Taitɔ 2:2 - Ku̍o̍ Delee 1999

² Sèàɛ̍ nyɔ̍ klaaᵻ wlùh u̍h iě u̍h-a chɛ̀ i̍ gbɛ̍n, u̍h nu̍ tìh-a i̍ gbɛ̍n nyɔ̍, u̍h iě dlǔ kɔn. U̍h kɔn u̍h iě nyɔ̍ chɛ̀ nu̍ dě u̍h-a wlùh gbaɛ-ɛ ke, jbɛɛ-ɛ ke klì i̍ ku̍-ɛ di̍i̍.

Taitɔ 2:2 Iomraidhean Croise

Pɔ̀n Chɛ̀ Maɛ To-a La 5:15

Ti̍ u̍h nyni̍-a dǒ Jusu we̍-ɛ, wɛ̀ u̍h jě jɔ̍gbau ɔ̀ jeědih dɔu nɛ-a dǒ de̍e̍ de-ɛ, nɛ̀ ɔ̍ ji̍ ɔ̍ chɛ̀ we̍, iě ɔ̍ pa̍ dɛ̍ɛ̍ nmɔ jii̍ ɔ̍ tè i̍. Sɔ ɛ̍ po̍ u̍h faɔn.

Pɔ̀n Chɛ̀ Luu To-a La 8:35

Wɛ̀ nyɔ̍gbei mu̍ dɛ̍ ɛ̀ nɛ-aɛ jě la̍-a. Iě u̍h nyni̍ dǒ Jusu we̍. Wɛ̀ u̍h jě jɔ̍gbau ɔ̀ jeědih sɔ-a dǒ de̍e̍-ɛ, nɛ̀ ɔ̍ ji̍ ɔ̍ chɛ̀ we̍ wɛ̀ ɔ̍ tè i̍ dǒ Jusu jǔ. Ɔ̍ pa̍ dɛ̍-ɛ nmɔ jii̍. Sɔ ɛ̍ po̍ u̍h kli̍hgbɛ̍ faɔn.

Nu̍-dɛ̍ᵻ 24:25

Jɛ i̍-i slɛ̌-ɛ ke, nyɔ̍-a chɛ̀ i̍ gbɛ̍n-ɛ ke, sàwi̍h sì-ɛ ɛ̀ mu̍-a ji̍-ɛ, Pɔɔ-a sà-a la̍ i̍h-a tìh i̍-ɛ, sɔ File gbǎ faɔn. Iě ɔ̍ la̍a̍, “Mu̍ ke̍ sèàn, pò ǐn jě ti̍ dɛ-ɛ, nɛ̀ ǎn mu̍ ìn dǎ.”

Wloma 12:3

Blɛ Nyɔsoa nɛ-a dǒ ǐn we̍-ɛ, dǒ ǐn tba̍ bu̍h i̍ iě ǎn sèàɛ̍ ka mɔ̀ kli̍hgbɛ̍ wlùh. Mɔ̀ bɔ̌ mɔ̀-a chɛ̀ dɛ̍kɛ̍n gbǎ nyɔ̍ slè-eɛ wɛ̀ mɔ̀ bɔ̌-o i̍ sì-ɛ. Jɛ mɔ̀ kɔn gblɛ̍n mɔ̀ iě mɔ̀-a chɛ̀ tɔ̀ɔ̀n tù dǒ wlùh gbaɛ Nyɔsoa nyǐ-a mɔ̀-ɛ we̍.

1 Kɔwlɛntiɔn 15:34

Mɔ̀ ja mɔ̀-a wlùh de̍, mɔ̀ iě gblɛ̍n sɔ̀ɛ̀n nu̍ tìh bɔ̌. Dɛ̍nu̍ɛ, mɔ̀-a nyɔ̍ duuh se̍ Nyɔsoa juo. Ǐn bla̍ ɛ̀ la wɛ̀ ɛ̍ iě mɔ̀ tɛ̀n tùi.

1 Kɔwlɛntiɔn 9:25

Nyɔ̍ kli̍hgbɛ̍ ùh-a mu̍-a dlǔᵻ wɔ̍i̍n bla̍-ɛ, slɛ̌-a taǐn kli̍hgbɛ̍ bo u̍h-a nu̍. Blawɛ̌ jɛ mu̍-a jii̍ nyni-ɛ, ɛ̍ kɔn tìh bo u̍h-a nu̍ ìh la. Jɛ àɔ̀ nɔ̀ɔ̍-ɛ, à nu̍ ɛ̍-ɛ wɛ̀ à iě ɛ̀ se̍-a jii̍ nyni la kɔn-ɛ jě.

2 Kɔwlɛntiɔn 5:13

Jɛ pò se̍na̍ nu̍ àɔ̀ de-ɛ, nɛ̀ Nyɔsoa tìh bo. Pò à dlǔ slɛ̌ i̍-ɛ, nɛ̀ mɔ̀-a tìh bo.

Kelesea 5:23

Nɛ̀ diih nu̍ gba̍n gbɛ̍n-ɛ ke chɛ̀ i̍ gbɛ̍n-ɛ. Telě ɛ̀ iě-a ìh la-a nyɛ̌-ɛ, ɛ̍ se̍ nɛ.

Felepai 4:8

Ǐn de̍di̍i̍ᵻ, iě chlà-ɛ, nɛ̀ dɛ̍-o-dɛ̍ ɛ̀ nu̍-a tìh-a taǐn-ɛ ke, ɛ̀ nyɔ̍-a jě-a dɛ̍ɛ̍-ɛ ke, ɛ̀ slɛ̌-a i̍-ɛ ke, ɛ̀ nɛ-a wlaǎwla-a ke, ɛ̀ nyɔ̍ jbɛɛ-a ke, ɛ̀ nyɔ̍-a tè-a ja̍-ɛ ke, ɛ̀ gbǎ-a dɛ̍kɛ̍n-ɛ ke dɛ̍ ɛ̀ nɛ-a tìhwe̍ po̍ ka-ɛ, mɔ̀ blě i̍h kli̍hgbɛ̍-a wlùh.

1 Tɛsoloniɔn 5:6

Nɛ̀ɛ̍, mɔ̀ à bɔ̌ nyɔ̍ duuh we̍ dɛ̍ mɔ̌-ɛ. Jɛ mɔ̀ à sà nyinɔ̍ jlǐh i̍, à iě jlǐh i̍ klihklǐh nɛ.

1 Tɛsoloniɔn 5:8

Jɛ ka à kɔn-a dǒ sɔ̀npli we̍-ɛ, nɛ̀ à kɔn à iě jlǐh i̍ klihklǐh nɛ, wɛ̀ wlùh gbaɛ ke jbɛɛ iě à we̍ gbǎ dɛ̍ᵻ nu̍ dǒ fɔ̀n la̍. Nɛ̀ wlì tè dɛ̍ ɛ̀ pǔh-ia nyɔ̍-ɛ, ɛ̍-ɛ bo ɛ̀ iě à nɛ̍ne̍ɛ̍-ɛ gblà nu̍.

1 Timote 1:10

Ɛ̍ poe-ɛ dǒ gbǎn nu̍ nyɔ̍ ke tba̍ɛ kɛ̍n i̍ nu̍ nyɔ̍ we̍. Ɛ̍ poe-ɛ dǒ bɔ̍lɔ nyɔ̍ di̍ wli̍ ke si̍h tmɔ̌ nyɔ̍ we̍. Ɛ̍ poe-ɛ dǒ po̍ wlu̍ tɔ̀ma̍a̍ nɛ̀ nɛ̀ nu̍ ɛ̍ nyɔ̍ we̍, ɛ̍ ke nǎ po̍-ɛ kli̍hgbɛ̍ ìh se̍-a Nyɔsoa-a wìè gba̍-a ke.

1 Timote 1:14

Wɛ̀ à Joi-a blɛ-a wlǎ-ɛ sɔ̀n i̍ dǒ ǐn we̍. Wɛ̀ ɔ̍ nyǐ ǐn wlùh gbaɛ ke nyɔ̍ tìh kma-a nɛ-a dě Jusu Klai ja̍a̍-ɛ.

1 Timote 1:2

Wlu̍ la ɛ̍ mu̍ Timote we̍, ǎn gblangbai̍ jǔ bo dě wlùh gbaɛ di̍i̍. Ǎn sà nǐ wɔ̍n Baa Nyɔsoa ke à Joi Jusu Klai-a blɛ ke, wɔɛ ke wlùh-a i̍ tè-ɛ iě dǒ ìn we̍ nɛ.

1 Timote 1:5

Jbɛɛ ɛ̀ sɔ-a dě pɔluh wlaǎwla we̍-ɛ ke wlùh ɛ̀ se̍-a kɛ̍ i̍ nɛ-ɛ ke wlùh gbaɛ ɛ̀ wɛ̀-a nɛi̍-ɛ, ɛ̍ kɔn tìh ǎn po̍ ìn slɛ̌ chèɛ̀ i̍.

1 Timote 3:11

Ɛ̍ we̍ nynɔ̌gbaɔᵻ kɔn u̍h iě tìh-a i̍ gbɛ̍n nyɔ̍ nu̍ ke. U̍h bɔ̌ nyɔ̍-a wlu̍ wɔ̍i̍n nyni-ɛ, u̍h tù u̍h-a chɛ̀ jlǐhɛ̍, nyɔ̍ iě u̍h wlì tè dǒ dɛ̍ᵻ kli̍hgbɛ̍ we̍.

1 Timote 3:2

Nɛ̀ fààmlà bɔ̌ mlɔ̌ dɛ̍ᵻ nu̍-ɛ. Ɔ̍ kɔn ɔ̍ iě nynɔ̌ due gbài̍ blě. Nɛ̀ ɔ̍ tù ɔ̍ chɛ̀ jlǐhɛ̍, ɔ̍ iě dlǔ kɔn. Ɔ̍ jě ɔ̍ chɛ̀ dɛ̍ɛ̍, ɔ̍ iě nyɔ̍ wlì gbà. Ɔ̍ kɔn ɔ̍ iě nyɔ̍ nǎ po̍-ɛ bɛ̌ɛ.

1 Timote 3:4

Ɔ̍ kɔn ɔ̍ iě dǒ ɔ̍ chɛ̀-a gbò we̍ i̍ gbɛ̀n tlɛnkɛɛ̍n. Nɛ̀ ɔ̍ nu̍ ɛ̍ ɔ̍ nynuu̍ iě dlǔ wlù po̍ dě ɔ̍ dɛ̍ɛ̍ jě-ɛ di̍i̍ dǒ dɛ̍ᵻ kli̍hgbɛ̍ we̍.

1 Timote 3:8

Chɔchi̍h-a jǔ dbee nyɔ̍ kɔn u̍h iě tìh-a i̍ gbɛ̍n nyɔ̍ nu̍, u̍h bɔ̌ mɛɔ sɔɔ̌n wɔ̍ɔ̍n nɛ-ɛ. U̍h bɔ̌ nmɔ̍ dɔu nǎ nyɔ̍ nu̍-ɛ, u̍h bɔ̌ wlǐ klǎn kɔn-ɛ.

1 Timote 5:1

Bɔ̌ nyɔ̍ klaa dlǔ wǐi-ɛ, jɛ tù ɔ̍ slɛ̌n ka àn mu̍-a ìn baa slɛ̌n tù-ɛ nu̍-ɛ. Juo nynuu̍gbèè-a gbɛ̍n ka̍ ka ìn de̍di̍i̍ᵻ jɔ̍gbauᵻɛ́.

Taitɔ 1:13

Ɔ̍ wlu̍ la tìh-a taǐn bo. Ɛ̍ tìh-ɛ, gbɛ̍n-ɛ u̍h wɔ̍i̍n, wɛ̀ u̍h iě wlùh gbaɛ-ɛ chɛ̀ blě.

Taitɔ 1:8

Ɔ̍ kɔn ɔ̍ iě nyɔ̍ wlì gbà, ɔ̍ iě dɛ̍ chɛ̀-ɛ jbɛɛ, ɔ̍ iě ɔ̍ chɛ̀ i̍ gbɛ̍n, ɔ̍ iě i̍ slɛ̌, ɔ̍ gblɛ̍n iě gbǎ, ɔ̍ iě dě Nyɔsoa jlǐh i̍ nmɔ.

Taitɔ 2:7

Dǒ dɛ̍ᵻ kli̍hgbɛ̍ we̍-ɛ, mɔ̀ bo u̍h iě dɛ̍ i̍ blaɛ dǒ dɛ̍ chɛ̀ nu̍-ɛ we̍. Wɛ̀ nɛi̍ ìè tìh-a i̍ gbɛ̍n-ɛ nyɔ̍ nu̍ dǒ àn nyɔ̍ nǎ po̍ la̍.

Faɛlimɔ 1:9

Jɛ we̍ jbɛɛ tìh-ɛ, ǐn gbɛ̍n àn bu̍hᵻ i̍. Mɔ̍ Pɔɔ la ǐn nu̍ nyɔ̍ klaa wɛ̀, iě ǐn nu̍ ka gbɛ̍n-nyɔ̍ Jusu Klai-a tìh.

1 Pitɛ 1:13

Ɛ̍ tìh-ɛ, mɔ̀ po̍ mɔ̀-a wlùh gba̍a̍ dǒ dɛ̍ᵻ mɔ̀-a mu̍-a nu̍-ɛ we̍. Mɔ̀ nu̍ mɔ̀-a chɛ̀-a nɛnɛ̌ wɛ̀ blɛ mɔ̀-a mu̍-a jě dǒ Jusu Klai-a nyɔ̍ kli̍hgbɛ̍ kɛ̍n wlǔh-i la̍-ɛ, mɔ̀ iě ɛ̍ wlì tè kleǐnklein.

1 Pitɛ 4:7

Dɛ̍ᵻ kli̍hgbɛ̍ i̍h-a dlǔ i̍ chlà-a kɔǎn we̍ wɛ̀. Ɛ̍ tìh-ɛ, mɔ̀ po̍ mɔ̀-a chɛ̀ gba̍a̍, mɔ̀ iě mɔ̀-a chɛ̀ jlǐhɛ̍ tù, wɛ̀ mɔ̀ iě ba̍le-ɛ bɛ̌ɛ.

1 Pitɛ 5:8

Mɔ̀ tù mɔ̀-a chɛ̀ jlǐhɛ̍, mɔ̀ iě mɔ̀-a chɛ̀-a nɛnɛ̌ nu̍. Mɔ̀-a nyɛ̌-nyɔ̍ Kǔ-a ple̍ i̍ ka mɔ̌-a nu̍-u gbòlò-a pɔ̀n nyɔ̍ i̍ ɛ̍ iě-e gbɔ̀lɔ-ɛ.

2 Pitɛ 1:6

wɛ̀ dǒ tɔɔ de̍e̍ laa̍ mɔ̀ iě-o chɛ̀ i̍ gbɛ̍n-ɛ po̍. Dǒ chɛ̀ i̍ gbɛ̍n-ɛ de̍e̍ laa̍ mɔ̀ iě-o klì i̍ ku̍-ɛ po̍. Dǒ klì i̍ ku̍-ɛ de̍e̍ laa̍ mɔ̀ iě-o Nyɔsoa dɛ-ɛ nɛ-ɛ po̍.