Taitɔ 2:15 - Ku̍o̍ Delee 1999

¹⁵ Ìh laa̍ bo ìè nyɔ̍ nǎ poe, gbɛ̍n-ɛ u̍h wɔ̍i̍n, ìè u̍h-a wlùh fùka dǒ tùn ɛ̀ nyǐ i̍-a m̀-ɛ we̍. Bɔ̌ wɔ̌n-ɛ nyɔ̍ bɔ̌ ìn jlǐhɛ̍ dlǔ bla̍-a.

Taitɔ 2:15 Iomraidhean Croise

Matio 7:29

Dɛ̍nu̍ɛ, ɔ̍ se̍ u̍h-a telě nǎ poe nyɔ̍ wɔ̀. Jɛ ɔ̍ nǎ poe-ɛ blě tùn.

Pɔ̀n Chɛ̀ Maɛ To-a La 1:22

Sɔ ɔ̍ nǎ po̍-ɛ wlǔh i̍ nyɔ̍ nɛ-a doǒ-ɛ de̍e̍. Dɛ̍nu̍ɛ, ɔ̍ se̍ u̍h-a telě nǎ poe nyɔ̍ wɔ̀. Jɛ ɔ̍ nǎ poe-ɛ blě tùn.

Pɔ̀n Chɛ̀ Maɛ To-a La 1:27

Sɔ ɛ̍ wlǔh i̍ nyɔ̍ kli̍hgbɛ̍ de̍e̍, iě u̍h-a tèle-e we̍ i̍. U̍h la̍a̍, “Ne̍o, ɔ̍ naɛ nyɔ̍ nǎ po̍-ɛ nɛ dǒ dɔɔ̌, iě ɛ̍ nɛ gbǐh de̍e̍. Pò ɔ̍ wlu dě jeědih we̍-a chɛ̀-ɛ, nɛ̀ i̍h-a nu̍ ɔ̍ wlu̍ ke wa.”

Pɔ̀n Chɛ̀ Luu To-a La 4:36

Ɛ̍ wlǔh i̍ nyɔ̍ kli̍hgbɛ̍ de̍e̍, iě u̍h-a tèle-e we̍ i̍. U̍h la̍a̍, “Nǎ po̍-ɛ jɛwe̍ la ɛ? Tùn ke gbǐh bo ɔ̍ wlu-i dě jeědih we̍ wɛ̀ i̍h-a sɔ dǒ nyɔ̍gbei de̍e̍ wa.”

1 Kɔwlɛntiɔn 16:11

Ɛ̍ tìh-ɛ, nyɔ̍ bɔ̌ ɔ̍ jlǐhɛ̍ dlǔ bla̍-a. Pò ɔ̍ ja mu̍-ɛ, nɛ̀ mɔ̀ po̍ ɔ̍ sɔ̍n we̍ ɔ̍ wlùh iě i̍ tè, wɛ̀ ɔ̍ iě nɔ̌ ǐn we̍ de̍ ji̍. Dɛ̍nu̍ɛ, ǎn gbɛ̀n dě ɔ̍ we̍ wìè-i ɔ̍ ke de̍di̍i̍ᵻ iě ji̍.

1 Timote 5:20

Nyɔ̍ ùh nu̍-a gblɛ̍n sɔ̀ɛ̀n-ɛ, nɛ̀ ìn wǐi u̍h dlǔ i̍ dǒ nyɔ̍ nynɛ̌. Wɛ̀ juh sie-a dǒ de̍-ɛ, u̍h iě faɔn gbǎ.

2 Timote 4:2

Wɛ̀ ìè Nyɔsoa-a tu̍owli po̍, ɛ̍ jɛ nɛ nɔɔ i̍, iě ɛ̍ jɛ se̍ nɔɔ i̍ nɛ-ɛ, nɛ̌ ɛ̍ kɛ̍ɛ̍n ìè ɛ̍ bla̍. Nɛ̀ ìn wǐi u̍h dlǔ i̍, ìè u̍h wìè-e po̍. Nɛ̀ ìn fùka u̍h-a wlùh, ìè u̍h nǎ po̍ dǒ wlùh i̍ gbɛ̍n-ɛ we̍.

Taitɔ 1:13

Ɔ̍ wlu̍ la tìh-a taǐn bo. Ɛ̍ tìh-ɛ, gbɛ̍n-ɛ u̍h wɔ̍i̍n, wɛ̀ u̍h iě wlùh gbaɛ-ɛ chɛ̀ blě.

1 Pitɛ 4:11

Nyɔ̍-o-nyɔ̍ ɔ̀ mu̍-a tìh bla̍-ɛ, Nyɔsoa-a wlu̍ bo ɔ̍ iě bla̍. Nyɔ̍-o-nyɔ̍ ɔ̀ mu̍-a nyɔ̍ jǔ dbee ke-ɛ, ɔ̍ dbee u̍h jǔ dǒ gbǐh Nyɔsoa nyǐ-a ɔ̍ ɛ̍ we̍. Wɛ̀ Nyɔsoa iě tìhwe̍ po̍-eɛ dǒ Jusu Klai-a nynɛ̌ kɛ̍n dǒ dɛ̍ᵻ kli̍hgbɛ̍ we̍. Tìh-a i̍ bɛ̌-ɛ ke gbǐh kɔn dǒ ɔ̍ we̍ nɔ̌ kmɔ̌-a kmɔ̌. Kǎ ɛ̍-ɛ nɛ.