Taitɔ 2:8 - Ku̍o̍ Delee 1999

⁸ Nmɔ wlu̍ wɔ̍ɔ̍n i̍, nɛ̀ nyɔ̍ se̍ ɛ̍ pàwe̍i̍ po̍-ɛ bɛ̌ɛ. Wɛ̀ ɛ̍ iě àn nyɛ̌-nyɔ̍ tɛ̀n nui, nɛ̀ dɛ̍ sɔ̀n u̍h iě-a sà dǒ àɔ̀ pùn-ɛ, ɛ̍ se̍ nɛ mu̍.

Taitɔ 2:8 Iomraidhean Croise

Pɔ̀n Chɛ̀ Maɛ To-a La 12:17

Wɛ̀ Jusu la̍a̍, “Dɛ̍ ɛ̀ kɔn-a dǒ Bloa̍ Joi we̍-ɛ, nɛ̀ mɔ̀ nyǐ ɛ̍ Bloa̍ Joi. Nɛ̀ dɛ̍ ɛ̀ kɔn-a dǒ Nyɔsoa we̍-ɛ, mɔ̀ nyǐ ɛ̍ Nyɔsoa.” Sɔ ɔ̍ wlǔh i̍ u̍h de̍e̍.

Pɔ̀n Chɛ̀ Maɛ To-a La 12:28

Wɛ̀ telě nǎ poe nyɔ̍ due ji̍, iě ɔ̍ wɔ̌n u̍h-a wlu̍. Sɔ ɔ̍ juo-o dɛ̍ i̍ ka Jusu sà-a Sadiusii nyɔ̍-a wlu̍ pɔ̀n we̍ nmɔ jii̍-ɛ. Iě ɔ̍ tèle ɔ̍ i̍, ɔ̍ la̍a̍, “Telě jɛwe̍ bo ɛ̀ ku̍ wɔ̍n dě telě kli̍hgbɛ̍ nynɛ̌ we̍ ɛ?”

Pɔ̀n Chɛ̀ Maɛ To-a La 12:32

Telě nǎ poe nyɔ̍ laa̍, ɔ̍ la̍a̍ dě Jusu we̍, “Dlǔtu, ɛ̀ ìn bla̍-aɛ, ɛ̍ slɛ̌ i̍. Ka nàa̍ Nyɔsoa nɛ due ɔ̀ nu̍-a Joi, Joi dɔɔ se̍-a dǒ de̍ nɛ-ɛ, nɛ̀ tìh-a taǐn bo ìn sà-a.

Pɔ̀n Chɛ̀ Maɛ To-a La 12:34

Ti̍ Jusu juo-ao dɛ̍ i̍ ka jǔ nu̍-a ɔ̍ wlu̍ pɔ̀n we̍ sà-a dǒ flɔ̍nwlùh we̍-ɛ, iě ɔ̍ la̍a̍ dě ɔ̍ we̍, “Ìn se̍ Nyɔsoa-a kmɔ̌ wlu̍ i̍ kɔn-ɛ we̍ i̍ ti̍ɛ̍ɛn dɛ.” Sɔ dǒ ti̍ laa̍ di̍i̍-ɛ, nyɔ̍ se̍ Jusu dɛ̍ i̍ tèle-ɛ bɛ̌ɛ dɛ.

Pɔ̀n Chɛ̀ Luu To-a La 13:17

Ɔ̍ bla̍-a dɛ̍ la-ɛ, sɔ ɛ̍ po̍ ɔ̍ nyɛ̌-nyɔ̍ kli̍hgbɛ̍ tɛ̀n-ɛ. Wɛ̀ nyɔ̍ kli̍hgbɛ̍ nu̍ mɔna̍ dɛ̍blɔ dǒ nyɔ̍ wɔ̍n flɔn-ɛ dɛ̍ᵻ kli̍hgbɛ̍ ɔ̍ nu̍-aɛ we̍.

2 Tɛsoloniɔn 3:14

Pò nyɔ̍-o-nyɔ̍ se̍ dɛ̍ à bla̍-a nɔ̌ chlǐh-dɛ̍ la di̍i̍-ɛ nu̍-ɛ, nɛ̀ mɔ̀ tù ɔ̍ jlǐhɛ̍, mɔ̀ iě ɔ̍ sɔ̍nᵻ i̍ sà wɛ̀ tɛ̀n iě ɔ̍ nu̍.

1 Timote 5:14

Nɛ̀ mɔ̍ɔ, ɛ̍ tù ǎn tìh-ɛ, pò tèwànynɔ̌ nu̍ nynɔ̌gbau gbèlà-ɛ, nɛ̀ ɔ̍ tǐn jla̍ dode̍ ɔ̍ iě nynuu̍ wlǔh-i, ɔ̍ iě dǒ ɔ̍ gbò we̍ i̍ gbɛ̀n. Nɛ̀ à nyɛ̌-nyɔ̍ se̍ flɔn la̍ jě mu̍ u̍h iě à wlu̍ sɔ̀n pùn po̍.

1 Timote 6:3

Nyɔ̍ jɔ ɔ̀ kɔn nǎ po̍-ɛa mu̍-a dǒ dɔɔ̌ nɛ, wɛ̀ ɛ̍ ke à Joi Jusu Klai-a wlu̍ chɛ̀ ke, à nàɛ̀ Nyɔsoa dɛ-a nǎ po̍-ɛ se̍-a wìè due gba̍ mu̍-ɛ,

Taitɔ 3:14

Nɛ̀ ìn nu̍ ɛ̍ à nyɔ̍ laa̍ u̍h iě dɛ̍ chɛ̀ nu̍-ɛ we̍ fòè-ɛ cheǎn, wɛ̀ u̍h iě dɛ̍ᵻ kli̍hgbɛ̍ u̍h nɛ-a blě ka̍-a blě. Jɛ u̍h bɔ̌ dě pɔ̀ɔ̍pìe̍ kmɔ̌ di̍i̍ nɛ-ɛ.

1 Pitɛ 2:12

Mɔ̀ tù mɔ̀-a chɛ̀-a nu̍-dɛ̍ᵻ jlǐhɛ̍ dě nyɔ̍ ùh se̍-a Nyɔsoa juo-ɛ nynɛ̌. Wɛ̀ pò u̍h la̍ mɔ̀ɔ̍ dɛ̍ᵻ sɔ̀nᵻ nu̍ nyɔ̍-ɛ, iě u̍h iě mɔ̀-a nu̍-dɛ̍ᵻ chɛ̀ jě, wɛ̀ u̍h iě Nyɔsoa tìhwe̍ po̍ dǒ ɔ̍ ji̍ la̍.

1 Pitɛ 2:15

Nyɔsoa-a pɔ̀n mɔ̀ iě dɛ̍ᵻ chɛ̀ nu̍ wɛ̀ sa̍a̍sa̍ nu̍ nyɔ̍ ùh-a sà-a dɛ̍ᵻ dounᵻ i̍-ɛ, u̍h-u je̍e mɔ̀ dɛ̍ sɔ̀n pùn bla̍.

1 Pitɛ 3:16

Jɛ mɔ̀ bɔ̌ ɛ̍ nu̍-ɛ dǒ blɔ̌-ɛ we̍, mɔ̀ nu̍ ɛ̍ dǒ gba̍n gbɛ̍n-ɛ we̍. Mɔ̀ nu̍ ɛ̍ wɛ̀ dɛ̍-ɛ je̍e mɔ̀-a wlùh-u kǎ. Nɛ̀ pò u̍h chlèe mɔ̀, wɛ̀ u̍h iě mɔ̀ wlu̍-u po̍ dɛ̍ chɛ̀ nu̍ tìh ka mɔ̀ gbǎ-a dǒ Klai de̍e̍-ɛ, wɛ̀ tɛ̀n iě u̍h nu̍.