Taitɔ 3:1 - Ku̍o̍ Delee 1999

¹ Sǐ-i àn nyɔ̍ laa̍ tìh wlì i̍ u̍h iě u̍h-a chɛ̀ wlù ja dǒ u̍h-a wlu̍ kwa̍ blě nyɔ̍ ke tùn blě nyɔ̍ we̍, u̍h iě u̍h-a wlu̍ nu̍, u̍h iě dɛ̍ chɛ̀ nu̍ tìh gbàɛ̀ tà kli̍hgbɛ̍.

Taitɔ 3:1 Iomraidhean Croise

Matio 22:21

U̍h la̍a̍, “Bloa̍ Joi bo.” Wɛ̀ ɔ̍ la̍a̍ dě u̍h we̍, “Dɛ̍ ɛ̀ kɔn-a dǒ Bloa̍ Joi we̍-ɛ, nɛ̀ mɔ̀ nyǐ ɛ̍ Bloa̍ Joi. Nɛ̀ dɛ̍ ɛ̀ kɔn-a dǒ Nyɔsoa we̍-ɛ, mɔ̀ nyǐ ɛ̍ Nyɔsoa.”

1 Kɔwlɛntiɔn 15:58

Ɛ̍ tìh-ɛ, ǐn de̍di̍i̍ᵻ, mɔ̀ ku̍-e klì i̍ mɔ̀ iě mɔ̀-a chɛ̀ i̍ kui. Mɔ̀ nu̍ Joi-a dbo̍ ti̍ kli̍hgbɛ̍ we̍, ka mɔ̀ juo-a dɛ̍-o-dɛ̍ mɔ̀-a mu̍-a nu̍ dǒ Joi we̍-ɛ, ɛ̍ se̍-a bu̍ɛ̍i̍ nu̍ mu̍-ɛ.

Ɛfɛsɔ 2:10

Nyɔsoa nu̍ àɔ̀ iě ɔ̍ nyǐ àɔ̀ feɛ delee. Jusu Klai bo ɔ̀ nu̍ ɛ̍ iě à nu̍ dbo̍ chɛ̀, ìh Nyɔsoa po̍-a gba̍a̍ se̍e̍ à iě-a nu̍-ɛ.

Felepai 1:11

Weɛ̍ laa̍ ɛ̍ iě ji̍-ɛ, i̍-i slɛ̌-ɛ ɛ̀ jii-a dě Jusu Klai ja̍a̍-ɛ, ɛ̍ iě mɔ̀ tlo-e ti̍ kli̍hgbɛ̍ we̍. Nɛ̀ ɛ̍ mu̍ Nyɔsoa-a nynɛ̌ i̍ bɛ̌-ɛ, ɔ̍ iě tìhwe̍ poe-ɛ.

Kalase 1:10

Pò ɛ̍ nɛ laan-ɛ, nɛ̀ mɔ̀-a mu̍ dě kmɔ̌ ɛ̀ po̍-a Joi gbǐh-ɛ di̍i̍ nɛ, mɔ̀ iě ɔ̍ wlùh i̍ tè-e mɔ̀ iě tlo dě dbo̍ chɛ̀ kli̍hgbɛ̍ di̍i̍. Nɛ̀ mɔ̀-a mu̍ ku̍ dě Nyɔsoa juo-ɛ di̍i̍.

1 Timote 2:2

Mɔ̀ ba̍le dǒ blǔh baaᵻ ke tùn blě nyɔ̍ kli̍hgbɛ̍-a tàà. Wɛ̀ à iě dě wlùh-a i̍ tè-ɛ ɛ̀ jě-ea nyɔ̍ feɛ i̍-ɛ ke, Nyɔsoa dɛ-ɛ nɛ-ɛ ke nyɔ̍ dɛ̍ɛ jě kmɔ̌ di̍i̍ nɛ.

1 Timote 4:6

Pò ìn po̍ de̍di̍i̍ᵻ slɛ̌ la chèɛ̀ i̍-ɛ, nɛ̀ àn mu̍ Jusu Klai-a pòi̍ju chɛ̀ nu̍. Wɛ̀ ìè ku̍ dě wlùh gbaɛ ke nǎ po̍ wlu̍ chɛ̀ ìn wɔ̀-a dǒ de̍e̍-ɛ di̍i̍.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

2 Timote 1:6

Ɛ̍ kɔn ǎn sǐ-i ìn tìh wlì i̍. Nyɔsoa-a nyǐ-dɛ̍ ɛ̀ gbǎ-a dě ìn ku̍sɔ̀n ti̍ iě-a ìn sɔ̍n dlǔ tè-ɛ, ìè ɛ̍ nɛ̍ i̍ tbà.

2 Timote 2:14

Sǐ-i àn nyɔ̍ɔ ìh la wlì i̍, ìè u̍h-a dounᵻ chlì dǒ Nyɔsoa jǔ. U̍h bɔ̌ wlu̍ kɛ̍n i̍ tòlo dɛ nu̍-ɛ. Ɛ̍-ɛ po̍-o nyɔ̍ dɛ̍. Nɛ̀ nyɔ̍ po̍-a i̍h dounᵻ we̍-ɛ, ɛ̍ nyni i̍ u̍h-a dlǔ jii̍.

2 Timote 2:21

Pò nyɔ̍ nu̍ ɔ̍ chɛ̀-a wlaǎwla dǒ nǎ po̍-ɛ kaɛn la we̍-ɛ, nɛ̀ ɔ̍ bo ɔ̀ nu̍ seǐju blewe̍ɛ̍. Nɛ̀ ɔ̍ tè-ɛ tɛ̌n, wɛ̀ ɔ̍ Joi iě ɔ̍ sùo̍o̍ nu̍, iě ɔ̍ gbàɛ̀ ɔ̍ iě dbo̍ chɛ̀ kli̍hgbɛ̍ nu̍.

Taitɔ 1:16

U̍h la̍ u̍h juo Nyɔsoa, jɛ u̍h-a nu̍-dɛ̍ᵻ to ɛ̍-ɛ ka u̍h se̍-a ɔ̍ juo-ɛ. U̍h nu̍ nyɔ̍ sɔ̀nᵻ nyɔ̍. U̍h-u nu̍ Nyɔsoa-a wlu̍ iě u̍h se̍ dɛ̍ chɛ̀ nu̍-ɛ bɛ̌ɛ.

Taitɔ 2:14

Jusu sà ɔ̍ chɛ̀ kwlǎ à tìh, ɔ̍ iě àɔ̀ kɛ̍ɛ̍n pùhbɔ dě kà gblɛ̍n kli̍hgbɛ̍ di̍i̍. Wɛ̀ ɔ̍ nu̍ à wlaǎwla à iě dǒ ɔ̍ chɛ̀ we̍ kɔn kleǐn. Wɛ̀ à wlùh iě jàjà nu̍ dǒ dɛ̍ chɛ̀ nu̍-ɛ we̍.

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

Taitɔ 3:8

Wlu̍ la tìh-a taǐn bo. Ìh la̍ bo ǎn pɔ̀n ìè kɛ̍ɛ̍n nɛ̌. Nyɔ̍ ùh gbaɛ-a Nyɔsoa wlùh-ɛ, nɛ̀ u̍h nu̍ nɛnɛ̌ u̍h iě dɛ̍ chɛ̀ nu̍-ɛ we̍ fòè. Ìh la̍ bo ìh nmɔ jii̍ wɛ̀ i̍h-a po̍-o nyɔ̍ kli̍hgbɛ̍ dɛ̍.

2 Pitɛ 1:12

Mɔ̀ juo ìh la, iě i̍h nɛ dě tìh-a taǐn mɔ̀ gbɛ̍n-a i̍-ɛ di̍i̍ gba̍i̍ngba̍i̍n. Jɛ kǎ ǎn mu̍ i̍h dǒ mɔ̀ wlì i̍ sǐ-i ke ma̍u̍ sǔh.

Judi 1:5

Ìh kli̍hgbɛ̍ la mɔ̀ juo i̍h, jɛ ǎn pɔ̀n iě mɔ̀ tìh wlì i̍ sǐ-i ka Joi nu̍-a Eslɔɛ nyɔ̍ sèìe-ɛ tɛin dě Iche bloa̍ kɛ̍n-ɛ. Jɛ ti̍ gbɔ̍ sì-aɛ, iě ɔ̍ gbɔ̀lɔ u̍h-a nyɔ̍ ùh se̍-a ɔ̍ tìh chɛ̀ po̍-ɛ.