Taitɔ 3:14 - Ku̍o̍ Delee 1999

¹⁴ Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Taitɔ 3:14 Iomraidhean Croise

Matio 21:19

Dǒ ɔ̍ jě-e fei-tu̍, wɛ̀ ɔ̍ mu̍ dě ɛ̍ we̍. Jɛ ɔ̍ se̍ ɛ̍ buǒ ja̍ jɛɛ, wlɔ̍nᵻá sǔh bo ìh nɛ dě ɛ̍ ja̍. Wɛ̀ ɔ̍ la̍a̍ dě ɛ̍ we̍, “Ìn se̍ gba̍ buǒ po̍ dɛ-o.” Tu̍ laa̍ dǒ ɛ̍ nyna iě ɛ̍ klǎn.

Matio 7:19

Ɛ̍ tìh-ɛ, tu̍ jɛ se̍-a buǒᵻ chɛ̀ po̍-ɛ, nɛ̀ ɛ̍ mu̍ dba̍-ɛ, wɛ̀ u̍h iě ɛ̍ jlǐh po̍.

Chɔɔn 15:16

Mɔ̀ se̍ ǐn chèɛ̀ tba̍, mɔ̍ bo ɔ̀ tba̍ mɔ̀ chèɛ̀ iě ǐn dbo̍ mɔ̀ mɔ̀ iě buǒᵻ ìh se̍-a jii̍ nyni la̍ kɔn-ɛ po̍. Nɛ̀ pò mɔ̀ jbǎ-ɛ Baa dɛ̍ dǒ ǎn nynɛ̌ kɛ̍n-ɛ, nɛ̀ ɔ̍ mu̍ ɛ̍ mɔ̀ nyǐ.

Chɔɔn 15:8

Mɔ̀-a buǒᵻ dɔu tlo-ɛ bo ɛ̀ bɛ̌-ɛ ǐn Baa-a nynɛ̌ i̍. Ɛ̍ bo ɛ̀ flɔn-ɛ ɛ̍ we̍i̍ ka mɔ̀ nu̍-a ǎn kòà-ɛ.

Nu̍-dɛ̍ᵻ 18:3

Wɛ̀ ɔ̍ tè dǒ u̍h we̍ i̍, iě ɔ̍ ke u̍h-a tba̍ wɛ̀ɛ̀ sɔ̍n wlù-a jlii̍, dɛ̍nu̍ɛ, dbo̍ tu̍ laa̍ bo ɔ̍ jěe dɛ̍ i̍ ke se̍e̍.

Nu̍-dɛ̍ᵻ 20:35

Ǎn nu̍ ɛ̍-ɛ wɛ̀ mɔ̀ iě ɛ̍ juo ka pò nyɔ̍ ja ka dbo̍ nu̍ sɔɛn nu̍-ɛ, wɛ̀ nyɔ̍-a gbǎ nyɔ̍ ùh se̍-a dɛ̍ nu̍-ɛ bɛ̌ɛ we̍. Mɔ̀ bɔ̌ Joi Jusu-a wlu̍ la we̍ mǎle-ɛ, ɔ̍ la̍a̍, ‘Nyɔ̍ dɛ̍ nyǐ-ɛ blě pɔ̀ìě dɔu ɛ̍ sìì dɛ̍ jě-ɛ.’ ”

Wloma 12:13

Dɛ̍ Nyɔsoa-a nyɔ̍ nɛ-a blě ka̍-ɛ wɛ̀ mɔ̀ iě ɛ̍ blě-ɛ, nɛ̀ mɔ̀ nyǐ ɛ̍ u̍h. Mɔ̀ gba̍ nyɔ̍ gbò we̍.

Wloma 15:28

Pò ǐn wɔ̀ dbo̍ la i̍ wɛ̀ iě nyǐ-dɛ̍ la kwlǎ sà-a wɔ̀-ɛ, nɛ̀ ǎn mu̍ dě mɔ̀ we̍ jii wɛ̀ iě Simii mu̍-ɛ dǔ.

Ɛfɛsɔ 4:28

Nyɔ̍ ɔ̀ jlǐ-aɛ, ɔ̍ bɔ̌ jlǐ-ɛ dɛ. Jɛ ɔ̍ nu̍ dbo̍ ɛ̀ slɛ̌-a i̍-ɛ. Nɛ̀ ɔ̍ mu̍ la̍ dɛ̍ blě ke, wɛ̀ ɔ̍ iě nyɔ̍gbà nyɔ̍ we̍ gbǎ-a bɛ̌ɛ.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Felepai 4:16

Ti̍ ǐn nɛ-a dǒ Tɛsolonaika wlɔ̀ di̍i̍-ɛ, dɛ̍ᵻ ǐn nɛ-a blě ka̍-ɛ mɔ̀ dbo̍ i̍h ǐn we̍. Mɔ̀ se̍ ɛ̍ nu̍-ɛa gbɔ̍ due gbài̍ nu̍.

Felepai 4:17

Ɛ̍ se̍ nyǐ-dɛ̍ᵻ ǐn se̍ i̍ pɔ̀n sǔh, jɛ ǎn pɔ̀n dɛ̍ mɔ̀ nu̍-aɛ, wɛ̀ mɔ̀ iě ɛ̍ dɛ̍ kɛ̍n jě.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

1 Tɛsoloniɔn 2:9

À de̍di̍i̍ᵻ, mɔ̀ bɛ̌ɛ mɔ̀ iě wlùh nu̍, ti̍ à nɛ-a dě mɔ̀ we̍-ɛ, nɛ̀ à nu̍ kmu-u dbo̍ iě à sàɛ̀ jua̍i̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ dǒ à Nyɔsoa-a pɔ̀n chɛ̀ bla̍-a we̍.

2 Tɛsoloniɔn 3:8

À-a di̍ nyɔ̍-o-nyɔ̍-a di̍-dɛ̍ wɛ̀ à-a se̍ ɛ̍ tàà pɛ̌ɛ. Jɛ à nu̍ kmu dbo̍ wlù ke sɔ̀n, wɛ̀ à-a je̍e nyɔ̍-o-nyɔ̍ wɔ̍ɔ̍n i̍ bɛ̌ɛ.

Taitɔ 2:8

Nmɔ wlu̍ wɔ̍ɔ̍n i̍, nɛ̀ nyɔ̍ se̍ ɛ̍ pàwe̍i̍ po̍-ɛ bɛ̌ɛ. Wɛ̀ ɛ̍ iě àn nyɛ̌-nyɔ̍ tɛ̀n nui, nɛ̀ dɛ̍ sɔ̀n u̍h iě-a sà dǒ àɔ̀ pùn-ɛ, ɛ̍ se̍ nɛ mu̍.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

2 Pitɛ 1:8

Ka mɔ̀ juo-a à Joi Jusu Klai-ɛ, pò mɔ̀ blě ìh la wɛ̀ i̍h iě i̍ klàn dě mɔ̀ ku̍sɔ̀n-ɛ, nɛ̀ ɛ̍ mu̍ kmɔ̌ nɛ mɔ̀ iě dɛ̍ kɛ̍n ji̍, nɛ̀ mɔ̀ se̍ pɔ̀ɔ̍pìe̍ nyɔ̍ nu̍ mu̍.