Taitɔ 3:3 - Ku̍o̍ Delee 1999

³ Sàì laa̍ nɛ̀ à bo we̍i̍ ke, nɛ̀ à-a nu̍ nyɔ̍-a wlu̍, iě à sìì wìè. Nɛ̀ à nu̍ gbale̍e̍ gbǎ-a ke wlùh dɛ̍ᵻ kaɛn kaɛn-a kèi̍. Nɛ̀ gblɛ̍n-ɛ nyni-ɛ ke wlɛ̀n kɔn-ɛ bo à ja-ɛ ja̍-a. Nɛ̀ nyɔ̍ɔ faɛn àɔ̀, iě à faɛn nyɔ̍ɔ.

Taitɔ 3:3 Iomraidhean Croise

Matio 21:29

Wɛ̀ ɔ̍ la̍a̍, ‘Ǐn se̍-e mu̍ mu̍ o.’ Jɛ ɔ̍ chlì-a doǒ i̍-ɛ, wɛ̀ ɔ̍ fèàɛ̀ ɔ̍ wlùh i̍ dode̍, iě ɔ̍ mu̍ dě klè laa̍.

Pɔ̀n Chɛ̀ Luu To-a La 21:8

Iě Jusu la̍a̍, “Mɔ̀ nu̍ mɔ̀-a chɛ̀-a nɛnɛ̌ wɛ̀ nyɔ̍-ɔ je̍e mɔ̀ i̍ boe. Dɛ̍nu̍ɛ, nyɔ̍ dɔu-a mu̍ dǒ ǎn nynɛ̌ kɛ̍n jii, u̍h iě ka nu̍, ‘Mɔ̍ bo ɔ̀ nu̍ Chèɛ̀ Tba̍ju. Bɔ̌ɛ-o ti̍ kɔǎn we̍ wɛ̀.’ Jɛ mɔ̀ bɔ̌ dǒ u̍h de̍e̍ gbǎ-a.

Chɔɔn 8:34

Jusu la̍a̍, “Tìh-a taǐn ǎn sèàɛ̍ mɔ̀ wlùh, nyɔ̍-o-nyɔ̍ ɔ̀ nu̍-a gblɛ̍n sɔ̀ɛ̀n-ɛ, nɛ̀ ɔ̍-ɔ gblɛ̍n sɔ̀ɛ̀n-a kèi̍.

Wloma 11:30

Mɔ̀ɔ̍ ùh se̍-a Juu nyɔ̍-ɛ, mɔ̀ blaɛ Nyɔsoa wɔ̍n tɛin. Jɛ kaka la̍, Juu nyɔ̍-a ɔ̍ wɔ̍n blaɛ bo ɛ̀ nu̍ ɛ̍ wɛ̀ ɔ̍ jě mɔ̀ wɔɛ.

Wloma 6:12

Nɛ̀ɛ̍, mɔ̀ bɔ̌ wɔ̌n-ɛ gblɛ̍n sɔ̀ɛ̀n bɔ̌ mɔ̀-a ku̍ ɛ̀ mu̍-a mɛ̌-ɛ wlu̍ i̍ kɔn-ɛ wɛ̀ mɔ̀-ɔ je̍e ɛ̍ wlùh dɛ̍ᵻ dɛ̍ɛ̍ jě.

Wloma 6:17

Mɔ̀ɔ̍ gblɛ̍n sɔ̀ɛ̀n-a kèi̍ᵻ de, jɛ à po̍ Nyɔsoa tlɔ̌ wɛ̀ mɔ̀-a nu̍ la̍ dɛ̍ à poe-a mɔ̀ nǎ-a dǒ mɔ̀-a wlùh kli̍hgbɛ̍ we̍.

Wloma 6:22

Jɛ kaka la̍ gblɛ̍n sɔ̀ɛ̀n se̍ mɔ̀ wlu̍ i̍ kɔn dɛ, iě mɔ̀ nu̍ ka Nyɔsoa-a kèi̍ᵻ. Ɛ̍ nu̍ ɛ̍ iě mɔ̀ kɔn dǒ Nyɔsoa we̍, iě ɛ̍ nu̍ ɛ̍ wɛ̀ mɔ̀ blě kmɔ̌ sie feɛ.

Wloma 6:6

À juo i̍h à tu̍ soa nɔ̀ɔ̍ ɛ̍ mɛ̌-ɛ Klai we̍ wɛ̀ dǒ gbàɛ̍ kɛ̍n i̍ tu̍ wlì. Wɛ̀ à gblɛ̍n sɔ̀ɛ̀n ku̍ la ɛ̍ iě-e gbɔ̀lɔ, wɛ̀ à-a je̍e gblɛ̍n sɔ̀ɛ̀n-a kèi̍ nu̍ dɛ dode̍.

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

Kelesea 6:3

Pò nyɔ̍ se̍ dɛ̍-a nyɔ̍ wɛ̀ ɔ̍ iě ɔ̍ chɛ̀ dɛ̍-a nyɔ̍ dǎɛ-ɛ, nɛ̀ ɔ̍ boe-e ɔ̍ chɛ̀ i̍.

Kalase 1:21

Mɔ̀ poe Nyɔsoa kɛ̍n i̍ tɛin, iě mɔ̀ nu̍ ɔ̍ nyɛ̌-nyɔ̍ dǒ dɛ̍ᵻ sɔ̀nᵻ mɔ̀ nu̍-aɛ we̍.

Kalase 3:7

Ìh la ti̍ i̍h nɛ-a dǒ gbɔ̀ǐn dě mɔ̀ ku̍sɔ̀n-ɛ, nɛ̀ i̍h bo mɔ̀-a nu̍ kwa̍a̍ i̍ ke de.

2 Timote 3:13

Nɛ̀ dɛ̍ᵻ sɔ̀nᵻ nyɔ̍ ke de̍ sì nyɔ̍-a mu̍ dě de̍i̍ gbǎ. U̍h-a boe nyɔ̍ɔ i̍, iě u̍h-a boe u̍h-a chɛ̀ i̍ ke.

2 Timote 3:6

U̍h-a duuh-a pa̍ dě nynɔ̌gbaɔᵻ kɔn Nyɔsoa dɛ se̍-a kmu-ɛ blǐ gbòᵻ, ùh gblɛ̍n sɔ̀ɛ̀n-a nyɛ̌-a kɛ̍n i̍, wɛ̀ pɔ̀n-dɛ̍ᵻ sɔ̀nᵻ kaɛn kaɛn-a sàɛ̀-a u̍h-a dlǔ wìè-eɛ, wɛ̀ u̍h-a fèàɛ̀ u̍h-a wlùh.

Taitɔ 1:16

U̍h la̍ u̍h juo Nyɔsoa, jɛ u̍h-a nu̍-dɛ̍ᵻ to ɛ̍-ɛ ka u̍h se̍-a ɔ̍ juo-ɛ. U̍h nu̍ nyɔ̍ sɔ̀nᵻ nyɔ̍. U̍h-u nu̍ Nyɔsoa-a wlu̍ iě u̍h se̍ dɛ̍ chɛ̀ nu̍-ɛ bɛ̌ɛ.

Taitɔ 2:12

Iě ɛ̍ toe àɔ̀ dɛ̍, à iě se̍ Nyɔsoa dɛ-ɛ nɛ ke kmɔ̌-a pɔ̀n-dɛ̍ᵻ sɔ̍n we̍ sà. Wɛ̀ à iě à chɛ̀ i̍ gbɛ̍n, à iě i̍ slɛ̌, wɛ̀ à iě Nyɔsoa dɛ-ɛ nɛ da̍a kmɔ̌ la we̍.

Chiin 1:26

Nyɔ̍ jɔ ɔ̀ la̍ ɔ̀ nu̍-a Nyɔsoa dɛ wɛ̀ ɔ̀ se̍-a ɔ̍ chɛ̀-a wɔ̍n gbèwe̍ gbɛ̍n-ɛ bɛ̌ɛ-ɛ, nɛ̀ ɔ̍ boe ɔ̍ chɛ̀ i̍. Nɛ̀ ɔ̍ Nyɔsoa dɛ se̍ dɛ̍kɛ̍n gbǎ.

1 Pitɛ 1:14

Mɔ̀ nu̍ Nyɔsoa-a wlu̍, nɛ̀ mɔ̀-a chɛ̀-a wlùh dɛ̍ᵻ mɔ̀-a nu̍-a tɛin ti̍ mɔ̀ se̍-a Klai juo-ɛ, mɔ̀ bɔ̌ wɔ̌n-ɛ i̍h bɔ̌ dě mɔ̀-a kmɔ̌ di̍i̍ nɛ-ɛ dɛ.

Wlɛfeleseɔn 12:9

Wɛ̀ wɔ̍n ku̍ dɔ̍sɛ laa̍ ɛ̍ poe-ɛ sɔ̀n. Tɛin tɛin sɛ̍ bo, iě ɛ̍ nynɛ̌ nu̍ Kǔ ke Setɔn. Ɛ̍ bo ɛ̀ nu̍ kmɔ̌ kli̍hgbɛ̍ i̍ boe nyɔ̍. Ɛ̍ poe-ɛ sɔ̀n nɔ̌ bloɔ̍, ɛ̍ ke ɛ̍ ǐnchɔ̀ kli̍hgbɛ̍ ke.

Wlɛfeleseɔn 13:14

Wɛ̀ ɛ̍ boe kmɔ̌ nyɔ̍ kli̍hgbɛ̍ i̍ dǒ jbaɛdih ɛ̍ sà-ɛa wlu̍ kɛ̍n iě ɛ̍ po̍-a dǒ sàǐtòò nmi̍ɛ̍ jlǐhwai-ɛ we̍. Wɛ̀ ɛ̍ po̍ nyɔ̍ kli̍hgbɛ̍ slǔh u̍h iě dɛ̍ mɛ̍ dǒ sàǐtòò nmi̍ɛ̍ la we̍, ɛ̀ plàn chlɛ̀n tba̍-a de iě ɛ̍ nɛ-a kmɔ̌ ke̍-ɛ.

Wlɛfeleseɔn 18:2

Wɛ̀ ɛ̍ we̍le, ɛ̍ la̍a̍, “Babeloun wlɔ̀ wa̍ wɛ̀. Ɔ̀ ku̍-a wɔ̍n de-ɛ, ɔ̍ wa̍ wɛ̀. Dǒ ɔ̍ di̍i̍ nu̍ jeědih-a tǐn la̍-a wɛ̀. Ɛ̍ nu̍ kà kɔn jeědih ke na̍wɛ̍ᵻ ìh nyɔ̍gbei faɛn-aɛ, i̍h-a tǐn la̍-a wɛ̀.