Taitɔ 3:2 - Ku̍o̍ Delee 1999

² U̍h bɔ̌ nyɔ̍-o-nyɔ̍-a wlu̍ wɔ̍i̍n nyni-ɛ, u̍h bɔ̌ wɔ̍ɔ̍n i̍ sà-a, u̍h iě jbɛɛ-ɛ blě, nɛ̀ u̍h gbɛ̍n tìh i̍ dǒ nyɔ̍ kli̍hgbɛ̍ we̍.

Taitɔ 3:2 Iomraidhean Croise

Matio 11:29

Mɔ̀ gba̍ ǎn kɛ̌n wìè mɔ̀ iě ǐn dɛ̍ we̍ cheǎn-ɛ, dɛ̍nu̍ɛ, ǐn gbɛ̍n gba̍n, wɛ̀ ǐn ja ǎn chɛ̀ wlù. Pò mɔ̀ nu̍ la̍a̍n-ɛ, nɛ̀ mɔ̀-a wlùh-a mu̍ i̍ tè.

Nu̍-dɛ̍ᵻ 23:5

Pɔɔ la̍a̍, “De̍di̍i̍ᵻ, ka ɔ̍ iě-a slaǎ sà nyɔ̍-a dlǔtu nu̍-ɛ, ǐn se̍ i̍h juo wa. Dɛ̍nu̍ɛ, Nyɔsoa-a wlu̍ la̍a̍, ‘Nyɔ̍ ɔ̀ blě-a nyɔ̍-a wlu̍ kwa̍-ɛ, nyɔ̍ bɔ̌ ɔ̍ wlu̍ sɔ̀n pùn po̍-ɛ.’ ”

1 Kɔwlɛntiɔn 6:10

jlǐ-nyɔ̍ ke, klǎn kɔn nyɔ̍ ke, chɛ̀ nmɔ̍ wlì sìèè nyɔ̍ ke, wlu̍ wɔ̍ɔ̍n i̍ nyni nyɔ̍ ke, ɛ̍ ke dɛ̍ᵻá kloǒ nu̍ nyɔ̍ ke u̍h se̍ dě Nyɔsoa-a kmɔ̌ wlu̍ i̍ kɔn-ɛ di̍i̍ nyni̍ mu̍.

1 Kɔwlɛntiɔn 9:19

Ǐn flɔn de̍e̍ i̍, nyɔ̍ se̍ ǐn wlu̍ i̍ kɔn. Jɛ ǐn nu̍ ǎn chɛ̀ nyɔ̍ kli̍hgbɛ̍-a kèi̍ we̍i̍, wɛ̀ ɛ̍ iě kmɔ̌ nɛ iě nyɔ̍ dɔu-a wlùh fèàɛ̀ dě Klai we̍.

2 Kɔwlɛntiɔn 10:1

Mɔ̍ Pɔɔ, ǎn ba̍le mɔ̀-ɛ dǒ ka Klai nu̍-a ɔ̍ chɛ̀ wlù ja-a iě ɔ̍ gbɛ̍n-a gba̍n-ɛ we̍. Nyɔ̍gbei la̍ pò ǐn nɛ nɔ̌ mɔ̀ we̍-ɛ nɛ̀ ǎn ja ǎn chɛ̀ wlù, jɛ pò ǐn se̍-e mɔ̀ we̍ nɛ-ɛ nɛ̀ ǎn kma wɔ̍n.

2 Kɔwlɛntiɔn 12:20

Ǎn ple̍ faɔn pò ǐn ji̍ dě mɔ̀ we̍-ɛ, nɛ̌ je̍e mɔ̀ kɛ̍n jɛɛ wɛ̀ ka ǎn pɔ̀n-a mɔ̀ iě-a nɛ-ɛ, mɔ̀ɔ̍ se̍ la̍a̍n nɛ. Wɛ̀ nɛ̌ se̍-e ka mɔ̀-a pɔ̀n-a iě-a nɛ-ɛ nɛ ke. Nyɔ̍-se̍-juo wɔ̍ɔ̍n i̍ sà-a ke, wlɛ̀n nu̍-ɛ ke, jlu̍h-u gbǎ-a ke, klǎn kɔn-ɛ ke, nyɔ̍ wlu̍ sɔ̀nᵻ pùn i̍ po̍-ɛ ke, nyɔ̍ chɛ̍n-ɛ ke, nyɔ̍-a chɛ̀ i̍ bɛ̌-ɛɛ ke dɛ̍ᵻ ja̍i̍ gbà-a je̍e dě mɔ̀ nynɛ̌ nɛ.

Kelesea 5:22

Jɛ Nyɔsoa-a Sùù naɛ tlo-ɛ nu̍ jbɛɛ-ɛ, nmɔ-ɛ, wlùh-a i̍ tè-ɛ, wlùh i̍ gbɛ̍n-ɛ, blɛ nɛ-ɛ, gblɛ̍n-ɛ nmɔ-ɛ, ɛ̍ ke wlu̍-a nɛ̀ gbǎ si̍h-i ke.

Kelesea 6:1

Ǐn de̍di̍i̍ᵻ, pò nyɔ̍ gba̍ wìè sɔ̀n-ɛ, nɛ̀ mɔ̀ɔ̍ juh nɛ-a dě Nyɔsoa-a Sùù-ɛ, nɛ̀ mɔ̀ɔ̍ bo ùh iě ɔ̍ wìè-e po̍ dě gba̍n gbɛ̍n-ɛ di̍i̍. Jɛ nɛ̀ mɔ̀ nu̍ nɛnɛ̌ wɛ̀ mɔ̀-a chɛ̀ je̍e blu̍ja̍a̍ gbǎ ke.

Kelesea 6:10

Ɛ̍ tìh-ɛ, pò à jě flɔn la̍-ɛ, mɔ̀ à nu̍ dɛ̍ᵻ chɛ̀ dǒ nyɔ̍ kli̍hgbɛ̍ we̍. Nyɔ̍ ùh ke à nɛ-a dě Klai wlùh gbaɛ dɛ di̍i̍-ɛ, u̍h bo à iě ɛ̍ pùn nu̍ chɛ̀ɛ̌chɛ̀.

Ɛfɛsɔ 4:2

Mɔ̀ ja mɔ̀-a chɛ̀ wlù, mɔ̀ iě gba̍n gbɛ̍n. Mɔ̀ gbɛ̍n wlùh i̍, mɔ̀-a jbɛɛ iě ɛ̍ nu̍ mɔ̀ɔ̍ je̍e feǎn wlì kɔn.

Ɛfɛsɔ 4:31

Mɔ̀ tǎli wɔ̍n nyni gblɛ̍n kli̍hgbɛ̍ ke, nyɔ̍ɔ nyɛ̌-ɛ ke, jlu̍h ke, i̍-i wǐi-ɛ ke, nyɔ̍-a wlu̍ wɔ̍i̍n i̍ nyni-ɛ ke kà kɔn-ɛ i̍.

Felepai 4:5

Mɔ̀-a gba̍n gbɛ̍n-ɛ bo ɛ̀ iě mɔ̀-a sàànsi̍i̍h nu̍ dǒ nyɔ̍ kli̍hgbɛ̍ we̍. Joi nɛ à i̍ wɛ̀.

1 Tɛsoloniɔn 2:7

Ka à nu̍-a Klai-a gba̍tòà-ɛ, à kɔn à iě mɔ̀ dɛ̍ jbǎ-ɛa chɛ̀ de. Jɛ ti̍ à nɛ-a dě mɔ̀ we̍-ɛ, nɛ̀ à gbɛ̍n gba̍n ka gbàɔ̀n nynɔ̌-a gbɛ̀n dǒ ɔ̍ nynuu̍ we̍ i̍-ɛ.

1 Timote 3:11

Ɛ̍ we̍ nynɔ̌gbaɔᵻ kɔn u̍h iě tìh-a i̍ gbɛ̍n nyɔ̍ nu̍ ke. U̍h bɔ̌ nyɔ̍-a wlu̍ wɔ̍i̍n nyni-ɛ, u̍h tù u̍h-a chɛ̀ jlǐhɛ̍, nyɔ̍ iě u̍h wlì tè dǒ dɛ̍ᵻ kli̍hgbɛ̍ we̍.

1 Timote 3:3

Nmɔ̍ bɔ̌ ɔ̍ wlì sìèè-ɛ. Ɔ̍ bɔ̌ dɛ̍ᵻ klàn kɛ̍ɛ̍n gba̍ nyɔ̍ nu̍-ɛ, jɛ ɔ̍ gbɛ̍n gba̍n, ɔ̍ iě kmɔ̌ i̍ gbe̍ɛ̍ɛn nyɔ̍ nu̍. Ɔ̍ bɔ̌ wlǐ klǎn kɔn-ɛ.

Chiin 3:17

Jɛ flɔ̍nwlùh jɛ sɔ-a dě ja̍i̍wlɔ̀-ɛ, ɛ̍ nɔ̀ɔ̍, ɛ̍ nɛ wlaǎwla, iě ɛ̍ gbe̍ɛ̍ɛn kmɔ̌ i̍. Ɛ̍ gbɛ̍n gba̍n, iě ɛ̍ blě jbɛɛ-ɛ. Ɛ̍ jǐ-i wɔɛ i̍, iě ɛ̍ blě nu̍-dɛ̍ᵻ chɛ̀. Ɛ̍-ɛ chlɛ̌-e dɛ̍ɛ̍ i̍, iě ɛ̍ se̍ mɛɔ sɔɔ̌n wɔ̍ɔ̍n nɛ.

Chiin 4:11

Ǐn de̍di̍i̍ᵻ, mɔ̀ bɔ̌ mɔ̀ ba̍ᵻá wlu̍ wɔ̍i̍n nyni-ɛ. Nyɔ̍ jɔ nyni-a ɔ̍ ba̍ Nyɔsoa nyɔ̍-a wlu̍ wɔ̍i̍n, àe̍e̍ ɔ̍ tù-a ɔ̍ tìh pùn-ɛ, nɛ̀ telě-a wlu̍ bo ɔ̍ nyni wɔ̍i̍n, iě ɔ̍ tù ɛ̍ tìh pùn. Pò ìn ja telě tìh pùn tù-ɛ, nɛ̀ ìn se̍ ɛ̍ dɛ̍ɛ̍ jě nyɔ̍, jɛ nɛ̀ mɔ̀ ɛ̍ tìh pùn tù nyɔ̍.

1 Pitɛ 2:1

Ɛ̍ tìh-ɛ, mɔ̀ tǎli gblɛ̍n sɔ̀ɛ̀n kli̍hgbɛ̍ i̍, si̍h tmɔ̌-ɛ o, wlɛ̀n kɔn-ɛ o, nyɔ̍ wlu̍ sɔ̀nᵻ pùn i̍ po̍-ɛ o, mɛɔ sɔɔ̌n wɔ̍ɔ̍n nɛ-ɛ o, mɔ̀ tǎli i̍h i̍.

1 Pitɛ 3:10

Nyɔsoa-a wlu̍ la̍a̍, “Nyɔ̍-o-nyɔ̍ ɔ̀ pɔ̀n-a kmɔ̌ nu̍-ɛ i̍ ɔ̍ iě-a ti̍ chɛ̀ kɛ̍n jɛɛ-ɛ, ɔ̍ bɔ̌ dɛ̍ sɔ̀n wlu̍ di̍i̍ po̍-ɛ. Ɔ̍ bɔ̌ si̍h tmɔ̌-ɛ.

1 Pitɛ 3:8

Nɛ̀ɛ̍, mɔ̀ kli̍hgbɛ̍ mɔ̀ blě wlùh due, mɔ̀-a ku̍-a chlɛ̌n-ɛ iě due nɛ. Mɔ̀ jbɛɛ mɔ̀ ba̍ᵻ Nyɔsoa nyɔ̍-ɔ, nɛ̀ mɔ̀ nmɔ gblɛ̍n-ɛ, mɔ̀ bɔ̌ mɔ̀-a chɛ̀ i̍ bɛ̌-ɛ.

1 Pitɛ 4:4

Nyɔ̍ ùh se̍-a Nyɔsoa juo-ɛ, ka mɔ̀ se̍-a u̍h nynɛ̌ gbǎ dě u̍h-a se̍ dɛ̍kɛ̍n gbǎ kmɔ̌ di̍i̍-ɛ, ɛ̍ wlǔh i̍ u̍h de̍e̍. Ɛ̍ kɔn u̍h-a chlèe mɔ̀.

2 Pitɛ 2:10

Nyɔ̍ ùh wɔ̀-a dǒ u̍h-a chɛ̀-a wlùh dɛ̍ᵻ de̍e̍, iě u̍h-a nu̍-a se̍i̍kɔɛn, wɛ̀ ùh-u jě-a tùn blě nyɔ̍ dɛ̍ɛ̍-ɛ, u̍h-u bo Nyɔsoa-a mu̍ kàn gbɛ̍n chɛ̀ɛ̌chɛ̀. Nǎ po̍ nyɔ̍-a si̍h naɛ la u̍h bɛ̌ wlì i̍, iě u̍h-a chɛ̍n ko̍o̍. Tìh-a i̍ bɛ̌-ɛ nyɔ̍ nɛ-a dě à dlǔwèàì-ɛ, u̍h-u ple̍ faɔn dǒ u̍h wlu̍ pùn i̍ po̍ la̍.

Judi 1:10

Jɛ u̍h-u laa̍ pò u̍h se̍ dɛ̍ jɛ we̍i̍ wɔ̌n sǔh-ɛ, nɛ̀ u̍h-a po̍ la̍ chlèwli̍ kleǐn. U̍h wɔ̀ kwlǎ-nmi̍i̍, u̍h-a chɛ̀-a slɛ̌ bo u̍h-a nui dɛ̍. Ɛ̍ bo ɛ̀ mu̍ u̍h-u gbɔ̀lɔ.

Judi 1:8

Nyɔ̍ la ùh gbǎ-a mɔ̀ nynɛ̌-ɛ, u̍h-a ja̍ᵻ ja-a bo ɛ̀ nu̍ ɛ̍ iě u̍h-a nu̍ u̍h-a chɛ̀ se̍i̍kɔɛn pùn i̍. Ɛ̍ kɔn u̍h se̍ u̍h-a chɛ̀ dǒ Nyɔsoa sɔ̀n po̍, iě u̍h chlèe ɔ̍ ǐnchɔ̀ ke.