Taitɔ 3:13 - Ku̍o̍ Delee 1999

¹³ Sina ɔ̀ juo-a telě-ɛ, wìèlè ɔ̍ ke Apolo-a mu̍-a mu̍-ɛ, fɔ̀n dɛ̍ we̍, ìè ɛ̍ we̍ jě, u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě.

Taitɔ 3:13 Iomraidhean Croise

Matio 22:35

U̍h-a due ɔ̀ juo-a telě kaa̍-ɛ, iě ɔ̍ ji̍ ɔ̍ iě Jusu dǒ ɔ̍ chɛ̀-a wlu̍ kɛ̍n gbɛ̍n-ɛ.

Pɔ̀n Chɛ̀ Luu To-a La 10:25

Wɛ̀ telě nǎ poe nyɔ̍ nyna i̍ ɔ̍ iě Jusu i̍ tɛ̀n. Iě ɔ̍ la̍a̍, “Dlǔtu, dɛ̍ iě nu̍ wɛ̀ iě kmɔ̌ sie feɛ blě ɛ?”

Pɔ̀n Chɛ̀ Luu To-a La 11:45

Wɛ̀ telě nǎ poe nyɔ̍ due sà ɔ̍ wlu̍ pɔ̀n we̍, ɔ̍ la̍a̍, “Dlǔtu, ɛ̀ àn bla̍-aɛ, nɛ̀ àn po̍ àɔ̀ wlu̍ pùn i̍ bo ke wa.”

Pɔ̀n Chɛ̀ Luu To-a La 11:52

“Chlě dǒ mɔ̀ we̍ telě nǎ poe nyɔ̍. Dɛ̍nu̍ɛ, mɔ̀ sà tɔɔ-a gbò kɔɛ̍n wɔ̍n. Mɔ̀-a chɛ̀-ɛ pa̍-e, iě ùh-a pɔ̀n-a deě pa̍-a i̍-ɛ, mɔ̀ ka̍n u̍h-a wìè.”

Pɔ̀n Chɛ̀ Luu To-a La 14:3

Wɛ̀ Jusu wlu dě telě nǎ poe nyɔ̍ ke Fɛlesii nyɔ̍ we̍. Ɔ̍ la̍a̍, “À telě sà à wlu̍ kɛ̍n à iě nyɔ̍ pǔh-i dǒ wlè-weɛ̍ di̍i̍ ɛɛ, àe̍e̍ ɛ̍ se̍ à wlu̍ kɛ̍n sà ae?”

Pɔ̀n Chɛ̀ Luu To-a La 7:30

Jɛ Fɛlesii nyɔ̍ ke telě nǎ poe nyɔ̍ nɔ̀ɔ̍, dɛ̍ Nyɔsoa-a pɔ̀n-a u̍h iě-a nu̍-ɛ, ɛ̍ bo u̍h tba̍ chla, iě u̍h se̍ wɔ̌n Chɔɔn iě u̍h nǐ dlǔ po̍.

Nu̍-dɛ̍ᵻ 15:3

Wɛ̀ chɔchi̍h dbo̍ u̍h. U̍h-a mu̍-a la̍-ɛ, iě u̍h jii Fɔnisia fɔɔ ke Sɛmewlea. Dě u̍h poe kunǎ ka ùh se̍-a Juu nyɔ̍-ɛ fèàɛ̀-a wɛ̀ dě Nyɔsoa we̍-ɛ. Sɔ ɛ̍ pɛ̌n-ɛ de̍di̍i̍ᵻ kli̍hgbɛ̍-a pɔluh i̍ kaa̍.

Nu̍-dɛ̍ᵻ 18:24

Dǒ-o bo Juu jǔ due ji̍-i dǒ Ɛfɛsɔ, ɔ̍ nynɛ̌ bo Apolo. Ɔ̍ sɔ dǒ Ɛlesandlea wlɔ̀ di̍i̍. Ɔ̍ chɛn wɔ̍i̍n iě Nyɔsoa-a wlu̍-a tɔɔ wɛ̀ kwlǎ dě ɔ̍ di̍i̍.

Nu̍-dɛ̍ᵻ 19:1

Apolo maɛ dǒ Kɔwlɛn wɛ̀ Pɔɔ gba̍ kwlǎ di̍i̍ wìè iě ɔ̍ jii kwlǎ wlɔ̀ᵻ gbàɛ̀ di̍i̍ i̍, wɛ̀ ɔ̍ wlǔh-i dǒ Ɛfɛsɔ wlɔ̀ di̍i̍. Dě ɔ̍ jě-e kòà duuh.

Nu̍-dɛ̍ᵻ 21:5

Jɛ ti̍ nyni̍-a à iě-a dǒ u̍h we̍ sɔ-ɛ, wɛ̀ u̍h ke u̍h-a nynɔ̌gbaɔᵻ ke nynuu̍ kli̍hgbɛ̍ gba̍ à wìè-i dě jbǒ penɔ̍ɔ̍ kɛ̍n. Iě à mu̍ kɔlu̍ᵻ kɛ̍ɛ̍n à ba̍le.

Nu̍-dɛ̍ᵻ 28:10

Nyɔ̍ laa̍ iě u̍h nyǐ àɔ̀ nyǐ-dɛ̍ᵻ dɔu. À mu̍-a la̍ mu̍-ɛ, wɛ̀ u̍h po̍ à pɔ̀n-dɛ̍ᵻ kli̍hgbɛ̍ dě mɛɛ̍ dɛɛ di̍i̍ à iě gba̍.

Wloma 15:24

Nɛ̀ ǐn tè ɛ̍ wlì iě mɔ̀ jě dǒ ǎn Simii bloa̍ kɛ̍n mu̍ la̍. Nɛ̀ pò mɔ̀ ke ǐn ke à wɔ̀-ɔ nu̍i-ɛ dǒ ti̍ gbɔ̍ di̍i̍-ɛ, nɛ̀ ǎn pɔ̀n mɔ̀ iě ǐn sɔ̍n we̍ po̍ dǒ ǎn Simii mu̍-ɛ we̍.

1 Kɔwlɛntiɔn 16:11

Ɛ̍ tìh-ɛ, nyɔ̍ bɔ̌ ɔ̍ jlǐhɛ̍ dlǔ bla̍-a. Pò ɔ̍ ja mu̍-ɛ, nɛ̀ mɔ̀ po̍ ɔ̍ sɔ̍n we̍ ɔ̍ wlùh iě i̍ tè, wɛ̀ ɔ̍ iě nɔ̌ ǐn we̍ de̍ ji̍. Dɛ̍nu̍ɛ, ǎn gbɛ̀n dě ɔ̍ we̍ wìè-i ɔ̍ ke de̍di̍i̍ᵻ iě ji̍.

1 Kɔwlɛntiɔn 16:12

À de̍di̍i̍ Apolo nɔ̀ɔ̍, ǐn gbɛ̍n-ɛ ɔ̍ wɔ̍i̍n ɔ̍ iě mɔ̀ jě la̍-a ji̍, ɔ̍ ke de̍di̍i̍ᵻ duuh ke. Jɛ ɔ̍ wlùh se̍ i̍ pɛ̌n ɔ̍ iě-e ji̍ kaka. Pò ɔ̍ jě flɔn la̍-ɛ, nɛ̀ ɔ̍ mu̍-e ji̍.