Taitɔ 3:5 - Ku̍o̍ Delee 1999

⁵ iě ɔ̍ sèìe àɔ̀. Ɛ̍ se̍ à nu̍-dɛ̍ᵻá i̍ slɛ̌ tìh ɔ̍ se̍ àɔ̀ sèìe. Jɛ ɔ̍ wɔɛ kɔn-ɛ bo ɛ̀ nu̍ ɛ̍ iě ɔ̍ pǔh-i àɔ̀ dě ɔ̍ Sùù di̍i̍. Ɔ̍ Sùù dle àɔ̀ i̍ ɛ̍ kɔn à wlǔh-ɛ ke à kmɔ̌ gbǎ delee i̍.

Taitɔ 3:5 Iomraidhean Croise

Matio 3:11

Ǎn po̍ mɔ̀ nǐ dlǔ dǒ nǐ we̍ ɛ̍ iě ɛ̍ to ka mɔ̀ poe-a mɔ̀-a gblɛ̍n sɔ̀ɛ̀n kɛ̍n i̍-ɛ. Jɛ jɔ mu̍-a ǐn kɛ̍n i̍ ji̍-ɛ, ɔ̍ gbǐh bɛ̌ i̍ ɛ̍ sìì naɛ̍. Ǎn chɛ̀ ǐn se̍ i̍ blaɛ iě ɔ̍ bu̍hdih-a chɛ̀ kwa̍ blě. Ɔ̍ nɔ̀ɔ̍, ɔ̍ mu̍ mɔ̀ nǐ dlǔ po̍ dǒ Nyɔsoa-a Sùù ke nɛ̍ we̍.

Pɔ̀n Chɛ̀ Luu To-a La 1:50

Nyɔ̍ ùh-a tè-a ɔ̍ ja̍-ɛ, u̍h-u bo ɔ̍ jě wɔɛ, sɔ dǒ jǎɛ-o nyɔ̍ we̍ ìè jǎɛ-o nyɔ̍ we̍ mu̍.

Pɔ̀n Chɛ̀ Luu To-a La 1:54

Eslɔɛ nyɔ̍ ùh-a dbee-a ɔ̍ jǔ-ɛ, ɔ̍ naɛ u̍h sɔ̍nᵻ we̍ i̍, ka ɔ̍ nu̍-a wlu-ɛ dě à baaᵻá baaᵻ we̍-ɛ.

Pɔ̀n Chɛ̀ Luu To-a La 1:72

Ɔ̍ chɛ̀-a ku̍o̍ bo ɔ̍ nu̍ wlùh we̍, wɛ̀ ɔ̍ jě à baaᵻ wɔɛ.

Pɔ̀n Chɛ̀ Luu To-a La 1:78

À Nyɔsoa nɛ blɛ, iě ɔ̍ kɔn wɔɛ. Ɛ̍ kɔn ɔ̍ mu̍ ɛ̍ nu̍ sɔ̀n chɛ̀ ɛ̀ sɔ-a dě ja̍i̍wlɔ̀-ɛ ɛ̍ iě à sɛ̀n-ɛ, wɛ̀ à iě pǔh.

Wloma 11:14

Nyɔ̍-se̍-juo ɛ̍ bo ɛ̀ mu̍ ǐn blǐ nyɔ̍ wlɛ̀n di̍i̍ po̍ wɛ̀ Nyɔsoa iě u̍h-a duuh pǔh-i.

Wloma 11:6

Ɔ̍ u̍h-a chèɛ̀ tba̍-a kɔ̍ dǒ blɛ kɛ̍n i̍, ɛ̍ se̍ u̍h-a nu̍-dɛ̍-a tìh. Jɛ pò ɛ̍ tù u̍h-a nu̍-dɛ̍-a tìh de-ɛ, nɛ̀ ɛ̍ se̍ dǒ blɛ nɛ-ɛ kɛ̍n i̍ kɔ̍.

Wloma 12:2

Mɔ̀ bɔ̌ kmɔ̌ la ɛ̍ we̍ dɛ̍ᵻ nu̍-ɛ dɛ, jɛ nɛ̀ wlùh-a delee i̍ gbǎ-a Nyɔsoa nyǐ-a mɔ̀-ɛ bo mɔ̀ iě dě di̍i̍ nɛ la̍ sǔh. Nɛ̀ mɔ̀-a mu̍ Nyɔsoa-a wlùh juo-ɛ bɛ̌ɛ. I̍h bo ìh nu̍-a dɛ̍ chɛ̀ ke, ɔ̍ gbǐh po̍ dɛ̍ ke gblɛ̍ja̍i̍ wɛ̀-ɛ.

Wloma 3:20

Ɛ̍ tìh-ɛ, telě i̍ tè-ɛ se̍ nyɔ̍ i̍ slɛ̌-ɛ bɛ̌ɛ dě Nyɔsoa jlǐh. Dɛ̍nu̍ɛ, telě nɔ̀ɔ̍, ɛ̍ to-e àɔ̀ sǔh ka à nu̍-a gblɛ̍n sɔ̀ɛ̀n nyɔ̍-ɛ.

Wloma 3:28

Ɛ̍ kɔn à la̍ Nyɔsoa-a slè-e nyɔ̍ i̍ slɛ̌-nyɔ̍ dě nyɔ̍-a wlùh gbaɛ blě-ɛ di̍i̍, ɛ̍ se̍-o nyɔ̍-a telě i̍ tè tìh.

Wloma 4:5

Nɛ̀ nyɔ̍ ɔ̀ se̍-a ɔ̍ chɛ̀-a nu̍-dɛ̍ᵻ wlì tè wɛ̀ ɔ̍ iě Nyɔsoa ɔ̀ slɛ̌-a gblɛ̍n sɔ̀ɛ̀n nyɔ̍ i̍-ɛ wlùh gbaɛ-ɛ, nɛ̀ ɔ̍ wlùh gbaɛ bo ɛ̀ mu̍ ɛ̍ nu̍ wɛ̀ Nyɔsoa iě ɔ̍ i̍ slɛ̌-nyɔ̍ slè-e.

Wloma 9:11

Ti̍ ɔ̍ nynuu̍ laa̍ u̍h se̍-a wlǔh ke̍-ɛ, nɛ̀ u̍h-u se̍a dɛ̍ sɔ̀n ke dɛ̍ chɛ̀ nu̍, dǒ Nyɔsoa tba̍-ɛ u̍h-a due chèɛ̀. Ɛ̍ to ɛ̍ ka Nyɔsoa-a nyɔ̍ chèɛ̀ tba̍-a se̍-a dǒ dɛ̍-o-dɛ̍ nyɔ̍ nu̍-a kɛ̍n i̍ tba̍-a. Ɛ̍ tba̍ dǒ Nyɔsoa ɔ̀ dǎ-a nyɔ̍-ɛ ɔ̍ wlùh kɛ̍n i̍.

Wloma 9:16

Sɔ nɛ̀ Nyɔsoa-a nyɔ̍ chèɛ̀ tba̍-a se̍ dǒ nyi̍ɔ̍-a wlùh dɛ̍ ke nu̍-dɛ̍ kɛ̍n i̍ tba̍, jɛ ɛ̍ tba̍ dǒ ɔ̍ wɔɛ kɛ̍n i̍.

Wloma 9:30

Nɛ̀ ka à iě ka dǎ ɛ? Nyɔ̍ ùh se̍-a Juu nyɔ̍ ùh se̍-a i̍ slɛ̌-ɛ i̍ pɔ̀n de dě Nyɔsoa jlǐh-ɛ, u̍h slɛ̌ i̍ dě wlùh gbaɛ di̍i̍.

1 Kɔwlɛntiɔn 6:11

Kǎ mɔ̀-a nyɔ̍ duuh nɛ de, jɛ mɔ̀ wɛ̀ nɛi̍ wɛ̀, iě mɔ̀ kɔn dǒ Nyɔsoa we̍. Mɔ̀ slɛ̌ i̍ wɛ̀ dě Nyɔsoa jlǐh dǒ ɔ̍ Sùù we̍, ɛ̍ ke dǒ à Joi Jusu Klai-a nynɛ̌ kɛ̍n ke.

Kelesea 2:16

À juo i̍h, telě dɛ̍ɛ̍ jě-ɛ, ɛ̍-ɛ slɛ̌-ɛ nyɔ̍ i̍ dě Nyɔsoa jlǐh. Jɛ Jusu Klai wlùh gbaɛ bo ɛ̀ slɛ̌-ɛ nyɔ̍ i̍ dě Nyɔsoa jlǐh. À chɛ̀ à gbaɛ Jusu Klai wlùh wɛ̀ ɛ̍ iě à i̍ slɛ̌-ɛ dě Nyɔsoa jlǐh. À Klai wlùh gbaɛ bo ɛ̀ nu̍ ɛ̍, ɛ̍ se̍ telě dɛ̍ɛ̍ jě tìh. Dɛ̍nu̍ɛ, nyɔ̍-ɔ slɛ̌ i̍ dě Nyɔsoa jlǐh dǒ telě dɛ̍ɛ̍ jě-ɛ we̍.

Ɛfɛsɔ 2:4

Jɛ Nyɔsoa-a wɔɛ bo ɛ̀ tìè i̍, iě ɔ̍ àɔ̀ jbɛɛ ku̍ wɔ̍n.

Ɛfɛsɔ 4:23

Mɔ̀-a pɔluh ke mɔ̀-a wlùh kɔn i̍h iě delee nu̍,

Ɛfɛsɔ 5:26

ɔ̍ iě ɛ̍ pɔ̌ tè dǒ Nyɔsoa we̍. Ɛ̍ kɔn ɔ̍ nu̍ nǐ ke wlu̍ wɛ̀ ɔ̍ wɔ̍lɔ ɛ̍, iě ɛ̍ wɛ̀ flɛ̀n i̍.

Kalase 3:10

Mɔ̀ gbǎ-e tu̍ delee di̍i̍ wɛ̀, wɛ̀ Nyɔsoa ɔ̀ nu̍-a ɛ̍ nu̍ nyɔ̍-ɛ, ɛ̍ iě ɔ̍ dɛ̍ i̍ juo. Ɛ̍ kɔn ɔ̍ po̍ ɛ̍ delee i̍ dě ɔ̍ chɛ̀-a tu̍ di̍i̍.

2 Timote 1:9

Ɔ̍ sèìe àɔ̀, iě ɔ̍ dǎ àɔ̀ à iě ɔ̍ nyɔ̍ nu̍. Ɛ̍ se̍ à nu̍-dɛ̍ᵻá tìh ɔ̍ se̍ àɔ̀ dǎ, jɛ ɔ̍ chɛ̀-a wlùh dɛ̍ ke blɛ nɛ-ɛ bo ɛ̀ nu̍ ɛ̍ iě ɔ̍ dǎ àɔ̀. Ɔ̍ iě-a à blɛ la we̍ nu̍ dě Jusu Klai ja̍a̍-ɛ, nɛ̀ kmɔ̌ se̍ nui-ɛ ke̍.

Taitɔ 3:4

Jɛ Nyɔsoa ɔ̀ nu̍-a à Sèìe Nyɔ̍-ɛ, ti̍ ɔ̍ gblɛ̍n-ɛ nmɔ-ɛ ke nyɔ̍-ɔ jbɛɛ-ɛ wlǔh-a tà-ɛ,

Iblu 10:22

Nɛ̀ mɔ̀ à ji̍ Nyɔsoa i̍ kɔǎɛn la̍ sǔh dǒ wlùh chɛ̀ ke wlùh gbaɛ chɛ̀ɛ̌chɛ̀ we̍. Nɛ̀ mɔ̀ à blě wlùh ɛ̀ se̍-a kɛ̍ i̍ nɛ ɛ̀ nɛ-a wlaǎwla-ɛ, ɛ̍ ke ku̍ jɛ dle-ea nǐ wlihwlǐh-ɛ ke.

Iblu 4:16

Ka ɛ̍ nɛ-a ka-ɛ, mɔ̀ à ku̍ di̍i̍ i̍ à iě Nyɔsoa ɔ̀ nɛ-a blɛ-ɛ, ɔ̍ nynɛ̌ gbalǎ wlì mu̍. Wɛ̀ ɔ̍ iě à wɔɛ jě ɔ̍ iě blɛ nɛ dǒ à we̍, wɛ̀ ɛ̍ iě à we̍ gbǎ pò à nɛ we̍ gbǎ ka̍-ɛ.

Iblu 6:6

Wɛ̀ u̍h sɔ dǒ ɔ̍ wìè kɛ̍n, nɛ̀ nyɔ̍ se̍ ɛ̍ nu̍-ɛ bɛ̌ɛ dɛ u̍h iě i̍ bǐi. Dɛ̍nu̍ɛ, ɛ̍ wɔ̀ ka u̍h kɔ̍ Nyɔsoa-a Jǔ dǒ gbaɛ kɛ̍n i̍ tu̍ wlì dode̍ dǒ u̍h-a chɛ̀-a sɔ̍nᵻ we̍, iě u̍h po̍ ɔ̍ nynɛ̌ ja̍a̍i̍ dǒ wlɔ̀gbàɛ̀.

1 Pitɛ 1:3

Nyɔsoa ɔ̀ nu̍-a à Joi Jusu Klai Baa-ɛ, mɔ̀ à sàɛ̀ ɔ̍ nǐ wɔ̍n. Tà ɔ̍ sà-ɛa Jusu Klai bloɔ̍-ɛ, dǒ ɔ̍ nyǐ i̍ à feɛ delee, dɛ̍nu̍ɛ, ɔ̍ wɔɛ ku̍ wɔ̍n. Ɛ̍ kɔn à blě wlì tè dɛ̍ ɛ̀ se̍-a mǎ la̍ kɔn-ɛ.

1 Pitɛ 2:10

Sàǐtòò-ɛ, nɛ̀ mɔ̀ se̍ Nyɔsoa-a nyɔ̍, jɛ kaka la̍, mɔ̀ɔ̍ ɔ̍ nyɔ̍ wɛ̀. Sàǐtòò-ɛ, nɛ̀ mɔ̀ɔ̍ jě Nyɔsoa-a wɔɛ kɔn-ɛ de, jɛ kaka la̍ mɔ̀-a jě ɛ̍ la̍-ɛ.

1 Pitɛ 3:21

Nǐ dlǔ po̍-ɛ ɛ̀ pǔh-ia ka mɔ̀-ɛ, ɛ̍-ɛ bo jǐ-nǐ laa̍ wɔ̀. Nǐ dlǔ po̍-ɛ se̍ flɛ̀n ja̍i̍ sà-a. Jɛ wlu̍ tɔ̀ma̍a̍ po̍-ɛ bo dě Nyɔsoa we̍ dǒ à wlùh-a wlaǎwla nɛ-ɛ we̍. Mɔ̀ pǔh-i, dɛ̍nu̍ɛ, Jusu Klai wlǔh-e.