Taitɔ 2:5 - Ku̍o̍ Delee 1999

⁵ U̍h gbɛ̍n u̍h-a chɛ̀ i̍, u̍h iě wlaǎwla nɛ, u̍h iě dě gbò i̍ gbɛ̍n, u̍h iě gblɛ̍n-ɛ nmɔ, wɛ̀ u̍h iě u̍h-a chɛ̀ wlù ja dǒ u̍h-a kɔanᵻ we̍. Nɛ̀ nyɔ̍ɔ se̍ Nyɔsoa-a wlu̍ pàwe̍i̍ po̍ mu̍.

Taitɔ 2:5 Iomraidhean Croise

Nu̍-dɛ̍ᵻ 9:36

Nɛ̀ nynɔ̌ due nɛ dǒ Jɔɔpa wlɔ̀ di̍i̍ ɔ̍ nynɛ̌ bo Tabita (ɛ̍ Klii wlu̍ nu̍ Dɔɔka. Ɛ̍ gbɔ̀ nu̍ kwɛ̍). Ɔ̍ blě wlùh gbaɛ-ɛ. Ɔ̍ nu̍ dɛ̍ᵻ chɛ̀ ti̍ kli̍hgbɛ̍ we̍ iě ɔ̍ gbǎ nyɔ̍gbà nyɔ̍ we̍.

Nu̍-dɛ̍ᵻ 9:39

Wɛ̀ Pitɛ wa̍n bloɔ̍, ɔ̍ gbǎ dǒ u̍h de̍e̍ ɔ̍ ke u̍h mu̍. U̍h nyni̍-a wlɔ̀-ɛ, iě u̍h-a gba̍ Pitɛ dě ja̍i̍ gbòju di̍i̍ tà nynɔ̌-a kǔ pɛ̌n-a i̍-ɛ. Wɛ̀ tèwànynɔ̌gbaɔᵻ kli̍hgbɛ̍ nɛ-a dǒ wlɔ̀-a chɛ̀ di̍i̍-ɛ, iě u̍h dlɛ̌ Pitɛ u̍h-a fìn. Ti̍ Dɔɔka tè-a kmɔ̌ i̍-ɛ, plɛ̀i̍ᵻ ke wola̍ᵻ ɔ̍ tba̍-a dǒ u̍h we̍-ɛ, nɛ̀ kǎ u̍h-a to i̍h Pitɛ i̍.

Wloma 14:16

Mɔ̀ bɔ̌ wɛ̀ nyɔ̍ɔ je̍e mɔ̀-a dɛ̍ chɛ̀ dɛ̍ sɔ̀n dǎɛ.

Wloma 2:24

Ɛ̍ kɔn Nyɔsoa-a wlu̍ la̍a̍, “Mɔ̀ɔ̍ Juu nyɔ̍ mɔ̀-a tìh bo Nyɔsoa-a nynɛ̌-a nyni wɔ̍n dě ùh se̍-a Juu nyɔ̍-ɛ nynɛ̌.”

1 Kɔwlɛntiɔn 11:3

Jɛ ǎn pɔ̀n mɔ̀ iě ɛ̍ i̍ juo ka Klai nu̍-a jɔ̍gbauᵻ kli̍hgbɛ̍-a dlǔtu-ɛ. Jɔ̍gbauᵻ nu̍ u̍h-a nynɔ̌gbaɔᵻá dlǔtu, iě Nyɔsoa nu̍ Klai-a dlǔtu.

1 Kɔwlɛntiɔn 14:34

Nynɔ̌gbaɔᵻ kɔn u̍h iě tìi̍n nɛ dě chɔchi̍h nyɔ̍ nynɛ̌. U̍h se̍ wlu̍ kɛ̍n sà-ɛ u̍h iě wlu. U̍h kɔn u̍h iě dǒ nyɔ̍ sɔ̀n nɛ, kǎ Mose-a telě dǎ.

Ɛfɛsɔ 5:33

Jɛ ɛ̍ bǎ mɔ̀ i̍ ke. Kɔan jɔ-ɛ, ka ɔ̍ nu̍-a ɔ̍ chɛ̀-ɛ jbɛɛ-ɛ, kǎ ɔ̍ iě ɔ̍ nynɔ̌-ɔ jbɛɛ nu̍ ke. Nɛ̀ nynɔ̌ kɔn ɔ̍ iě ɔ̍ kɔan dɛ̍ɛ̍ jě ke.

Kalase 3:18

Nynɔ̌gbaɔᵻ, mɔ̀ ja mɔ̀-a chɛ̀ wlù dǒ mɔ̀-a kɔanᵻ we̍. Dɛ̍nu̍ɛ, ɛ̍ bo ɛ̀ nmɔ dě Joi jlǐh i̍.

1 Timote 5:10

Nɛ̀ ɔ̍ kɔn ɔ̍ iě dɛ̍ᵻ chɛ̀ i̍ nu̍, ɛ̍ bo ɛ̀ nu̍-a nynuu̍ we̍ i̍ gbɛ̀n-ɛ ke dihwi̍h tìh jlǐhɛ̍ tù-ɛ. Ɔ̍ ja ɔ̍ chɛ̀ wlù dǒ Nyɔsoa nyɔ̍ we̍, nɛ̀ nyɔ̍ sè-ɛ, nɛ̀ ɔ̍ sìì ɔ̍. Nɛ̀ dɛ̍ chɛ̀ nu̍-ɛ bo ɔ̍ iě we̍ fòè.

1 Timote 6:1

Mɔ̀ɔ̍ kli̍hgbɛ̍ nu̍-a kèi̍ᵻɛ́, ɛ̍ blaɛ i̍ mɔ̀ iě mɔ̀-a dlǔtuᵻ dɛ̍ɛ̍ jě tà kli̍hgbɛ̍. Wɛ̀ nyɔ̍-ɔ je̍e Nyɔsoa ke à nyɔ̍ nǎ po̍-ɛ wlu̍ sɔ̀nᵻ pùn i̍ po̍.

Taitɔ 2:4

Pò ɛ̍ nɛ laan-ɛ, nɛ̀ u̍h-a mu̍ nynɔ̌gbauᵻ gbèè dɛ̍ toe, u̍h iě u̍h-a kɔanᵻ ke u̍h-a nynuu̍-u jbɛɛ.