Taitɔ 3:6 - Ku̍o̍ Delee 1999

⁶ Sùù laa̍ bo ɔ̍ jaɛ dě à Sèìe Nyɔ̍ Jusu Klai ja̍a̍, iě ɔ̍ chɛ̌li ɛ̍ dɔu dǒ àɔ̀ kɛ̍n.

Taitɔ 3:6 Iomraidhean Croise

Chɔɔn 1:16

Blɛ ɛ̀ jǐ-a dě ɔ̍ ja̍a̍-ɛ, ɛ̍ bo ɛ̀ jě-e à kli̍hgbɛ̍ pɔ̀ìě dɔu dɔu.

Chɔɔn 16:7

Tìh-a taǐn ǎn sèàɛ̍ mɔ̀ wlùh, ɛ̍ nmɔ jii̍ dǒ mɔ̀ we̍ iě ǎn mu̍. Dɛ̍nu̍ɛ, pò ǐn se̍ mu̍-ɛ, nɛ̀ Sùù ɛ̀ naɛ-a nyɔ̍ sɔ̍nᵻ we̍ i̍-ɛ ɛ̍ se̍ mɔ̀ we̍ ji̍ mu̍. Jɛ pò ǐn mu̍-ɛ, nɛ̀ ǎn mu̍ ɛ̍ nɔ̌ mɔ̀ we̍ dbo̍.

Chɔɔn 4:10

Wɛ̀ Jusu la̍a̍, “Pò ìn juo Nyɔsoa-a nyǐ-dɛ̍ de wɛ̀ ìè nyɔ̍ ɔ̀ jbǎ-ɛa ìn nǐ-ɛ juo ke de-ɛ, nɛ̀ àn mu̍ ɔ̍ i̍ tèle wɛ̀ ɔ̍ iě ìn nǐ ɛ̀ nyǐ-a nyɔ̍ feɛ-ɛ nyǐ de.”

Chɔɔn 7:37

Peě-a bɔ̌ɛ-o weɛ̍ ɛ̀ ku̍-a wɔ̍n-ɛ, dǒ ɛ̍ di̍i̍ bo Jusu nyna-ɛ i̍ iě ɔ̍ wǐ, ɔ̍ la̍a̍, “Nyɔ̍-o-nyɔ̍ ɔ̀ kɔn wlì-a bǔ-aɛ, nɛ̀ ɔ̍ ji̍ nɔ̌ ǐn we̍ ɔ̍ iě nǐ nǎ.

Nu̍-dɛ̍ᵻ 10:45

Juu-a wlùh gbaɛ-ɛ blě nyɔ̍ ùh ke Pitɛ na-aɛ, sɔ ɛ̍ wlǔh i̍ u̍h de̍e̍ wɛ̀ Sùù ɛ̀ nu̍-a Nyɔsoa-a nyǐ-dɛ̍-ɛ, ɛ̍ iě ka ùh se̍-a Juu nyɔ̍-ɛ kɛ̍n gbǎ ke.

Nu̍-dɛ̍ᵻ 2:33

Ɔ̍-ɔ bo Nyɔsoa dǔ-a ka ja̍i̍ wɛ̀ dǒ ɔ̍ di̍na̍ we̍, iě ɔ̍ jě Sùù kɔn wlu̍ Baa Nyɔsoa po̍-a tɔ̀ma̍a̍-ɛ. Sùù ɔ̍ po̍-a àɔ̀ kɛ̍n-ɛ, ɛ̍ kɔn nu̍-dɛ̍ᵻ bo mɔ̀-a wɔ̌n-a, iě mɔ̀-a jě-a sèàn.

Wloma 2:4

Mɔ̀-a chɛ̀ la lee̍, ka Nyɔsoa nmɔ-a gblɛ̍n kaa̍ wɛ̀ ɔ̍ gbɛ̍n-a wlùh i̍ iě ɔ̍ po̍-a mɔ̀ blɛ we̍ i̍-ɛ, mɔ̀ mǎle-e ae? Mɔ̀ juo ɛ̍-ɛ te̍kle̍e̍, Nyɔsoa-a pɔ̀n mɔ̀ iě mɔ̀-a gblɛ̍n sɔ̀ɛ̀n kɛ̍n i̍ poe, ɛ̍ kɔn ɔ̍ nmɔ gblɛ̍n-ɛ dǒ mɔ̀ we̍.

Wloma 5:5

Nɛ̀ wlùh i̍ kɔ̍ dɛ̍ se̍ à si̍h wɔ̍n po̍ mu̍, dɛ̍nu̍ɛ, Nyɔsoa-a Sùù ɛ̀ ɔ̍ nyǐ-a àɔ̀-ɛ, ɛ̍ nu̍ ɛ̍ iě Nyɔsoa jbɛɛ àɔ̀ kaa̍.

Wloma 8:2

Dɛ̍nu̍ɛ, Nyɔsoa-a Sùù-a telě ɛ̀ ja-a à feɛ dě à ke Jusu Klai-a due nɛ-ɛ di̍i̍-ɛ, ɛ̍ bo ɛ̀ nu̍ ɛ̍ iě telě ɛ̀ ja-a gblɛ̍n sɔ̀ɛ̀n ke mɛ̌ɛ-ɛ, wɛ̀ ɛ̍ se̍ ǐn wlu̍ i̍ kɔn.

Ɛfɛsɔ 3:8

Kǎ ɛ̍ nɛ gbɛɛ, mɔ̍ Nyɔsoa nyɔ̍ kli̍hgbɛ̍-a konynǐ. Jɛ Nyɔsoa tè-e ǐn dbo̍ la kwa̍ iě pɔ̀ìě klaa ɛ̀ Klai-a nyǐ-a nyɔ̍-ɛ, ɛ̍ tìh we̍i̍ bla̍ dě ùh se̍-a Juu nyɔ̍-ɛ we̍.

Ɛfɛsɔ 4:2

Mɔ̀ ja mɔ̀-a chɛ̀ wlù, mɔ̀ iě gba̍n gbɛ̍n. Mɔ̀ gbɛ̍n wlùh i̍, mɔ̀-a jbɛɛ iě ɛ̍ nu̍ mɔ̀ɔ̍ je̍e feǎn wlì kɔn.

1 Timote 6:17

Nɛ̀ nyɔ̍ ùh blě-a kmɔ̌-a pàn-dɛ̍ᵻɛ́, chlì u̍h-a dounᵻ u̍h-u je̍e i̍h wlùh i̍ kɔ̍, wɛ̀ u̍h-u je̍e i̍h i̍ blɔ̌-ɛ. Dɛ̍nu̍ɛ, i̍h se̍ gba̍n kɔn. Jɛ Nyɔsoa jɔ sèàɛ̍-a dɛ̍ᵻ kli̍hgbɛ̍ to̍o̍gbǎᵻ i̍, wɛ̀ ɔ̍ nyǐ-a àɔ̀ à iě-a kmɔ̌ i̍ nui-ɛ, ɔ̍ bo u̍h iě wlùh i̍ kɔ̍.

Taitɔ 1:4

Taitɔ, dě ìn we̍ bo wlu̍ la ɛ̍ ji̍. Mɔ̀ ǎn gblangbai̍ jǔ dě wlùh gbaɛ à klɛ̀ɛ̀n-a kwa̍a̍ i̍-ɛ di̍i̍. Ǎn sà nǐ wɔ̍n Baa Nyɔsoa ke Jusu Klai ɔ̀ nu̍-a à Sèìe Nyɔ̍-ɛ, u̍h iě ìn blɛ ke wlùh-a i̍ tè-ɛ nyǐ.