǎ.